楚撚記大排檔

買餸前同老公吃餐出名好吃的中菜楚撚記！地方大裝修有心思，再加上播住80年代熱門廣東歌，充滿香港特色。❤️老火菜乾煲豬肺湯（一盅（1人份量）份量足，光是看顏色也知道很濃厚，一碗湯有兩件豬肉和兩件豬肺，兩個人分享一碗已經很飽了四成。❤️懷舊豬油撈飯（碗）（復刻版）喜歡吃豬油飯的就不要怕肥，必點復刻版，豬油是固體狀，油香會較正常版香很多，加上不會太濃的醬油和軟硬適中的白飯，簡直平民極品😍❤️酥炸鯪魚球（配蜆蚧）外面米粉條做炸漿，口感得吃輕盈鬆脆。鯪魚非常彈牙又唔會過鹹，重口味嘅朋友可以配埋蜆蚧，鹹鮮味會去了另一個層次！ ❤️大澳蝦膏蒸豬面青是因為香味撲鼻嘅家鄉菜式，蝦醬味很香濃，豬面肉好爽滑，可以送好多碗白飯😆❤️脆皮豬手光是看賣相份量已經好嚇人呀，排得齊齊很吸睛。厚厚的豬手皮竟然非常脆口，補充膠原蛋白之餘又滿足到口感👍🏻❤️菜乾蠔豉燒豬骨粥最後要介紹的是粥品，原本沒有太大期望，在餐廳吃粥一定是有味精。但係最大驚喜就要粥品，選了細的份量都是這麼大碗，兩個人吃真是飽到上心口。粥底超棉滑又不會過油，蠔豉和豬骨份量也很多，連豬骨的肉還可以吃不「鞋口」，最欣賞是我吃不到重味精，是原汁原味養身粥。最後仲贈送兩碗糖水，很窩心，淡淡的真材實料罪惡感冇咁大🥰。…查看更多

行入楚撚記，第一感覺係「呢度真係大排檔？」。裝修懷舊得嚟乾淨企理，座位寬敞，冷氣充足，完全冇傳統大排檔嘅侷促感。無論係三五知己聚餐，定係一家大細嚟食飯，都坐得舒服自在。豆漿杞子鮮腐竹浸白菜仔湯底豆香濃郁，鮮腐竹吸盡湯汁精華；白菜仔嫩綠爽脆，杞子帶點自然甜味，清淡得嚟夠滋味，養生之選～土魷蒸肉餅肉餅肥瘦適中，蒸得剛剛好；土魷鹹香惹味，增添層次感，送飯一流，簡單傳統味道最考功夫～豉汁蒸魚雲魚雲滑溜入味，豉汁香濃唔死鹹，處理得乾淨，完全冇腥味：魚雲仲可以補充骨膠原，女士至愛～白灼八爪魚仔八爪魚仔新鮮彈牙，火候掌握得宜；特別欣賞兩款醬汁：Wasabi豉油嗆辣醒胃，帶出海鮮鮮味；海鮮豉油就傳統風味，鹹甜適中店員送上綠豆清心爽，綠豆煮得綿密，甜度適中，為呢餐畫上完美句號。呢份心意，喺而家嘅餐廳已經買少見少～楚撚記成功將傳統大排檔美食，用舒服環境同合理價錢呈現。冇浮誇擺盤，冇天價收費，只有實實在在嘅好味道。如果你都想喺荃灣搵間坐得舒服、食得滿足嘅大排檔，楚撚記絕對值得一試！…查看更多

放工同友人來呢度食, 雖然係荃灣楊屋道街市附近, 但門口好光猛。由於早一日已經打去book位, 所以晚飯時間７點入座都好暢順, 再晏少少就已經爆場, 果然係人氣大排檔 我地嗌左個二人餐, 套餐有港式燈籠滷味拼盆, 香爆黑椒牛仔骨煲, 金銀蛋浸時菜, 仲有2 碗白飯, 夠晒豐富 燈籠滷味拼盆-這碟滷水拼盤口感豐富多樣, 有墨魚、 火雞腎、紅腸等, 全部都滷得入味, 滷水有功架 香爆黑椒牛仔骨煲-上枱時好香嘖嘖, 因牛仔骨爆黑椒味好香濃, 肉質好軟腍, 完全唔韌。配料洋蔥, 紅椒同綠椒都炒得好惹味, 底層仲鋪上粉絲索晒D 黑椒汁, 送飯一流金銀蛋浸白菜仔-這個金銀蛋白菜仔, 佢用左咸蛋黃做埋湯, 有別於一般淨用上湯浸, 鮮甜而不油膩, 清淡得來又美味 飲品方面, 除咗本身餐廳供應嘅茶水之外, 我哋叫咗兩杯特大凍檸茶, 甜度剛好, 可以邊食邊傾計飯後餐廳送既甜品-熱的椰汁西米露和凍的清心爽, 兩款味道清甜, 感覺特別滋潤  仲有好多好有特色嘅菜式都想試🤤下次帶埋屋企人黎試吓先…查看更多

這間新式大牌檔我想吃很久了，有冷氣而且環境乾淨企理，於是今天便和朋友來吃一下，本身抱有濃濃的期望，可惜最後食物卻只是正常水平，沒有什麼特別，很多菜式上菜時只是微暖，味道不過不失，有點失望的感覺。菠蘿拔絲咕嚕肉：咕嚕肉只是微暖，感覺上不是即炸，皮不是脆的，不過肉質都算嫩滑，而且調味不錯，酸酸甜甜，至於拔絲沒有什麼特別，可有可無。椒鹽九肚魚：這款就是即叫即炸了, 可惜九肚魚的質感太軟爛，並不夠香脆可口，口感真的很差，這款菜式真的很讓人失望。馬拉盞通菜：通菜只是微暖，而且馬拉盞的份量不多，所以味道並不濃郁，只是一款普通的炒菜。避風塘鮮魷：雖然調味粉看似有很多，但完全不辣，像椒鹽多過避風塘，魷魚都算爽口彈牙，配上味粉之後味道還可以。鹵味拼盤：老公很喜歡吃滷味拼盤，看見這裏有便點了一份，選了墨魚、生腸和火雞腎，味道不錯但是份量極少，一點也不划算。最後餐廳送糖水，有熱的椰汁西米露和凍的清心爽，兩者都味道一般，不過免費的便沒所謂了。價錢方面，今次四人總共$492，提提大家價錢不夠$500 不收信用卡。總結來說，這間餐廳很多人都推介，但是味道卻有點普通，價錢亦不算便宜，而且大排檔最重要是「鑊氣｣，這裡吃不到這種味道，坦白說有點失望。…查看更多

朋友升職當然要賀一賀啦，於是搵左好受大眾歡迎，好有熱鬧氣氛又有鑊氣小炒既呢間餐廳慶祝一下。七味黃金炸豆腐（⭐️⭐️⭐️⭐️⭐️）未上主菜之前叫左炸豆腐當餐前小食，豆腐炸得十分香脆，重點係外面脆漿唔會過厚，薄薄一層增加香脆感。另外豆腐亦十分嫩滑，大小適中，唔會一夾就散晒，一夾一啖，好食到停唔到。土魷蒸肉餅（⭐️⭐️⭐️⭐️⭐️）肉餅好多地方都有，真係好食既好難搵到，但呢間餐廳就令我同朋友十分驚喜。肉餅既肉好嫩滑，而且仲好有肉汁，唔會好似其他地方咁蒸到乾柴咁。而且更難忘係肉餅好有彈性，好彈牙有嚼口，超級好吃送幾碗飯。豆漿杞子鮮腐竹浸白菜仔（⭐️⭐️⭐️⭐️💢）白菜仔煮得剛剛好，不會過老變得太淋，反而爽脆。配搭豆漿杞子湯底，十分清新解膩，有菜香豆香，一解其他餸菜的濃味，食得舒服！老火菜乾煲豬肺湯（⭐️⭐️⭐️⭐️⭐️）不得不讚呢個老火湯，飲得出真材實料無味精。唔好以為材料簡單，豬肺要清洗得無晒血水味腥味都要好多功夫，夏天時分又冷氣又爆曬，飲返啖靚既老火湯都幫到個人調和返，推薦！~~~~~~楚撚記大排檔(荃灣)  荃灣川龍街118號百悅坊地舖至1樓👍出色味道👍地點方便👍服務周到…查看更多