影片
港鐵觀塘站 A2 出口, 步行約6分鐘
繼續閱讀
電話號碼
98479707
附加資料
敬請提早預訂
營業時間
今日營業
11:30 - 17:00
17:30 - 21:30
星期一至日
11:30 - 17:00
17:30 - 21:30
*不定時營業
以上資料只供參考, 請與餐廳確認詳情
✨Blingbling美食推介✨📍觀塘海悠 Hoiyou🍽️ 粵日Fusion精緻熱炒小館💠💠💠💠💠💠💠💠今日係觀塘打完網球，等Blingbling帶大家嚟食超地道又好味既人氣熱炒小店《海悠》啦😋餐廳係觀塘熟食市場入面，主打港式手炒同海鮮，主廚背景強勁，食材新鮮不在話下，食物質素到超高🥰🌟即叫即炒，色香味兼備，部分菜式更帶法日fusion風，絕對係識食之選！💠黑松露滑蛋炒蝦仁 $58滑蛋滑到好似奶油咁溶喺口，超級滑，火候控制得好好😍蝦仁鮮甜彈牙，黑松露超香超濃味，簡直係黑松露控必食🥹一啖接一啖停唔到！😋💠秘製蟹黃醬海皇炒飯 $58炒飯好有鑊氣，炒得好乾爽，炒飯粒粒分明，而且蟹黃醬分量好多😍好滿足啊！蟹黃色澤金黃，鮮味爆燈☺️食落非常滿足💯💠脆米金沙炒翠玉瓜 $98翠玉瓜炒得嫩滑保水，金沙鹹蛋黃炒得金香撲鼻，面頭加咗脆米增添層次，一咬落去「卡滋卡滋」，香、滑、脆三重奏！好啱配飯／當小炒都一流～份量足夠三人share！😋🍽️ 餐廳環境：💎💎💎💎💎/5🌸 服務質素：🌸🌸🌸🌸🌸/5😋 食物味道：😋😋😋😋😋/5💰 性價比：💰💰💰💰💰/5
繼續閱讀
觀塘熟食市場「海悠」非常幾人氣，日日午市晚市超爆場，相信好多朋友都食過，本來由三個舖位而家擴充到七個，遲啲唔知會唔會成層都係佢，已經食過好幾次，最愛當然係佢嘅炸子雞，最近腦細仲推出咗超特價海鮮，超巨型開邊龍蝦只係由 $68 起一隻，其他地方真係用呢個價錢絕對食唔到咁高質素，咁抵食我相信又會引起一輪排隊熱潮👍👍今日同朋友嚟食晚飯，除咗一早訂咗炸子雞之外，就來一場龍蝦、瀨尿蝦大放題，仲有發掘到一道菜，我認為係港女必食嘅「避風塘瀨尿蝦」有咩咁特別？就係幫你剝埋殼，完全唔需要動用到你雙玉手，我哋又點可以唔食😂😂▪️避風塘AAA級瀨尿蝦 （港女系列）一份一共有12件瀨尿蝦，已經幫你剝晒殼，你話有幾正，瀨尿蝦大大隻入口啖啖肉，而且用避風塘爆炒超級惹味，身為正宗老港女嘅我表示非常喜歡▪️椒鹽龍蝦▪️蒜蓉粉絲蒸龍蝦 ▪️蒜蓉粉絲蒸龍蝦加脆米我哋兩個女人總共食咗四份龍蝦，真係唔知以為黎食放題，抵食到咁梗係要食返夠本，三款口味各有特色，首先係龍蝦用上澳洲南澳龍蝦，肉質超級新鮮彈牙，椒鹽口味超惹味，蒜蓉粉絲清蒸夠晒鮮味，加咗脆米口感就更豐富，總之全部都正🦞▪️原隻AAA級椒鹽瀨尿蝦食完成碟瀨尿蝦都係唔夠喉，再整多一隻原隻嘅，雖然要剝殼，但係又有另外一番風味，用椒鹽爆炒，帶出瀨尿蝦鹹香鮮味▪️招牌炸子雞炸子雞我相信都唔需要多介紹，淨係見到食唔到嘅客人嘅樣子有多失望，唔預訂基本係一定食唔到，保持一貫水準皮脆肉嫩，只係$68半隻，我搵唔到其他地方有呢個水準▪️黑松露芝士焗霸王蝦球伊麵好邪惡，但係黐線咁好食，超濃流心拉絲芝士包住每一條伊麵，濃郁到飛起，面層嘅芝士燒過之後更加焦香，大蝦爽口又彈牙，再加埋脆米更加香口▪️蟹黃醬蝦仁炒福花想食菜一定係食呢個招牌炒福花，同椰菜花差唔多品種嘅蔬菜，用蟹黃醬和蝦仁爆炒，滿滿蒜蓉蟹黃香，超惹味▪️蟲草花鮑魚燉雞湯呢個都係大癲，燉湯足料無極限，睇到上枱嘅時候啲雞多到滿瀉，原盅清燉味道超級清甜，滋潤又潤喉，呢盅湯老細唔知會唔會蝕本
繼續閱讀
首先可樂唔凍，話雪櫃可樂無晒！問有冇冰底，話冇冰😡賴尿蝦乾蒜蓉粉絲蒸勝瓜，我真係見識少，蒸勝瓜變湯浸勝瓜，個賴尿蝦乾未浸透！椒鹽墨魚咀偏咸！金沙四季豆，四季豆係出水後再翻炒落咸蛋度！比較正常係隻炸子雞，總之食唔飽，都唔會再想叫其他嘢，浪費金錢！
繼續閱讀
呢個街市熟食中心好乾淨，食肆獨立有冷氣，顛覆對街市印象，仲有好多人幫襯，最多人叫蒜泥蒸半隻🦞龍蝦($68)👍👍👍👍或者手掌大嘅瀨尿蝦🤤但係每台只可以叫一份，即係半隻，有啲唔夠分，encore就要百幾蚊啦🍽個炸子雞皮脆肉嫩，要預訂先有👍👍👍👍👍🍽龍躉炒窩筍:唔食魚嘅我竟然將呢碟清曬😋，魚肉好彈牙，冇腥味，仲好有矱氣好入味👍👍👍👍👍見到隔離台少咗個海膽炒飯，好吸引，但係又係一種賣曬，7點半去到好多餸都賣曬，下次要早啲去🫢
繼續閱讀
呢間係一間位於熟食市場超人氣嘅大排檔，經常full場😱有唔少網民大讚食物高質有鑊氣，每日仲會推出特價海鮮，真係「平、靚、正」👍🏻💗特價3a椒鹽瀨尿蝦($98)瀨尿蝦非常巨大，有成隻手掌咁大，店家已預先將中間殼剪開，方便剝殼，蝦肉鮮嫩彈牙，非常鮮甜，滲透椒鹽香味🦐💗黑松露滑蛋炒蝦仁($58)炒滑蛋非常嫩滑Creamy，食落超濃郁黑松露嘅香氣，仲有超多爽口嘅蝦仁同蟹柳，非常足料🍳💗芝心咕嚕肉($128)咕嚕肉炸至脆皮，肉質爽滑🐖最特別係肉中間夾住流心芝士同面頭灑上大量芝土粉，非常邪惡🧀每粒咕嚕肉都裏滿糖醋汁，再加入蜜桃、紫洋蔥同彩椒去炒，酸甜醒胃🍑💗秘製蟹黃醬海皇炒飯($58)海皇炒飯炒得乾爽有鑊氣，飯粒金黃且粒粒分明，有齊魷魚、元貝、蝦仁、雞蛋、翠肉瓜粒等配料，非常豐富🍚面頭再加上蟹黃醬，夠哂惹味🦀💗脆米金沙炒翠玉瓜($98)翠肉瓜清甜爽脆🥒每片瓜都裹滿金沙鹹蛋黃醬，面頭再灑上鹹蛋黃碎，鹹蛋黃超濃🥚最特別係加咗脆米增添口感，不過食得多都幾膩
繼續閱讀
您可能會有興趣的...