UCC Coffee Shop (已搬遷) 新店位置

約了女子組happy friday，又可以吹吹水，嘻嘻哈哈過一晚，要入座，首先挑戰你的耐力，未夠七時拎左張飛，入座坐下係八點半，幸好UCC隔離是星星咖啡店，可以入去坐一會先！四個不細食的女士點了四個主菜，其中兩個加做set，咁就可以去沙律bar玩啦，一見salad bar就當然想起想當年的pizza hut，大家醉翁之意不在食，而是鬥一鬥誰能疊得最高（不過玩還玩，謹記勿浪費食物呀）最愛salad的薯蓉，真的好味，夠滑，其次就是粟米粒，如果只要這兩種，加上醬汁就可以很飽了！說回主菜分別有：吉列咖喱蝦飯：咖是脆，咖喱正宗日本口味！OK啦pizza：夠熱夠好味三文魚意粉：不過不失的意粉，三文魚煮熟了就真是較為o鞋口，還是生食最好吧！蛋包飯：麻麻地餐coffee：當然是UCC咖啡，其實每天上班都是一杯UCC Black Coffee，唔同number唔同味道，不知道餐廳是用甚麼？真的苦到爆炸！

一個飯/ 意粉$70加$30轉餐, 就有湯, 飲品同沙律!!沙律好好味, 最特別是薯蓉同d醬!!咖啡好好飲, 好飲過星巴克~!!漢堡扒飯 唔錯!意粉, 味道一般~不過價錢有少少貴啦~但坐得舒服, 食得開心, 最重要!!

沙田呢間其實都係第一次食，因為早去的關係所以唔駛點等。兩個人食叫咗一個咖哩豬扒飯同埋咖哩漢堡飯，跟沙律羅宋湯。首先個湯賣相不俗，但係一飲落口，真係嚇了一跳，我以為自己飯緊有色的水，碗湯毫無味道可言。到了主菜，豬扒就同茶餐廳的一樣連骨上，並非吉列豬扒果種。咖哩亦非日式帶少甜果種。 今餐食180元！成餐只有沙律係合乎預期。

第一次寫食評，寫得不好還請各位多多包涵自從跟男朋友一起以後，每星期都最少有一晚出街吃飯但男朋友吃飯的特色為：吃過一次的店除了真的很特別以外，不會光顧第二次每次都為吃甚麼而煩惱的我，今次選擇了他誤以為只有咖啡喝的 UCC CAFE他傍晚6點多就到逹，但見不用等位，就走開了，我7點才到，那時已經要拿票等位 (BAR 台就立即有)最後等了差不多半小時，終於有位了原本想叫的蜆肉意粉，但這店竟然說沒有得賣 ... 有點失望所以就叫了海鮮湯意粉和海鮮PIZZA，其中一個餐加了$30 多了沙律吧、餐湯和餐飲最後來張特別的「大合照」... 芝士粉與辣椒仔﹗

單車活動後,晚餐選址是我一直想試的UCC,我狠想玩那個沙律吧啊我一時不為意,忘記UCC是HIT爆店,差不多六點才有意識去等位,怎料已經有數十人了Orz...拿到飛,望一望輪侯表,見只不過等十幾個號碼,以為會好快,怎料....最後我們等了75分鐘呀我從來未試過食餐飯要等咁耐位的.飛仔上寫明補枱限五張枱以內,並不是五個號碼!號碼去得好快,但去枱速度如龜速.我這樣計吧,如果,一張枱輪侯時間為十分鐘,期間有五十分鐘給大家周圍去,完全不用怕無位,總之店方供五張枱時間,就是閣下的自由時間.萬一!我等左一小時,期間去了四張枱,失驚無神有人回歸(以當天情況來說,大部份客人都插得切),原來他未過第五張枱,他就可以順利補等下一張枱了,我則再延後下下一張!!條數沒計錯的,所以呢,中途不斷有人加插時,到天光都未有得食架有沒有人明白我講乜?不是以號碼來計會更公平嗎?氣難下但飯都要吃的.差不多7點半才入內=_=在門口等到發癲時已經晨早決定點什麼.主菜是蕃茄海鮮意大利飯,碟頭雖不大,但食食下都足二人份.材料有一隻青口,三隻蝦,幾條魷魚圈,還有帶子以蝦最好食,大隻之外,口感略為彈牙,幾'新鮮'的.意大利飯軟韌度剛好,

因為聽身邊的朋友推介話又抵食又好味,而今日终於有時間去一試!但原來唔係間間ucc都有沙律bar供應今次去左沙田呢間6點後開始惠顧指定類別食物,可以以$30 一set ( 包湯包一杯飲品及一次沙律bar)一開始就有好多客人一齊撞出去沙律bar有薯茸,生菜,菠蘿,長通粉等....每個人都用盡方法疊高沙律哈!當然我都起勢咁疊食物好fresh,又好味~最中意係佢既千島汁另外,點了一個煙肉腸pizza 及焗波菜煙三文魚通粉(通介)埋單,兩個人都係$180~已經可以好飽好飽good~~~~~~~~~~~~~~~~~~~~~會再去^^

我都未過試等位等到可以夠睇一場戲！唔係為咗一試這間咁多好評價既UCC，我寧願搭車返旺角再諗食咩。我們在外邊等位，一直等等等等等................中間有好多唔知點解唔駛按掣又俾佢地優先入咗去。問個知客佢又話係之前既檯。其實我們觀察久了，原來是一些已經超過了很多張檯，但回來問知客，他可能為了不得失人客而優先補檯給他們。那麼，我們是否下次都可以四時多拿了飛，六時多才回來問你囉檯...........好像不太公平。那張飛上寫明過五張檯不補的，但結果不是囉。最後我們終於循正途入到去，不過由06:08等到07:24，足足80分鐘。二人檯一張，好細，還要留返啲位放紅掌花、調味品，其實放兩本MENU都有困難。叫了一個Dinner Set兩個人分。先來餐湯：侍應落ORDER時又話菜湯，來到又變左粟米湯，而且每日只有一款湯，即係無得換，而且沒有餐飽。仲有一杯無影相的橙汁，講明走冰，結果又係鬼咁大粒冰...........同友人一齊擺空城計出去沙律吧砌出來的，不算大了。一來我們無心戀戰，二來吃不哂我們不會為了貪玩或一時意氣而浪費食物。醬可以另上。沙律吧的來貨去貨都很快，有個師傅專責補充材料，可

其實食過呢間好幾次架啦 叫一個主菜加廿幾蚊有salad bar, 3個人share 1個salad都夠哂飽 可見d主菜份量都唔細比較喜歡既食物有菠菜三文魚豆奶湯意粉另外焗咖哩牛肉飯都幾好, 茄汁海鮮意大利燴飯都ok可惜我鐘意既carbonara pasta真係唔得..... 又咸又乾(非一般的乾)不過呢度d湯我都唔多鐘意飲品我就會揀咖啡 屋企人話橙汁都好飲 我就覺得同sunkist oj一樣每次黎都想食甜品 不過次次都太飽食唔落 希望有機會試

作為沙田人, 既然是沙田入圍名店, 總得要抽空來一趟, 看過究竟嘛!好幾星期前, 總算找到機會, 約齊朋友到此一遊!一早知道lunch時間人會較多, 所以提早來了...雖然也是要等, 但不算等太久呢! 自助沙律吧: 對我來說, 只是一個好玩的環節, 因為沙律選擇不多, 那tuna味道怪怪的, 肉質比較"梅", 反而菠蘿及粟米粒很清甜, 而朋友則愛吃"芬達橙汁味"的jelly, 好一個怪人! 而如果胃口大的, 那些薯蓉波波, 絕對可以填飽大家的肚子吧, 哈哈! 豆奶菠菜三文魚湯意粉: 樣子真的不討好, 而且好像很濃很creamy, 不過吃下去又是另一種感覺! 豆奶味濃淡適中, 當作湯水並不會覺得很膩, 而且三文魚份量不少, 意粉不會過"淋", 有點咬口, 是挺新鮮的嘗試! 本菇墨魚燴意大利飯: 幾個主菜中, 這個risotto是我的至愛之選! 隋圓形狀的米粒充分吸收水分而變得黏性, 煮的時間剛剛好, 而且那Creamy及厚身的口感, 配合墨魚圈及墨汁, 味道一點也不差! 怕濃味的也不用擔心, 因為調味配合得宜, 我會再encore這個risotto的! 又一次證明了不能單以外表決定味道

這晚特意來沙田尋食，本想到麻布茶坊，可是看過餐牌後覺得不甚吸引，於是繼續搜尋食肆。之前看過UCC Coffee Shop 的不少好評，於是決定一試。我們被安排坐在BAR枱。這裡晚市的價格比較貴，可是食品沒有太大的吸引力，有點後悔沒有先閱餐牌才進入餐廳。最後我點了汁煮漢堡扒配白飯，朋友點了意大利什菌白汁雞肉燴飯（大概名字）。我的汁煮漢堡扒配白飯很快就上了，有點驚訝它的配搭，原以為只有漢堡扒配白飯，結果還配有茄汁意粉和薯菜。主角漢堡扒份量算是合理，味道不錯，中間配有馬蹄，有爽脆的口感，而且漢堡扒不肥膩，肉質卻細緻。不過那個醬汁味道很怪，令洋蔥也沾上怪味。令人失望的是配菜竟然是冷凍的，這令我有點衝動去投訴。我的朋友足足等了差不多二十分鐘，才能享用她的燴飯，期間催促了一次，這令她感到很氣憤。這個燴飯有香濃的白汁味道，整體合格，可是吃光後會感到很膩。其實食物的質素是可接受的，可是初來品嚐就遇到不快，實在令人吃不消。

這裡的窩夫一向給我印象很貴...........今天獨個來吃窩夫.............我覺得巧克力太普通啦............叫了紅豆栗子窩夫..............窩夫蛋味香濃............夾上甜香紅豆蓉十分配襯............反之栗子蓉味道不太自然...........有點太甜了............那球送的綠茶雪糕茶味非常香濃............很不錯..........那團忌廉我平時是絕對不會吃的..........但今天的也吃光呢..........但店員竟然因為要清場而兇惡地趕我走!!!

嗜吃之人當然樂於抽空花錢到處吃喝,尋好吃的.然而,礙於時間有限,每天的繁瑣事又是一浪接一浪,不是經常也有四出搵食的機會.所以很多時也只能在自己經常出沒的地方用膳,也造就了一些常訪飯堂.沙田新城市廣場人多,食肆多,可是好吃的不多.從前有新餐廳開張,總會興致勃勃的去試試.但失望多次後,也習慣了只光顧數間餐廳.UCC就是其中一間,其出名之自助沙律固然好玩好食,但這次我想說一些其他在這裡常吃的食物.茄汁海鮮意大利飯,可算是主菜中的最愛.入口感覺像是以蕃茄湯煮飯,雖然沒正宗risotto般creamy黏稠,但米粒和茄汁融合得宜,口感好,有嚼口.茄汁不稠但味不淡,挺開胃可口.中間有一隻青口,一些蝦仁,帶子,魚粒和魷魚,雪藏貨色當然說不上什麼鮮味,但都煮得入味,不會有處理不好的淡雪味.本菇墨魚墨汁飯,墨汁厚身,把飯粒黏在一塊,但飯沒有糊掉,一顆顆黑漆圓潤,好咬.墨魚和本菇也爽身,帶著黏黏的墨汁,口感更有趣.飯面的數顆蓄茄碎爽脆juicy,與黏答答的飯一起吃造成了微妙的化學作用.墨汁香,引得人不顧沾黑嘴巴不停吃.日本咖哩多予人較甜而不夠香的印象,但這裡的就不太甜,且有香辛味.這裡咖哩食品的選擇有不少,

等左都有9個字位..8點9先入座不過.. 我一入去時..所有人都走曬..原來因為佢9點後冇salad bar..因為都冇咩胃口叫左1個SET, 1個甜品同1個雞尾蝦姐salad bar 一直好多人等左10 mins先有得拎不過又真係幾好味!!我鍾意佢個通粉, 同埋薯仔egg salad我拎個陣岩岩有fresh 菠蘿同埋桃因為未擺到出水, 所以好好味黎個雞尾蝦, ok la..不過有D淡之後食牛仔骨, 一般般佢話跟飯, 意粉, 蒜蓉包我地跟左包, 不過.. 扖到又有少少意粉@O@鮮橙汁最後食左個甜品好好味!朱古力WAFFLE但係有D溜..3個人食我估會好D~埋單好似都$2XX

於大型超市見過此日式咖啡賣, 故今次經沙田就約家人試下.茄味牛油奄列飯 ($68)雖然好多汁, 但唔算太濃, 不過賣相好, 奄列配牛油更加加滑.茄汁海鮮燴飯 ($68) 一般意式燴飯比較濕, 呢個濕帶點煙韌, 茄味剛好, 唔太酸, 混入蝦,青囗及帶子幾入味.和風鲜菇带子意粉 ($64)阿媽叫呢個意粉好配合姖, 雖側無乜賣相, 但味道清清地, 带點醬油味.午餐飲 + 沙拉 ($23)當然要試貴店最出名ucc熱咖啡, 見到個咖啡糊似虹吸壺式煮法, 咖啡味幾香但唔算濃, 酸酸地, 似有幾種果味, 阿媽試左一囗, 話好好味. 於是用午餐優惠加23蚊叫多杯咖啡同沙拉 (如單點ucc咖啡要$38 wor)註:1.不接受訂位2.有加一3.服務員好忙碌, 但有禮貌

帶着年紀尚小的朋友仔到外吃飯，要吃得安安樂樂真不是一件易事。每次一坐低，馬上便要落order，菜來到之後習以為常的立刻舉筷開動，不用十數分鐘便馬上完事，之後收拾細軟匆匆忙忙就要離開。跟太太打趣說道，繼續如此，若胃部功能仍然維持良好的話，這就可要歸功於小朋友不斷提供訓練胃部蠕動力的機會呢....今天來到新城市內的"UCC"，情況當然亦不例外。看到午市MENU，不及細想，隨手就叫了一碟蜆肉什菇意粉。雖看到近門擺着的SALAD BAR很吸引，但由於時間緊絀，沒辦法，還是決定來去如風的，吃去後馬上"較腳"....不知何處端來三小片烘蒜蓉包。不理那麼多，放入口再說好了。邊位烘得夠脆，温度也夠熱，麵包亦軟熟，但就是牛油蒜蓉醬塗得太少 (要期望店方用上生磨蒜粒去烘，那當是有點過份奢想)。這樣的話，就真的很難認同這是一片合格的蒜蓉麵包了....意粉份量足，硬度適中，蜆汁的辣度不會過份的"搶"。菇類嗦了鮮甜的蜆汁，自然好吃；缺失是蜆肉有點沙，而且肉質未夠飽滿鮮味，蒜片也可以下多一點點。對一份價值差不多要七十多大洋的一碟PASTA，有些要求也是應該的....太太吃的是汁煑漢堡扒意粉。HAMBURGER S