UCC Coffee Shop (已搬遷) 新店位置

來吃UCC, 其實原因很簡單, 就是為了想玩沙律吧!今天2個人吃午餐, 就選了這裡!星期五的沙田新城市超多人, 個個也是出外吃lunch, 因此基本上間間餐廳也要等位這裡的格局幾舒服, 紅色襯白色的裝潢, 簡單之餘也帶來一點華麗食物選擇很多,午餐價錢相宜, 叫set lunch加$15可轉成餐, 散點加$23也可享用沙律吧!朋友想吃焗飯, 也就點了個芝士肉醬海鮮飯, 當然要加主角沙律吧LA!此飯是列入risotto類的, 希望成品真的似risotto吧! 先講我的主角沙律吧, 說真的其實食味一般, 沙律吧的材料很普通, 選擇比較少, 有薯仔, 大大粒車厘茄, 生菜, 菠蘿, 桃, jelly cube, corn, 通粉及tuna全部都OK新鮮, 但感覺就好像被人夾淨的, 可能refill較慢吧!供應的三種醬也足夠, 我認為最好的是配千島當然過程是幾好玩啦~ 砌得靚會幾有滿足感!其實在食材不多的情況下, 這個size的碗已經足夠了, 反正再大也會吃不完.而且這樣的size已夠一個人吃飽了再來的芝士肉醬海鮮飯成品香噴噴, 海鮮是想不到的多, 有帶子, 蝦, 魷魚, 青口...全部都幾新鮮

今日同娘親行沙田..首先緊係醫肚先啦=]一路都想試下佢個salad bar~趁呢次機會就黎呢度食啦~~由於我都吾想媽咪用太多錢 加上我地on diet..叫左一個set lunch..再加$15 for salad bar..放salad既碗比我想像中細..anyway...無緊要~~同個碗戰鬥左好耐先返埋位=] 緊係堆到好似山咁啦..我地掛住食..所有野都係食到一半先記得影相食到飽一飽先係$93.5埋單..兩個人share真係好抵*0*p.s;係我地埋單戈陣我拎左個1L水樽飲水;個度個manager好nice咁問我會吾會好重..態度好好=] 會有下一次的..

食物選擇‧和風鮮菇帶子意粉($70.4) + 沙律和餐飲($25.3)‧去得UCC，餐飲當然是點了咖啡環境‧weekday中午1時左右去到，不算太多人，可以坐到裡面的位，紅色的絨面梳化很靚很舒適．整間店的裝修都很優雅，非常適合慢慢享用豐富的一餐服務‧侍應是全女班的．負責落單的那位小姐目無表情，給人感覺不太友善．侍應會主動替人客加水味道‧和風鮮菇帶子意粉上枱時熱辣辣，香味撲鼻．意粉非常彈牙，份量合理，鮮菇和帶子亦新鮮美味．沙律吧材料的選擇很多，有薯仔沙律、長通粉沙律、生菜、粟米、車厘茄、菠蘿、蜜桃、紅腰豆、吞拿魚和啫喱糖，如果吃完主菜覺得不夠飽，薯仔沙律和長通粉沙律絕對可以令人捧著肚離開．沙律吧唯一美中不足的是啫喱糖切得太大粒 (應該是故意的吧...)．蒸餾咖啡會在人客面前即時倒出來，而味道當然是普通「餐茶」的咖啡所不能媲美其他．因為同行的人點了"Autumn Fair"的食物，所以結帳時收到一張"Promotion Record Card"，點promotion item就可以儲印仔，一年內儲夠5個就送一杯咖啡

]平時行過都見到好多人等位，所以一早就和老公霸定位兩個人食一個套餐，都好飽，超抵！仲有餐飲忘了影，總共$100多啲咋！

星期六, 從荃灣坐巴士到沙田吃晚餐, 目的地是新城市廣場的UCC Coffee Shop.去到時不過是7點多些, 但是已經有很多很多的人在等候. 一拿票子, 竟然發覺要等超過60張枱號, OMG呢! 之前都知這間UCC幾多人, 但實在想不到會多人到這樣, 老婆去了大眾書店買東西, 而我則繼續在等待, 結果等了超過45分鐘才有位, 這裏如果不介意坐吧枱的會快些的, 其實後來發覺吧枱都不差, 很闊落的. 這間UCC都幾大間, 而且很多梳化位, 坐得很舒服. 入坐後拿拿聲點食物, 我要了白汁磨菇雞肉意式飯, 老婆點了茄汁海鮮湯意粉, 當然還有加28元把其中一款轉成套餐, 多了餐湯, 飲品和自助沙律. 餐湯是類似忌廉湯的味道, 但很稀, 質感似水多過似湯, 非常一般.自助沙律和眾多到UCC的客人一樣, 我們都是為了自助沙律而來. 這個自助沙律, 已經成為了UCC吸引客人之處, 亦成為這兒的賣點, 每枱客人必定會叫的. 款式都唔算少, 大慨有蕃茄仔, 生菜, 沙律通粉, 栗米, 薯仔蓉, 吞拿魚, 菠蘿, 蜜桃, 啫喱糖等. 另有三款沙律醬可供選擇. 由於只能裝一次, 所以大家(包括我們)都努

呢間食左Ｎ次喇，不過次次都係夜晚。九點後冇沙律ｂar，試過幾次過左九點都冇位，走人，冇沙律就唔食呢度啦。同埋呢度ｄ兩人位有點迫，四個就會好ｄ。推介：1) 意大利海鮮炒飯 - 濕濕地痴笠笠既飯，茄汁底，海鮮一般，但個飯底真係好正！2) 墨魚汁海鮮飯 - 又係痴笠笠飯，墨魚汁食到成口黑色，好味！3) 芝士咖哩牛肉焗飯 - 好ｊuicy 呀，仲好多牛肉添。一個飯+ $28 配沙律ｂar+餐湯+餐飲。餐湯試過粟米湯，雜菜湯，兩款都唔好飲。餐飲就一般啦，因為我又唔飲咖啡既，試唔到佢功夫。沙律雖然選擇少，但好新鮮成日ｒefill，好懷念以前ｐizza hut 的沙律ｂar 呀。

之前同事帶我黎試UCC, 點知一試就愛上, 今次特意介紹朋友黎呢度食lunch 我地每人叫左一個意粉餐, 約$70蚊一個, 其實有少少貴, 因為意粉份量唔算多, 而且配料亦偏少... 味道都唔錯既, 不過意粉我就唔多講喇, 因為主角係呢度既蒸餾Coffee, 真係好滑好香, 我覺得好飲過starbucks個d, 飲完之後, 餘香仲會係口裡面徘徊一陣, 個感覺好正, 而且飲落肚既感覺係好舒服, 其他唔靚既coffee, 飲完會覺得胃有點怪怪的, 而且偏苦, 但係呢度既coffee一d都唔會, 真係一試難忘!! 有少少建議, 就係lunch set 得6款選擇, 少左d, 佢仲有幾個dish 可以加$23配埋沙律同飲品既, 但係如果唔想食沙律咪唔叫得? 應該俾多個選舉淨加飲品唔跟沙律.不過佢既沙律只係lunch set 再加$15, 可以去自己裝一次, 夠兩個人share, 如果我fd唔係細食既話, 絕對加得過!

同朋友聚聚..夾夾埋埋等左差唔多2個鐘先入到去..其實出面唔多人等 但係d人一入就坐好奈不過都可以理解! 入面好靚! 同埋坐得好舒服! 個個都唔捨得咁快走salad bar 都幾好味! 尤其係沙律長通粉! 我夾左好多我自己叫左芝士雜菌焗長通粉(淨係記得係51號)都幾好味 不過食完沙律之後覺得好滯湯係羅宋湯 唔係唔好味 不過我本身係唔中意飲 可惜冇得揀叫coffee係會係你面前倒 同埋味道不錯埋單103蚊 .. 對於作為學生既我係有d貴不過間唔中黎一次享受下都唔錯既

今日6點幾去到UCC~因為據以往經驗都要排好耐隊~~上次等到差唔多9點無得食個沙律~所以今次就早D去霸位~~環境好靚~~D凳都幾好座~不過略嫌個冷氣太凍~~~凍死我~~去ge一定要帶外套我地4個人食叫左2個餐~加左2個$28蚊沙律~tea time就加$23~我同細佬'不'左座山番去~~heehee~~所以2個餐4個人食都食唔晒叫左個汁煮漢堡扒同焗咖喱牛肉飯~~個焗飯唔錯~~D牛都好好味~~漢堡扒就無咩特別~~個沙律真係好好咁~~好鍾意佢個沙律汁!!!!!!!!!!!好好味~~~不過佢無左我鍾意食ge麵包糠同煙肉~可能我太耐無o黎無左好耐我都唔知=.=個jelly好正~軟硬適中!!!!!正!!

周日出街少不了食下午茶，沙田周圍都是人，食肆到處都滿座，見UCC不用等，就這裡吧~鮮果窩夫下午茶餐 - 半件窩夫加鮮果和雲尼拿雪糕球，窩夫好像吃了一陣風，沒吃到什麼似的。雪糕不太夠，要省著吃。凍蒸餾咖啡 - 跟餐加錢要的，沒有比較，不知道比這裡的普通咖啡好多少，總之咖啡味都ok啦綠茶芭菲 - 綠茶芭菲還有忌廉、桃，上層和底層都有紅豆蓉，都幾豐富

今次第二次到這間UCC食飯, 由於六時多已到, 唔需要等位, 一行三人叫左「咖哩炸蝦飯」、「咖哩炸雞飯」同埋「菠菜三文魚意粉」, 加多$28有湯、沙律同咖啡, 其實我地個重點係杯咖啡, 佢單點都要30幾, 梗係跟餐抵啦~~ 個湯我估係青豆忌廉湯, 好稀, 麻麻地, 個Salad bar都唔錯, 尚算新鮮, 至於「咖哩炸蝦飯」、「咖哩炸雞飯」, 咖哩偏甜, 鍾意「甘口」就good喇, 而炸雞的味道則[比炸蝦好。「菠菜三文魚意粉(白汁)」就好麻麻喇, 白汁不夠creamy, 三文魚不知是否質素問題, 食落怪怪地。好在好在杯咖啡還能保持水準, 至於待應都好有禮貌, 但人手不足, 叫埋單三次先埋到單, 但食物只是不過不失, 我都唔太明白點解每日都咁多人排隊?

去UCC多數係食Waffle今次難得有人肯同share梗係要食沙律bar 啦!!等左30分鐘,好多張檯出出入入好少叫到冇人應既number入到去,環境當然很好沒錯卡位係坐到人唔捨得走既就算坐bar檯都坐得過.侍應服務好好好有禮貌3人行要左2個main course本菇墨魚墨汁飯, 飯入口黏黏的, 但不會好似糊左咁. 墨魚本菇都好爽, 烏黑一團分唔清係墨魚定本菇, 梃好玩.面頭既蓄茄碎好爽好juicy, 同黏答答既飯起了微妙既化學作用, 好夾.焗咖哩牛肉飯, 飯睇上去好似普通既忌廉焗飯. 原本咖哩汁係係飯中間, 不過因為用既係日本咖哩, 味道不濃, 加上佢D咖哩汁好似唔多夠, 又有忌廉係到搶味, 咖哩味唔夠濃. 旁邊沾唔到汁既飯焗到好脆, 好似飯焦咁, 好香口. 牛肉不過不失, 牛肉味是有的, 但沒有留下任何 特別既印象.沙律bar, 上次食已經唔記得係幾時既事. 但薯蓉比記憶中既好似更好味, 明知佢好頂肚但仍然食唔停口. 上次食既沙律醬蝴蝶粉宜家變成沙律醬直通粉, 口感都好好, 通粉唔會發到好淋. 生菜, 車厘茄, 都好新鮮. 蜜桃, 波羅同吞拿魚都係罐頭既, 正正常常, 不特別評.啫

我們被SALAD BAR吸引而進去吃的*我們把SALAD堆到很高呀! 因為它只有一次出去,,所以就拼命了內有薯仔雞蛋沙律,,是我最喜愛的!!! 凍凍的很好味!! 有不同味道的啫喱糖,顏色看來很COLORFUL*有蝴蝶粉, 味道普普通通了還有車里茄，粟米，紅腰豆等 ,,我們叫了漢堡扒意粉,,那一塊漢堡扒很好味呀! 雖然我們只叫了一個餐,不過那個巨大的SALAD已足夠填飽我們.....我們拿完那個SALAD的時候,,可能是因為太巨大的關係,,周邊的人不斷看過來及發出的聲音...我們變得很不好意思...服務態度也不錯* 送菜速度都不慢ANYWAY,WE HV A NICE DINING EXPERIENCE*

今日行完新城市廣場, 見到UCC門口又係咁多人起道排隊, 諗起好耐無食佢個沙津吧而且覺得好肚餓, 估計今晚應該可以食得哂全部沙津及自選晚餐, 於是欏飛等位; 嘩! 張飛Number係127而啱啱先叫2號, 裏面大部份人都係入座無耐等落Order的, 所以同埋女友去了一田的超市買少少嘢先, 大約半個鐘頭返來後仲要等多十分鐘, 終於入得去開餐啦先落Order叫了咖哩吉列炸蝦飯及意式海鮮燴飯, 然後最開心的時刻到啦, 就係出去夾沙津, 夾了五個最仲意食既薯仔沙津球及少許吞拿魚通粉等食物, 返來後兩個Share食食完沙津後叫Waitress可以上菜, 咖哩吉列蝦的蝦唔算大隻, 但炸得唔錯起碼無炸燶, 而個意式海鮮燴飯都不過不失的, 因為食沙津已食到半飽所以要食好耐先至食得哂全部嘢, 最後飲埋UCC既好飲凍咖啡, 今晚Quota又超標啦

Last day, Teddy me and friend go eat there after thai food lor. peanut spicy, me eat fat cow sweaty, so eat sweet.I eat deep fried france bread with chocolate. Wow so yummy again many brown sauce but no peanuts? Fruity yummy me like food, tummy in my food. Food in my tummy, love me food. Lovely seats, many coffee. My friend have UCC like coffee, he eat waffle and coffee very milky, juicy pancakes. I will come again, I will be watching. Very nice, yummy lor.