成日去旺角，有時都唔知食乜好， 就去👯‍♀️女人街嗰頭發掘下小店, 今次睇中🍶居酒屋! 估唔到巷仔內都有啲唔錯嘅日本嘢。




入到去環境同座位都舒適, 牆身仲貼滿懷舊嘅poster, 連個筷子托都係可愛嘅貓咪, 打卡一流!


🦪吉列廣島蠔 ($68)
廣島蠔件件都好大舊，外皮酥脆，食落都夠鮮。


🐟豆腐魚餅($58)
魚餅外皮係另一種脆，似薄啲嘅春卷皮，入面就因為加咗豆腐, 感覺juicy啲Q彈啲，幾鐘意。


🍢串燒拚盤6選 ($188)
拚盤啱哂我呢啲選擇困難嘅人，有鮮冬菇同幾款唔同嘅肉，整體味道都唔錯。



🐤自家製免治雞肉棒: 免治雞肉加埋月見汁感覺好gentle, 每次食佢都覺得有治癒感。



👅鹽燒牛舌: 牛味重帶有少許油脂香。

🦴阿波尾雞軟骨: 呢款雞軟骨食落有啲爽口，唔似平時嗰啲咁硬身。

🐽西班牙黑毛豬五花腩: 食落少少爽口，食落完全唔肥膩

🍋燒白鱔: 肉質肥厚，食落啖啖肉，after taste 仲feel到淡淡嘅檸檬味



🍤雜錦天婦羅 ($98)
天婦羅唔少得炸蝦！蕃薯夠甜。而茄子天婦羅比想像中juicy(可能因為佢有少少厚度）。估唔到仲有天婦羅魚，幾特別！



🦀帝王蟹肉炒飯 ($168)
主食嗌咗呢個餐廳推薦嘅炒飯，用🍚珍珠米炒，粒粒分明但唔油，食落幾香，有淡淡嘅蟹肉味。

是日打邊爐，揀咗澳洲和牛牛小排套餐（$368 再加一，任食兩個鐘）。揀呢個set就係貪佢🐮牛、🐷豬、🐏羊、🐤雞、🦐海鮮乜都齊哂！ 仲要係一人一鍋，唔洗就大家要咩湯底，又或者唔食啲咩咁☺️好方便!




朋友揀咗🦐🍅海老濃湯完熟蕃茄湯底,幾夠味, 煮菜食一流。自己揀咗🥜花生沙嗲湯，煮肉煮麵都索哂啲沙嗲味，幾正



一開始會有一份頭盤(澳洲和牛牛小排、牛胸腹眼、鮑魚同廣島蠔)。之後再叫其他肉同海鮮等配料。今次好幾款牛，牛味都重，質素唔錯。除咗🐮和牛牛小排外, 個人幾鐘意安格斯牛小排、嚴選Prime牛肩肉同和牛胸腹眼!





豬同雞都幾有驚喜，叫咗份🐽熊本豬梅花肉，幾爽口，而🐤昆布漬雞肉就好滑!



海鮮方面，嗌咗日本帶子、沙白同水魷都唔錯。





餐廳嘅自助食品區有好多款🥬蔬菜同丸類，試咗個海鴨蛋丸好重咸蛋黃味，值得一試😋另外仲有啲前菜、熟食 (🥚玉子燒，炸雞，關東煮等）。飲品除咗雪櫃嘅飲品外，仲有☕️咖啡機同🥤汽水機。


甜品就有泡芙、tiramisu、木糠布甸等自取。不過最吸晴🤩嘅都係窩夫機同刨冰機! 雖然已經好飽, 但都忍唔住玩下❗️



🧇窩夫機係要倒粉漿再等佢一分鐘就搞掂! on top加雪糕同toppings，成件事唔同哂，感覺好繽紛! 窩夫唔會太軟身，個邊邊食落都夠脆。



🍧刨冰機都係要自製嘅，加啲冰落機，再襟個制咁，再落下topping同糖漿等，幾好玩。

🌟至尊惹味雞煲（星期1-4 :$178/2小時，星期五六日、假期及前夕 $188/2小時） 朋友唔食得辣嘅關係，叫咗BB辣，煲一上檯就可以食，🐤雞肉同個調味唔錯，同埋炒得幾香口，食到鍋底附近嘅雞係有後勁嘅辣香，幾過癮！ 邊爐料任食就正常，誰不知雞都可以任食😱 (留意返📌係呢款同花甲雞煲先可以加） 食完雞加湯打邊爐，第一時間緊係指定動作，響鈴！油炸鬼都唔錯，浸一秒即食，外皮都仲脆！ 配料點少得🥩肉類，今次叫咗肩岬肥牛片同🐮鮮牛肉，質素都唔錯，肥牛因為係肩岬位感覺冇咁肥，好食過普通肥牛。 海鮮叫咗鵝腸同🦑魷魚，兩者都好爽口，另外仲叫咗🦐鮮蝦雲吞，味道ok同入面真係有蝦㗎👍 Oppa魚板都ok，少見火鍋店有得食🤣蔬菜就叫咗生菜、窩筍、海帶。 話說食食下見好多檯都叫炸饅頭，雖然都飽飽地但都照叫，饅頭外皮夠脆，點煉奶食真係正😋 🧃飲品方面佢有汽水、豆漿、檸茶、咖啡。 、奶茶、羅漢果杞子菊花茶。今次除咗飲🥤汽水，仲叫咗杯🌼羅漢果杞子菊花茶，菊花味重，飲落清甜，飲得出全是羅漢果嘅甜味，冇另外加糖呢點幾好☺️

二訪Airside，貪呢度幾有空間感，感覺又冇咁多人，今次呢間Cafe走木系簡約風，感覺幾舒服同relax，食物方面打卡able得嚟，質素又唔錯。


🥪A4鹿兒島和牛三文治伴田園沙炸粗薯條 (焦糖洋蔥配秘製醬汁) ($238)
🥩A4和牛油脂分佈好好，食落幾嫩，加埋🧅焦糖洋蔥有加乘，而醬汁就令到三文治感覺冇咁膩。 好似之前向日本食到嘅味道咁，推介🔥!


🐮鮮澳洲黑毛安格斯100天穀飼牛肉眼(8oz) 伴炒野菜/山葵幼滑薯蓉 ($268)
穀飼牛肉味濃，份量有8安士都幾多，食落啖啖肉。 野菜有落牛油炒好香, 薯蓉食落幾滑，而且帶有淡淡嘅山葵味，但唔會攻鼻，好正。


跟餐嘅🥬田園沙律有藜麥，幾有誠意。



呢個餐可以用優惠價加飲品,加咗杯
☕️Grapefruit Coffee Tonic (Iced) (跟餐+$34, 原價$59)
飲落西柚味少少酸酸地，感覺幾fresh。



🌹Relish Rose (Iced) ($58)
好似cocktail咁幾靚，一入口玫瑰味幾重，但唔會蓋過咖啡味。





🍋檸檬撻配芒果和蛋白餅 ($68)
呢度D甜品都好精緻，係今次嚟嘅目標之一。 檸檬撻酸酸地，加上芒果🥭同甜甜脆脆嘅蛋白餅互相配合，甜度啱啱好。

去咗fd屋企附近交收，順手食埋飯，今次向屋邨商場搵咗間台灣嘢食，叫咗個台式火鍋Set。 手切安格斯牛肉 x 九宮鴛鴦火鍋 ($268) 呢個套餐都幾多嘢，九宮格就已經有🥩肉類、🦐海鮮、丸類同🥬蔬菜。除此之外仲有水餃、麵同台灣烤香腸，另外仲包兩杯台式飲品tim❗️認真抵食。 湯底揀咗養生藥膳鍋同招牌臭臭鍋。藥膳鍋入面有紅棗、當歸等但唔會好勁藥材味。 臭臭鍋就越煮越過癮，最後用嚟煮菜同王子麵幾正😋 原本對肉類冇太大期望，但食落比想像中正。 手切安格斯牛肉味濃，肥牛都ok，五花肉油脂和瘦肉分布均勻，幾爽口❗️ 海鮮方面，🦐蝦算幾大隻，食落啖啖肉又爽口。🦪蠔質素都唔錯，煮完都唔會好細隻。😋 🥟水餃就有白菜豬肉同韮菜餃，味道ok，同埋真係好多餡。 🍥丸類就有墨魚丸、芝心丸、芝士腸各二，蔬菜都幾多種類 (生菜、娃娃菜、🍅蕃茄、🌽粟米、冬菇）。最後仲有個王子麵tim! 台灣烤香腸 蒜片唔會好辣，配香腸食幾香，同埋重點係食完唔覺口臭。 🥤桂花烏龍芝士奶蓋 茶底桂花味幾香，奶蓋唔會太漏，甜度都適中。 🧋木瓜牛奶珍珠沙冰 木瓜奶味幾濃，mix咗啲沙冰，半奶半沙冰感覺幾有趣。

嚟開葵涌工業區嗰頭拎嘢，見餓就向葵興站附近商場hea食lunch，點知意想不到地唔錯❕ 🦐檳城叻沙蝦意粉 ($65) 蝦幾爽口，叻沙味濃淡適中更突顯出椰汁香。 🍝大澳咸魚醬墨魚仔意粉 ($68) 意粉掛哂汁，食落咸香味幾出但又唔會好咸，墨魚仔夠味且爽口，配合埋乾蕃茄同🍅蕃茄仔等配料又幾夾。 🌹玫瑰鮮奶咖啡 (跟餐+$9) 一入口玫瑰味好出（唔係糖漿味），同latte一齊飲感覺幾舒服。 🥛芋頭鮮奶 (跟餐+$9) 甜度ok，芋頭味幾濃，朋友話個味道好熟咁，諗諗下原來係似芋頭雪糕味🤣

間唔時都會嚟呢度食飯，貪呢度幾好坐，裝修又舒服。 今次見佢個Tasty Treat Combo 嚐吃套餐 ($560) 轉咗menu，又可以試新嘢啦🍽 🌹五花肉玫瑰燉飯 出色! 韓式玫瑰醬比例較得唔錯，配燉飯度啱啱好唔會太膩，個辣味仲幾香幾過癮! 五花肉口感幾爽，食落感覺唔肥。 火辣辣龍蝦年糕🦞 龍蝦有咬口，年糕醬係帶有少少辣味嘅茄汁底，配上年糕煙煙靱靱唔錯。 🦐大笑蝦蝦煎蔥餅 蝦肉爽口，蔥餅嘅蔥油味重，又煎得夠脆，食落幾香口。 🥜花生醬牛角包窩夫配千層拉絲龍鬚糖 花生醬濃味夠香，表面仲有啲花生碎增添層次同口感! 龍鬚糖有好幾層拉絲，估唔到入面仲有花生餡! 再加埋煉奶，成件事好港式😋最愛奶醬❗️ 紅噹噹火龍果沙冰 🍷 沙冰味道係有啲火龍果、黑加侖子/🍇提子咁，係清新嘅水果味，唔會好甜! 飲到底仲有啲紅肉火龍果粒粒添。 🍫溶化朱古力(熱) 本身杯朱古力已經夠濃，再加上朱古力碎同可可粉溶化向表面，感覺更濃厚😋

新年後終於有時間約fd，今次揀咗朋友最鐘意嘅🇰🇷韓國菜，嘢食好精緻，打卡一流。座位方面仲有得揀坐韓式榻榻米。 🦞龍蝦粉年糕 ($155) 龍蝦肉質同味道都唔錯, 龍蝦汁幾濃味，配長條形年糕食啱啱好。 年糕睇落就細兜，但食落原來都幾飽， 但係龍蝦汁實在太好味，飽都撈汁食哂! 🥐柑玉滿堂牛角包窩夫 ($138) 勁多柑橘好開心! 牛角包窩夫上面啲cream幾輕身所以食落唔膩，加上柑橘汁一齊食感覺幾fresh! 原本諗住窩夫咁多topping會淋哂啦，點知個底仲有少少脆。 🍧柑銀滿屋刨冰 （$128） 刨冰底係牛奶雪花冰嚟, 旁邊痴住啲柑嘅芝士塊幾好食, 芝士味幾重。 話說食到一半有驚喜, 刨冰中間除咗柑橘, 仲有啲黃豆粉年糕向入面!! 🍊柑光閃閃茶 ($48) 飲落甜甜地，柑橘味好夠，仲有花花餅乾掛杯，襯返蝴蝶杯, 幾有心思! ☕️藥果肉桂楓糖咖啡 ($52) 藥果都幾大塊，食落幾香麻油味，楓糖咖啡唔算甜，同肉桂、藥果加埋一齊啱啱好。 呢兩杯飲品都有一件傳統韓國花煎，佢係真花唔係圖案嚟，食落個皮唔甜，而紅豆餡唔會過甜，配飲品幾夾。

唔係好諗到食乜，上Openrice🍚見到呢間泰國菜幾熱門，啲主菜又幾打卡咁，姑且一試，又有驚喜啵。 大頭蝦冬蔭公湯（小）（$128) 呢幾日天氣好凍，飲返啲🍲熱辣辣嘅湯就啱哂❗️☺️ 冬蔭湯底bb辣，酸酸辣辣咁幾開胃，🦐大頭蝦雖然大頭但都有啲蝦肉喎😋 泰式鳳爪沙律 ($88) 鳳爪爽口，配料嘅辣度辣過湯，但係辣得嚟又幾過癮。 🦑泰式燒魷魚 ($148) 🙌推介之選！魷魚有底味，調味好均勻！燒得啱啱好，表面唔乾入面仲juicy，幾驚喜😋 泰式串燒（半打）（$108) 叫咗雞牛豬各兩串，肉量好多，好抵食❗️正常泰式串燒都偏乾，估唔到食落又冇想像中嘅dry啵。 🐮牛肉調味幾好，香料味適中，當中夾雜少少肥嘅部位，推介🙌🐷豬肉串燒調味幾香同偏甜，會食唔停口❤️。🐤雞肉都ok，不過俾火焰燒雞嘅juicy搶咗focus，但靠沙嗲醬都挽回到下🤣 🔥🐤火焰燒雞 ($208) 重頭戲！ 明知佢會放火，但現場見到仍然係會嘩一聲😱 雞肉好juicy😍 少少爆汁嗰種，雖然雞皮唔係脆皮，但燒得好好，最後連皮食哂。 侍應哥哥勁好，等大家手機相機📸ready先放火👍 再等大家影完仲會拎返去斬件再上。 飲品叫咗🥥椰青 ($52)好清甜。仲刮到好多椰肉😍 朋友就話龍眼冰（$36)有好多龍眼，甜度適中好清新。

呢度行宮廷風，裝修幾古色古香🤣。唔單止調味料，飲品叫咗竹蔗茅根都用雕哂花嘅宮廷風酒壺裝住，好有趣。 話說先前見到佢個花膠雞湯覺得好吸引，不過一場嚟到緊係試下期間限定湯底❕ 🍲龍躉木瓜魚湯鍋 木瓜好甜，龍躉片有一定厚度但食落都幾嫩，魚皮仲附有滿滿嘅膠原蛋白❤️好滋補，魚湯本身已經夠味，隨住時間加乘，加上木瓜、龍躉同其他配料越煲越清甜！不得了🔥好希望餐廳可以轉佢做Regular 湯底，好怕食唔返🙏 大滾友響鈴拼盤 響鈴同黃金響鈴各三件，全部即炸夠脆，黃金響鈴一上檯已經好香咸蛋黃味，咸蛋黃味濃厚仲要好脆，超邪惡😋 🐮🥩大滾友牛肉拼盤（細） 拼盤有牛小排、牛頸脊、和牛金錢展、雪花肥牛、牛黃喉、牛肉粒同牛舌花。 唔同部位嘅牛肉口感同肉質各有特色，但係牛味都好濃，今次牛舌花有驚喜，幾爽口😋 🐷伊比利亞橡果豬 肉味濃郁，但口感嗰種柔軟有dd似食緊牛🤣食橡果大嘅豬原來真係唔同啲。 🧀三重芝士腐乳牛丸（四粒） 內餡芝士味幾濃，隨後再食得到腐乳味，兩樣嘢幾夾。牛丸嘅底味仍然夠濃冇被餡料搶味，出色。 🍅🌽大滾友雜菜拼盤🥬 超多種類，今次特別在有紫淮山，有花青素可以抗氧化、增強免疫力🙌 🔥出火豆腐花 豆腐花原桶上仲要真出火 on fire🔥好有儀式感，啱哂我呢啲鐘意打卡📸嘅朋友🤪