十下火鍋

一年四季都有打邊爐癮 今次試左呢間港式懷舊邊爐首先我地叫左個椰子燉雞湯 侍應好好服務 會幫我地落雞煲12分鐘 岩岩好熟又嫩滑之後會分埋湯比我地 話打邊爐之前要就咁飲下湯先真係超清甜又好味 飲完一碗靚湯 再加番少少雞湯就開始打邊爐啦打邊爐嘅餸我地叫左幾款 大刀手切本地牛肉 好新鮮 而且有濃濃嘅牛味 好正❤️六合彩（六款唔同嘅丸）每款都好有特色而且又好味 值得一提係要小心d食醬爆牛丸 真係一咬落去就爆曬汁😂鮮打咸蛋黃蝦滑 呢個都係好好味 咸蛋加蝦滑都係第一次試 但比預期更正😋😋😋食左咁多肉要叫番少少唐生菜同埋叫左一壺竹蔗茅根平衡下😂另外呢到嘅醬料都唔錯 有9款唔同嘅野比你mix n match 自己最鐘意嘅style而且侍應仲會幫手撇油 裝修亦十分懷舊 食野打卡一剔過👍🏻

OPENRICE見到呢間火鍋店啲相勁靚, 即刻約左朋友黎食。因為怕肥既關係，相約左午餐打邊爐，呢個方法真係好好，有成日時間黎消化，罪疚感都低啲架，大家不妨考慮下，而且餐廳又會少人啲，唔使等位，服務都好啲!!上到去環境裝修係好特別，好靚好懷舊，枱枱櫈櫈都係以前80年代感覺，但又好乾淨整齊企理，比人一種好舒服既感覺!!重點係坐得闊落，兩個人坐一張細圓枱，舒舒服服打邊爐!!冇油煙味!!因為都覺得有點貴，一心係諗住叫個每人$288套餐，但上去睇完餐牌又覺得其實每人$368個餐係吸引好多，於是把心一橫就豪一豪佢!!!我地最後揀左龍蝦鮑魚海鮮鍋，要另外再加$$60!!雖然係咁，但食完之後覺得質素真係OK，真材實料。龍蝦鮑魚海鮮鍋個湯底係蕃茄湯，入面有勁多海鮮，有帶子，象拔蚌，扇貝，鮑魚，翡翠螺，魷魚，勁多鮮蜆，同埋一隻龍蝦。首先套餐啲食物同埋個海鮮鍋黎左之後，侍應就比左好多時間我地影相同埋SELFIE啦，佢個度啲燈光好好，我唔識影相最後都影到好靚，同埋佢地既服務超好，煮滾後又主動幫我地分海鮮，仲要中間有幾個加湯位，佢地都會主動幫人客「片油」!!!我打邊爐都未試過有侍應會幫手「片油」!!好正!!所有

個人覺得十下可以代表香港人的邊爐，非常有質量，你不會失望。有外國朋友來香港就更加要帶佢地黎，這裡的香港氣氛濃厚，地方又乾淨，可以感受真正的香港文化。播放着好多熟悉的廣東歌和國語歌，很好聽，是我的年代，聽着就有很多回憶回來。Set$288/位 已包兩罐飲品或以優惠+$10轉冬瓜茶。冬瓜茶不會很甜，好喝，仲可以斟好多杯。套餐已包含2位醬料。套餐選了鴛鴦鍋，養生豆乳白鍋和番茄鮮魚鍋，兩者都很有特色！乳白色的湯底已包含蜂巢凍豆腐和鴨血，仲有好多藥材煲，好似好養生咁，見到有豆腐渣，味道很獨特，都幾真材實料！紅色的有新鮮大魚尾，師傅魚先煎封再放湯會更香，再加了番茄和薑，還有魚翅瓜墊底，蕃茄味濃，湯水很甘甜。服務不錯，會經常過來幫忙，會起魚、撇油，店員加湯份量恰到好處，不會只是為加而加，加很多。今日好好彩，師傅將本來的大刀手切本地牛肉轉了安格斯牛肉，一卷卷的牛肉放很好，不會黏在一起。食落份量都幾多，肉質非常有水準，不但油脂分佈平均，而且很有嚼勁。牛白胸膀油是牛特別部位，咁都有得食，口感爽口，好得意。十下三寶滑，即魚滑、蝦滑、牛肉滑，用竹子來挖很地道。魚滑裡有臘肉粒，蝦丸有蛋黃混合，超好味，以為自己食

今日母親節🌷我帶了母親返娘家，等佢感受一下童年既回憶。一入到去餐廳真係好似入左外婆家的感覺呀！👵🏠無論餐具，擺設，裝潢，播著既音樂都很懷舊，都是七、八十年代風格！媽咪都話太令人懷念了！👩都有幾多湯底選擇，而且款款都好似好正咁！最後為媽咪挑選了 滋潤又養顏既 ”火瞳花膠翅魚肚雞湯”🐔的二人套餐🍽呢個二人餐份量認真誇張！成枱都係野🙉🙉樣樣都好吸引！講下個湯底先：店員叫我們先品嘗一下個湯先！材料非常足料！！！大大塊花膠魚肚！😍奶白色既濃郁花膠雞湯加上藥材一齊煲，令人忍唔住飲唔停手，飲完一碗又一碗！我媽都話👩：咪飲喇，好打邊爐喇喂！！ 🙊店員亦幫我地將啲雞斬件。賣相很滑的樣子，食落好嫩肉呀！仲吸左花膠湯既味道，很香！火鍋配料質素亦令人很滿意！鮮紅色的新鮮手切牛肉，牛肉味相當重！厚切既牛肉放入口，口感相當豐富。食得出很新鮮的味道！ 三款 既十下三寶滑！牛肉，蝦，魚滑。店員很好的幫我地將蟹籽撈勻，放入鍋！我就畢鐘意食蝦滑！食落係爽口彈牙！連埋蟹籽吃很有口感！爽滑鴨血。出面好少機會食到！味道不會覺得腥，吸收左個湯，一咬湯汁流出。滑溜溜又幾好味！牛白胸膀油.食落似平時食肥牛食到個d脂肪根部位咁！淥一

火鍋店開到成行成市，但大多都千篇一律，這次終於遇到一間頗具特色，甚至是屬於我們香港人的火鍋店，驚喜十足。重點是無論食物質素還是服務均是一流，實屬難得。餐廳打造成七八十年代的屋邨模樣，放有不少懷舊傢俬、電器、物品等作擺設裝飾，連餐具和文具均是懷舊款式，充滿心思。落地玻璃令環境感覺開揚，一張張大圓桌是火鍋店的最佳座位，與朋友或家人齊齊圍著湯爐拾下拾下，氣氛熱鬧又溫馨，店內還播放著經典懷舊粵語歌曲，很有本土情懷。餐廳的服務很好，店員們招呼周到效率又高，很是殷勤，不但食物秒速送上，還不時主動替我們隔起湯油、加湯、換碟等，甚至連手打魚滑都主動替我們逐一整起放落鍋，十分細心。湯底的選擇很多，而且款款均有特色和吸引，選擇困難症的我們好不容易才決定到選吃椰子燉雞湯。湯鍋甫奉上已聞到香噴噴的椰子味，也意想不到原來好大鍋，內裡更有大量雞件、椰子片、椰絲、海底椰、杞子等，非常足料。店員細心地先撈起雞件，並替我們盛湯，著我們先嚐嚐頭啖湯。椰子雞湯果然真材實料，味道十分清甜又濃郁，令人喝個不停，超正。雞件也很入味，而且大件啖啖肉，肉質嫩滑。我們點選的二人精選套餐好豐富，擺滿整張桌子，還包飲品，完全足夠二人吃有多

［堅. 真材實料］當一直被身邊友人推薦這間火鍋店時，於是真的忍不住。黎港島食飯，就決定食這間。一到店門口，已經即刻有舊時代的感覺。見到格仔磚牆上掛著「十下火鍋」、牆上霓虹燈、圓枱同地磚同碗筷等，就已經逼不及待背景音樂響起尼首：「窗外天空每朵白雲 滿寫醉人曲譜夜空星星向月兒說 甜蜜是這戀愛預告」—陳百強 <戀愛預告>有得散叫，亦都有二人套餐優惠，知我有選擇困難的人一定猜到，我會選套餐仔細地看，二人套餐有十款火鍋配料和五款湯底選擇，提醒一下，單選的話光是湯底有十一款甘多！套餐有「白玉菊花鍋」、「火瞳花膠魚肚雞湯」、「椰子燉雞湯」、「卜卜蜆煲」，「龍蝦鮑魚海鮮鍋」（另加$60）聽著懷舊金曲，點好湯底，自選蘸料，准備食十下火鍋吃的不但是食物，還有氣氛，環境也造就了這一頓最美好的回憶。原隻雞加上椰子、海底椰及枸杞、紅棗等熬製而成。材料十足之餘，誠意亦十足。店員很好，介紹先飲湯，後食雞，一定要飲湯！非常清甜湯底鮮甜帶點滋潤感，絕對會—試過翻尋味套餐包括: 大刀手切本地牛肉、牛白胸膀油、十下三寶滑、懷舊果皮魚蛋、流心粟米丸、醬爆瀨尿牛丸、爽滑鴨血、脆炸響鈴、寬冬粉和蔬菜拼盤本地牛質感

懷舊打邊爐😍😋男朋友好鍾意打邊爐，一年四季都唔會厭，所以前幾日就帶左佢去十下十下😚我地叫左二人精選套餐(每位$368)，貪靚既佢揀左火瞳花膠魚肚雞湯，套餐有手切本地牛肉，免費upgrade左安格斯牛肉最推介既係三寶滑，有馬蹄牛筋滑，臘腸鯪魚滑同鹹蛋黃蝦滑，配搭新鮮幾有創意，面頭仲有蟹籽。第一次聽牛白胸膀油，平時既火鍋店都比較少有，涮左幾秒已經變得好細塊，食落爽爽地幾過癮。懷舊果皮魚蛋，流心栗米丸，瀨尿牛丸，鴨血，響鈴，冬粉同蔬菜拼盤。材料新鮮而且份量非常足夠，二人餐份量可以俾三個人食😶當日冇曬牛肉店員免費upgrade安格斯牛肉俾我地😍店員建議先飲花膠雞湯，後再打邊爐，我地都飲左兩大碗😋而且服務超級好🙈店員幫我地落三寶滑，仲時不時黎幫我地撈起d油。火鍋入面隻雞都幫我地切好曬👍雖然呢個價錢對於學生哥既我比較貴，不過呢種食物質素同服務態度物超所值❤

Hotpot is our all time favourite even when it's summer time! Tried out the seafood hotpot set at Suppa. Super fresh ingredients like lobster, scallops, abalone, clams, shells and cuttle fish! Interestingly, there are many little touches that warm our heart! WE love the traditional fish balls mixed with dried Chinese fruit peel! refreshing and get less boring when it comes to balls haha! Our favourite goes to the beef ball stuff with soup and meat! Be careful of the hot juice once you have a bite

二人精選套餐$368-十下火鍋懷舊港式火鍋, 裝修以舊香港為主題, 不論餐桌, 招牌, 播放歌曲等都別有心思, 玩味十足, 帶人走入八十年代的香港! 湯底選了椰子燉雞湯, 鮮味滿分, 記得要放食物前先嚐一兩口湯, 感受一下鮮味! 燉雞湯帶點甜而不膩的味道,配上竹苼,杞子等等熬製, 相當足料養生!二人套餐食物包括手切牛肉, 三寶滑, 果皮魚蛋, 鴨血等, 最喜歡一定是牛白胸膀油, 即牛胸肋骨前的一塊肌肉, 並非所有火鍋餐廳都能吃到, 口感爽口煙韌, 只需灼8秒便可, 好吃😋

我跟朋友有一段時間都沒一起吃火鍋，不過火鍋控的她又怕夜晚吃火鍋太吸收以致肥胖，所以都是挑午餐時段一解嘴饞。十下火鍋這充滿懷舊氣息，播著久遠的經典歌曲，周圍佈置感覺像六，七十年代的家居，我們笑說自己走進劇集「難兄難弟」裡圍爐一番。我們主要想過一過火鍋癮，看見二人套餐非常豐富，288元一位可選鴛鴦湯底之餘，還包括十一款火鍋配料，午餐吃飽足有餘。這裡醬料調味盤各種口味任由自己搭配，鹹，香，酸，辣，鮮盡在於此，個人喜歡醋，豉油，辣椒，蒜蓉，蔥花和芫茜的組合，不知大家的喜好又是如何?湯底可鴛鴦配搭，我們一人選一種湯底，然後無分彼此在湯鍋裡涮呀涮。朋友最愛胡椒豬肚湯，在正式涮火鍋前，我們先喝一碗原湯。豬肚軟中帶彈，胡椒味道濃厚，酸菜酸甜開胃，食慾節節上升。我則推薦清燉山藥菌菇湯，充滿濃濃山藥味及菇菌的清新，清甜好喝，也能補補氣。懷舊果皮魚蛋無論是昔日或是至今，依然歷久不衰，是香港小食代表之一，深受大家喜愛，在掃街的時候必定會吃上一串。本身自己挺愛吃的，果皮魚蛋很快被我一掃而空。十下的丸類頗有驚喜的，流心粟米丸倒是我頭一回吃。金黃的流心粟米丸可口味美，一咬之下甜絲絲的粟米湯汁緩緩流出。三星蔥醬爆貢丸

香港人四季都鐘意打邊爐天氣回暖都無阻我想怒打邊爐嘅興致😝💕不過周街都係邊爐 朋友就介紹呢間😚野食好味影相又靚.呢度裝修係走懷舊風～～～係好有七八十年代feel嘅裝修同餐具Gathering/相機食先都好啱😊💓.睇睇餐牌見到算幾抵食又包好多野食🙈我地就揀左個套餐. 二人套餐($288/位)佢嘅湯底一啲都唔馬虎 我地可以揀鴛鴦煲叫左佢個清燉山藥菌菇湯同烤花生沙爹湯👀勁足料 同啲肉好夾 好入味😀.十下嘅三寶滑係必食 夠特別又彈牙包括三種味(辣椒馬蹄牛筋滑/鹹蛋黃蝦滑/臘腸鯪魚滑)鹹蛋黃蝦滑就最正 好鍾意佢有陣陣鹹香味😚.陳皮魚蛋真心jengs 係帶少少甘香味 好懷舊嘅味道啊😳.本地牛好香牛味 唔會好似坊間嘅得肥字 淡茂茂🐮感覺係上等牛呢～～食哂真心飽肚 個餐都算幾抵 食物有心思之餘 包你捧住個肚走😝🐷

屬於香港人既打邊爐懷舊既港式設計，加上80, 90年代既流行曲，令到係呢度打邊爐變得更有特色。湯底揀雙拼都唔洗加錢，收費係較高湯底既價錢。揀咗養身豆乳白鍋同胡椒豬肚湯。豆乳湯就類似平時既清湯，好微既藥材味，但用黎做湯底食落都不錯。而胡椒豬肚湯帶少少辣，豬肚份量亦都幾多。打邊爐主角，安格斯牛肉 (小 $138)，牛肉好鮮，有口感得黎亦唔會乾身，係靚牛肉 六合彩 ($96) 有6款丸類各2粒，叫呢樣就可以每粒丸都試得到當中仲有瀨尿牛丸，啲汁彈到幾尺遠，食既時候要小心辣嘴啊！翡翠螺 ($72/4隻) 好鮮甜，煙韌，又好入味。鮮打咸蛋黃蝦滑 ($78) 好多咸蛋黃幾新鮮，但可以再彈牙啲。鮮蝦雲吞 ($58/ 6隻) 呢個性價比好高，雲呑同入面既蝦都好大，仲好爽口。打邊爐黎講性價比都算高

銅鑼灣打邊爐地方十分多, 不論是日式、台式、 中式或港式, 數埋都有幾十間, 但有特色既就無幾多間!依間裝潢跟足香港7,80年代既家庭設計, 而且整晚都不停播香港7,80年代既舊歌, 真係令人驚喜小手切本地牛肉牛味一般, 入口肉質軟滑, 但分量偏少鮮打鹹蛋黃蝦滑 入口彈牙, 食左少量鹹蛋黃, 感覺特別, 比本時淨蝦滑更好食, 但偏鹹脆炸響鈴同街市買既一樣貨式, 唔係自己炸, 但一碟得7件 太貴三星蔥醬爆貢丸口感彈牙,入面有餡及湯汁, 入口要小心, 否則成身都係 山根一碟只有6個球, 分量太少了蟹捧一碟有6條, 不易散開, 有少少彈牙, 比XX家個條好食湯底沙嗲/胡椒豬肚湯 味道香濃, 因為長期加湯既關係, 到後尾我地係覺得好鹹 沙嗲湯侍應會再加入大量花生碎, 係加之前會問客人有無花生做感, 細心值得一讚!胡椒豬肚湯 豬肚分量都好多, 而且豬肚夠淋, 唔難咬開, 但會越打越辣 其他菜蔬就唔提及啦, 都係一樣分量比較少 整體都不過不失, 可以再試, 服務態度良好 但同男士一同進食的話, 分量太少了, 女士係剛剛好的留意返餐廳分2個時段晚上6:00入座要8:30交枱晚上8:30後入座係可以一

想係屋企打邊爐而又唔想洗野同洗碗，點好啦～如果係我就必定首選銅鑼灣登龍街“十下”火鍋，睇下佢哋裝修到八十年代舊屋邨咁仲不停播放著80年代的金曲，非常懷舊有如回到80年及自身在家打邊爐的感覺。而且不論春夏秋冬，陰晴圓缺都可以嚟呢度食火鍋。服務員態度服務好貼心，而且不停主動協助為你加湯，服務周到。餐具同火鍋用品好精緻，最經典就係佢哋用圓枱，中國人傳統用圓枱代表一家團團圓圓，我猜佢哋嘅金句: “圍爐而吃打火鍋”都是想食客們一起高興團圓吃飯去，很有意思啊～😊😊食品方面 : 今次同朋友揀了2人餐，食物款式都有11種，份量剛好，食材新鮮👍🏻👍🏻我大愛懷舊陳皮魚蛋，魚肉肉質彈牙魚味很好香很重。 鴨血很滑，沒有腥味，用筷子夾都唔會散開。 醬爆丸，豬肉餃， 蔬菜，墨魚滑，牛肉滑，鯪魚滑都好好食。牛肉肉質鮮嫩，比起一般的冰鮮牛肉，更能保留鮮味，只需淥30秒就可即食用，口感更加嫩滑，值得一試。最意外驚喜終於出場了，就是“牛白胸膀油” 白色嗰一碟呀～ 我初頭還以為只是一碗普通魚片，點知放上滾湯一勺之後肉身馬上捲起， 點起醬汁放入口裏肉汁同脂肪即時進入你口裡爆出嚟，點解可以咁嫩滑好味㗎😋😋😋😋湯底方面: 選了麻

登龍街開左好多好野食 今日約埋朋友試下哩間火鍋 環境佈置好有懷舊感覺 用上木色大圓枱 仲有個霓虹燈牌 好有舊香港既風味我同朋友兩個人點左個二人套餐 初頭以為會唔夠食 看似份量少 但眼闊肚窄既我地最後係食唔哂我地叫左個鴛鴦鍋 蕃茄鮮魚鍋 同 十下麻辣鍋放左成條魚尾放左入去滾 湯底好鮮味雖然我唔食辣 但都食兩粒丸同鴨血 個麻辣好香 唔算太辣 煮鴨血一流！個鍋值得一讚！中間既隔板做高左 啲湯唔會滾滾下流左去另一邊 溝埋哂兩種湯底！個套餐其實都唔少野 絕對夠兩個人食！個手打三寶滑幾正！佢地加入左特別既用料 同平時既鯪魚肉 蝦滑同墨魚滑唔同環境 食物 服務都不錯值得一試