楚撚記大排檔

本以為土瓜灣分店多人，原來荃灣分店都同樣咁多人，平日夜晚去，門口都有一堆人等位，餐廳入面已經好熱鬧😂以港式料理為主。室內舒服中品嚐港式大排檔風味，感受香港情懷。❇️香爆黑椒牛仔骨煲黑椒香氣一上枱就扑鼻而來，份量夠哂多，炆得軟腍入味，肉質嫩滑，食落完全唔韌，黑椒汁濃郁得來唔會太鹹😗❇️瑤柱三菇扒西蘭花西蘭花口感少少爽脆，茨汁無過漿，內裡有唔少瑤柱碎、瑤柱絲，味道剛好。❇️XO 醬海鮮炒鴛鴦米入面有唔少海鮮，粉炒得相當乾身，又唔會痴埋一餅咁，高質👍🏻❇️大檸樂味道幾酸下，比期望中更大杯🤭!❇️綠豆沙 x 蕃薯糖水最後仲贈送透心涼的「綠豆沙」，甜而不膩，蕃薯糖水飲完好舒服 但真係好飽為整頓大菜劃上完美句號。…查看更多

外出吃晚飯要夠鑊氣首選大排檔，要夠懷舊和坐得舒適，我們選擇「楚撚記」，連舖名都夠接地氣。香爆黑椒牛仔骨煲~煲仔未上枱已經傳來滾動的啫啫聲，夠鑊氣又熱辣辣，未嘗味令人食指大動，牛仔骨肉嫩滑美味，墊底的粉絲掛滿冶味黑椒汁，口感一流！菠蘿拔絲咕嚕肉~這款手工拔絲、焦糖餅伴咕嚕肉小菜是好配搭，很迎合我喜歡嚐甜，咕嚕肉選用脢頭，肉鮮嫩滑。黃金蛋黃炸魚皮~很有驚喜的炸魚皮，非常酥脆，蘸上蛋黃金沙，鹹香交織，吃一口齒頰留香！頭抽豉油皇銀芽炒麵~豉油皇醬汁香濃鹹甜，帶有豐富的層次感，簡單的材料，炒出色香味俱佳，絶對是大廚水凖。黃金炸饅頭伴煉奶~炸饅頭很香口，色澤金黃，配甜滋滋練奶吃，很有滿足感！免費甜品：免費都造到一絲不苟！竽蓉西米露~綿密清甜可口。綠豆清心丸~是我最愛的潮式糖水，清甜不膩，清心丸有少許煙靭口感，綠豆綿綿糯糯。…查看更多

大排檔系香港特色之一，傳統開放式廚房，從而散發食物香味，加上四周人聲，非常熱鬧。但環境衛生問題，街邊大排檔開始息微。朋友提議搵間坐得舒服既大排檔，在OpenRice搜尋一下，#楚撚記大排檔 人氣相當高，荃灣店非常就腳，由商場行過黎都系5分鐘左右。🥢猴頭菇蟲草花准山螺頭煲豬骨湯（一盅（1人份量）湯頭夠甜，又唔會太咸，無味精感覺👍🏻 非常足料，連粟米蘿蔔豬骨都食埋😋🥢撐腳二人套餐港式燈籠滷味拼盆**墨魚，火雞腎，豬耳墨魚，火雞腎乾身有咬口，豬耳質感爽口乾脆，擁有豐富滷味香氣和味道。仲有甜醬，芥末，豉油調味。🥢香爆黑椒牛仔骨煲黑椒同胡椒味唔會太濃，又唔會蓋過牛仔骨香味，唔系得個個辣字。牛仔入口口感鬆軟同埋唔黐骨，好易咬得開，肉質又好有咬口。🥢金銀蛋浸時蔬**白菜仔有幾種菜類提供選擇，而我鍾意甜甜地既白菜仔，上湯配上蛋花和肉碎，口感豐富又可清清口腔的油膩感，夏天食特別開胃，味道唔錯👍🏻🥢可樂&白飯餐廳環境熱鬧，幾有feel，同時乾淨企理冷氣又夠！…查看更多

今晚到荃灣一間樓上大排檔晚膳，餐廳門面充滿老香港特色，沿著樓梯都擺設了很多懷舊五，六十年代日用品。用餐卡位寬敞，坐得舒適，枱邊還放置了茶水架，十分貼心。餐牌上都是經典粵菜，滿載昔日情懷。“京都骨”（腩排）賣相精美，有花朵點綴。大大塊一字骨，新鮮即製，肉質爽口彈牙，加上酸甜芡汁，越食越開胃。“香爆黑椒牛仔骨煲”原煲熱焫焫上枱，香氣四溢，牛仔骨大大件，腍軟之餘又不失質感，微辣黑椒汁特別惹味。配菜有爽滑薯粉，混和醬汁，最宜伴飯。“醬爆鴛鴦雞煲”（滑雞+田雞）同樣原煲熱焫焫送上，濃稠醬汁，薑片蒜頭爆香，雞肉入味，田雞肉鮮甜，是久違了的菜式，值得一試。最後還有“綠豆爽”和“番薯糖水”奉送，真教人喜出望外呢！在懷舊粵語金曲當中，我們享用了豐富的一餐。…查看更多

港式大排檔黎講，楚撚記我同朋友都好鍾意食，可以食到大排檔風味，又可以嘆住冷氣，地點又方便，所以一直係同朋友食飯嘅好地方▪️鳳尾蝦多士$88 食落唔會太油膩，偏乾身，原隻蝦身，金黃酥脆，蘸上泰式辣醬好惹味▪️脆皮炸大腸$108 大腸處理得好乾淨，切成條狀，新鮮香脆，火候時間控制得得宜，配啤酒一流▪️香爆黑椒牛仔骨煲$128牛仔骨份量都好多，有成8塊左右，質地軟腍，黑椒汁夠入味，用煲上熱辣辣，非常下飯▪️楚撚豬油撈飯$25/碗食過就明點解啲人話豬油撈飯可以唔使食餸，加少少豉油、豬油、蔥同埋芫荽▪️藍妹$39食大排檔必須配啤酒！！啤酒會跟戰鬥碗～係呢到嘅特色😆食完仲送糖水，可以揀清心丸綠豆湯或者紅豆沙…查看更多

店內裝潢都圍繞著懷舊大排檔為主題，由一進入店門一直行上樓梯，沿途周圍都佈置得很懷舊，大排檔吊燈，地下更有綠白色瓷磚，裝修充滿港式風味，亦比舊式大排檔乾淨整潔，而且冷氣充足亦坐得舒適，店員態度亦很殷勤有禮。餐廳主打港式小炒菜式，菜牌上提供的選擇都不少，除了港式小炒及懷舊小菜，餐廳亦將新潮食材加入傳統大排檔小炒中，例如:香煎黑松露蓮藕墨魚餅及黃金粟米等。【香爆黑椒牛仔骨煲】(HK$113)揭開煲蓋，新鮮滾熱辣的還冒著煙，牛仔骨肉質軟淋，黑椒味道香辣濃郁，伴菜的紅椒、青椒及洋蔥吸收了醬汁很入味，口味偏重，送飯就最適合不過。【香煎黑松露手打蓮藕墨魚餅】(HK$108)煎得金黃色很香口，熱騰騰入口陣陣黑松露香味，墨魚餅彈牙而且有蓮藕粒粒，墨魚餅口感扎實又足料。【豆漿杞子鮮腐竹浸時蔬】(HK$86)有幾款時蔬可以選擇，我們選了通菜，很大的一碟豆漿湯底，豆漿味道有點像維他奶，配上鮮腐竹，感覺吃得健康。【楚撚豬油撈飯】(HK$46)豬油撈飯熱騰騰時加入豉油、蔥花及芫荽，令平平無奇的「白飯倍添滋味，沒有想像中的油膩感，很香，記得要趁熱吃。【糖水】(免費)〔綠豆清心丸〕微暖溫度入口比較清，淡淡的綠豆味道加上清心丸，味道不錯。〔蕃薯糖水〕熱辣辣薑味十足，蕃薯帶點粉，而且入口不太甜。【可樂】【忌廉】(各HK$13)雪得冰凍的玻璃樽裝可樂及忌廉，解渴又降溫，夏天喝就最消暑，爽。〔楚撚記〕@chor_land香港新界荃灣川龍街118號百悅坊地下-1樓G/F-1/F, Optimall, 118 Chuen Lung Street, Tsuen Wan, N.T., Hong Kong…查看更多

由佢開業已經成日話要去食 終於 係終於都食到🥲兩個人食乜鬼大排檔丫 食得幾多😪我地成日都會掛係咀邊最終都係忍唔住 豁咗出去 因為真係好難等到人多🫢當日去到 真係見到爆晒棚人山人海😲估唔到閒日都咁爆場懷舊既設計風格令人更投入當中😍最重要既都係個種熱鬧既感覺 講句野都要大聲啲😆➷🪐 七味黃金炸一口金磚豆腐唔知點解 黎到大排檔食呢啲就特別好食🫢粒粒金磚豆腐 入口時都依然係熱辣辣 非常滋味😋薄脆既外皮加上微辛既七味粉 每一粒厚度都好均勻👍🏼我地叫咗啤酒飲 所以用黎當係送酒小食都好夾🍻▸🪐 菠蘿拔絲咕嚕肉用上梅頭肉去整 啖啖肉既口感 岩晒唔鍾意有骨既朋友👍🏼沾上既炸粉唔會太多 唔擔心食落口係粉多過肉而甜酸度既調配都做得出色 仲帶有菠蘿香🍍夾埋拔絲同焦糖碎食仲可以多一份甜 有助提升肉香😶‍🌫️▸🪐 香爆黑椒牛仔骨煲牛仔骨煲反而就幾適合送飯🍚因為醬汁比較多順帶一提 佢地有豬油撈飯食嫁 如果你唔怕肥又想香口的話可以試吓佢 唔係度度都有得食😆試一次都唔過份既🫢講返個煲先 牛仔骨既份量都有幾多舊 唔係淨係食椒🫑肉質都好嫩腍 容易同骨位分開👍🏼黑椒帶點辛口既味道😋成日話食大排檔要有鑊氣 應該就係講緊呢一種🤤➷正宗大排檔既風味🥢雖然移師咗去室內但竟然無損當中既風味 同埋咁有質素既小炒👍🏼➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟…查看更多

無人不知既大排檔～食大排檔又想新派裝修同坐得舒服啲，一定係楚撚記，之前都成日黎荃灣分店，但就算堂食/外賣都太多人，成日唔想等就冇食好耐了，估唔到冇食一排，又好食左，員工質素都好左好多🥹！-💕 菠蘿拔絲咕嚕肉(梅頭) $113👅好味指數：9/10遲左影 搞到影唔到企係到既拔絲造型Tim🥲🥲份量超多，4人食剛好，咕嚕肉外層炸得好香脆😍 梅頭肉質好軟腍入味，甜酸汁味夠濃郁👍🏻，除左咕嚕肉，仲有3色椒同焦糖脆餅☺️，幾創新加埋一齊食又幾正🥰。-💕香爆黑椒牛仔骨煲 $113👅好味指數：8/10新鮮滾熱辣😍用煲上一開蓋就香氣撲鼻同「滋滋聲」，黑椒汁味極香濃，牛仔骨肉質軟腍唔韌，每塊都多汁耐嚼又入味☺️👍🏻 -💕 七味黃金炸一口金磚豆腐 $75👅好味指數：8/10一口金磚豆腐外皮輕脆重黃金味，內夠嫩滑，配埋炸蒜好惹味🥰。-💕 楚撚豬油撈飯 $23👅好味指數：8/10砵仔飯蒸得剛好，飯粒粒分明有咬口有米香🥰，淋上豉油豬油，潤滑而不油，配埋蔥花芫荽更香更完美。-環境：8.8/10服務：8.5/10整體味道：9/10回頭率：9/10…查看更多

大排檔嘅菜式不嬲都出名好好味不過大部分大排檔都係無冷氣楚撚記大排檔就唔同喇除咗小炒夠晒鑊氣之外最重要嘅係佢有冷氣🌬環境亦都好乾淨舒適咁就唔洗食到大汗疊細汗💦餐廳係長期大排長龍想食一定要訂檯呀‼️🔸七味黃金炸一口金磚豆腐🔸菠蘿拔絲咕嚕肉🔸香爆黑椒牛仔骨煲🔸楚撚豬油撈飯楚撚記嘅小菜真係好有鑊氣，全部都係即叫即炒，又多款揀。一口豆腐炸到外皮勁香脆，但內裏嘅豆腐就好嫩滑，形成強烈對比，再加埋七味粉同椒鹽，食落好惹味🤤咕嚕肉份量都幾多，有別於傳統大排檔，楚撚記嘅擺盤好精緻，呢道菜真係有個拔絲伴碟，咕嚕肉個汁酸酸甜甜，非常開胃😋牛仔骨煲上菜時都仲炸炸聲，聞落超香流哂口水，佢個黑椒汁調得好惹味，唔會太辣，咸度亦都適中，牛仔骨炆得好腍，亦都有好多肉，唔會淨係得骨，非常有誠意👏🏻豬油撈飯真係要試吓，將豬油同豉油配埋香蔥去撈飯，真係無得輸，兩三下就食哂成碗飯🤣食完仲有糖水揀，有蕃薯糖水同綠豆配清心丸，我地每款都要一碗，兩碗都唔會太甜！清心丸煙煙韌韌好好食…查看更多

又係懷舊風老香港大排檔🍽呢間餐廳好出名 一早已經知道好難訂枱 好好彩朋友訂到枱 所以就可以黎試下😀✨芝士琵琶豆腐呢個芝士汁係另上既 可以淋落去一齊食或者沾醬食不過芝士味就唔夠濃 而佢既口感好實淨 食落似食緊鯪魚球 豆腐味唔係好重 同有啲濟✨菠蘿拔絲咕嚕肉甜酸汁嘅甜酸度岩岩好 肉質咬落好爽 仲有焦糖脆脆 酸酸甜甜好好食✨濃湯海鮮粉絲什菜煲呢個就係普通嘅雜菜煲 冇咩特別 菜嘅份量都算多✨香煎黑松露手打蓮藕墨魚餅黑松露味好香 咬落食到蓮藕嘅爽脆 不過煎得有啲油膩✨楚撚記原隻脆皮炸豬手賣相好吸引 令人好想試 豬皮係脆嘅 但唔夠香脆 有部分都係有啲韌 同皮肉分離 扣分豬手都幾入味 咬落唔會覺得好硬 配左甜辣醬同芥末醬 感覺清爽啲✨香爆黑椒牛仔骨煲黑椒味好香 不過略嫌牛仔骨有啲肥 油脂感比較重✨椒鹽白飯魚白飯魚炸到好香脆 但唔覺得油膩 上面有勁多炸蒜 連埋一齊食香香脆脆咁 好味👍🏻✨豬油撈飯呢個豬油撈飯有豬油同豉油比你自己加 想食幾肥膩都有得你簡 建議可以放膽啲加多少少豬油 咁樣啲飯會更加好食 另外再加埋蔥粒 更加香👍🏻可能一開始期望太高 所以食嘅時候就有啲失望 餐廳嘅水準係正常嘅 但係唔可以講十分之好食同令我好想再嚟試 加上佢既上菜速度唔快 需要耐心等待…查看更多