影片
港鐵灣仔站 B2 出口, 步行約4分鐘
繼續閱讀
營業時間
今日營業
12:00 - 15:00
18:00 - 22:00
星期一
全日休息
星期二至日
12:00 - 15:00
18:00 - 22:00
以上資料只供參考, 請與餐廳確認詳情
相關文章
入選米芝蓮必比燈推介的意大利拿坡里薄餅店 「Little Napoli」 ，有多人氣我相信唔需要多介紹，自 2021 年開業以來，在跑馬地店一直深受愛戴，最近搬遷至灣仔大王東街，新店比舊店更大，當然受歡迎程度都係一樣，每日無論午市或者晚市都係需要等位👍新店擺放由拿坡里運來，比之前更大型和更好的石窯爐，以400度高溫的拿坡里進口石窯烤製出外脆內軟、餡料豐富的手工薄餅，真係超級出色！🍕灣仔店更加入更多新菜式，重現經典拿坡里菜式，食客們有福了😋😋▪️Tuna Tartar 新鮮的吞拿魚他他，配合Creamy質感嘅水牛芝士和索倫托檸檬果肉，口感細緻，鮮味突出，檸檬帶來清新香氣，味道帶有柑橘風味，清新開胃👍▪️Potato Crochet香脆的馬鈴薯餅，外層非常香脆，餡料搭配多種冷切肉及煙熏馬蘇里拉芝士，味道濃郁充滿芝士的香氣，超級美味▪️Octopus Luciana 傳統的拿坡里菜式，外脆內嫩的八爪魚配上清甜嘅櫻桃番茄醬、橄欖和脆麵包，味道甜、鹹和微辣都有齊，再加上酥脆的烤麵包，口感豐富，而且感覺甚有意大利風味😋▪️Fritta Arrabiata (fried pizza) 意大利街頭風味的炸餡薄餅，餡餅香口香脆，而且完全唔油，配合聖馬爾扎諾番茄醬、拿坡里香腸、各式蘑菇、煙熏馬蘇里拉芝士，瑞可達芝士、羅馬羊奶芝士、羅勒及微辣的紅椒碎，多款溶化咗嘅芝士融合了鹹香的香腸，口感非常豐富，完全大滿足👍▪️Luciana 🍕地中海風味濃郁，用上甜美濃厚的聖馬札諾番茄醬，再加上清甜的車厘茄，餡料是肉質鮮嫩的地中海八爪魚，埃塔橄欖的咸香，也為薄餅帶來了一絲鹹香，調味用上蒜蓉、辣椒碎、新鮮羅勒和橄欖油，提升風味，餡料食材簡單，但非常有風味▪️Affumicata 🍕原來係一個素食嘅pizza，以香濃茄醬配上燻製芝士的薄餅，芝士經過一晚浸泡，味道更濃烈突出，配以味道強又鹹味十足的羅馬芝士，大大提升整個薄餅味道層次，配合蒜蓉、鮮羅勒等配料，十分惹味 ▪️Boschiva (Coppa Ham)🍕食肉獸大愛，用上乘巴馬黑毛豬頸肉Coppa做主角，是非常珍貴的食材，肉質肥瘦相間，豬肉肉質鮮嫩，肉質肥瘦相間，味道濃郁且鮮嫩，吃時不感油膩，加入火箭菜、磨菇、香草牛至特顯食材味道。▪️Ice Cream Vanilla 🍨意大利雲呢拿雪糕，口感厚實味道濃郁，再加上焦糖醬，甜蜜又美味
繼續閱讀
我以往從來不是薄餅愛好者不過世事無絕對！自從2022年認識了跑馬地的Little Napoli後，就被那份真心誠意的味道打動了，久不久便要去捧場滿足口腹之慾。連續三年入選米芝蓮必比登推介及躋身意大利評審的50 Top Pizza Asia-Pacific的Little Napoli已經搬到灣仔大王東街！新店地方寬敞而且增添不少堂食座位，這天接近晚上六時來到已經見有人龍等待開門，火紅程度真的不是說笑喔。牆身仍是鋪上招牌的藍白圖案陶磚，充滿現代工業風格作裝潢很有意大利南部小店的氣氛。而開放式的廚房擺放了由拿坡里運來比舊店更大型和的石窯爐。一段時間未見總廚Gavino Pilo風采依舊！又可以品嚐他炮製的正宗拿玻里Pizza實在幸福。說時遲那時快Gavino Pilo已經著手炮製薄餅！所有薄餅均是即叫即做麵糰按照傳統技術發酵及搓揉，配上Denominazione di Origine Protetta原產地認證的新鮮食材餡料超講究。Pizza放入去只需90秒便能烤出外脆內軟新鮮出爐的薄餅好厲害。新店推出了全新美食Bowl Platter！Carpaccio Di Polpo$158選用地中海章魚製作，以雅馬爾菲檸檬皮、橄欖油配搭茴香及火箭菜炮製而成，口感十足鮮味滿滿香氣突出非常清新開胃。Melanzane in Carrozza$108這個菜式非常特別！裹上麵包碎的酥脆茄子內藏著煙燻阿傑羅拉水牛芝士和西西里乳清芝士，配襯酸香細膩的櫻桃番茄醬吃下酥脆又可口，喜歡番茄和芝士的朋友絕對不能錯過。Crocchè Di Patate E Salumi$128！這個馬鈴薯冷切肉餅炸得香脆不油膩，內裏混入了多款Cold Cut還有煙燻馬蘇里拉芝士，吃下既幽香且惹味口感超豐富。Polpo alla Luciana$128！這道傳統的拿玻里菜式選用彈牙的八爪魚，以櫻桃番茄茄醬、橄欖和脆麵包炮製而成，八爪魚的鮮番茄醬的酸加上橄欖的鹹，拼湊出令人念念不忘的香辣意式風味好迷人。品嚐了幾道新菜後是時候要吃我心心念念的薄餅了！首先來一件Fritta Completa$188，這個特色的炸餡薄餅口感非常香脆，內裏有坊間少有的黃番茄醬及Cicoli火腿。炸薄餅外皮非常香脆內裏的黃番茄醬帶出清甜味道，跟火腿的鹹香像跳Tango般合拍。總廚正在炮製Contadina，在焗好的Pizza鋪上滿滿的食材看得太有食慾了。Contadina$268選用來自博洛尼亞的意大利傳統火腿Mortadella來製作，還有我大愛的火箭菜、水牛芝士及黑松露碎，吃時以拿坡里傳統手法將薄餅左右對摺來享⽤，軟滑的Mortadella香而不鹹加上甘味的火箭菜太好吃了吧。Cosacca用上聖馬札諾香濃茄醬、迷你聖馬札諾番茄、塔拉鯷魚、羅馬羊奶芝士 、加埃塔橄欖、蒜蓉及鮮羅勒來製作，光看材料已經想像到薄餅有多惹味。薄餅同樣外脆內軟令人百吃不厭！這個口味帶有非常濃郁的鹹香，吃到鯷魚的時候份滋味縈繞口腔之中叫人回味不已。Norma$228是素食者的好選擇！餅底上盛載了聖馬札諾香濃番茄醬及新鮮聖馬札諾車厘茄，然後還有嫩滑茄子、水牛芝士及西西里乳清芝士奶香味滿分，吃到新鮮羅勒更能帶出清香滋味配搭得妙啊。Montana$228以聖馬札諾黃番茄醬搭配香濃的拿坡里莎樂美腸！內裏還有新鮮雜菌、煙燻水牛芝士及羅馬羊奶芝士，配上微辣的辣椒碎吃下濃香惹味超讚喔。最後以開心果車厘子雪糕和焦糖雲呢拿雪糕甜蜜結束。這頓Pizza盛宴吃得非常滿足吸收多少卡路里也不成問題！因為這高質的味道絕對值得我付出寶貴的Quota。
繼續閱讀
米芝蓮必比登推介✨意大利薄餅店Little Napoli✨由跑馬地搬到灣仔，成日心思思想試吓佢哋嘅新Menu😍😍今次同朋友專登去朝聖，一入門口就俾佢哋個開放式石窯爐吸引住——真係由拿坡里運過嚟㗎‼️店內藍白陶磚、懷舊地磚同柔和燈光💡真係好似去咗意大利🇮🇹南部咁，仲有大大塊玻璃窗睇住街景，打卡一流📸🔥頭盤冷盤 Bowl Platter：地中海風味前奏🔹Polpo alla Luciana呢道拿坡里經典八爪魚菜式真係驚艷！八爪魚煮得啱啱好，外皮微脆，裏面嫩滑到似食緊高級刺身。醬汁用聖馬爾扎諾番茄熬成，甜中帶微微辣，仲有加埃塔橄欖嘅鹹香同脆麵包粒增加口感，撈埋一齊食層次超豐富！🔹章魚生魚片 Carpaccio Di Polpo
精選地中海章魚薄片鋪滿碟，淋上阿馬爾菲檸檬皮同橄欖油，清新得嚟帶住淡淡柑橘香！芝麻菜同茴香嘅微苦平衡咗海鮮嘅鮮味，食落清爽開胃！🔹馬鈴薯冷切肉餅 Crocchè Di Patate E Salumi外脆內軟嘅薯餅炸到金黃，切開係煙熏馬蘇里拉芝士同鹹香冷切肉！肉碎同芝士嘅油脂滲入薯蓉，鹹香濃郁，好食到停唔到口！🔥炸餡薄餅 Pizza Fritta：街頭風味大爆炸🔸Fritta Completa金黃酥脆嘅炸薄餅一上枱就香到暈！外皮似港式煎堆咁脆，內餡塞滿聖馬札諾黃番茄醬同Cicoli火腿，鹹甜交織；三重芝士（乳清芝士、煙熏水牛、羊奶芝士）拉絲效果誇張，加上新鮮羅勒同黑椒提香，滋味度100分！🔸Fritta Classica素食者必點！黃番茄醬底比傳統紅醬更甜，煙熏水牛芝士同羊奶芝士鹹香突出，外皮炸到蓬鬆，芝士控必試。🔥手工薄餅 Pizza：拿坡里靈魂之選🍕 Contadina（Mortadella火腿）
博洛尼亞傳統Mortadella火腿粉嫩油潤，油脂分布均勻、入口即化！火腿鹹香配上火箭菜同松露碎，高級感爆燈，個底係拿坡里式薄脆餅底，煙熏香氣仲要係石窯爐烤出嚟，呢個質素真心抵！🍕 Norma（素食之選）
烤茄子加聖馬札諾車厘茄清新到不得了！水牛芝士同乳清芝士帶黎雙重芝香，食落一啲都唔膩，加入新鮮羅勒同橄欖油提升風味，就算無肉都依然令人食指大動～🍕 Montana
莎樂美腸嘅鹹香、雜菇嘅鮮味，再加辣椒碎同雙倍芝士，重口味人士最愛！微辣刺激配上黃番茄醬嘅甜，複雜得嚟好和諧，食完仲想Encore！🍧甜品開心果雪糕配車厘子🍦
自家製開心果雪糕堅果味超濃，質地絲滑到似食緊慕絲！酸甜車厘子醬平衡甜度，上面仲灑滿開心果碎，每一啖都好幸福～💌總結
香港最正宗拿坡里薄餅✨Little Napoli新店環境更有情調，食物水準保持到米芝蓮級數👍🏻👍🏻尤其Pizza Fritta同Mortadella薄餅🍕絕對係必試之選‼️加上用料認真，晚市時間超多人排隊💁🏻♀️建議預早訂位（得22個位咋！).Little Napoli✨
灣仔新址📍 香港灣仔大王東街6-16號
繼續閱讀
話說 Little Napoli 由跑馬地搬咗去灣仔新店，空間升級咗唔少，仲保留咗招牌開放式廚房，等你可以親眼見證薄餅師傅喺大石窯爐度即席炮製美食嘅過程！🍕 新店嘅 Menu 比以前更加豐富，除咗正宗拿坡里薄餅同意式炸餡餅，仲新增咗多款令人垂涎嘅小食同甜品✨🍴 前菜篇新菜單嘅小食真係驚喜連連，幾款必試推介：🐟 TARTAR DI TONNO BUFALA E LIMONE
吞拿魚他他鮮嫩得入口即化，配上火箭菜嘅清新口感同水牛芝士嘅濃郁，再加啲車厘茄同檸檬香，味道層次豐富，清爽又開胃！🥔 CROCCHÈ DI PATATE E SALUMI
呢款薯餅外皮炸到金黃鬆脆，內裏係軟滑薯蓉，夾雜火腿同煙燻馬蘇里拉芝士，鹹香滿分，咬落去超滿足！🐟 POLPETTA DI PESCE
用吞拿魚整成嘅肉丸，口感結實又有彈性，配上清香羅勒醬，味道獨特，係意式料理嘅新鮮演繹！🐙 POLPO ALLA LUCIANA ROSTICCIATO
傳統拿坡里八爪魚，爽彈鮮甜，配上番茄醬、脆麵包粒同橄欖🍕 薄餅+炸餡餅：拿坡里靈魂之作薄餅同炸餡餅係 Little Napoli 嘅王牌，試咗以下幾款真係唔會失望：🥓 BOSCHIVA
薄餅底鬆軟有彈性，用咗豬後頸部位嘅 Coppa Ham，肥瘦相間，味道濃郁甘香。加上火箭菜、磨菇同牛至，簡單食材就做左咁好嘅pizza 🧀 AFFUMICATA
素食之選！煙燻水牛芝士同羊奶芝士雙重芝味，配上多汁車厘茄、橄欖、蒜蓉同羅勒🐙 LUCIANA
充滿地中海風情嘅薄餅，八爪魚切片薄薄鋪滿，配番茄醬、車厘茄同橄欖油，加入蒜蓉同少少辣椒，鮮甜又帶點刺激，超正！🥟 COMPLETA (炸餡餅)
外脆內軟嘅炸餡餅，內餡有 Cicoli 火腿、三款芝士同羅勒，配黃番茄醬，濃濃奶香同黑椒味，一開二好方便外賣或同朋友分享！🍰 甜品篇🥐 SFOGLIATELLA RICCIA
酥皮層次分明，咬落去香脆可口，內餡甜而不膩，係拿坡里嘅經典滋味！🍦 焦糖雪糕
濃郁焦香同軟滑口感完美結合，每一啖都係幸福嘅味道
繼續閱讀
Little Napoli由跑馬地遷至灣仔新店新店空間大左唔少 繼續有開放式廚房石窯爐亦比舊店大 可以睇到薄餅製作過程食物方面 Menu比舊店選擇更豐富完整除咗多款正宗拿坡里薄餅 意式炸餡餅仲增添左多款小食 同甜品 ✨TARTAR DI TONNO BUFALA E LIMONE呑拿他他鮮嫩 火箭菜令口感更豐富 配搭水牛芝士同車厘茄醬 味道帶檸檬清香✨CROCCHÈ DI PATATE E SALUMI外層炸到金黃鬆脆 內餡薯餅搭配火腿同煙燻馬蘇里拉芝士 薯蓉軟滑 味道鹹香✨POLPETTA DI PESCE用吞拿魚製成肉丸 口感扎實 搭配清香羅勒醬 幾特別✨POLPO ALLA LUCIANA ROSTICCIATO傳統拿坡里菜式 八爪魚爽彈鮮味 配上番茄醬 配料有脆麵包粒同橄欖 味道酸香開胃✨COMPLETA炸餡餅外脆內軟 內餡有Cicoli火腿 三款芝士同羅勒等配料 配搭黃番茄醬芝士味濃 奶香突出 帶黑椒香 一開二好方便食 外賣之選✨BOSCHIVA薄餅底 口感鬆軟 有彈性 用上豬後頸部位嘅Coppa Ham肥瘦相間 味道甘香濃郁 配塔火箭菜 磨菇同香草牛至等✨AFFUMICATA素食配料有番茄醬 煙燻水牛芝士 羊奶芝士 牛至 橄欖 蒜蓉同羅勤等車厘茄多汁清甜 芝味十足 ✨LUCIANA充滿地中海風味 配料有八爪魚 配上番茄醬 車厘茄 橄欖同橄欖油等調味加入蒜蓉同辣椒 八爪魚切成薄片味道鮮甜 口感帶爽✨SFOGLIATELLA RICCIA酥皮酥香鬆脆 層次豐富✨ICE CREAM 焦糖雪糕 焦香濃甜 口感軟滑總結：薄餅即叫即做 食物唔錯 環境可以 服務唔錯 價錢可以
繼續閱讀