唔使再喺街邊大排檔「打躉」，今次同大家分享荃灣呢間「楚撚記大排檔」，真係有晒地道鑊氣小炒嘅風味，仲要坐得勁舒服，冷氣夠到要帶多件外套！裝修仲好有心思，有懷舊格仔磚、霓虹燈牌，播住啲廣東歌，成個環境好有氣氛，啱晒約埋班friend嚟吹水打牙骹。魚香茄子煲首先梗係要試下經典嘅魚香茄子煲啦！個煲熱辣辣咁上枱，一路食一路保持溫度，感覺好正～茄子煮得夠腍，吸收晒秘製嘅惹味醬汁，鹹香得嚟唔會太膩。撈埋豬肉碎，送飯真係一流～豉椒鵝腸炒得夠鑊氣，鵝腸口感爽脆彈牙，完全冇異味，處理得好乾淨。豉椒味好香濃，唔會死鹹，啲汁掛喺鵝腸上面，味道濃郁得嚟又唔會蓋過鵝腸本身嘅鮮味。夾一箸入口，真係非常惹味！香煎黑松露手打墨魚餅墨魚餅係手打的，入面仲加入咗爽脆嘅蓮藕粒，口感即刻豐富咗好多。煎到外皮金黃香脆，一咬落去，墨魚膠彈牙，蓮藕粒爽甜，層次分明。最特別嘅係面頭灑咗啲意大利黑松露粒，中西合璧，松露香氣濃郁但唔會搶鏡，昇華咗成道菜嘅味道，好有驚喜。竹蔗茅根紅蘿蔔馬蹄水（熱）食咗咁多重口味嘅小炒，飲返杯熱嘅竹蔗水就啱晒。佢哋煲得好清甜，味道天然，飲落喉嚨好舒服，真材實料冇加糖。紅蘿蔔同馬蹄嘅甜味中和咗竹蔗茅根嘅輕微甘味，據講仲有清熱下火、潤肺生津嘅功效，食完熱氣嘢飲返碗就最balance啦。最窩心嘅係，只要你喺楚撚記食晚餐，餐廳就會免費奉送糖水！今次嘅選擇係桂花太白拉糕同清心綠豆爽· 桂花太白拉糕：呢款係前美國總統都讚嘅上海著名點心，口感好得意，號稱「二黏一不黏」，即係黏盤黏筷但唔黏牙，食落煙煙韌韌，有淡淡嘅桂花香，甜度恰到好處。· 清心綠豆爽：如果你怕甜，呢款就啱你。綠豆煲到起沙綿密，但甜度偏低，入面仲有大大粒嘅清心丸，口感Q彈煙韌，食完好清新，冇咩罪惡感～…查看更多
【招牌黃金粟米】以咸蛋黃的濃郁香氣包裹粟米，入口咸香酥脆，與粟米的鮮甜形成絕佳對比，令人一試難忘。
【拔絲焦糖香燒脆腩仔】則是甜咸交融的代表作，焦糖的微苦與脆腩的油香完美平衡，口感層次豐富。加埋拔絲更有玩味。
【楚捻豬油撈飯】簡單但經典，豬油的香濃滑潤與醬油的甘香混合，讓人回味起港式家庭料理的樸實溫暖。
【生炒臘味糯米飯】糯米的煙韌口感結合臘味的咸香，每一口都洋溢著傳統的風味，花生粒又脆口。
【港式燈籠滷味拼盤】選了以墨魚、雞腎及生腸，鹵汁滲透食材，帶出濃郁的香料味。
【楚捻記小炒王】則是火候與味道的完美結合，脆爽的韭菜與香氣撲鼻的配料搭配得宜，而且充滿鑊氣。
【腐竹雞蛋糖水沙冰】將傳統糖水帶入嶄新冰爽的形式，腐竹的香滑與雞蛋的濃郁融入冰沙，清甜而不膩。
