勝田牛舌專門店

仙台牛舌大份加套餐128蚊，牛舌軟爛入味，沙律菜好味，牛舌薯餅配喼汁一流！泰式奶茶8蚊細細支好好飲，打卡送甜點，望落去細細舊brownie其實好實淨，食完好滿足飯量可揀多飯少飯，糙米飯煮得啱啱好煙韌，好味到同frd過嚟連續食咗兩日😋店員態度熱情服務一啲都唔差，歌單好有taste，下次仲會嚟食brownie好味之餘蔓越莓味配啲橙皮tim，飯後sweetie食完好飯好滿足，見牆上poster寫薯仔沙律同泡芙冇賣了有少少可惜，如果早啲識呢間舖就好了…查看更多

以78蚊價錢，性價比高，份量足夠，真係冇投訴店員耐心介紹食物，非常有禮貌，充滿熱誠改善建議：1. 如果能夠用炭火燒，一定更惹味（但政府難發牌）2. 用仙台的牛舌麵豉辣醬，更加好味3. 可以轉口味沾海鹽，也是另一種風味…查看更多

平時好少會喺熟食市場食套餐，但今次試咗呢間小店嘅牛舌套餐，真係有啲驚喜。整體味道唔錯，份量仲超出我平時lunch 嘅標準，食完真係有啲撐。🥩牛舌主菜牛舌厚度啱啱好，咬落有口感，唔會太硬亦唔會太腍。最尾嗰塊邊位肉比較韌，不過配上特製醬汁真係好開胃，令我本來無乜胃口都食得落。🥗沙律+🥚溏心蛋配菜方面有蔬菜沙律同溏心蛋，營養方面有纖維又有蛋白質，感、、覺幾健康。不過沙律汁真係少得可憐，食落有啲乾，味道偏淡。🍚麥米飯可以自選飯量，對於我呢啲平時少食飯、想減碳水嘅人嚟講係幾貼心。本來諗住食少啲，但牛舌醬汁太吸引，結果成碗飯都食晒，自己都有啲意外。🦀蟹肉薯餅食完主菜已經夠飽，仲有三件蟹肉薯餅，味道唔錯但真係太多。已經超出我平時lunch嘅份量，開始有啲頂唔順。🍮甜品:薯蓉+雪糕泡夫薯蓉同泡夫都好味，不過食到呢個階段已經有啲勉強，屬於「唔食唔會掛住，但食咗又唔後悔」嗰種。🍵飲品+價錢套餐 $108 包飲品，我揀咗茉莉普洱茶，清香解膩，啱晒食完重口味牛舌之後清一清味蕾。不過以熟食市場小店嚟講，如果價錢可以壓到雙位數會更加吸引。我覺得可以減少一件薯餅、唔要薯蓉同泡夫，咁應該可以壓到$100以下，性價比會更高。整體嚟講，味道有驚喜，份量足，但如果可以精簡少少，價錢再親民，就更加值得回頭。套餐 $108 包飲品，我揀咗茉莉普洱茶，清香解膩，啱晒食完重口味牛舌之後清一清味蕾。不過以熟食市場小店嚟講，如果價錢可以壓到雙位數會更加吸引。我覺得可以減少一件薯餅、唔要薯蓉同泡夫，咁應該可以壓到$100以下，性價比會更高。整體嚟講，味道有驚喜，份量超足，但如果可以精簡少少，價錢再親民啲，就更加值得回頭。…查看更多

今次點了極尚牛舌定食，份量十分多，有成八件。頭先雖然望落不太厚，不過煎得唔錯，外表焦糖色，而且肉質很嫩和多汁。在味道上，牛舌的肉味濃郁，配上特製的醬汁，增添了一層豐富的風味。醬汁不會掩蓋肉本身的味道，而是恰到好處。此外，套餐亦配有馬鈴薯沙拉、蕎麥麵或白飯同甜品。冷蕎麥麵口感滑順，配埋簡單嘅鰹魚湯調味，夏天來吃感覺十分清爽，亦可以解膩。薯仔沙律同泡芙就正常發揮，不過不失。店員服務亦唔錯，知道客人第一次嚟都會介紹一下餐牌。整體而言，這裡嘅牛舌性價比的確唔錯，去開觀塘都值得一試！…查看更多

期望過高、令我很失望😞、牛舌非常普通！冇牛味、太熟、不是每件都爽口、有部份偏硬、細份只得5件、cp值不高、其他配菜都麻麻地、薯仔沙律一般、沙律菜都新鮮、泡芙做甜品把鬼！D飯都唔好食、唔知佢加咗啲咩落去、味度怪怪哋寧願佢做返普通白米飯！冷氣唔夠、唯一可取係服務好！因為如果你第一次食，佢會介紹一下…查看更多