影片
港鐵油麻地站 A2 出口
繼續閱讀
電話號碼
65344336
開飯介紹
旺角樓上咖啡屋，環境舒服，並有桌上遊戲供應，適合一班朋友聚會或聚舊。食物款式選擇多，例如薄餅、意粉、漢堡、全日早餐等，其中推介10吋手拉pizza。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
相關文章
今日朋友帶我嚟到呢間有board game玩嘅樓上Cafe 部屋咖啡室～一出𨋢就見到門口 全部都係梳化 感覺幾舒服～ 坐低睇睇餐牌 揀好就自己寫起一塊板 再比服務員落單🤣 食物種類都幾多 圖文並茂 好多樣嘢都想食 諗咗一陣終於都諗好啦～ 最後揀咗一個二人餐同埋加咗小食😬 八寶美顏花茶第一樣嚟嘅就係呢個養顏花茶 入面有玫瑰、紅棗、枸杞、桂花、同埋茉莉 夠晒養生 好適合女士🤭 仲有用小火熱住 真係好適合冬天飲 飲完暖笠笠😊 手沖冰波奶茶奶茶絲滑唔會好甜 有波波冰坐住 keep住飲都係凍 味道又唔會變淡👍🏻 西西里pizza即叫即整嘅手拉pizza 揀咗呢款用茄醬、辣肉腸、腸肉粒、蘑菇、同埋火箭菜 呢啲材料～ 手拉嘅面底 薄身得黎帶有煙韌口感 即叫即整熱辣辣 芝士仲要拉絲😍 好好味！ 黑松露雜菇意大利飯一上枱嘅時候超香黑松露味 睇到雜菇嘅份量都好多 味道適中 如果再多少少汁同埋個飯再煙靭啲就更加好啦😋 蜜糖雞翼勁好味！雞翼煎得啱啱好 搽咗蜜糖上面 真係好好食！ 炸蟹餅入面好似係蟹柳嘅肉 炸得香脆唔油膩 配埋酸甜醬 不錯～ 呢度有大量board game任你玩😇 整體嚟講 呢間 部屋咖啡室 環境不錯 服務態度不錯 食物質素不錯 重點係有勁多不同種類既board game 好適合一班朋友過嚟玩呀😌
繼續閱讀
今日同老 best去左行街，前排大家都好忙好耐冇見，要揾個坐得耐嘅地方傾下計互相 update近況🥹所以我哋就揾左旺角呢間樓上 cafe ☕️ 佢啲坐位舒服、仲可以任坐唔嬲～😻＊＊＊＊＊👯♀️COMBO FOR TWO 二人套餐 $38810吋手拉PIZZA 🍕炸蟹餅 🍘意粉/焗飯🍝黑森林 MOCHA🍫 +$23水果茶（壺）🫖 +$33又叫左最啱選擇困難嘅二人餐😆Pizza揀左BBQ烤雞磨菇PIZZA，手拉pizza新鮮熱辣出爐架！超級足料有好多雞肉🍗，仲有洋蔥🧅同蕃茄🍅等等～另外意粉揀左香辣虎蝦海鮮意粉🦐😋呢款單價高啲但個餐都唔洗加錢🥰除左有一大隻虎蝦🦐之外，仲有青口🦪、其他海鮮，例如蝦仁🍤、魷魚🦑，超級足料！飲品我哋加錢轉左特飲，可以慢慢飲坐耐啲😋仲有好多 board game任玩添～＊＊＊＊＊
繼續閱讀
💯頭盤小食：炸蟹餅——外脆內鮮，蟹肉味爆棚一開場就先試咗佢哋嘅炸蟹餅，一上枱就聞到陣陣香氣，外層炸得金黃酥脆，雖然係小食，但份量十足，兩個人share啱啱好，絕對係必點之選！ 💯主菜一：烤雞白汁闊條麵——濃郁creamy，雞肉嫩滑，平時食開白汁意粉，好多時都會覺得膩，但呢度嘅 烤雞白汁闊條麵完全打破我嘅刻板印象！白汁濃郁得嚟唔會漿住個口，仲有淡淡嘅蒜香同芝士味，層次豐富。烤雞份量慷慨，肉質嫩滑，皮微微焦香，仲有啲蘑菇同菠菜增加口感，整體味道平衡得恰到好處。如果鍾意creamy口感嘅朋友，呢道絕對係必試！ 💯主菜二：意大利西西里薄餅——薄脆餅底，配料足料，佢哋嘅西西里薄餅一上枱就吸引晒全場目光！餅底係正宗意式薄脆風格，邊位微微隆起，咬落去香脆帶煙韌，麵粉香突出。toppings方面有辣肉腸、黑橄欖、洋蔥同車打芝士，辣肉腸鹹香惹味，黑橄欖帶少少酸味，平衡返芝士嘅濃郁，整體味道好有地中海風情。最驚喜係餅底夠薄，食多兩件都唔會滯，適合鍾意輕盈口感嘅朋友。 💯飲品：巨峰提子梳打——清新解膩，果香爆棚食完濃味嘢，當然要飲返杯清爽嘅嘢！ 巨峰提子梳打*絕對係今餐嘅完美句號。一入口就係濃郁嘅巨峰提子香甜，唔會假甜，氣泡感適中，仲有少少提子果肉增加口感，解膩一流。杯底仲有少少自家製提子果醬，飲之前撈勻，味道更加突出，夏天飲真係透心涼！ 呢間Café雖然唔係咩五星級餐廳，但食物質素絕對拍得住高級西餐廳，而且價錢合理，人均$200左右就食到好滿足。服務亦唔錯，店員態度友善，上菜速度適中，環境又舒服，好適合同朋友傾偈或者一個人嚟Hea下，佢仲有好多唔同嘅board game玩！鍾意嘅朋友不能夠錯過！
繼續閱讀
藏身旺角登打士街的「部屋咖啡室」，以復古工業風混搭溫馨木調，斑駁紅磚牆襯托鎢絲燈光，營造出低調慵懶的歐陸小館氛圍。推開木門，咖啡香氣與煎烤聲響交織成迷人序曲，揭開這間街角食堂的味覺驚喜，仲有好多遊玩元素。鎮店之寶「蜜糖雞翼」先炸後焗，金黃脆皮下鎖住豐盈肉汁，蜜糖焦糖層如琥珀薄衣，甜脆與鹹香在齒間迸發三重奏，附贈檸檬角巧妙解膩。黑松露愛好者必點「黑松露意大利燴飯」—— 現刨黑松露片如雪花飄落，燴飯保留阿爾巴諾米芯嚼感，每粒米皆裹滿濃郁菌香醬汁，奢華氣息隨熱氣蒸騰繚繞。驚喜彩蛋「炸蟹餅」外殼酥脆如天婦羅，咬開即見絲絲蟹肉混和洋蔥碎，佐以檸檬蛋黃醬更添層次。晚市套餐附飲品，晚間推薦榛子朱古力同埋焦糖朱古力店內設有靠窗吧檯座位，獨享街景配手沖咖啡頗有巴黎左岸情調。適合閨蜜聚餐或獨享療癒食光。
繼續閱讀
又喺到放假搵好嘢食嘅時候，今日選擇咗出旺角，想搵間樓上咖啡室坐下傾吓偈。發現呢度就係要我搵嘅地方，我同朋友叫咗一個卡邦尼意粉、一個千島pizza、一個炸蟹餅、一個炸雞軟骨，當然仲要試吓佢嘅樽仔奶茶，另一杯就叫咗杯熱Cappuccino。首先一嚟嘅係卡邦尼意粉，睇個樣見到嘅時候已經好想食，因為見到佢啲汁係掛晒喺個意粉度可想而知係一定會好香濃，食落真係冇令我失望，意粉香濃得來嗰個煙韌度係非常之好，千島Pizza嚟到嘅時候係好熱辣辣，咬落去係非常之鬆軟好味，講吓兩個小食，炸蟹鉗配咗個泰式醬料係好夾味，炸雞軟骨我好欣賞佢唔會用太多調味料喺上面，咁樣反而食到雞軟骨嗰啲香味。樽仔奶茶好香滑，茶香味都非常濃， Cappuccino首先個拉花係非常之靚，當然飲落都係好好飲。
繼續閱讀