蘇媽.蘇媽馬來西亞茶餐室

4-10-2025（Sat）晏晝同老公離開將軍澳後，我記起始創中心有間舖賣小忌廉嘢，於是走去，但原來老公又有嘢去砵蘭街某商業大廈攞，咁先去攞嘢，而其實我係肚餓唔飽，於是攞完後，就嚟呢喥食少少嘢。我哋嚟到唔多人，坐低後睇menu，有$66.00嘅榴槤多士餅配雪糕，印象中好似同老公喺荃灣食過，翻查記錄，果然係，就係2025年2月2日提交，上次荃灣嘅呢篇食評 https://s.openrice.com/QrbT0CkbP00~ukrQAAA。咁今次我哋唔食喇，食$42.00嘅椰香咖央多士？好似普通咗啲，但睇到$48.00嘅海南鴛鴦燒麵包好似好吸引，不過鴛鴦係咩嚟？落單時問啲店員先。而嘢飲方面，我要$42.00嘅椰汁班蘭冰，老公要$42.00嘅薄荷桔仔梳打。決定咗後，就叫店員問問題，佢答咗唔知咩嘢，但好有禮貌，之後我哋用QR code落單。落完單，兩杯嘢飲到嚟，我揀椰汁班蘭冰少冰嘅，飲落，班蘭味出啲，亦有稍為腍咗啲嘅西米，而成個味道都唔太濃，亦唔太杰。4分老公嘅薄荷桔仔梳打呢？我哋都覺得酸咗啲，要加返多少少糖漿。2.5分最後海南鴛鴦燒麵包到嚟，見到麵包係朱古力色，亦見到有咖央同牛油，食落，麵包好夠脆亦有味，但唔知係咩味，唔飲似朱古力但好味嘅，而咖央醬就甜咗啲，加牛油嘅滑，成個係唔差。4.5分服務：唔錯，好有禮貌。抵食係2.5分…查看更多

又同同事出去覓食豐富嘅午餐，行到充滿文青嘅地方旺角618蘇媽蘇媽食個靚Lunch😋🍽️ 怡和芽菜雞呢間出名嘅馬拉菜餐廳，午餐見到佢有芽菜雞，二話不說即刻點咗嚟試吓，叫半隻就啱晒我哋😚雞油雞味夠晒嫩滑，配埋芽菜好Juicy😋🍽️ 百吉爹肉骨茶食馬來野點可以唔叫佢地嘅肉骨茶？所以揀咗佢哋推薦嘅馬來特色肉骨茶，啲肉好腍，啲湯好濃郁好有風味，飲落都好正宗，呢個係encore之選！因為Lunch嚟食，所以有lunch set包咗一碟油菜添，真係好抵😍🍽️ 怡保白咖啡套餐包咗一杯餐飲，一向鐘情咖啡嘅同事當然要試吓馬來西亞出名嘅怡保白咖啡☕️同事話味道好重😂咖啡味濃幾特色！🍽️ 麥皮蝦真係孤陋寡聞，原來馬拉菜其中特色之一嘅麥皮蝦喺香港都食到，所以我哋見到就即刻落單🦐估唔到有好多蝦，我哋食極都食唔晒需要打包，啲蝦新鮮大大隻用麥皮炒到乾脆，入晒味正呀！🍽️ 椰香咖央多士一直鍾情馬拉甜品，而家央多士係新馬必食甜品之一🍞脆卜卜嘅多士加埋咖央醬，真係不得了，清甜得來又夠鬆脆😍So yummmyyyyy~~~🍽️ 似水榴槤我仲叫咗一杯超級特飲，似水榴槤🍹即係貓山王配蔗汁，獨愛榴槤嘅我食得好滋味🤪滿足的晚餐！…查看更多

天氣開始秋涼，今次嚟蘇媽見到有肉骨茶立刻點嚟試下。好開心坐近玩具飾櫃的位置，入面有好多懷舊玩具。我地2人揀咗百骨爹肉骨茶（細骨）可免費續湯。這裡的肉骨茶偏向藥膳味，與其他餐廳的胡椒味很不同。湯底加入了當歸，北芪等等的中藥，湯頭帶點甘甜，飲落好滋補。雖然說是細骨，但份量一點都不細。要慢慢將豬肉拆落再配湯一齊食用。肉骨茶配料亦非常豐富，有冬菇，金針菇及豆卜。每款配料吸滿湯汁，食落非常正。主食點了湯咖哩豬頸肉喇沙油麵， 個湯底椰奶味重，有少少辣。配料非常多，有薯仔，豆卜，豆角等。而豬頸肉肥瘦剛好，食落香口。最後的甜品時間，平時我地點普通咖央多士，今次試吓紫菜肉鬆咖央多士。咬落口感香脆，味道咸甜配搭，味道又幾夾。咁…查看更多

最近去咗旺角嘅蘇媽蘇媽，真係食到好開心！佢哋嘅雙拼肉骨茶真係一絕，價錢$86，裡面有豬肚同豬手仔，湯底濃郁，肉質軟嫩，食落去好滿足，仲有油菜，清脆爽口，完美平衡咗肉骨茶嘅濃味😋 再加埋白飯，飯粒鬆軟，吸收咗肉骨茶嘅湯汁，食得好過癮😛另外，蜜糖燒雞一隻只需$18，雞皮香脆，肉質鮮嫩，蜜糖嘅甜味令整隻雞更加美味，真係令人一試上癮😚甜品方面，椰汁班蘭冰只需$18，椰汁香濃，班蘭味道清新，真係消暑又解渴👍抹菜榴槤糯米糍糯米糍內裡包住濃郁榴槤，但係外皮比較厚同硬，食落去麻麻地，唔推薦😅貓山王榴槤西多士呢個相比頭先嘅糯米糍，反而好食好多👍西多士入面滿滿嘅貓山王榴槤肉，食落非常邪惡🤣📍 蘇媽.蘇媽馬來西亞茶餐室 (旺角)旺角上海街618號地下G01號舖#蘇媽蘇媽 #馬來西亞美食 #人氣餐廳 #旺角美食 #上海街美食 #必食馬來西亞餐廳 …查看更多

始終馬拉肉骨茶至正自從荃灣店結業後，都再無食過，呢家密密加價，大骨肉骨茶已經$168煲，不過勝在可以任添，職員每次都裝滿成煲口味上應該已經有調整過，入口當歸味仍明顯，甜度更突出，最正係枱頭有成樽蒜頭粒隨便加落去湯底到餐廳另一招牌狗仔粉有揀生蛋/熟蛋，裡面仲有大量蝦米、炸蒜、油渣，不過一上枱其實個煲唔熱，純粹炒完直接倒落去，所以好易痴底，呢個位扣少少分*細骨肉骨茶 $168*狗仔粉 $88 (午市價包飲品）…查看更多

小編一直都好想食肉骨茶，今次係旺角試下出左名好多年嘅蘇媽蘇媽⭐️入到餐廳，好有一種置身於馬拉嘅感覺🇲🇾！充滿熱帶風情🥰✨肉骨茶 $168推薦度：9.3/10肉味同藥材比例適中，唔會話太重藥材味搞到飲唔落口，肉量都好夠！熱湯暖胃，驅走寒氣，店員會出動幫手加湯，無限添飲嘅肉骨茶，所以會好滿足‼️✨砂煲老鼠粉 $92推薦度：9/10老鼠粉就係好似銀針粉嘅一樣野😙裡面有大量豬肉碎，蒜粒，魚乾，蝦乾，豬油渣，中間有粒流心蛋，全部撈埋一齊食，熱辣辣嘅砂煲，好惹味❤️‍🔥份量夠兩個人食！✨椰香咖央多士 $42推薦度：9.1/10多士搽滿椰香咖央醬，一秒置身於馬來西亞，多士趁熱食，外皮口感脆卜卜，裡面再夾住牛油🧈，外脆內軟，甜而不膩😋✨馬來西亞拉茶（熱） $25推薦度：8.9/10奶茶香濃，飲落去好順口！茶上面有啲泡泡🫧，熱辣辣充滿奶香🤤男小編👦🏽：味道：9.3/10環境：8.7/10服務：9.1/10性價比：9/10📍 蘇媽.蘇媽馬來西亞茶餐室 (旺角)旺角上海街618號地下G01號舖‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚⟡˖ ࣪ 𓈒 ˖ ࣪ 𝜗𝜚‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚🔅真實食評不作假！🔅男女小編不定期更新👦🏽👧🏻…查看更多

蘇媽．蘇媽馬來西亞茶餐室是一間氣氛熱鬧、主打地道馬來美食的茶餐廳，位置方便，鄰近旺角地鐵站，門口經常見到排隊人龍，人氣可見一斑。餐廳裝潢帶有南洋懷舊風情，牆上掛滿字畫與老照片，令人彷彿置身於馬來西亞街頭的小店，環境舒適但略顯擁擠，適合三五知己聚會。餐牌選擇豐富，必試馬來西亞經典招牌菜椰漿飯。香濃的椰香飯色澤翠綠，配搭惹味叁巴醬、花生、小魚乾、黃瓜、半隻蛋及咖喱雞，層次感十足。咖喱雞鮮嫩入味，叁巴帶微辣，十分惹味。另一推介是肉骨茶，湯底藥材味濃郁，豬骨大件又滑嫩，喝一口立刻暖胃。小食方面，烘得香脆的咖央多士夾心滑順，甜中帶鹹，令人回味。鍋燒麵條配上生蛋和肉碎，拌勻後鹹香濃郁，配料更有脆脆的炸蒜和小魚乾，口感豐富。飲品方面，無論是冰鎮奶茶還是酸柑水，都很有南洋風味，消暑解渴。總結而言，蘇媽．蘇媽以親民價錢帶來正宗馬來西亞美食，無論是主菜、湯品還是小食都表現出色，是旺角區品嚐南洋風味的好選擇。唯一美中不足是人多時略顯擁擠，但整體體驗值得推薦。…查看更多

旺角呢間蘇媽都幾大間🕌🍽️ 甲必丹咖哩炸魚柳飯🍛 $76 (7.5/10)甲必丹咖哩煮得幾香幾好味，不過魚柳同白飯就普通～🍽️ 魚仔醬炒蘿蔔糕🥙 $64 (8/10)蘿蔔糕好大份，可以當係一個主食！魚仔醬味非常濃郁，幾有馬來西亞特色🇲🇾但食多會覺得有啲重口味👅蘿蔔糕外層煎得好香脆，都幾飽肚～🍽️ 椰香咖央多士🍞 $42 (8.5/10)最想試就係咖央多士🤩應該係我最喜愛嘅馬來西亞小食啦😋牛油味勁濃🧈麵包烘得乾乾地微脆，不過我覺得可以再俾多啲咖央！餐廳仲有好多菜式都好吸引，下次要再黎試！🤩…查看更多

朋友從美國返嚟敘舊，食完午飯，想搵個地方飲咖啡及繼續傾偈，經過蘇媽，見人不多，可能因為今早掛黑雨. #檳城亞參叻沙米線 $68湯底跟我在馬來西亞食過的亞參叻沙比較，蘇媽的食譜是辣味重過酸味，算是非常辣，選食這碗米線時要有心理準備🤣. 米線好滑，魚肉，洋蔥等的配料都配合得不錯.#馬來西亞拉茶（凍） $29正常拉茶一杯.#熱桔仔檸檬茶 $25正常桔仔檸檬茶一杯.#熱怡保白咖啡（走甜）$25朋友口水多過茶，要再叫多一杯飲品補充水份😆. 朋友話這杯咖啡好香，值得推介.…查看更多

今日收工想食啲特別嘅菜式，所以拉埋同事一齊食蘇媽，性價比高，但質素唔差👍👍🌼怡保芽菜雞（半隻）隻雞幾滑，但底個醬料冇乜特別，比較似豉油雞汁嘅感覺，芽菜比較青但爽口，我自己就唔介意，鍾意點埋啲汁一齊食🤓🌼湯咖喱豬頸肉叻沙（摻摻）正常發揮，略嫌摻摻個份量有啲少，夾左幾啖就好似冇啦🌼椰香咖央多士好味！必叫！記得一定要趁熱食🌼焦糖開心果沙冰一般，開心果味唔算濃🌼美祿暴龍美祿味重，超大嘅一杯，鍾意朱古力嘅可以試吓🌼馬來西亞拉茶正常發揮，不過因為拉茶本來就好飲🤣…查看更多

突然好想食馬拉/新加坡風味湯麵有一段時間冇嚟蘇媽點知風味水準不再（係咪易左手？）門口嘅下午茶menu 做招徠但紅日係冇呢樣嘢點左白咖喱海鮮米粉嚟到嘅係一碗椰汁湯海鮮米粉白咖喱醬去左邊？偷工減料定想魚目混珠？海鮮方面，隻蜆好腥，蝦係雪藏蝦（意料之內）呢碗野唯一優點係米粉量多，可以餵飽一個成年人咖央多士正正常常，嚟到叫侍應姨姨叫我哋趁熱食，食入口根本唔熱，暖都稱唔上斑斕椰汁冰飲唔到斑蘭味杯野似係椰奶溝色素，杯底有堆結埋一舊嘅西米我地用正價食呢一餐，水準、味道不再只能夠用濫竽充數嚟做總結呢次會係最後一次，呢間餐廳/品牌唔會再幫襯埋單只接受現金、微信支付，心照:)…查看更多

肉骨茶肉骨茶的湯味道非常濃郁，香氣四溢，一聞就讓人食慾大開。豬骨煮得很入味，肉質鮮嫩，一口咬下去，滿口都是肉的香甜。湯頭更是滑順，喝一口就讓人想再來一碗！咖央多士咖央多士外皮烤得剛剛好，酥脆可口，裡面的奶油香濃得讓人心醉。這搭配肉骨茶簡直絕了，鹹香的肉骨茶搭配甜甜的多士，口感上的對比讓我吃得特別過癮。總結這頓肉骨茶和咖央多士的組合，是必試的美味，絕對不會讓你失望！環境幾大，適合一家人和朋友一起聚餐！…查看更多

見到大部分review都係推薦砂煲老鼠粉但真係極度難食menu聲稱有豬肉碎、炸蒜、炸蔥、豬油渣、炸蝦米、乾魚仔、生蛋價錢$92 都真係唔平結果 其實麵沾9成，d料1成我食落去每啖都係得麵豬肉碎好大浸臊味魚乾好腥因為個老鼠粉係撈埋食，所以其實呢兩個餸唔好食就已經毀晒成碗我食咗三份一都冇，真係夾硬食個砂煲無咩作用，唔會話特別香口而呢個價錢嚟講正式一塊肉都冇真係算幾唔抵啲配料又平，大部份只係嗰個老鼠粉拉茶叫正常發揮，但叫到個咁貴嘅麵叫嘢飲都冇平杯拉茶又未至於值呢個價佢哋個雞扒麵又係勁鹹整體嚟講食物不匹配佢個價錢最緊要係個老鼠粉真係麻麻地😵‍💫…查看更多

多年前一唸唔到食咩就會去食蘇媽，但價錢開始貴到唔合比例同食物質素每況愈下，之後就好少去。 今日唸唔到食咩就唸住試吓。。。 令到我要用十分鐘寫lee 段食評。叫咗砂窩老鼠粉，肉骨茶同個菜。老鼠粉一上枱，就心知不妙，以前個上個砂鍋係會＂啫啫＂聲。發現個底係燶咗一層，搵個職員反映，佢同我講點都係會燶嘅。佢話廚房只會教個時間器，煮5分鐘，所以係一定會有”少少”燶。 呢個煮食態度同服務質素，真係好傷心，以前一間咁有質素嘅食店，由咁多間分店，執淨一間。祝佢好運。…查看更多

假日去上海街618行下，附近都有幾間食肆，不過見地面嘅呢間蘇媽.蘇媽環境寬敞有較多座位，可以入去慢慢坐，所以揀咗呢間食個late lunch。平日午餐有比較抵食嘅set lunch連飲品，假日就無呢個menu，只有全日適用嘅餐牌，一個主食連飲品動輒要超過$100，都唔算平。特製辣椒板麵 ($69) ★★★★✰蘇媽嘅肉骨茶同叻沙就食得多都好出名，今次試下比較少人食嘅板麵，用QR code落單有得揀辣度。板麵賣相好地道吸引，有蝦乾、魚乾、肉粒、半熟蛋同埋辣椒碎，撈埋一齊非常香口但又唔會太重口味。我尤其中意鹹鹹哋少少硬嘅魚乾，食落好有口感但同扁扁嘅板麵好夾。店員積極鼓勵我落啲黑豉油撈埋一齊食，不過我覺得就咁撈碗入面嘅辣椒碎食都夠味，好惹味。今次試新選項有驚喜，而且呢個麵嘅價錢合理，如果唔夠飽叫多份小食已經好滿足。舖內侍應人數充足，服務完全無問題。…查看更多