影片
開飯介紹
元朗阿叔泰麵旗下品牌，供應泰式Fusion菜為主；裝潢則走度假風，如採用石子路、藤椅等設計，是聚餐、打卡輕鬆一下的好選擇。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
荃灣都幾多唔同種類嘅泰國餐廳，今次就試位於荃新天地嘅Asok Thai Garden。一睇裝修就知係打卡泰式文青系，好多植物同木系元素。嘢食都係同西式fusion為主，都幾多選擇，賣相仲幾靚。青檸吞拿魚北海道帶子鍋巴坊間都比較少見。魚生好新鮮，加入紫洋蔥同青檸令味道更似泰式，非常開胃。而鍋巴味道近似米通，非常脆口，夾埋魚生一齊食幾特別。是拉差辣椒虎蝦海鮮意大利飯個汁味道比較重芝士味，有少少是拉差辣醬味但唔係好辣，而意大利飯粒粒分明爽口，亦都非常索汁，每一啖都好creamy！虎蝦都好大隻厚肉，仲有青口拌碟，唔錯！冬蔭功大頭蝦意粉呢個都幾好食，有好濃郁冬蔭功味，加埋忌廉一齊煮，比較偏重口味但好開胃！大頭蝦都有好多膏，非常甘香！芒果糯米飯甜筒甜品都好特別，倒插芒果糯米飯打卡一流，而椰漿用左椰子雪糕代替，食起上嚟更有層次！芒果雖然有DD酸，但唔影響整體表現。THAI MILK TEA用玻璃樽上，甜度岩岩好，都係正宗泰式奶茶味道整體食得幾開心，主要擺盤夠靚同埋調味唔錯，有機會都想再食第二次！
繼續閱讀
ASOK THAI GARDEN今次要介紹荃灣廣場入面一間帶點東亞風嘅餐廳，佢哋係「阿叔泰麵」新支線，新支線之前喺尖沙咀開咗，依家喺荃灣廣場再開多一間，食物質素一樣咁高質，不過輪椅人士如果要入去就要行石春小路，行入去時要小心！餐廳入面用咗大量植物作為點綴，充滿泰式風情，樓底又高，好適合約朋友喺度食野傾計，感覺非常舒服！1.蛋炒咖哩軟殼配飯$108+印度薄餅$18+凍即磨咖啡（9/10）呢個蛋炒咖哩軟殼配飯或印度薄餅，咁我就揀咗加$10要印度薄餅，炒蛋唔油，軟殼蟹都有2隻，炸得好酥脆，蟹肉勁多，入面仲有蕃茄仔、洋蔥、炸蒜等！咖哩味香濃同好滑，唔甜！2.炭燒肉眼配黑松露薯條$148+泰式奶茶$10（9/10）炭燒肉眼扒比較韌一點，問過店員話已經五成熟，不過切落去又係粉嫩色，旁邊仲放咗燒汁，其他配菜有蕃茄、粟米、椰菜花同西蘭花！薯條幼短，炸到外脆內軟，黑松露味香濃！泰式奶茶茶味濃，唔甜！3.榴槤雪糕$20（9.5/10）呢個榴槤雪糕非常抵食，淡淡榴槤味，雪糕有一球，食落去非常滑，雪糕上面仲有粒粒花生，花生多到每一啖雪糕都有花生粒，好香好滑，超好食！2人總共價錢$334，有加一服務費！個人口味總評分：9.17/10@asokthai_garden地址：荃灣楊屋道1號荃新天地UG樓UG37號舖#ASOKTHAIGARDEN #香港美食 #荃灣美食 #荃灣好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
門口相當有特色，裡面帶點度假風又帶點農舍設計。用餐環境十分有氣氛又有自成一角的舒適。‖ 帶子比爾芝士紅菜頭沙律 ($108) ‖賣相吸引😍，見到好多大大粒的芝士😍。材料豐富，帶子新鮮大粒，紅菜頭清甜，加上沙律菜、蕃茄仔、腰果、紫洋蔥和香甜柑橘，味道層次豐富，清新開胃又富口感，讚讚😍。‖ 蛋炒咖喱軟殼蟹 ($198) ‖大大碟，見到就流口水🤤。軟殼蟹鬆脆惹味，咖喱香甜微辣帶蛋香，味道好好🤤，裡面還有大量蟹肉，撈飯一流😋，飯粒亦粒粒分明，軟彈有米香。‖ 蒜香班蘭烤羊架 ($248) ‖有三塊羊架，軟腍羊味不錯帶點焦香，配菜有多款烤蔬菜和薯蓉，薯蓉非常幼滑，富含牛油香😋。‖ 焦糖榴連撻配雪糕 ($72) ‖吸引到不得了😍😍。喜歡榴連的朋友一定要點，因為榴連撻味道非常濃郁😍，口感亦好好，面頭的焦糖和撻皮都好香脆。雪糕香甜😋，還有忌廉和水果伴碟。不過美中不足的是有一粒藍莓發了霉🙈🙈，好彩有看到，否則吃了下肚..🙈🙈。總結，食物和環境都好好，好讓人滿意☺️(除了粒發霉藍莓..)，而且選擇都多，已經想來吃第二次了😆。
繼續閱讀
今日行開去荃灣打卡，影相影吓聖誕節裝飾，行攰咗搵咗間泰國餐廳晚膳。門口已被白色外牆吸引了，入到餐廳很有情調，燈光有點昏暗，感覺浪漫。也帶點東南亞風情。柚子紅石柚沙律主要材料有柚子和番石榴，仲有沙律菜和小紅茄，番石榴果子脆卜卜同柚子味道幾夾，食落清清地唔會辣，加咗少許腰果，增添了口感。泰式生蝦刺身雖然蝦唔算好大隻，勝在夠新鮮爽口。配上了特製醬汁，不錯。蒜香炒野有不同種類的菇一齊煮，加咗蒜蓉去炒特別惹味。紅咖喱雞配白飯另加印度煎餅我哋揀咗一隻最吾辣的紅咖喱，咖喱汁調製得好柔和，帶點椰香。雞件份量足，煮得好嫩滑，有茄子和薯仔做配料好入味。印度煎餅配咖喱相當唔錯。北海道帶子娘惹牛油貓耳粉牛油貓意粉帶少少香辣，口感煙煙韌韌細細粒幾特別，帶子新鮮大隻。焦糖榴連撻配雪糕非常有驚喜，焦糖榴槤撻，上枱已聞到榴槤味，榴槤加焦糖外脆內軟，感覺特別，少少熱熱地再配上凍冰冰的雪糕，層次豐富，值得推介。
繼續閱讀
阿叔泰麵新支線ASOK THAI GARDEN於尖沙咀開店以來人氣有增無減，之前曾到尖沙咀店環境與食物質素都令人滿意，最近再下一城於荃灣開設新分店當然亦要支持。ASOK THAI小食拼盤 ($178)拼盤包括免治豬肉串、泰式魚餅、雞棗、清邁腸、燒菠蘿及蝦片，雞棗微辣並帶陣陣香茅味但質感較為乾硬，其餘小食則不過不失合乎期望勝在款式豐富。甲拋肉碎牛油果墨西哥夾餅 ($98)墨西哥夾餅餅皮如薯片般鬆脆，肉碎質感軟腍並帶微甜，配以牛油果、生菜、車厘茄及紫洋蔥並可再加上酸忌廉及青檸汁份外清爽。是拉差辣椒虎蝦海鮮意大利飯 ($168)海鮮只得青口及燒虎蝦兩款，意大利飯口感綿密充滿芝士醇香，加入是拉差辣椒醬烹煮令整體有如冬蔭功一樣酸辣惹味。蛋炒咖喱軟殼蟹 ($198)咖喱加入鴨蛋炒製蛋香十足，另加$18所配的印度薄餅酥脆煙韌並富牛油香，蘸上蛋炒咖喱可謂錦上添花，軟殻蟹鹹鮮多汁保持外脆內軟，表面更加上絲絲蟹肉真材實料。
繼續閱讀