ASOK THAI GARDEN

環境舒適不擠迫，與朋友聚會傾談令人很放鬆，雖然說限時90分鐘，但也沒有催促我們離開，職員態度也很好，服務一流，食物味道也很好，不會太鹹太油，分量不太多可以叫多些款式，價錢也合理，加上用openrice訂座有85折

成日經過見到個門口都覺得好有去做spa嘅 feel😆 今次復活節假期留港消費，就搵下平時想食，又靚啲嘅餐廳 。我哋book咗2點半嘛，一入去間餐廳冇食客嘅😳以為係伏野，係我哋點餐同等餐期間，陸陸續續都有客人入嚟～咁都冇咁驚😂佢個環境設計幾靚，有啲for gardening嘅工具，但冷氣有啲凍🙈因為假期啦，所有食物都需要散叫，除咗個兒童餐 。今次叫咗生薑蟹肉芫茜青醬意大利飯、泰色大蝦炒金邊粉、芒果奶昔、泰式奶茶同埋叫俾阿仔嘅兒童餐 。整體上我覺得佢嘅份量都算大份嘅，兒童餐都係🥰生薑蟹肉芫茜青醬意大利飯有3隻蟹拑仔，個飯嘅賣相係ok嘅，味道青醬味濃而不膩，唔辣，但如果佢有多啲蟹肉俾我會開心啲☺️因為嗰3隻蟹拑仔幾鮮甜，想食多啲😋同埋佢飯多，變咗好似淨係食青醬飯咁。泰色大蝦炒金邊粉佢呢個我好鍾意，反而呢個勁多料，重點係好多隻蝦，蝦食落係爽，啲麵炒得好好，麵條分明，味道均勻。泰式奶茶&芒果奶昔顏色好靚，但可惜茶味唔夠濃，不過又唔會好甜 。我覺得對於初嘗泰式奶茶嘅人係會幾適合，容易接受 。芒果奶昔的芒果味道同奶味比例調得剛好，好fresh、好解辣同幾大杯🥰兒童餐佢有幾款主食揀，阿仔揀咗飯團，兩個又

最近這間猛男餐廳很有名，一直都很想和朋友來試一下，可惜只有晚上才有猛男服務，不過雖然中午時間沒有大隻佬陪吃飯，但我都想試吃這間餐廳的食物質素。平日的中午有午市套餐，我們點了冬蔭功忌廉海鮮意粉和泰式豬手飯，飲品則點了泰式奶茶。泰式奶茶由於是預制，所以並不能要求少甜，雖然奶茶的茶味都算香濃，但實在是太甜了，不是我和朋友喜愛的口味。至於冬蔭功忌廉海鮮意粉，它的醬汁挺好的，有微微的冬蔭功辣味，同時亦有忌廉的味道，意粉的質感亦煙煙韌韌，味道不錯的，美中不足的是海鮮配料很少，所謂海鮮意粉只有少量蟹肉，非常細的蝦，如果海鮮多一點會更好。泰式豬手飯的豬手質感十分軟綿綿，入口即化，每一口都充滿著濃濃的骨膠原，可惜豬手的醬汁少之又少，導致白飯沒有任何醬汁，乾巴巴和淡而無味，令到整道菜式失色不少。價錢方面，冬蔭功忌廉海鮮意粉$78，泰式豬手飯$60，泰式奶茶$12一杯，餐廳設有加一服務費，最後兩人總共$178。總結來說，這間餐廳的環境不錯的，挺適合和朋友慢慢聊天，可惜食物的味道只是一般，雖然不至於難吃，但是卻沒有什麼特別，可能晚上來會比較好吧。

約左好耐冇見嘅朋友食飯，見呢間可以openrice 訂座，仲有9折，環境唔錯，就試下呢間主打泰式fushion 菜嘅餐廳！餐廳佈置特別舒適，讓人有種暫時離開香港去左泰國嘅感覺！星期三晚唔算多人，坐得舒服！😌👍一行四人點左7個菜，上菜速度夠快唔使點等，正符合香港人乜都要快嘅要求！泰式生蝦刺身 $98，夠新鮮夠爽口！南薑椰子雞湯$78， 四人飲每人有大半碗，飲過唔少間，呢間算最唔辣，但個人反而喜歡，較易入口！👍冬陰功大頭蝦意粉 $158，個人非常喜歡這口味，唔算辣，但夠creamy 及有濃郁冬陰功味，好想再食多次！和牛金不換炒飯 $178，炒飯乾身不錯，但炒得不夠香口，個人覺得比意粉遜色！蒜香班蘭烤羊架$248，羊架烤得夠嫩及唔會好羶，而伴碟嘅薯蓉吸味十足，特別好味！豆醬炒什菜$78， 蔬菜新鮮爽口！芒果糯米飯甜筒$68 x2, 見冇咩甜品好揀，呢個打卡唔錯，個人係非常喜歡吃芒果糯米飯，可惜呢碟芒果較少，但可以食埋甜筒，當雙重享受！😌🤭

入到去嘩一聲好多猛男，不得不提服務周到餐廳大部份九成都係女士。 環境方面氣氛都唔錯，有人會慶祝生日，佈置裝修都好靚好休閒嘅度假感覺。我睇到IG啲影片先去食，覺得食物質素都OK，叫咗兩樣我都醒目，睇吓好唔好食先。 睇落去賣相都唔錯蟹餅，$1xx有啲白色嘅汁配蕃茄有朵花咁多擺設好靚，但係睇蝦餅個皮炸到咁嘅顏色就知。。。食落去更加過分，粉餅都冇味，肉質少少濕散開，唔知係咪蒸蟹餅，食落口食唔到有味。。我朋友要將蟹餅皮掉返出嚟唔食落口。。。$2xx 軟殼蟹+ 加$15配薄餅 。薄餅有4塊，係最正常嘅味道。 啲軟殼蟹唔係脆嘅係腍㗎，求其煮完就上碟啦。 真係救命，8/100 8out of 100 我同我朋友成餐飯就係話Too Bad…呢個Milk green tea 不過不失啦，唔太甜，味道濃郁，冇咩奶香，但我鍾意佢個玻璃樽好靚同埋好揸手。平均二百幾蚊，我食得嗰兩三啖。。。。當然有啲其他菜都好食啩，例如佢特別推介生菜包。 不過生菜包成日就吾叫啦。

餐廳有近期大熱既猛男專人為你服務💪🏻全場不論男 / 女都好Enjoy，氣氛超好🥳猛男們會餵食🥄 • 影相合照📸，咁基本梗係唔夠啦🤭.最新🆕仲有王牌服務💪🏻Triple Time😳👸🏻公主抱起 ＆ 公主抬轎👸🏻 ✨惠顧Strong Man Lift 猛男特飲($188/杯)，可享猛男 Waiter 親身調酒🍹 & 公主抱起👸🏻✨惠顧全場請飲($488/Round)之客人，可享有👸🏻公主抬轎🪑.💁🏻‍♀️生猛餐牌是日推介 • 肌尾酒侍飲 • 肌榨青檸汁 • 猛男賀壽，同時繼續進行中🫢~•~•~•~•~•~•~•~•~•~•~•~•~•~•~•~•~•~•~• ▪豬肉生菜包 ($108)依個一定要嗌。因為會由猛男Waiter親自為你"肌榨青檸汁"🍋‍🟩(偷偷地話你知🤫一粒唔夠可再Encore，榨多粒青檸💦).▪冬蔭功大頭蝦湯 ($138)飲落微酸 • 唔會好辣🍲，除左大頭蝦🦐，仲有d菇菇🍄‍🟫….▪甘庶蝦配魚子蛋黃醬 ($108)炸得夠金黃，平時庶蝦都係點甜酸醬，估唔到轉用蛋黃醬都可以喎💛.▪帶子比爾芝士紅菜頭沙律 ($108)睇落似西式，但又加左泰式汁，紅菜頭冇草青味，整體清新FreshFr

👍🏼抵食指數：⭐️⭐️😋好食程度：⭐️⭐️⭐️泰式大蝦炒金邊粉一道極為失望菜式，望落去無咩色澤，味道亦唔夠濃郁，而且金邊粉較為濕，痴到一舊舊，食落去淡而無味，比一般泰菜衰廳食嘅更差... 香茅烤豬頸肉豬頸肉就烤得比較香口，而家咬落都幾 juicy 同厚身。碟上伴隨一件大大舊嘅燒菠蘿，但菠蘿味道較酸微微，同時都好多渣，反而舊燒菠蘿就有啲畫蛇添足嚕。泰式奶茶好靚嘅玻璃樽裝住，好適合打卡，茶味唔算好濃，奶同茶味道剛剛好～ 主打 Fusion 泰菜，伴碟係適合大家打卡，但味道或者食材嘅新鮮度就麻麻地了。

早幾日老公揸車帶我嚟咗呢個商場食lunch順便行吓街拍吓拖我哋叫咗兩個set lunch share～⭐️馬拉盞肉碎炒河味道OK，幾香口，有少少辣度但係啲河粉黐埋一pat，口感黏韌，我覺得似陳村粉多啲，個人嚟講係接受到嘅（因為我本身幾鍾意食陳村粉）但係如果expect想食炒得唔黏兼口感滑溜既河粉就會失望😅⭐️泰式海南雞飯海南雞擺盤極唔吸引⋯⋯啲雞反轉晒，仲見到啲肉質明顯好鞋⋯⋯🤦🏻‍♀️食落果然不出所料跟餐個湯飲落幾油同味精味雞飯食到少少香茅味，還可以⭐️榛子味美祿加咗$12，飲到極淡嘅榛子味，飲多兩啖越覺得只係似好稀既熱朱古力🥲感覺呢度環境唔錯幾啱打卡同一班朋友敘舊，但係食物質素有進步空間

我迫不及待想去ASOK THAI GARDEN享用午餐，決定點娘惹咖喱雞飯和泰式奶茶，這兩道菜色香氣濃郁、風味獨特，完全抓住了我的味蕾，令人期待不已！不過我不得不說門口女職員態度不夠親切，希望呢間多D培訓她接待客人必須要微笑。

令人尖叫的餐廳，每星期的指定日子，均會有猛男服務，猛男們都很主動及Nice，更是有求必應，餵食、拍照，甚至乎抱起你拍照都可以，跟朋友來慶祝超有氣氛～Asok Thai小食拼盤~有泰式豬肉串、魚餅、雞棗、清邁腸、蝦片及燒菠蘿，很豐富，沾上香甜惹味的沙嗲醬吃，超正～營火串燒～點了豬及雞各2串，串燒份量十分足，烤肉燒後仍十分有水份感，一點也不乾，肥瘦適中，肉質腍軟~豬肉生菜包～肉碎很惹味，檸檬汁調味，更有猛男服務，用肌肉榨出檸檬汁，視覺享受～娘惹蕉葉烤魚～惹味的烤魚，配菜更是超多蔬菜，魚肉香嫩～巴斯克起司蛋糕～芝士味香濃，質感幼滑，分享吃剛剛好～泰式綠奶茶～玻璃樽裝上，味道更香，茶滑奶濃，甜度剛剛好～

精心安排「家變」的聚會，生日🎂的福利🥰全晚笑死我😆 見到最喜愛的我推的猛男拉Rambo 💪🏽Irwin 💪🏽Ray 💪🏽，是日推介爆肌生菜包，震波泰國奶茶，一齊吹吹蠟燭許願拍照，好有儀式感啊⋯⋯難忘又驚喜連連的一晚一定要叫Cocktail 🍹 猛男會餵你飲，可以做個小鳥依人，多麼幸福哦甜品要叫雪糕筒糯米飯咖喱蟹肉湯烏冬，好好味總括來講，食物質素都好好唯一係可惜係90分鐘，好想時間停頓喔期待下次再來

之前黎食過兩次野，覺得個豬頸肉河粉幾好食諗住再嚟食，不過夜晚先有，所以晏晝黎就嗌咗其他野。點知中哂伏。午市套餐嗌咗個$148 嘅牛扒，切第一刀已經心知不妙，九成熟⋯好啦切開晒之後中間係十成熟本來諗住如果唔係好韌都算，結果切咗一少忽嚟食，真係好柴好乾好難咬，猶豫咗一陣，最後都決定要退咗佢。舉手叫個戴眼鏡嘅女待應過嚟，推出咗少少個碟俾佢望吓，然後同佢講話：「唔好意思，但真係太熟⋯」 點知未講完佢就答我：「哦？想要熟啲？」⋯不過應該係佢聽唔清楚我講咩先咁問嘅，只不過冇諗到佢望住每個橫切面係熟晒都仲問我係咪想要熟啲姐。*（因為我切開咗之後每個橫切面都係向上咁擺，都係想比佢哋同事都睇下個熟度）然後我再講多次係太熟，佢就問我要唔要重新煮過份俾我，基於有啲驚下一份都係咁，所以就換左青咖喱豬扒飯。豬扒飯正常，但都係頭先個戴眼鏡嘅女侍應放低嘅時候心不甘情不願語氣好倔咁樣講：「換咗做豬扒飯」⋯想講我全程都好有禮貌，語氣都冇任何怪責之類，但搞到好似我唔啱麻煩到佢哋咁。雖然唔係樓面煮，但全程一句唔好意思都冇，感受係好差。其實我仲$30加咗個冬陰功湯同$12綠泰式奶茶，張單最尾計埋10%服務費121蚊埋單。想講

最近上網，成日都見到好多朋友介紹呢間泰國餐廳好正宗。本身一直都好想過嚟試吓，但係一直都冇機會。咁啱見到原來呢度仲有特色嘅強壯侍應，只要日子嚟到，就會有好大隻嘅男侍應幫你服務啦。首先我哋叫咗個生蝦刺身，估唔到咁大隻，而且食落好新鮮。一上枱就見到佢嘅賣相好靚，而且真係好新鮮，唔使點汁已經好好食。大隻侍應介紹，呢度嘅生菜包係有樓侍應幫我哋揸檸檬汁，咁就一於試吓啦。佢嘅生菜包好大份，一上枱就有好大隻嘅侍應幫我哋拎上枱。而且佢仲會幫我哋揸檸檬汁，同埋佢哋仲會除衫去幫你服務，真係好特別啊。另外我哋仲叫咗個無骨燒雞，雖然呢個冇猛男侍應服務，但係都真係好大隻。而且食落嘅雞肉好嫩滑，同埋雞皮好脆，外脆內嫩真係好好食。另外我哋仲叫咗幾杯Cocktail，一上枱佢仲會問你哋需唔需要餵飲酒嘅服務，我有個男仔朋友，接受咗俾佢哋餵嘅服務，真係好開心呀。我覺得呢間餐廳好適合一大班朋友嚟玩，可以俾佢地餵飲酒，或者一齊影吓相。最後甜品嘅芒果糯米飯都好靚，佢係用一個甜筒反轉咁serve，而芒果同糯米都好新鮮，好適合影相，真係好適合大家嚟拍拖或者一大班朋友聚會。呢間餐廳除咗好有特色之外，而且所有職員嘅服務態度都好好，真係好

好友生日，想給她一個驚喜。收到風知道這間泰國餐廳有猛男侍應活動，梗係唔好錯過！食物本身也很不錯，我們點了：～泰式生蝦刺身：蝦肉緊緻而富有彈性，搭配泰國醬汁，鮮美中帶著一絲檸檬的清香，讓人回味無窮。～豬肉生菜包:猛男侍應會親自幫你包，豬肉的鮮嫩與生菜的清爽完美結合，再加上特製的醬料，正。～蒜香班蘭烤羊架:羊架烤得火候恰到好處，肉質鮮嫩，蒜香和班蘭的香氣交織，讓人食慾大增。～冬蔭功大頭蝦湯：酸辣開胃，蝦肉鮮嫩，草菇清爽，湯汁濃鬱，是這一餐的點睛之筆。最後的芒果糯米飯，用倒轉的雪糕筒作擺盤，非常吸睛，打卡一流！飲品亦非常有特色，點了一個火焰Cocktail「Bangkok」，猛男更可以有餵飲服務，充滿玩味。整體來說，這是一道色香味俱全的泰國菜，確實令人心花怒放。

本身諗住放工開開心心食個晚飯，點知中晒伏！！！！！首先，講咗好嘢先，個黃咖喱係幾好食幾夠味！個雞都有雞味嘅。不過啲薯仔係生嘅，仲有啲薯仔嘅青味😂😂應該就未熟囉😂😂入邊啲配菜就我都唔知正常定奇怪，可能我孤陋寡聞但係我未食過咖喱入邊有茄子？！好啦，叫咗個是拉差意大利飯，淡而無味啊！要撈埋個咖喱嚟食先食得晒😂😂上邊嗰幾片蝦片唔知係專登定無意流晒風咁，淋過林鄭😂仲有個生蝦似喺一田買返嚟嗰啲囉😂😂要有更好嘅選擇就應該求其一間都好過呢間咁嘅嘢芒果糯米飯就正常普通，當fusion嘢咁食😂服務態度就一般，舉手叫個店員，男嘅就扮睇唔到，女嘅就黑晒面。算啦食完第一啖嘢食之後對呢間舖頭都冇抱太大期望