影片
港鐵觀塘站 A2 出口, 步行約6分鐘
繼續閱讀
電話號碼
98479707
附加資料
敬請提早預訂
營業時間
今日營業
11:30 - 17:00
17:30 - 21:30
星期一至日
11:30 - 17:00
17:30 - 21:30
*不定時營業
以上資料只供參考, 請與餐廳確認詳情
觀塘熟食市場「海悠」非常幾人氣，日日午市晚市超爆場，相信好多朋友都食過，本來由三個舖位而家擴充到七個，遲啲唔知會唔會成層都係佢，已經食過好幾次，最愛當然係佢嘅炸子雞，最近腦細仲推出咗超特價海鮮，超巨型開邊龍蝦只係由 $68 起一隻，其他地方真係用呢個價錢絕對食唔到咁高質素，咁抵食我相信又會引起一輪排隊熱潮👍👍今日同朋友嚟食晚飯，除咗一早訂咗炸子雞之外，就來一場龍蝦、瀨尿蝦大放題，仲有發掘到一道菜，我認為係港女必食嘅「避風塘瀨尿蝦」有咩咁特別？就係幫你剝埋殼，完全唔需要動用到你雙玉手，我哋又點可以唔食😂😂▪️避風塘AAA級瀨尿蝦 （港女系列）一份一共有12件瀨尿蝦，已經幫你剝晒殼，你話有幾正，瀨尿蝦大大隻入口啖啖肉，而且用避風塘爆炒超級惹味，身為正宗老港女嘅我表示非常喜歡▪️椒鹽龍蝦▪️蒜蓉粉絲蒸龍蝦 ▪️蒜蓉粉絲蒸龍蝦加脆米我哋兩個女人總共食咗四份龍蝦，真係唔知以為黎食放題，抵食到咁梗係要食返夠本，三款口味各有特色，首先係龍蝦用上澳洲南澳龍蝦，肉質超級新鮮彈牙，椒鹽口味超惹味，蒜蓉粉絲清蒸夠晒鮮味，加咗脆米口感就更豐富，總之全部都正🦞▪️原隻AAA級椒鹽瀨尿蝦食完成碟瀨尿蝦都係唔夠喉，再整多一隻原隻嘅，雖然要剝殼，但係又有另外一番風味，用椒鹽爆炒，帶出瀨尿蝦鹹香鮮味▪️招牌炸子雞炸子雞我相信都唔需要多介紹，淨係見到食唔到嘅客人嘅樣子有多失望，唔預訂基本係一定食唔到，保持一貫水準皮脆肉嫩，只係$68半隻，我搵唔到其他地方有呢個水準▪️黑松露芝士焗霸王蝦球伊麵好邪惡，但係黐線咁好食，超濃流心拉絲芝士包住每一條伊麵，濃郁到飛起，面層嘅芝士燒過之後更加焦香，大蝦爽口又彈牙，再加埋脆米更加香口▪️蟹黃醬蝦仁炒福花想食菜一定係食呢個招牌炒福花，同椰菜花差唔多品種嘅蔬菜，用蟹黃醬和蝦仁爆炒，滿滿蒜蓉蟹黃香，超惹味▪️蟲草花鮑魚燉雞湯呢個都係大癲，燉湯足料無極限，睇到上枱嘅時候啲雞多到滿瀉，原盅清燉味道超級清甜，滋潤又潤喉，呢盅湯老細唔知會唔會蝕本
繼續閱讀
海悠 @hoiyou_food 📍：觀塘駿業街67號駿業熟食市場1樓52-53, 56號舖🚗：觀塘地鐵出口 步行8分鐘📞：+852 9847-9707💲：~HKD40-70/head for lunch Food quality✔️：炸子雞半隻、秘製蟹黃醬海皇炒飯、川味魚香茄子炆鴛鴦米、黑松露鮑螺片炒飯總結：😋熟食🍲市場馳名炸子雞 非常有鑊氣同埋好抵食 但繁忙時段非常爆場 建議非peak嚟就唔需要等咁耐😋完全冇諗過熟食中心都有咁高質素嘅炸子雞 表皮脆 雞又嫩 $73only仲要大份 果然係招牌👍🏼😋佢啲炒飯都係超有鑊氣 蟹黃醬海皇炒飯同黑松露鮑螺片炒飯都好食 同埋炒到好乾身 粒粒分明 正🤤😋炆鴛鴦米都係足料好豐富好食😨趕時間嘅朋友就唔好繁忙時段嚟 喺區內都好出名但管理有改善空間 首先book咗位準時去到發現冇位 所以都係等咗10分鐘🥲😨然後點完菜 又要等15分鐘先上菜 尤其係碟海皇炒飯等咗30分鐘先上 同事搭正要返office 好彩我食得快😪😨因為係熟食中心 所以衛生有待改善 如果坐正房都好啲 當日被安排坐側房坐得超逼
繼續閱讀
星期六等小朋友上興趣班，去駿業街熟食中心覓食，試咗呢間人氣粵菜小店「 海悠🥢」，果然聞名不如見面. ⭐️秘製蟹黃醬海鮮炒飯 這道炒飯的蟹黃醬味道濃郁，米飯粒粒分明，炒得夠乾身唔油膩，搭配魷魚、蝦等海鮮，讓每一口都充滿海鮮味，十分美味。⭐️炸子雞（半隻）雞肉外皮香脆，內裡鮮嫩多汁，油香飽滿，唔怪之得係招牌菜式啦. ⭐️椒鹽瀨尿蝦椒鹽味香噴噴，瀨尿蝦大大隻，蝦肉飽滿彈牙，必點之選. 想食好味嘅粵菜同海鮮，真係唔好錯過啦.
繼續閱讀
星期日的熟食中心十分冷清，好多店都冇開，朋友話想試呢間，仲難得星期日都開，即約埋其他朋友一齊試試！現場用QR code下單，樓面冇乜裝修，亦預咗冇乜服務提供！四人叫了一個金銀蛋菜心、一隻炸子雞（當中包兩碗米粉及一碗飯）、椒鹽鮮魷同一個黑松露鮑片炒飯及3支水，埋單齊頭400蚊冇加一。炸子雞好食，炒飯$40蚊非常超值，鮮魷個粉漿較厚，整體食物好味，價值超值，份量亦好大，有大食男在都食唔晒啲嘢！見隔離枱點了瀨尿蝦，超大隻，但原來已賣晒，下次再試
繼續閱讀
最近好多朋友介紹呢間喺觀塘熟食市場嘅餐廳，本身有少少抗拒熟食市場，因為怕好污糟，但係今日嚟到先知原來呢度好乾淨。呢個熟食市場有好多唔同嘅餐廳，而呢間餐廳就有幾個舖位，朋友五點幾放工，佢哋咁啱落場時間完咗，已經好多客人啦。朋友就話呢度嘅黑松露炒蛋係最好食，咁就一於嚟試吓啦。然後見到隔籬枱嘅瀨尿蝦超大隻，咁就梗係叫咗三隻嚟試啦，一上枱見到真係好誇張，瀨尿蝦又手臂咁大，而且蝦肉好嫩滑彈牙，一食就知係新鮮嘅瀨尿蝦。新鮮嘅瀨尿蝦唔使用任何椒鹽，清蒸已經好好食。另外仲叫咗呢個蟹黃炒飯，佢俾咗好多蟹黃，而且炒飯炒得好乾身，兩個加埋真係好夾。本身以為咁大碟飯會好飽，但係完全唔會，佢嘅蟹黃令人越食越開胃。呢個金沙椰菜花都好出色，本身唔係好鍾意食鹹蛋黃，但係佢嘅鹹蛋味唔會好濃，襯埋椰菜花好送飯。呢間餐廳又平又抵食，而且份量真係好多，非常推薦大家嚟試吓同埋一定要試賴尿蝦啊。
繼續閱讀
您可能會有興趣的...