Vision 8

呢次同朋友慶生，特登揀咗荃灣 Vision 8（兆和街34號永安樓地舖）～一入去就好鍾意佢個氛圍💫 黃色燈光暖暖地，好chill、好舒服，成個 vibe 超適合同朋友慢慢食慢慢傾！🍝 香煎帶子配牛肝菌意大利麵：帶子煎得啱啱好，外層微焦香、入面仲keep住嫩滑，配上濃郁牛肝菌醬汁，好有層次感。🦪 白酒煮忌廉藍青口配薄多士：呢個真係驚喜位！我個朋友平時唔食青口，但呢度整得好新鮮無腥味，仲帶少少忌廉香同白酒香，佢食到停唔到口～🐖 蘋果木燒西班牙黑毛豬鞍扒：必試！豬鞍超嫩滑，肉汁滿滿，烤得剛剛好，咬落去有淡淡蘋果木香味，真係「第一次食到咁好食嘅豬鞍！」💯🍫 心太軟：最後當然要甜品作結～熱朱古力流心加上雪糕，濃郁得嚟唔膩，好滿足～整體嚟講，無論氣氛定味道都非常出色，價錢以呢個水準都算合理，難怪我哋一晚傾到唔想走～🥂📍荃灣 Vision 8兆和街34號永安樓地舖…查看更多

影張全家幅先 📸烤安格斯西冷 配薯菜🥩🥔法式芥末籽汁牛扒🥩外層焦香，切開粉嫩爆汁！薯角🥔焗到脆邊，蘸法式芥末籽汁超解膩，微酸帶辛超開胃～ 法式油封鴨髀配野菌忌廉汁燴意大利飯🪿🍄‍🟫鴨髀🪿皮脆到「咔嚓」聲！肉一撕就散，超軟糯～飯吸晒野菌🍄‍🟫忌廉汁，creamy到黏唇🤤 炸魚。薯條配他他汁🍟🐟魚塊外皮金黃脆卜卜，肉白到發光！粗薯條撒滿鹽，點他他汁（酸瓜粒+蛋黃醬）食到舔手指～ 南瓜忌廉湯🎃入口冰涼超滑溜！南瓜🎃甜味+奶香爆濃，**飲完成身爽晒，勁解暑**～ 青沙律配意色油醋汁🥗新鮮菜爽脆到似食緊草（讚嘅！），酸咪咪油醋汁勁醒神，清晒啲滯感！ 餐包🍞🍞餐飲🥤🥤PS：🔥服務超貼心🥰店員好nice，又主動斟水唔使叫！ 超贊！！！ --Vision 8香港荃灣兆和街34號永安樓地舖…查看更多

同朋友經過間西餐廳見到價錢好似幾合理就坐低 （因為朋友本身鍾意食西餐）西冷牛扒我哋叫咗五成熟廚師原碟上，生熟度啱啱好切完之後仲會有啲肉汁，口感柔嫩加多少少鹽同黑椒，完全帶出牛扒嘅味道😋慢煮牛肋條淡胡椒闊條麵聽到個名好似幾特別真係估佢唔到，牛肋條經過慢煮煮得好腍，一啲都唔韌闊條麵配上啖啖嘅胡椒味，又唔會太辣第一次食原來個味道係咁夾真係低得一試😋芝麻雞翼調味恰到好處，食炸嘢最怕就係炸到乾但係呢到唔會 ，脆得黎仲係多汁肉滑👍🏻炸薯條配黑松露醬講到食西餐，點可以少咗薯條😅每一條都唔會太油，配埋個醬，完美😍整體黎講食物味道不錯👌環境不錯👌靜靜地可以同朋友慢慢傾計👌下次再黎😊…查看更多

之前一直覺得好似好貴🥶🥶唔敢入去食睇左好多年門口終於入去食第一次睇真d 其實唔算貴 最緊要值同好食叫左黑松露威靈頓牛柳🐮同西班牙海鮮飯本身驚2個人食唔哂唔跟湯好彩有叫今日餐湯係蘭豆湯 🫛🍲我聽完即刻google原來即係小扁豆 🫛個湯本身已經好香好夠味入面仲要好多料咬勁正有3款包🍞🥖跟但重點係個牛油🧈店員話係自家制黑松露牛油 🧈好香好好食西班牙海鮮飯好多海鮮🦐🦐🦐d蝦好彈牙又大隻 個帆立貝都好新鮮唔似出面d舖頭淨係得d 急凍雜錦海鮮黑松露威靈頓牛柳🐮真係強烈推介想講佢個酥皮唔係平時出面食個d急凍皮我事後問左老闆佢話係自己一層層搽出嚟 想話咁整好脆另外入面個松露醬唔會過份咸整體調味調得好好配菜又豐富又多 個焗薯🥔好好食下次要試埋甜品 睇menu見到都吸引有Apple Crumble 同埋心太軟今次太飽 連飲品都飲唔落係門口見到蘋果木燻黑毛豬鞍有特價下次試下先…查看更多

今日難得早收工，約左老公落荃灣到食一間實力派西餐廳。餐廳入面氣氛做得好有格調，環境乾淨企理👍員工服務態度好又細心我地就叫左一份咸豬手，一份比目魚菠菜忌廉汁繪天使麵，重有當然唔小得甜品。🍧主菜嚟之前會有自己家製超鬆軟麵包🥖再搽上佢地自製黑松露牛油一齊食，真係超超超超夾，好想再叫多份自己食曬佢。😆之後佢嘅餐湯都係心機之作，又係自家製，是日餐湯係薯蓉忌廉湯。口感滑溜，有濃郁薯仔味，配埋麵包食一流。比目魚菠菜忌廉汁繪天使麵比目魚有兩大嚿，煎到香脆可口重好嫩滑，肉質一啲都唔乾，天使麵軟硬度煮到岩岩好伴埋菠菜忌廉汁，食完都唔會好漏，好快比我地清曬一碟🤤咸豬手配酸椰菜咸豬手好大隻，擺盤好靚，好吸精😍店員重好細心會比你打埋卡之後先再切。豬手食落啖啖肉，外皮整到好脆再配自家製酸椰菜，酸椰菜整得岩岩好，唔會太酸，我地一口接一口，食到好飽😋誠意推介Apple Crumble 一上到枱已經聞到勁香玉桂蘋果味，呢個都係佢地自家製，玉桂味同甜度都岩岩好，蘋果肉粒粒分明，食落重有啲口感，重要熱辣辣配埋雲呢拿雪糕咁食，真係絕配🤤下次想上試埋心太軟😍…查看更多