321
40
13
影片
開飯介紹
以新潮食材加入傳統大排檔小炒，必試煎黑松露蓮藕墨魚餅及黃金栗米。
繼續閱讀
營業時間
今日營業
17:30 - 03:00
星期一至日
17:30 - 03:00
以上資料只供參考, 請與餐廳確認詳情
-
網上訂座服務暫停
食家推介
相關文章
有朋自遠方來，緊係要帶佢哋食下啲香港特色食物。楚撚記呢種有舒適嘅室內環境，可以嘆住冷氣食盡港式大排檔風味嘅就最啱！每次必叫嘅：楚撚記小炒王 爽甜韭菜花加上蝦干魷魚干，仲有脆口嘅腰果同銀魚，鮮香味美！激辣避風塘水魷🦑夠爽口，仲有好多芽菜同粉絲墊底，蒜蓉辣椒=好惹味，用嚟送酒一流七味黃金炸一口金磚豆腐 細細粒容易食，金黃酥脆外皮包住嫩滑嘅滑豆腐, 七味粉香而唔會太搶味菠蘿拔絲咕嚕肉 (梅頭) 肉質一啲都唔老，豬肉腍滑帶爽，味道酸甜醒胃夠清新燕麥金沙蝦球 🦐- 蝦球夠彈牙，蛋黃沙沙又香口，而面頭嘅燕麥增添脆口嘅口感仲帶少少回甘香煎黑松露手打蓮藕墨魚餅 - 我的楚撚記最愛，黑松露香氣加上彈牙嘅墨魚餅同爽口嘅蓮藕，配搭得宜唔油膩椒鹽鮮魷呢味經典嘅大牌檔菜式，咸香脆卜卜，最緊要係食落無油耗味蜜椒薯仔牛柳粒 香脆薯粒🥔同煎香嘅牛柳粒，加上蜜糖拌炒，黃金焦香甜美可人，細個最鍾意食加個唔係度度有嘅豬油🐖撈飯，按自己喜好放豬油同醬油，食落香得不得了今次仲試咗新菜式：老火菜乾煲豬肺湯好清甜🥬🥬自家製無味精，文火二十四小時熬製，火候十足，清心潤肺。飲得到係足料嘅老火湯！呢個大推呀~難忘漁港蝦醬骨🍖 (海山骨)，好濃嘅蝦醬味，比較偏重口味，適合送飯鑊氣豉椒炒蜆 - 蜆肉唔係好大隻但食落無沙，好香嘅豉椒味砵酒焗蠔煲 🦪- 荃灣分店限定，啲蠔都係份量足夠厚肉，煎到焦脆同滿滿砵酒香甜金沙黃金白飯魚細細條唔怕有骨，每一條都比鹹蛋黃充份包裹住，外酥內嫩豉汁蒸大鱔 夠肥美，無骨嘅鱔肉滲入豉汁，鮮香四溢辣酒東風螺 嘅花螺雖然係浸喺辣汁入面但唔會好辣（辣水魷反而仲辣），花螺肉質爽脆，唔難撩出嚟，食係上嚟算方便同遠方來的朋友以地道美食相會，開心就係咁簡單~💛
繼續閱讀
楚撚記行懷舊風大排檔，人氣超旺盛，呢到都係每個月同朋友相聚既老地方，朋友最鐘意去呢到食飯，所以呢日收工又一齊過左黎～咕嚕肉炸得香，脆卜卜 酸酸甜甜好開心，仲有水蜜桃，菠蘿同埋焦糖脆脆，拔絲甜甜地又估唔到幾好食～～！椒絲腐乳炒通菜，香味十足，大份又夠鑊氣！每餐都要吃菜感覺先完整！之前去其他大排檔，好多店都係炒蜆殼😑😑但呢到貨真價實🫣🤗食蜆最忌食到沙，係到完全食唔到沙，值得一讚👍🏻而且蜆肉炒得好有鑊氣😎😎配上洋蔥🧅、青紅椒🫑、豉椒加強香味🙈🍴咕嚕肉：$113🍴椒絲腐乳炒通菜：$72🍴鑊氣豉椒炒蜆：$99📌楚撚記大排檔🍽️荃灣川龍街118號百悅坊地舖至1樓
繼續閱讀
依間嘢網上30日已經book 唔到位～唯有靠walk-in，5:30一開門就入座，佢會要你七點前交枱。1) 用戰鬥碗飲啤酒充滿咗大排檔嘅特色，但又會坐得比大排檔舒服同乾淨，一個字「爽」2) 每間舖都有自己嘅小炒王，而佢嘅小炒王加埋叉燒，都好好送飯3）一口豆腐，外脆內軟，好好味4) 避風塘炒鮮魷，小小辣，啲炸蒜好惹味，可以送飯食5) 咕嚕肉，個人覺得太酸，下次可以叫其他！總括依然，坐得舒服，態度好，仲有甜品送，可以有下一次！！
繼續閱讀
食物比出面大排檔貴少少，份量同出面就差唔多，唯獨是避風塘鮮魷份量比較細叫咗咕嚕肉，冇特別外脆內軟，普通咕嚕肉，唔嚡口唔韌食落去都腍嘅，味道係唔錯蜜糖黑椒薯仔牛柳粒，我就覺得甜味可以多少少，同埋薯仔唔夠香口，平時出面大排檔檔嗰啲薯仔咁覺有少少煎炸過，表面有啲香口會好食啲，牛柳粒冇咩特別，都係腍嘅唔會話好靭或者鞋避風塘鮮魷，呢個嘅份量好少，比我預計中少，大約一隻手掌份量，同埋味道都冇乜，避風塘嘅味道落得唔夠，但係又唔似椒鹽鮮魷鹹香，變咗好似天婦羅咁，唔知點解叫避風塘，其實啲味道都唔會貴，點解唔落多少少呢？好難訂位， Walk in都要排好耐隊，質素嚟講唔係差，但係如果咁難先至食到，呢個質素我就覺得冇咩特別，唔值得特登排隊咁耐，同埋佢嘅價錢都比起普通大排檔貴少少環境係闊落嘅，不過啲凳係金屬嘅硬凳，坐耐少少屁股會痛，服務正正常常，唔差嘅，餸菜都嚟得快整體嚟講唔會話佢差，但係又唔覺得值得排咁耐去食，所以都係試一次就夠，因為感覺同其他大排檔冇咩太大分別
繼續閱讀
朋友聽過「楚撚記大排檔」大名很久，但一直難於book位，所以遲遲未嚐。適逢他最近升職，提早book了檯為他慶祝，來一償他的小願望7pm準時到達，剛好有一批食客已經陸續上樓，所以我們來到也沒有等候太久，店員已經即時安排我們入座（之前試過即使訂了座，因為食客太多，也等待了好一段時間才能入座呢）。不知是否真的有部份人選擇了北上消費，雖然全場滿席，但感覺客人數量真的沒從前那麼誇張。「楚撚記」有幾款招牌小菜，我們點了「黃金椒鹽粟米」&「炸大腸配菠蘿」，其實我平常不吃豬大腸的，覺得污糟又怕肥，不過這裡的炸大腸有點不一樣，它的擺盤看起來比較像乳豬，大腸變成片狀，裡面的脂肪處理得挺乾淨的，再夾著清新的菠蘿，讓整件事很容易令人接受，而且大腸炸得脆脆的，超級適合配搭啤酒。「黃金椒鹽粟米」的鹹蛋很重料，不鹹但很惹味，這個也是非常好的下酒菜另外點了「豉椒炒涼瓜」、「豉椒炒蜆」&「豉油王炒麵」，涼瓜炒得比較軟身，個人比較偏好爽口一些；炒蜆的份量還好，只是蜆肉算不上飽滿；炒麵多些蔥 & 芽菜這些配料，口感會更好。不過這三道菜的味道就偏鹹了一點，明白大排檔吃的是重口味，讓食客喝多些啤酒也是生意之道，不過少鹽一點，對於現代追求健康的香港人，應該會更受歡迎「楚撚記」的裝修很有港式風格，食物水準也不錯，埋單每人二百多，價錢不貴，不過食大排檔，限時90分鐘，真的太趕。趕著吃、趕著吹水，啤酒還未趕得及多開一支，就要趕著交檯了，個人認為這是一間值得一試的打卡餐廳但港式大排檔係食風味、食氣氛，為嘅係同朋友喝著啤酒，搶著說話，喝至微薰，聊到盡興，如果真的要一班朋友盡興，還是不用限時的地道大排檔最讚
繼續閱讀