UCC Coffee Shop (已搬遷) 新店位置

新城市廣場的UCC Coffee Shop 與尖沙咀和銅鑼灣的分店相比 ， 還要寬敞華麗好多 ， 不會好逼 。我十分欣賞這裡的紅色吊燈 ， 情調浪漫 ， 充滿懷舊氣氛 。 今次餐廳推出『 Mango Fair 』，以芒果為主題 ， 做出 3 款甜食 。 我最喜歡當中的 " 芒果吉士夾餅 " ， 熱熱的夾餅很脆口 ， 水果味道又鮮甜 。 一碟裏面有 2 份中間夾著芒果肉片 ， 感覺豐厚 ； 另有 2 單塊 ， 可隨意搽上雲呢嗱雪糕或忌廉 ， 感覺清涼 。 芒果球和士多啤梨色澤鮮豔 ， 賣相新鮮 ， 酸甜味道適中 。 奶茶充滿花香味 ， 香滑甜美 ， 非一般餐廳奶茶可比 ， 正 !

朋友放假所以叫佢一早來到成日都咁旺場既UCC等位2位早到的朋友問"呢間好食咩? 點解你咁想黎? 人地話麻麻~"我答:"係麻麻架, 我想玩salad bar之嘛!" ---> 負責等話的朋友真想打鑊我3人點了兩個main course, 兩個都加$28轉set最愛薯仔salad同通粉salad再加tuna同corn，白色杰杰沙律汁係我既至愛~不過兩盤salad都大大的，最後食唔晒剩下好多下次要一盤大salad加一盤全啫喱糖不明白為何從前pizza hut時代起, 啫喱糖會出現在salad bar呢???相比下餐湯及主菜都同樣失色忌廉粟米湯稀稀淡淡, 金寶比它好10倍主菜海鮮奄列飯同焗菠菜三文魚通粉都好普通當中奄列飯海鮮稀少，蝦仔細得僅比蝦米大兩倍呢 原本諗住叫desert，但3人連main course同salad都未KO時已飽到捧腹了但值得一讚時這裡環境舒適，好適合朋友小聚傾計~我地7:30入座，坐到10點人家要先埋單才走當中waitress都有密密加水最重要是埋單才$20x, 每人70蚊坐足2個多半鐘，真抵~

仲記得細細個去PIZZA HUT總會有個碗仔自己裝SALAD食可惜自從佢唔做之後，香港就無左沙律吧好一段時間！呢間日式西餐廳UCC就填補左呢個GAP，為香港人重拾當年回憶！當然其他連鎖西餐廳如RUBY TUESDAY都有，不過價錢就無咁實惠SALAD BAR必叫，好鍾意砌到佢好高！薯仔雞蛋沙律：加入左大量蛋黃醬的薯仔雞蛋沙律係我至愛（雖然食得出佢做得唔細心，例如有勁大舊的薯仔同沙律醬撈得唔夠勻）。加上粟米一齊食更加好味道PEACH：一向都幾大舊下，不過近期細舊左（用來放碗邊砌高沙律唔錯）啫喱糖：味道會轉，不過魚膠粉落得略多，硬左D蝴蝶粉/通心粉沙律：呢樣其實無咩味，不過撈左沙律醬會好味好多其他配料有車里茄，粟米，生菜，紅腰豆，菠蘿，3款不同的沙律醬食完個沙律，其實已經半飽，不過主菜意粉依然令人食指大動！多數會叫菠菜三文魚意粉，用芝士焗，夠多汁，好味！另外意大利飯都唔錯，不過會滯D試過蒜蓉包，夠大件，不過面頭唔夠蒜蓉牛油，乾少少啦餐飲除左普通飲品外，仲可以叫蒸餾COFFEE同橙汁COFFEE好濃味，見住佢沖出黎，好味！UCC另一個場特點就係，無論LUNCH或DINNER，價錢只係差少少不

來 UCC Cafe 好多次了, 其實一向都知佢的飯和意粉普普通通啦,但為的是佢嘅 Salad bar!一段時間冇嚟, 今次的 salad bar 內竟然有螺絲粉......D 蜜桃切得細件了, 哈哈, 等人冇咁容易疊高??今次叫了咖哩豬扒飯: 日式咖哩一向是唔錯的, 豬扒意想不到的有肉味又好食!墨魚汁海鮮飯: Um....... 那個墨魚汁真的太太太漏了.......最後的熱咖啡, 也是幫襯此店的重點, 都冇令人失望!

終於可以一試呢間人氣餐廳!每次於晚飯時段經過, 都有一大班人係度等位.難得呢日放假, 6:00pm就去, 今次唔洗等啦!結果都真係唔洗等, waitress仲俾左張圓枱我地.但係其實唔係坐得好舒服, 因為張枱高得制.第一次黎, 就緊係scan個餐牌先啦.佢既set dinner 就只係係main dish 度加$28, 咁就有餐湯, 自助salad bar (一次), main dish & coffee/tea而佢d main dish價錢都唔平, between $58-$68. 加埋$28, 都要差不多$100 個dinner.最大問題係d main dish 既quality 唔得!我同男友都加錢要set, 兩個人都起勢咁夾salad, 因為只有一次機會!結果我地夾左兩大碗salad! salad 既quality 就唔錯, 選擇唔算多, 有jelly, 生菜, 菠蘿, 桃, 蝴蝶粉, 粟米, 熟吞拿魚, 紅腰豆等等...有3款dressing俾你揀, caesar, 1000 island and 一種微酸黃黃地色既沙律醬, 唔知叫咩名堂, 不過都ok.每樣料都新鮮, 加埋d

上午11am. 成個沙田, 好似冇乜餐廳開左喎... 所以只好去呢間ucc. 同埋話說呢間ucc成日都要排長龍, 難得而家唔使 (大佬, 梗係唔使啦, 咁鬼早, 邊個係咁既時間去食lunch...), 唔試下好似唔會有下次. 哈.話說由於太早 (!), 所以成個餐廳都冇人, 所以waiters都好勤力, 耐唔耐就過黎問下使唔使點餐, 加下水咁. 幾好服務. 叫左1個lunch 2個人share, 係漢堡扒配蒜茸包, 但係冇set, 所以要另叫野飲, 咁見到佢menu話推介熱奶茶, 好啦, 就同朋友一人一杯~其實冇乜人, 但都過左頗耐先上杯奶茶. 唔加糖, 先呷一啖, 唔... 好濃既茶味, 入口會有種好rich既感覺. 我想講, 我好耐都已經冇試過飲一杯熱奶茶有咁香濃既茶味, 我真係覺得呢杯真係值得推介! very good. 個顏色亦都唔錯, 唔會淡色 (當然啦, 咁濃既茶味就會深色d啦!). 同埋個器皿上面既花紋好elegant, 如果可以靜靜地歎呢杯奶茶, 睇下書, 應該幾好feel. 哈, 不過應該冇咁既機會, 因為呢間ucc成日都好多人好嘈~ well...之後又要再過一陣先

紅酒燴牛肉跟餐再加多個茄汁蛋包海鮮飯和兒童餐跟餐有一次自助沙律BAR, 沙律配料全部都好吸引, REFILL又快: 蝴蝶粉吞拿魚沙律, 蛋薯仔沙律, 水密桃, 粟米, 紅腰豆, JELLY糖, 全部都好新鮮, 唔會出晒水. 紅酒燴牛肉, 一向都好有水準, 牛肉大件但超淋, 薯仔蘿白入味但不會全溶.超正. 跟配的多士脆而香, 點汁食一流.6:00PM去唔駛等, OK!

為補祝舊同學生日,今晚放工後便到沙田UCC吃飯為她補祝.之前也未試過到任何一間UCC食飯,今次是第一次來. 一入到餐廳,沒有想過餐廳咁靚. 因在我心目中連鎖式的餐廳,通常裝修得是普通的,但這間UCC的燈很柔和,餐桌也很華麗,先給我正能量的感覺,不錯.我們齊人,便開始打開餐牌選擇食物. 原來餐牌最後一頁提到,如揀選意粉,飯也可以+$28有湯,自助沙律及飲杯. 嘩,平時一杯咖啡也要30多元,現在只需+$28便可以擁有湯,沙律及飲品,當然不容錯過啦.沙律也是粟米,菠蘿,生菜等,為了怕吃完沙律過飽,所以我們到外取自助沙律也不會太瘋狂,因要留肚吃主菜麻. 今晚,我們每人也各揀一碟主菜,也是大家share食,所以我也可以每一款試試,在openrice內分享.1) 菠菜三文魚意粉 (白汁)本人比較喜歡白汁,因有一種creamy的感覺,可惜這一碟意粉很乾,白汁很少,有一點像茶餐廳走油炒意粉一樣.2) 咖哩漢堡飯整碟咖哩漢堡飯,我們吃剩了很多,只因我們也覺味道怪怪的,有一種很強勁的"騷味",還比羊肉再"騷".3) 茄汁海鮮湯意粉這一碟是其中一個同學仔推介的,她說在銅鑼灣分店食過不錯,所以今次再高歌. 我

紅湯淡淡地…不過幾茄味…SALAD BAR用有限的細細碗仔剩上無限的食物呀…永遠DIY 都是最開心出走裝那個MOMENT…滿滿的回來好有成功感…這裡的CHOICES 唔係好多…不過見店員不停REFILL 都幾FRESH 既…佢樣樣都大大粒的…令放的難度高了好多…最好味的是薯仔SALAD…薯仔好淋…同SALAD 好似MIXED…茄味牛油奄列飯呵…張相同上碟都幾似喎…其貌不揚…不過又幾好味喎…旦都幾滑…又幾香…牛油呃~有肉醬汁…同炒飯MIXED… YUMMY~煙肉忌廉意粉乾身左D…唔夠CREAMY 喇… 淡左D…不過意粉既硬度幾好…幾彈牙…少少的肉碎…的的式式囉…蒸餾COFFEE香濃的~自己MIX… 岩曬口味…坐BAR台NO NEED WAIT…都幾好…可以睇住佢MAKE DRINK~

今次第1次去ucc*係俾沙律吧吸引而黎!大約6:45pm去到,要等位..今日的沙律吧只係去到7點半,可能係新年+情人節的關係~平日係去到9點的..其實一早就有位,但我唔想坐正係門口(係門口的玻璃後有一張對正出面的檯,咁樣的設計好差呢,人地行過望住你食野)所以唯有繼續等..係等ge時候已經諗好食咩,食物種類不多,有pasta,飯,扒,咖哩系列,兒童餐,甜品,和幾款小食....好快就有位,一坐低就點菜,點了一個芝士肉醬海鮮飯,同一個雜扒,只加1個餐~跟餐要加$28~有湯,沙律同飲品..點菜時,服務員係度打"喊路"~態度欠佳...!之後佢就俾左個沙律豌我地..開頭我怕入到去只係得返人地夾剩ge沙律...點知仲有好多沙律材料,有薯容,菠蘿,紅腰豆,蜜桃,啫喱糖,粟米,吞拿魚,生菜人人都夾到好高先走haha野食份量好夠,食完沙律已經好飽!芝士肉醬海鮮飯一般,個人認為比較"溜"~可能係因為好creamy~雜扒有雞扒,豬扒,2隻炸蝦,煎蛋同薯角~都幾ok~環境不錯,都幾清靜...價錢一般...大家可考慮黎試下..

時不時都會想食 UCC, 因為本人非常中意食沙律, UCC 的沙律 BAR 自然十分吸引.晚餐 6PM 開始, MAIN DISH 是隨便選了豆奶湯意粉, 沙律才是目標所在.因為時間尚早, 不用等位, 而且沙律吧的人不多, 感覺非常良好.每次堆沙律都會盡力堆, 不過始終眼闊肚窄, 許多時都食不完.還好沙律是飽肚的薯仔沙律 + 一些蔬菜, 這樣有助均衡飲食.還有好正的咖啡!! 不好咖啡的老公也說 UCC 的咖啡不錯!

以前真係好鍾意去UCC食, 又抵又好食~特別係個沙律吧......最近一次去, 很失望! 等位已經耐, 叫左個茄法味既海鮮飯, 加個沙律吧~ 忌廉湯- 難飲~無料~沙律吧~ 薯仔永遠是最好食, 其他已經無法接受, 為什麼每一次都是這些款式????海鮮飯, 所謂的海鮮飯, 失望之極~ 海鮮在那裡?海中? 得隻不新鮮既青口仔, 飯又乾又難食, 好好好唔掂~~~對於UCC沙田分店食物既水準愈來愈失望!

之前試過d waffle,覺得好味~之前黎呢度冇飲到coffee,今次試下飲啦...GOOD~=)個人認為熱coffee好飲過凍coffee好多~因為香d!!=)芝麻waffle~~好味!好脆~不過上次食好似好味d~因為今次乾左dd~=)環境都唔錯,另外waffle以外ge甜品都唔錯,新地同朱古力西多士都幾好食~

見OPENRICE的食評咁勁，一於試下先。我地6點15分去到！但都要等左45分鐘先有得入去！真係咁好食？叫左一碟螺絲粉，一碟飯，其中一個轉SET！個沙律吧長期都有5-6位人企係到，我等到好耐先出去囉！但個沙律吧的地下，邊位勁污穢。係非常污穢。無咩可以選擇，提子乾無，面包乾又無，啫喱得一種味道。生果得波羅同麻桃。個湯麻麻地，唔太突出。個三文魚白汁螺絲粉唔得，三文魚好鯹，D粉好快凍！牛肉焗飯OK既！不過佢的食物質數又唔太高，竟然得到OPENRICE的好評，要我等咁耐先食到咁既野！我覺得一D都唔值。除非你為左玩個沙律吧！

6PM到都要等位, 10張飛, 都要等到6:45PM. 一有位, 即叫野食.紅酒燴牛肉跟餐再加多個茄汁蛋包海鮮飯跟餐有一次自助沙律BAR, 沙律配料全部都好吸引, REFILL又快: 蝴蝶粉吞拿魚沙律, 蛋薯仔沙律, 水密桃, 粟米, 紅腰豆, JELLY糖, 全部都好新鮮, 唔會出晒水. 紅酒燴牛肉, 一向都好有水準, 牛肉大件但超淋, 薯仔蘿白入味但不會全溶.超正. 跟配的多士脆而香, 點汁食一流.茄汁蛋包海鮮飯就一點失望了. 海鮮料太少, 雖然已有帶子, 蝦, 墨魚, 蛋皮煎得略乾而硬, 茄汁不夠, 令整個飯不夠濕潤.