WM咖啡廳

Café WM, 456 Riverside Avenue, Sai Kung, Hong Kong ;Café WM in Sai Kung offers a casual yet stylish dining environment that is perfect for indulging in an international buffet. The spacious setting, comfortable seating, and tasteful decor contribute to a relaxed and inviting atmosphere. Dessert ;The dessert selection at Café WM was a delightful array of sweet treats. From pastries to cakes, tarts, and puddings, there was something to satisfy every sweet tooth. The wide variety of options provide

一直都想去西貢WM新酒店，感受一下度假滋味，決定去WM staycation，盡情享用酒店設施。Package可免費享用自助早餐。沙律菜新鮮翠綠，醬汁款式多。推薦即製蘑菇芝士奄列。薯餅香脆，仲有健康烚蛋。煙肉肥瘦適中，炸物外脆內軟。中式點心皮薄餡靚，粉麵即叫即製熱辣辣。粥底綿密，配料豐富。麵包蛋糕選擇豐富，即是加熱，仲有果醬，配麵包一流。 仲有健康乳酪。早餐點少得香濃咖啡。食物款式中西兼備，質素唔錯。

之前去WM酒店staycation，順便試佢個晚市Buffet，咁啱做緊Openrice 75折優惠，極抵，一個人都係$499😍 (即使宜家都係$588)💪🏻 凍海鮮海鮮有好多種款式，包括各種貴價海鮮😍 例如：生蠔、長腳蟹、麵包蟹、波士頓龍蝦、青口、螺等。整體海鮮都係新鮮，唔似放左好耐嘅倉底貨，當中生蠔質素唔錯，食落鮮甜，有海水味，應覺新鮮。另外，長腳蟹都係非常肥美，大大舊肉，唔會縮左水(證明新鮮)，蟹肉鮮味，有海水味🤤 波士頓龍蝦同坊間buffet都差唔多，好多龍蝦籽蝦膏！味道：8.5/10性價比：10/10 食住瘦指數：💪🏻💪🏻💪🏻💪🏻💪🏻/5 (Gym Friendly)💪🏻 熟食(肉類)款式唔算太多，比較出色嘅係焗豬肋條同埋燒西冷牛扒。豬肋條燒得好香，肉質軟淋，但唔會太肥。西冷牛味香濃，肥瘦均勻，肉質都係好淋，而且切得薄薄一片，容易入口😋 燒味同串燒就一般般，冇特別，唔試都可以。味道：8/10食住瘦指數：💪🏻💪🏻💪🏻💪🏻/5 💪🏻 熟食(熱盤、炸物）炸物幾出色，大部分都炸得香脆，而且選擇都多。當中天婦羅幾好食，炸得脆身，粉漿薄身，唔會好飽🤣 蝦多士都炸得好脆好食。 其他熟食比較

味道出色，尤其小食，🦐多士，燒牛仔骨，肉串，非常美味，生𧐢新鮮，海水味濃，咖啡，茶免費，飲品酒水加88元2小時任飲，裝修豪華高貴，座位間隔闊落，食完飽飽重可以行出海邊，欣賞西貢夜景，有揸車可享3小時免費泊車，非常優惠

慶祝家人生日訂了週日中午的自助午餐。壽星享有半價優惠。非常舒適的環境，當日天氣較炎熱，食客多但亦頗有秩序。餐廳外面係個小型廣場，對面有個禮堂供人舉行婚禮。戶外的座位可以供帶寵物的客人使用。食物方面選擇相對城中的5星級酒店自助餐嚟講唔算太多，但勝在精緻同新鮮，烹調質素唔錯，菜式同味道好過許多價格更昂貴的酒店自助餐。服務方面，侍應亦頗有禮貌。整體感覺唔錯。另外光顧自助餐酒店方面有三小時泊車優惠。

當晚訂了生日優惠75折，人頭每位大約500連加一，都屬於扺食。 款式選擇不過不失都可以，甜品做得很好不太甜，但免費飲品沒有太多選擇。只有咖啡同英式茶包，如有埋汽水或果汁的話更加好。 侍應服務都幾好，我會再幫襯。

位於西貢WM Hotel 的Café@WM環境寬敞舒適,裝修又新又靚，絕對有度假感覺的餐廳一直都係大受歡迎，而且有泊車優惠，酒店住户更有8折。不過以食物質素來說，完全不是酒店水準。主菜的美國肉眼扒不過不失，但以$388的價錢，有很多更好的選擇。而所謂輕盈午餐(semi buffet)，食物種類不算太多，大致上得少許熟食，如Pizza、蛋撻、蝦多士、燒賣等。另外，有沙律、壽司、火腿等。而甜品相對多少少，有布甸、啫喱、蛋糕等。的。然而，對於一個成年人來說，食物種類太少，味道又普通，加上服務也一般，我哋坐外面的客人根本無人理，連下單都要自己入餐廳水。如果以這個價格是完全不值得推介。純粹是環境好，坐得好舒服及户外歡迎寵物而已。

💎WM咖啡廳💎位於🌼西貢WM Hotel🌼裏面嘅咖啡廳，佢係有早,午,晚buffet，今日就係呢一度試吓早餐buffet，呢間餐廳其實面積唔算好大，有幾張outdoor位，呢度嘅早餐唔算好多款式，都有基本嘅🥖麵包機，☕️咖啡機，同即整🍳奄列，大部份嘅款式都係比較普通，中式，英式等，唔算好特別🤔不過🍞麵包方面嘅款式就比較多，牛角包，法包、提子包、麥包連冬甩都有，仲有牛油、士多啤梨醬同橘子醬揀😆估唔到沙律喺早餐都會有，唔同款嘅菜，再加上配料，同埋醬料，但自己就冇食😂，比較奇怪🤔不過喺茶既方面佢哋又有啲驚喜😆，係用咗🌸Twinings🌸既茶包，仲有四隻味揀，佢唔似其他酒店咁只係用紅茶茶包，佢呢度係可以隨意比你自己調教👍🏻👍🏻喺甜品方面，佢哋竟然有🧇窩夫，全部整好晒，你只要加醬料就OK，有cream，楓糖漿，朱古力醬，蜜糖等

和女朋友入西貢WM酒店Staycation，點少得試下WM Cafe的自助午餐。留意返，WM Cafe 是每星期六，日及公眾假期才會有自助餐的，其餘日子只會提供半自助餐。首先周圍看看，都有不少廚師即做的食物，包括湯粉和天婦羅，亦有廚師在切牛扒，最驚喜的是有廚師在即開生蠔，不過生蠔偏細隻，蠔殼亦未清潔得好乾淨，但味道還不錯。自助午餐亦提供刺身和泠盤，不過剌身就不是廚師現場即切。熱食款式不多，以炸物和西式食物為主。沙律及前菜，反而有不少選擇。最後是甜品和生果，甜品的種類很多，加上有3款不同雪糕提供，喜歡甜品的大家不要錯過。可惜的是，生果亦只有3款提供。以上圖片都是給大家參考，不過個人認為WM Cafe的食物質素不過不失，相比起酒店內其他配套，我更加懷念酒店泳池及房間露台外的景色。

早前的12月頭，跟好姊妹一起到西貢 WM Hotel Staycation 兩日一夜！ Staycation package 包括兩位自助早餐！第二日早上，我們便走到酒店LG樓 的 <WM 咖啡廳 Cafe@WM>！這是寵物友善餐廳，歡迎食客帶狗！這裡落地玻璃，光猛開揚；餐桌充足！ 所以，我們大約早上 8:15 入座，不用等位！ 我們還選擇透光度十足的窗口位2人枱！設有室內用餐區及室外用餐區，室外用餐區可望到酒店範圍內的結婚場地教堂！ Breakfast buffet 自助早餐：食物選擇中西合壁：冷盤、熱盤、沙律、包類、咖啡、茶...等！琳瑯滿目的選擇可媲美四季酒店呀！當然質素不及四季酒店啦！如果四季酒店有90分，這裡也起碼有70分吧！我食一碟都夠飽沙律：紫椰菜、生菜、粟米、彩椒、荷蘭豆、雞心豆... 色彩繽紛營養豐富！脆薯餅：細細件口感微脆！多穀物酸種麵包：高纖維又包質密度高！香蕉蛋糕：甜度適中，不過不失！炒蛋：尚算暖身及嫩滑，另可選擇：奄列及煎蛋！煙肉：勝在不會乾身，脂肪比例少！法蘭克福腸：豬肉腸脆皮保持肉汁！還有乳酪好姊妹的自助早餐Cappuccino本身有咖啡機

今日喺酒店住一晚，諗唔到食乜，帶住隻狗又怕搵唔到位，所以諗住食酒店餐廳，即日預約自助晚餐都仲有位，好彩！我地6點半就準時排隊入座，因為有寵物，所以就被安排坐出面，其實係有蓋的，落雨都唔怕，坐位對住酒店教堂，個景好靚。想攞嘢食就行返入入邊，都算方便。食物方面有麵包蟹，好多蟹膏，好香蟹味。另外仲有冷盤龍蝦，但係龍蝦就感覺冇咁新鮮，味道淡口。另外有個生蠔吧，師傅即場開生蠔，好用心咁擦乾淨每一隻生蠔。生蠔味道新鮮，但只得一款冇其他選擇，味道尚可，淡淡地。另外有一款蒸蠔，係一味熟食，用一隻一隻小杯仔裝住，加上小許蟹膏及調味料，好有新鮮感，好有創意，味道夾得好好。有兩款小撻，一款入邊係小帶子粒，另一款入面裝咗吞拿魚，2款都好好味，好特色。湯羹方面，有一個花膠竹笙湯，味道淡淡地唔錯。熟食方面仲有一個炸雞鎚都好好味，外脆內軟，調未夠入味。甜品方面，有多款曲奇餅及蛋糕。仲有小朋友最鍾意嘅軟糖區，有可樂軟糖、熊仔軟糖等等。大人小朋友都鍾意食。

去左西貢WM Hotel staycation，試左佢個afternoon tea hea下，餐廳仲可以望住佢個白色教堂真係好靚，好多人係到影相，建議食tea之前影，因為食飽有肚腩影就唔好啦😂 鹹點有：蕎麥冷麵配焰燒帶子，上面仲有三文魚籽加添左個鮮味照燒牛肉芝士卷物，估唔到牛肉同芝士都幾夾喎蒲燒鰻魚串燒，個鰻魚唔錯係要小心d細骨甜點有：白桃3.6牛乳布甸，白桃清甜鋪到成朵花咁靚日式草莓櫻花卷，食到士多啤梨味既清甜抹茶朱古力蛋糕個朱古力味夠香濃焙茶栗子蛋糕，d粟子薄薄一層糖漿唔會蓋過粟子既味道焗鬆餅夠酥脆 配埋日桃果醬同 凝塊忌廉兩重享受食high tea緊係要配返杯即磨咖啡啦，老婆就飲凍mocha,佢個朱古力味都幾香濃

上個月朋友大日子第一次到WM，遠離市區酒店環境優美，想必用好高成本打做呢一片地一場黎到去cafe食個lunch再觀禮，坐窗邊望住教堂靜靜食一餐真係好relax，食物唔算突出，環境心情搭夠之後教堂見証朋友重要一刻，令即將步入人生新一頁，籌備婚禮的我都有一刻衝動黎呢個地方留低回憶但係衝動直至晚宴已完全消失宴會廳無柱設計高大上，地方溫馨帶氣派，食物中規中矩，上枱一般和暖，夠熱當然味道更佳服務員好好禮貌，作為客人感受到佢地用心盡力，可惜一位身形矮小頭髮稀小貌似部長的西裝男，當晚聽到不止一次粗口罵自己同事，可能大部分服務員唔年輕唔算太醒，但不至於咁罵人，個西裝部長成晚黑口黑面，行過仲要讓路俾佢，經過時又係聽到佢粗口橫飛，可能講緊walker無人之境，同枱其他人都有同感，明白香港人有壓力，不過亦成為我唔考慮WM作為我大日子原因之一，我唔想到黎恭賀的賓客有我當晚一樣感受，一個人修為足已破壞一切

專程搭巴士入到西貢酒店品嚐自助晚餐。新酒店格局非常亮麗，酒店整體以弧線設計，大堂乾淨企理，中間更有結婚禮堂。餐廳座位舒適，開放式廚房盡顯豪華氣派。10米長吧枱格調提升。環境簡直滿分。來到戲肉，自助餐食物豐富，冷熱食物，甜品，豆腐花一應俱全。但自助餐不設冷飲品，只提供基本咖啡及水。凍食方面，三文魚，生蠔不在話下，更有長腳蟹，波士頓龍蝦及海螺。熱食方面，有炒飯麵，牛，豬，羊一應俱全，任君選擇。甜品方面亦不乏特色甜品，雪糕Häagen-Dazs，雖然款式唔太多，但臨走前食咗個雪糕乃自助餐必需品。整體評分7/10。如果有凍飲伴菜可以更高分數。

經KKday預訂買一送一 折實後連加一$290一位😋意式雜錦沙律配搭唔錯 沙律新鮮墨西哥蕃茄湯香濃茄湯 微酸 有啲香草味幾香香煎美國鱈魚柳 & 珍寶帶子 配香檳忌廉汁鱈魚煎到皮脆肉嫩 珍寶帶子唔會過實香檳忌廉汁配鱈魚十分提香香煎白蘆筍 & 大啡菇配牛肝菌汁蛋意粉幾意外 因為餐廳寫係闊面上枱變佐意粉 (我都係食食吓先留意到）個汁好重忌廉味奶味牛油味好濃好杰 意粉煮得岩岩好 雲呢拿奶凍配糖漬橙擺盤靚 不過不失未食前一直聽人評呢間餐廳自助餐質素都係麻麻地今次晚餐算係超出我預期👍🏻👍🏻酒店環境 呢個價錢同質素👍🏻👍🏻👍🏻