蘇媽.蘇媽馬來西亞茶餐室

最初聽過蘇媽蘇媽是該品牌在深水埗，直至她開了幾間分店，一直都因要預留時間排隊沒有機會試到。星期五的晚上相約了朋友在旺角食飯，我們就來碰碰運氣，大約等10分鐘就可以入座了。原來餐廳内部的空間都幾大，擺放的檯數都幾多，全場滿座還要等位真的頗受歡迎。我糾結了很久要食甚麼，最後選擇很多人推介的檳城福建蝦麵($66)，滲滲醬另上。蝦湯底溫度不是很熱，但有明顯、濃郁的蝦香、蝦油味，濃而不鹹，再加入一些滲滲醬為湯底增添一點辣勁，掛在我選配爽身的滲滲上更是惹味，相信無論是配甚麽麵食也很適合的 蝦麵本身有跟配幾款餸菜，例如有通菜、雞蛋、兩片燒肉、兩片魚片和一隻蝦，不算多；不過餸菜的質素麻麻，例如燒肉沒有燒過的味道又很肥、魚片的成份大概有很多都是麵粉所以沒有味道，蝦的肉質不太爽味道淡應該不新鮮，跟突出的湯底形成對比，在同一碗内的表現並不一致。馬來西亞拉茶(加配價$22)大大的一杯，可彈性選擇少甜少冰，味道偏淡，但應該是因爲本身的茶底不夠香濃，不太關少甜少冰的要求，難以飲到茶香，融冰後似奶水。另外還點了小食檳城香炸滷肉卷($58)，有兩條切開後共有四件。滷肉卷是以薄薄的腐皮包裹著餡料拿去炸，外皮炸的鬆脆，而我們想不到原來裏面是包著很多芋頭蓉，亦滲入少許應該是白蘿蔔的材料，卻難以發現到滷肉的存在，加入少許辣醬都幾夾。因此，我們二人各自食完一碗麵再食兩件如炸芋頭卷的小食都覺得有點飽膩，又有不知吃了甚麽的感覺。朋友點了一碗喇沙，是沒有加入椰奶的那款，香氣依然只是沒有椰奶的那種甜味，都是可以的但碗内沒有餸菜，要是點喇沙的話就要額外點小食，價錢上就會貴一點。終於試了蘇媽蘇媽，表現卻是令人有點失望。個人喜歡蝦麵的湯底，但其他材料以及食物都不如理想，有點遜色。希望餐廳可以改進一下食材的運用，選取質素好一點的食材配合你們的特色湯底吧。…Read More

今晚在旺角和太太食晚飯，天氣酷熱口淡淡，都吃點味濃的菜式，太太提議來這家蘇媽.蘇媽馬來西亞茶餐室，就來試試水準。餐廳環境以懷舊馬來西亞風格為主題，有不少特色的打卡點，平日晚市亦全院滿座，記得要早一點到。餐廳以傳統正宗的馬來西亞菜式為主打，有各款肉骨茶、主食、前菜、小食、甜品及飲品都有。三層肉 $58先點一客三層肉肉骨茶，肉骨茶可以無限任添，一呷先是濃香的藥材香氣，之後湯底的甘香漸漸浮出，三層肉肥瘦相間的腩肉酥香腴美，芳縈齒頰。椰香咖央多士 $35咖央多士一客四件，外層烘得香脆，中間塗滿厚厚的咖央醬，味道清香甜美，純粹天然椰香，十分美味。峇拉煎炸雞翼 $52炸雞翼外層焦香酥脆而內裡嫩滑，雞肉肉質軟嫩不乾澀，最令人有驚喜是一旁的峇拉煎，即是馬拉盏，辛香微辣，令人吃完一口又一口，十分惹味。招牌砂煲老鼠粉 $92叫了一客招牌的砂煲老鼠粉，侍者原個砂煲熱辣辣的送上枱，一打香氣撲鼻，趁熱將雞蛋、肉碎、魚乾等佐料一同拌勻，一匙入口，醬香鑊氣俱全，老鼠粉粒粒飽滿有嚼勁，加上不同配料的味道，每一口都有口味口感不一的驚喜。 檳城福建蝦麵 $66一呷湯底就知道味道一定有保證，湯底顏色深濃赤紅，鮮蝦精華味道突出，而湯底鮮味與辛香辣味互相陪襯，而配料份量亦十分慷慨，有鮮蝦、魚片、腩肉，令人不禁吃了一口又一口。桔仔話梅冰 跟餐$28/馬來西亞拉茶 跟餐$19最後點了兩杯馬來西亞特式飲品，桔仔話梅冰一吸頓然遍體生涼，口味酸爽，有暑氣全消的妙趣，而馬來西亞拉茶茶香奶滑，上面的奶泡更是有趣。…Read More

經過旺角，見到好多人排，就試一試佢全部都係馬來西亞菜裝修- 都好有馬來西亞特色，例如牆上壁畫、碗筷、整體裝修，都好似去咗馬來西亞/星加坡咁。叫咗三個餸辣死你嗎- 仁噹牛肉 $66-煩係椰汁🥥斑斕飯-味道偏甜，少少濕濕地-仲有蝦片伴碟玻璃魷魚配通菜$58-最快上嘅一個餸-主要都係食醬汁味，醬汁偏鹹，重口味-一定要有個飯或者麵，平衡一下味覺肉骨茶（一字骨）$138-一碗大概有四至五條一字骨-整得好入味，肉骨茶可以無限任添-最好係第一坐低，叫咗這個菜式，就已經有一杯肉骨茶馬來西亞拉茶$22-冇得走甜，味道偏甜-如果鍾意食清清地嘅朋友未必喜歡總結：兩個人食三個餸已經食唔晒-平時食量都唔細，不過今次份量偏大-尤其多肉骨茶同飯，容易漲胃3 個菜， 共 $284 冇+10%算抵食，不過喜歡味道淡清清地的朋友不會喜歡，適合重口味朋友仔…Read More

📍旺角 蘇媽·蘇媽鼎鼎大名嘅蘇媽相信無人不曉，13:00去到有好多人排隊，但翻枱速度快唔使等好耐。餐廳裝修好有特色，掛咗好多大燈籠🏮仲有牆身嘅壁畫同瓷磚地板，充滿南洋風情。𓇠 椰香咖央多士 $28 𓇠有4塊，多士烘到好脆，中間夾滿咖央醬，重椰漿同蛋黃味，又唔會太甜，推介👍🏻𓇠 辣死你嗎配仁噹牛肉 $58 𓇠賣相幾好，飯係班蘭綠色，但食唔到椰漿味，有啲失望🤦🏻‍♀️參巴醬汁濃，有少少辣，但未至於「辣死阿媽」🤣牛肉好淋唔韌，蝦片脆，加埋魚乾同花生好惹味🥜𓇠 檳城白咖喱麵 $55 𓇠原本白咖喱係唔辣，重椰香，但撈勻參巴醬就變成成碗紅色，辣過個飯🌶佢預設係油麵，麵質彈牙🍜另可配滲滲/米粉/ 米線/河粉/老鼠粉/米通粉。配菜豐富，有豬紅、芽菜、魚蛋、蝦仁、豆角同雞蛋🥚𓇠 馬來西亞拉茶 $16 𓇠拉茶係奶茶嘅其中一款，都係用紅茶、奶同砂糖沖成，味道同奶茶相似☕️ 因為用兩個杯倒嚟倒去，喺「拉」嘅過程會起泡。味道方面，個人認為甜咗少少，但飲落口感順滑。〰️總結：食物味道普通，份量正常，同價錢成正比，最推介係椰香咖央多士，拉茶都可以一試👍🏻▪️類別：#yinkifoodie_ 🇲🇾 #yinkifoodie_noodles 🔺味道：3.5/5🔹服務：3.5/5🔸環境：4/5 …Read More

經過蘇媽.蘇媽馬來西亞茶餐室門口， 見到排長龍非常感興趣😙，即興入去試下。 店內有兩層幾闊落，但座位就比較迫夾。 本身想飲肉骨茶， 但又想食其他菜式，所以下次先再試肉骨茶吧！ 🥢最後點檳城福建蝦麵$62、 仁嚐牛肉撈麵$62、 海南鴛鴦燒麵包$42、 椰汁班蘭冰$36、 馬來西亞拉茶 $17。 ▫️仁嚐牛肉撈麵🍜 ～ 嘩！牛腩好多🤩， 牛筋好腍， 薯仔又好入味， 整體都好正。     ▫️檳城福建蝦麵🍜 ～ 未食已經聞到有好香的蝦湯味， 配菜有豬腩肉、蛋和蝦， 麵的份量不算多， 湯底鮮甜帶點微辣，好味。 ▫️海南鴛鴦燒麵包🍞 ～ 麵包烘得好脆， 醬和牛油都搽得厚厚的， 配埋拉茶，的確好味。 ▫️馬來西亞拉茶☕ ～ 拉茶的味道好似馬來西亞當地的茶檔， 入口順滑又香，必飲。 ▫️椰汁班蘭冰🥤 ～  香滑濃郁的班蘭味，又唔會好甜。 價錢適中， 味道不錯， 但要有心理準備會排長龍。😁…Read More

本身都好少食馬來西亞菜，但見朋友大讚又心思思想試下。平時都見鋪頭外有唔少人等位，今日特登6點就去食，果然早到係唔需要等位。肉骨茶 (豬腳彎) $56每逢點有肉骨茶既食物，店員都會即刻提供每人一碗肉骨茶，而且仲可以無限任添。肉骨茶有濃濃嘅藥材味，帶有些少苦澀。豬腳彎真係啖啖肉，而豬皮部分都好有彈性。檳城福建蝦面 $62湯底係香濃嘅蝦味，飲落仲有啲辣。麵底係油麵，而配料就有雞蛋、魚片頭、蝦同豬腩片等。椰香咖央多士 $32多士烘到好鬆脆，裡面係滿滿嘅牛油同咖央醬，而且有好香嘅椰子味。馬拉沙嗲串燒 (3串) $48串燒分別係牛肉、豬肉同雞肉，都唔會燒到好乾身。沙嗲醬裡面仲有花生粒粒，點埋甜甜嘅醬汁食都幾惹味。馬來西亞拉茶 $20 夜晚都係唔好飲太多茶，點咗杯share飲。拉茶嘅茶味香濃，入口都好滑。總括嚟講，食物係比預期好食，而且價錢都唔貴，上菜速度都好快，絕對值得一試。…Read More

係旺角食馬來西亞野，蘇媽蘇媽絕對係我嘅首選！店面好大，環境好闊落，坐得好舒服裝修行復古懷舊風～喺香港已經好少可以搵到咁有傳統風味嘅餐廳了～價錢又親民，性價比超高！三層肉肉骨茶豬腩肥瘦適中，好香油香！肉肉仲好有咬口，唔會煮到好鞋！肉骨茶香味好濃郁～讚！另加左個白飯，好開胃！椰香咖央多士多士烘得脆卜卜，咖央醬塗得滿滿，唔會好孤寒～啖啖都有濃濃椰香！馬來西亞拉茶味道偏甜，奶味比較突出～整體都好香滑！讚！…Read More

檳城福建蝦麵（油麵）呢個湯底同平時食拉麵個湯底一樣👍🏻👍🏻好濃好濃，其實唔辣，濃濃嘅蝦底香～～👍🏻油麵彈牙滑溜，👍🏻夠認真，因為出邊食好多都麵底唔淋，未煮熟～配料其實幾少既：兩塊腩肉，兩塊魚蛋片，一隻熟蝦，半隻蛋。佢麵底份量都較多，所以都夠飽！馬來西亞出名椰香咖央多士🤩賣相擺得好靚吖 🤩🤩多士好脆～椰子味重咖央搽得好厚！！！💕💕💕不過我自己就唔鍾意太甜既食物；所以我就覺得有啲甜咗少少💕鍾意食甜嘅朋友一定要試呢個。辣死你嗎配仁噹牛肉失望，因為我以為係配牛肉而唔係牛腩。而且啲牛腩一啲都唔淋！馬來西亞拉茶👍🏻奶茶味蓋過甜味👍🏻👍🏻好飲👍🏻…Read More

提到馬來西亞菜 又點少得#黃店 蘇媽🥳，小編一直都好鐘意食蘇媽!!!肉骨茶又唔錯而且深水埗/旺角/銅鑼灣都有 好方便🙉次次都食到好滿足!٩(♡ε♡ )۶.① 椰香咖央多士($28)// 極度推薦大家每次都食💚多士烘到金黃色 食落香脆可口，而中間嘅咖央配牛油夾心食落好夾🍞而且食落唔會好膩 牛油鹹香加埋甜甜哋嘅咖央醬 值得每次都encore (๑•̀ㅂ•́)و✧//Food：🌕🌕🌕🌕🌕🌗② 辣死你嗎 配仁噹牛肉($58)- 牛肉多係牛腩位 而且肥瘦分佈幾平均 唔會全部都係瘦肉，幾唔錯😻至於飯就係椰漿飯🌿有好香椰醬味 醬汁撈埋飯都好惹味😋每次嚟蘇媽都必叫~Food：🌕🌕🌕🌕🌕🌘③ 百吉爹肉骨茶 配豬肚($45)// 豬雞份量都幾多 幾加分!! 肉骨茶好香濃，帶有少少藥材味而且有甜味🤏🏻 想飲完一啖又一啖🥰🥰而且肉骨茶可以無限refill的🤰🏻所以飲到飽都無問題🤣//Food：🌕🌕🌕🌕🌕🌑④ 馬來西亞拉茶（熱$23 凍$26)// 食馬來菜一定要飲拉茶🧋！熱嘅拉茶會比較甜同埋細杯啲，不過送到上嚟表層有好多泡泡好靚😍凍同熱都一樣咁好飲！//Food：🌕🌕🌕🌕🌕🌑➄ 馬來沙嗲串燒 3串($45)// 串燒分別有齊豬、牛、雞🍢，整體肉質都唔會好老，而且沙嗲沾醬仲會有花生粒🥜睇得出好足料而且味道都好濃厚 //Food：🌕🌕🌕🌕🌖🌑➅ 炸滷肉卷 ($48)// 貪得意就叫咗嚟試下~ 外層用腐皮卷包住，不過就唔係太脆 好難先咬得開，而且內餡嘅滷肉口感激似芋頭卷咁🤣🤣食到有啲懷疑自己嘅味覺...//Food：🌕🌕🌕🌑🌑🌑.💛蘇媽.蘇媽馬來西亞茶餐室 (旺角)旺角上海街618號地下G01號舖（📍銅鑼灣，深水埗，荃灣另設分店）🍮#aiiifoodie #aiiifoodie_mongkok #aiiifoodie_旺角 #aiiifoodie_黃店 #aiiifoodie_causewaybay #aiiifoodie_銅鑼灣 #aiiifoodie_荃灣 #aiiifoodie_tsuenwan …Read More

次次想食親馬來西亞野 就會諗起蘇媽循例地排佐陣隊就入座了裝修復古味十足 牆身有懷舊既油畫枱枱櫈櫈連地板都好有風味摻雜港味同馬來西亞味半半有多款當地特色餐點 次次黎親都選擇困難🙈 .▫肉骨茶😋👍🏻：👅👅👅👅/5分最大嘅特色係!! 免費肉骨茶任添😳😳講真我超愛飲湯的🤤🤤 飲得出係煲出黎同無落味精 藥材味偏重 濃到後勁有陣澀味雖然已經溫溫 但飲完都依然暖笠笠.▫百吉爹豬腳彎肉骨茶 $48😋👍🏻：👅👅👅👅.2/5分完全唔記得會有肉骨茶送 所以double佐😂😂 不過略有驚喜可能始終有熬 熱辣辣滾出黎 同有杞子同肉汁加持比起’例湯‘ 甜啲同會回甘 美中不足係 可能煮得太耐 肉質偏乾 .▫椰香咖央多士🍞 $28😋👍🏻：👅👅👅👅.6/5分必點!!! 店員仲提我地記得襯熱食烘到金黃色 你話點會抗拒到🥺咬落真係好脆口 外脆內軟每一口都好香甜～啖啖都充滿咖央醬牛油同咖央真係好match!!.▫檳城白咖喱油麵 $55😋👍🏻：👅👅👅.3/5分配料有 豆角 芽菜 魚旦 蝦 蛋 豬紅好濃椰奶香 餘韻帶有咖哩味 再有特色參巴辣醬調味 食落有啲辣 味道好有層次真係未試過白咖哩😳但食落唔算好驚喜.▫檳城福建蝦摻摻 $58😋👍🏻：👅👅👅👅/5分有豬腩肉 通菜 芽菜 蝦 魚片 蛋落佐好多蒜蓉乾係面腩肉薄切 油瘦適中 都幾有嚼勁芽菜通菜滿滿 可以解一解油膩第一口飲到好濃既蝦味 逢親有蝦調味既湯底就是正!!同時喇沙味都偏重 帶點微辣相比普通喇沙湯勁濃味 摻摻完全係卦湯既代表不過留意返真係好易發脹🥲.▫馬來西亞拉茶 $19😋👍🏻：👅👅👅👅/5分入口好滑 茶澀味香濃反而奶味比例無咁重個人幾鐘意der～～.總結，想試馬來西亞菜 真心推介依間🙆🏼‍♀️款款都好有特色同夠正宗😍重點係任添肉骨茶!! 而且價錢都好合理and 環境夠vintage我很喜歡💛順提 佢地上菜速度真係好快😂…Read More

餐廳11:30先開門，但係未夠鐘已經有幾枱人係門口排緊隊。餐廳有肉骨茶可以無限添飲，我覺得肉骨茶味道咸左小小，但藥材味係好夠既，趁熱飲特別好飲👍🏻🔸馬拉沙嗲串燒 (豬/牛/雞) $45/3串 $85/6串串燒唔會燒到太乾，肉質好滑，好juicy。個沙嗲醬係精粹，食得出有啲香茅既味道👍🏻🔹椰香咖央多士 $28緊係要試下咖央多啦，好重椰子味，感覺好正宗🤣多士亦都好脆，不過牛油味就比椰子味蓋過左，如果多番小小牛油味會好啲。🔸海南鴛鴦燒麵包 $38店員話麵包皮係焦糖麵包，仲要搭過飛機既，所以就決定試下。個餡同咖央多士係一樣，只係個麵包皮唔同左，不過食落兩個味係唔同既，呢個燒麵包食落去甜甜地，中意食甜既人可以試下🔹檳城福建蝦麵(油麵) $58碗麵好足料亦都好新鮮，有蛋有蝦有肉有菜。望落好紅卜卜好似好辣咁，但係食落去一啲都唔覺得辣，反正有好濃郁既蝦味。而油麵就好爽口彈牙，如果碗麵辣啲就仲正。🔸三層肉肉骨茶 $48豬肉一層層好分明，食落去好淋，最頂頭果層入口即溶，絕對唔會覺得好肥膩。雖然細細碗，但係三層肉既份量都好多。唔知啲肉原先係用肉骨茶浸住定係點，但係唔係好覺啲肉有肉骨茶味。🔹桔仔話梅水 $29 (優惠價$22*)桔味同話梅味配合得天衣無縫，唔會覺得太酸，少少酸反而令到個人好開胃，消滯解渴一流。🔸馬來西亞拉茶 $26@1 (優惠價$19@1*)熱既拉茶面頭會有泡泡，凍既就冇。我覺得拉茶味道一般，無特別驚喜，$26一杯有啲貴。*要選購一款飯/麵類或3款小食(不包括肉骨茶、白飯及淨椰漿飯)今次我就有兩杯飲品可以用優惠價我地3個人中午黎食，餐廳無收加一，$280左右埋單，食中午飯黎講有啲貴，但係如果夜晚都係食呢個份量都會食到好飽好夠食。整體來講食物選擇都好多，一次係試唔曬啲野食，除咗飲品有少少貴之外，野食嘅價格都算合理，下次會再黎試下其他野食👍🏻 店員話如果夜晚黎食冇得訂位，平時夜晚都好full，如果想食就記住早啲黎排隊啦😆…Read More

一直都幾鐘意食馬拉野，貪佢夠香口，香料獨特，一排冇食就會有啲掛住～食過深水埗蘇媽蘇媽幾次，今次嚟到旺角分店，砂窩老鼠粉係必點，好似煲仔飯咁，撈埋隻生蛋即刻加咗唔少texture，食到尾啲飯焦絕對係精華所在。馬來西亞拉茶好香，因為係遠距離倒茶，所以面頭有好多泡泡，好得意～甜度適中，茶底個香料味都幾重，入口順滑，幾鐘意。肉骨茶方面，其實我係第一次食，所以冇得比較。藥材味幾香，但又唔會重到令人難以入口，一字骨煲到好軟熟，唔會痴骨～另外仲食咗蝦麵，都唔錯，但冇咩記憶點。深水埗分店好似好味啲，不過旺角呢間就坐得舒服，冇咁逼，地點都方便好多。…Read More

身邊朋友經常推介蘇媽呢間以馬來西亞菜式既餐廳，加上身為鍾情馬來西亞菜式既我當然要身先士卒，嘗試下呢間遠近馳名既餐廳。一進餐廳，細顧餐廳既裝潢，立刻感受到濃厚既馬來西亞風格，當中更融合本地茶餐廳特色，別樹一格。首先一坐低，當然要一試傳統名菜，馬來西亞的肉骨茶屬福建派系，藥材味較香濃，果然一試味道份外甘甜，醬汁完全被金菇豆卜吸收，食落十分滋味，而三層肉口感軟滑，肥瘦適中，絕對係配搭肉骨茶既最佳之選。識食一定要點蒜和醬油接住下來我再點左個檳城亞參叻沙作有主菜，亞參叻沙出名以酸及辣為主，一試湯底酸味辣味比較重，值得一讚既係蝦膏重👍🏻甜味好出，份量都調中，不多不少。而甜品方面，我再叫左個椰香咖央多士，是東南亞常見的甜點材料。咖央醬做法一般以用上椰漿、鴨蛋或雞蛋、砂糖和牛油等材料隔水加熱撈勻做成。椰醬重，多士質感鬆脆，厚度夠，一咬入口十分滿足，唯獨醬不足，這方面可以改善。未試過馬來菜既朋友，可以放假抽空一試，絕對唔會令你失望。…Read More

香港有唔少馬來西亞餐廳，不過，唔係間間都岀名又好食，近排最hit嘅馬拉菜 - 蘇媽蘇媽，之前試過係深水埗分店排隊，要等四十幾張枱，今次就嚟咗旺角分店，喺上海街六一八號商場入面，店舖大啲，坐得舒服啲。招牌砂煲老鼠粉 $78 (7/10)上菜嘅時候仲有微微絲煙霧岀，明顯係將老鼠粉及配料炒香，再放入預熱好嘅砂煲入面，所謂嘅老鼠粉姐係落咗老抽嘅銀針粉，肉碎、白飯魚乾、炸蒜、乾蔥、窩蛋等等做配料，老鼠粉本身只得淡淡嘅咸味，不過將所有配料撈埋一齊食，味道立刻岀曬黎，炸蒜夠香，白飯魚好及肉碎咸香惹味，令老鼠粉嘅味道大大提升。肉骨茶 (大雜錦) $145 (5/10)肉骨茶湯有濃烈嘅藥材味，個人覺得個湯底唔係咁啱我口味。大雜錦有棒棒豬仔骨、金菇、豆卜、豬腩肉、豬肚、豬腳、雞腳，肉骨茶用咗以上所有湯料淆制，滿滿肉骨茶係湯料入面，個人偏愛豬腳，豬皮淆到十分淋滑，骨膠原都岀埋黎。另外仲有一碟油炸鬼以及響鈴，比你浸入肉骨茶湯底一齊食，油炸鬼以及響鈴可以吸收咗肉骨茶嘅精華，非常入味。馬來沙嗲雞肉串燒 $45 (7/10)沙嗲汁甜甜辣辣，雞肉串燒點沙嗲醬食，十分惹味。椰香咖央多士 $26 (6.5/10)多士塗滿了椰香咖央，爆咖央非常邪惡，咖央算幾重椰子香味，不過味道偏甜，唔係個個都喜歡。馬來咖喱酥 $42 (7/10)上菜時係熱辣辣，新鮮即炸，酥皮鬆化，入面咖喱醬非常香。馬來西亞拉茶 $25 (7/10)奶重茶香，由於多奶嘅關係，口感非常香滑。美綠恐龍 $33 (7/10)凍嘅美綠甜甜哋，最上加咗滿滿嘅美綠粉，令美綠恐龍嘅味道更加濃郁。檳城白咖啡 $25 (7/10)咖啡味温和，唔算好濃烈，啱曬我哋呢啲唔係太接受到咖啡苦澀嘅朋友。總結: 除咗肉骨茶，其他食物都幾鍾意，尤其老鼠粉，其他馬拉餐廳比較少有。至於拉茶，亦都係個人推介之一，多奶關係口感特別香滑，價錢適中，想食馬拉茶嘅朋友，可以去呢間試下。…Read More

約左friend去旺角，咁就一於食蘇媽啦！一放工就去，大約6:45PM到，門口已經有少少人等緊，拎左飛大約10分鐘就入得。平時好少飲港式奶茶，呢杯馬拉拉茶又唔錯喎，茶味幾濃。我鐘意食甜野，咖咉多緊係必點啦，咖咉比較甜，配埋拉茶就啱啱好。不過塊麵包唔夠熱，唔似剛剛烘出黎，如果再熱D就更加正。辣死你嗎配咖喱雞肉，除左雞肉，仲有青瓜、花生、魚干仔、深巴醬做配菜，撈埋椰醬飯一齊食，小小辣，幾惹味，但係塊蝦片太林，扣左分。食完出黎7點半到，門口就好多人等，唔想排隊就要避開放工時間黎喇。…Read More