456
86
19
| 餐廳: | 蘇媽.蘇媽馬來西亞茶餐室 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
餐廳雖然開在一個比較靜的地方，但晚上的人流量也挺不錯的，晚上快８點了，還都是滿座的，裝修也挺有東南亞風味，來吃飯也可以感受一下氣氛。麥皮蝦（１３８元）很少見的一個組合，令人想不出的味道，吃完以後挺有驚喜的。店員更特別說明一定要吃麥皮，比蝦更好吃。整個份量挺不錯的，因為全部都是能吃的，沒其他配菜，蝦經過炸香，再跟麥皮一起炒香，所以吃起來挺酥脆的，連殼都可以吃，而麥皮也是脆脆的口感，吃起來帶一份奶香味，配上青紅椒和九層塔的增香，挺惹味的。麥皮真的好吃！馬拉盞蝦米炒通菜（８２元）我們選了炒通茶，口感脆嫩，味道鹹香，加了蝦米後，有獨特的海鮮味，而且不會太鹹。椰香咖央多士（４２元）中間厚厚的一層咖央醬，而多士烘得非常香，中間還是挺鬆軟的，吃起來外脆內軟，咖央醬綿綿滑滑的，味道香甜，挺邪惡的。桔仔話梅水（３０元）加了話梅後，味道更酸甜，梅味挺香濃的，桔仔水本身挺清甜的。冬瓜龍眼茶（３０元）消暑必飲了，整杯喝起來都非常清爽，冬瓜清甜，還有冬瓜肉，也不會太甜膩。
繼續閱讀
次次經過旺角都被佢外貌設計吸引好想入去一邊食一邊欣賞。今次有時間的起心肝入去試下佢😜一踏入去已經感受到古式古香懷舊風味😮欣賞完裝修後即刻睇吓有乜馬來西亞美食先，餐牌入面有好多美食😘但今次試左未試過嘅肉骨茶先，再加碟魚🐟仔醬蘿白糕、油炸鬼和特飲似水榴槤🤟肉骨茶(三層肉)白飯，油菜：待應熱辣辣送上，份量好足，三層肉肥瘦均匀，肥肉望落似好肥，但入口即溶肥而不腻🥰豆卜索晒個湯好好味，肉骨茶入口濃香好杰，濃濃藥材味和濃濃嘅肉味，大家冇搶大家嘅味，恰到好處👍👍👍魚🐟仔醬蘿白糕：蘿白糕煎到外脆內嫩，入口感覺有d蝦米粒🤔加埋魚🐟仔醬嘅鮮味和辣味，更加惹味☺油炸鬼：唔知馬來西亞係唔係唔同中國做法，食落口感需然外面都係脆，但內裏就比較煙韌结實😉齋食已經好食，但原來浸落肉骨茶裏面，索滿肉骨茶個口感更加正💯似水榴槤：賣相已好靓，入口濃濃嘅榴槤味，對喜歡榴槤愛好者一定要試👻👻👻真係要來多幾次先可以試埋其他馬來西亞美食，另外順帶一提如叫肉骨茶食，飲完唔夠可以添加😎😎😎
繼續閱讀
旺角鬧市竟然有咁馬來西亞風味裝修既餐廳，的確令人驚喜。入到去果然冇失望，而且餐牌除咗主食以外，亦喜見多款馬拉既甜品同小食。椰香咖央多士多士搽滿椰香咖央醬，配合多士香脆口感，入口少甜而不膩，絕對要襯熱食。百吉爹肉骨茶（三層肉）呢度嘅肉骨茶絕對唔係獨沽一味，大骨，細骨，一字骨，雜錦，好多花款。午市精選有三層肉，肉量之多真係望到都飽，當然仲有其他配料。肉骨茶味道夠香夠濃，但藥材味唔霸道，加上跟飯跟菜，七十幾蚊會令你飽到上心口。怡保手撕雞湯河粉賣相雖然似港式魚蛋粉，其實並唔係清湯，魚湯仲帶少少鹹香。成碗粉有大量雞絲，加埋蝦同魚片，大大碗。跟餐平時唔係咖啡奶茶，就係檸茶檸水，都預加錢，而家免費熱桔仔檸檬茶，有誠意。另外轉美綠恐龍相信唔使多介紹，海量美綠粉，夠晒香濃。
繼續閱讀
嚟到香港最正宗嘅馬來西亞🇲🇾餐茶餐室-蘇媽蘇媽旺角分店靠近地鐵站 好方便!茶室佔樓上座 別具特色🤓當日同朋友仔坐咗喺下層 見到好多兒童嘅回憶😳裝修環境行懷舊風 風格 令人好想瘋狂打卡🤪高佬麵配雞扒性價比之選 雞扒有兩嚿大大塊兩個女仔食真係食唔晒🙈 雞肉好嫩 配上高佬麵 食落好似正宗嘅印尼撈麵甘 好夾 配埋隻半熟蛋 好juicy 😋馬來惹味黑叉燒 另配馬來風情椰漿飯食落同本地既叉燒都大分別 唔會太甜 別具風味🤓馬來惹味黑叉燒偏多膏 可能唔使飯食都夠飽了~魚仔醬蘿蔔糕 鹹鹹香香 好惹味😈椰香咖央多士 記得趁熱食！呢個同馬來西亞食嘅味道幾乎一樣 推薦🤤馬來特產桔仔話梅水馬來西亞拉茶
繼續閱讀
今日中午嚟到朗豪坊附近做嘢，午餐就決定去食馬來西亞嘢，上網一睇就就決定食蘇媽，午市餐廳非常多人，環境有馬來西亞風味，送餐會用到送餐機械人，10分方便。馬來西亞拉茶一坐低就一定叫杯拉茶，由紅茶和煉乳製成，通過高低倒入杯中來製造泡沫，味道香濃。魚蛋魚湯米線湯底用魚骨熬製，清淡而鮮美，魚蛋同魚片口感爽口彈牙，米線幼滑。椰香咖央多士多士烘到外脆內軟，食落香脆可口，味道香甜，帶有濃郁的椰子香氣。魚仔醬蘿蔔糕蘿蔔糕煎到香脆，入面軟林，加上魚仔醬香口惹味。
繼續閱讀