The Platter (悦品度假酒店‧屯門)

營業中

休息中

平日放假揸車入左屯門行下影下相，預早book定食呢度既半自助晚餐，兩個主菜亦很精緻，仲要响呢度食飯泊車係唔洗錢㗎，不過要預早同餐廳講聲，超貼心💜。 餐廳外露天範圍非常適合情侶打卡，餐廳以列車為主題，首先每人任選一個主菜，亦可享用自助區的 沙律，冷盤，海鮮，餐湯，飲品，糖水，雪糕和甜品等等，款式雖不太多但味道都很好。 值得一讚，餐廳經理亦非常有誠意，原本叫左一份5成熟的牛柳，但上枱時差不多是全熟，之後餐廳亦樂意換過一份給我們，相當窩心👍👍👍 主菜:🐂🦐海陸大餐烤美國菲力牛柳配香蒜牛油扒大虎蝦 (配Hagen-Dazs雪糕及鮮果+餐酒一杯) $368大虎蝦新鮮爽口，牛柳叫5成熟，雪糕唔係就咁一杯比你，而係另外加入爆谷，脆米，粟米片，生果粒，相當有heart💜🍨 🐑烤草飼羊架配迷迭香濃汁伴香草燒薯及時蔬 $288羊架煎得相當軟淋鮮嫩, 叫了5成熟，與濃汁相當匹配，值得再order✨️。。。The Platter (悦品度假酒店‧屯門)屯門建豐街4號悦品度假酒店‧屯門2樓Tel: 3899 9222。。。。。#food #foodpic #foodphoto #yum #yummy #delic

屯門｜The Platter疫情開始左之後就好似完全冇食過自助餐成日經過依間悅品度假酒店離遠睇有勁大隻充氣企鵝 好易認上網睇到佢有做優惠 即刻book左約左7點鐘 早到左 d員工都好好即刻安排左個好位比我地😍入到去先知 原黎有4-5座枱可以坐係架火車入面食 幾特別頭盤有薯仔沙律 煙燻三文魚 沙律菜 芝士 青口 長腳蟹 凍蝦之類青口同長腳蟹好新鮮😍刺身就有 必有既三文魚 吞拿魚 八爪魚 蟹棒 仲有唔同種類既壽司熱食就有 自助餐必有既 肉眼牛扒😍芝士焗扇貝 超多芝士 紅酒炆牛肋條 好入味不得不提佢地仲有串燒提供大約有十款左右仲可以即叫即做既 卡邦尼意粉 配料自己叫 值得一試甜品方面就有朱古力噴泉😍窩夫自己落配料 岩曬比小朋友自己DIY仲有班戟可以自己整 超正😍😍

主打當然是海鮮。有翡翠螺大大粒，肉質鮮甜爽口。雪場蟹腳無限供應，咸水味足，肉汁豐富，啖啖肉。蜆和紐西蘭青口和海蝦不過不失。冷盤：煙鴨胸、煙三文魚、日本螺肉、中華沙律和雜錦凍肉拼盤，整齊而乾淨排列好，用火車盛載裝飾，顯得特別有趣。熱食方面，有燒西冷牛扒、芝士焗扇貝、紅酒燴安格斯牛肋肉和燒羊架。比較有興趣係燒羊架，保持應有質素，肉質嫩滑，肥瘦適中，有濃厚羊肉味，越嚼越香，正是我喜歡的味道。日式料理方面有：蟹棒、八爪魚、吞拿魚、三文魚、鯖魚、腐皮壽司、玉子壽司、鰻魚壽司。種類不算太多，精緻而有代表性。熱湯有中式的代表：青紅蘿蔔豬骨湯，和西式代表：周打海鮮湯，保持熱度，視乎個人喜好選擇。甜品有香脆窩夫。特別有趣的是有部機器，可以無需接觸揮手自製班戟。只要揮一揮手，很快就有成品呈上，然後根據自己喜好加煉奶、朱古力爆谷或雪糕等雪糕有幾種風味，分別是：呂宋芒果、雲呢拿、 士多啤梨、瑞士朱古力和藍莓芝士蛋糕。直接食或與窩夫/班戟一齊食，帶來不同享受不同風味。

今日去屯門探親戚 晚餐去咗悅品酒店食自助餐 酒店有火車頭裝飾 餐廳裏面亦都有火車頭車卡卡位用餐區 所以都吸引幾多有小朋友既家庭客自助餐區唔算大 但食物種類都唔算少凍海鮮有蟹腳/東風螺/蜆/蝦/青口 蟹腳蟹肉結實 但係有啲偏鹹 蝦都爽彈鮮甜刺身有三文魚/鯖魚/八爪魚/吞拿魚/蟹柳是日燉湯係猴頭菇茶樹菇燉瘦肉湯 超推介 清甜好飲 我Encore左三盅 而且啲瘦肉仲好淋好入味 我連湯渣都食埋串燒 有燒粟米/燒冬菇/燒蝦/燒雞翼/燒番薯仔/燒腸仔 炸物有薯條春捲 熱食區都有6 7款選擇 包括紅酒汁炆牛肋條 美式豬肋骨 茄汁三文魚 羊架 芝士焗扇貝 菇菌扒菜心等 炆牛肋條同燒豬肋骨都夠淋夠入味雪糕有Dreyer's同Movenpick 有我最中意既Movenpick瑞士朱古力口味另外其他甜品仲有Waffles/朱古力噴泉/蛋糕仔/啫喱糖 水果亦有哈蜜瓜/西瓜/菠蘿 西瓜同菠蘿超甜超多水自助飲品區 有果汁同埋茶水而家做緊75折 埋單成人都係四百蚊鬆啲一位 對於住喺屯門區嘅街坊應該係一個好選擇 唔使食親自助餐都要山長水遠出市區#相機食先 #手機食先 #foodie #food #foodpic #f

在屯門想搵個寧靜舒適又搭車方便，食個晚餐是既話，The Platter 系值得推薦的。由西鐵站走來都只不過5分鐘，由於今日並非星期六，日。餐廳今晚以半自助buffet形式供應。餐廳入面裝修設計以開放式，及有二人或四人包廂，梳化椅好大好舒適。自助吧位置既海鮮有三種分別係鮮蝦，青口，海螺。亦有餐湯及餐包，凍盤及甜品等等任食。半自助buffet美國菲力牛柳配大虎蝦-$368舊牛柳八成熟，舊肉夠曬厚，食落唔韌，非常好食真心推薦👍焗豬肋骨伴炸薯條-$258燒烤汁特別美妙滋味，肉質入口香嫩。🔔餐廳18:00開始，21:00就會關門，要食埋水果同甜品就要預時間喇!!📍The Platter (悦品度假酒店‧屯門) 屯門建豐街4號悦品度假酒店-->2樓

星期六到屯門悅品酒店探朋友，朋友是房客，房客吃自助餐有折扣便一同試一下Platter 這餐廳。餐廳不大，一眼望到盡頭，自助餐區也只是小巧的兩行。這餐廳最特別的，相信是火車頭座位，但個人感覺其實也沒太特別，因為火車內的座椅就像茶餐廳的卡位。由於當晚那些座位都坐滿了客人，所以我也不打擾了，也沒拍照。當晚最難忘的菜式，如下：（a) 燒羊架配露絲瑪莉汁 吃第一轉羊架的時候，感覺十分鮮嫩，味道也剛剛好，但大約半小時後再拿第二轉，可能換了新的一批羊架，味道變得比較鹹、也沒太鮮嫩了。（b) 即炒芝士意大利粉這道菜十分有心思，餐廳職員即席在你面前把芝士放進意粉來炒熱。這道菜一定要熱着吃，芝士味香濃。圖中的大黃筒便是當晚所用的芝士。（c)猴頭菇雪耳燉排骨湯本人十分喜歡喝湯，特別是老火湯、燉湯，餐廳當晚提供了猴頭菇雪耳燉排骨湯，火候不錯，推薦。（d) 海鮮炒飯不建議吃這道菜飯沒有雞蛋炒底，就是普通的飯，不過又不是白色的，略帶黃色，也沒有味道，實在不知道加了什麼飯面鋪着海鮮，例如青口、大蝦等等，但海鮮跟米飯的味道是完全沒有融合起來。簡單來說，就是飯還飯，海鮮還海鮮，也就是粗製濫造的感覺😂（d) 甜品餐廳提供

今日嚟到屯門悅品酒店入面呢間餐廳🍴試下佢地嘅半自助餐😗呢間餐廳嘅半自助餐成日都做優惠～我地今次就用左社交平台限定買一送一優惠嚟試下～平日晚上🌃都唔多人，全店只有3枱有食客😆😗烤澳洲肉眼牛扒配乾蔥肉汁伴香草燒薯及時蔬牛扒都係正常發揮～😗烤芥末黑毛豬鞍配蘋果蓉汁及薯蓉豬鞍好食過牛扒，唔會好老～肉質都Ok😗半自助餐嘅自助區食物選擇好少🙂前菜：泡菜、木耳、ham&煙鴨胸（比較濃味）海鮮都有幾款：青口、蝦🦐仲有熱香餅機～選擇真係唔多，質素一般🥲🥲

酒店餐廳 The Platter 用左火車做主題🍴如果想坐火車卡入邊食 記得book位因為只有幾張枱📞Main course 有4 個選擇我叫左海陸大餐 🍽烤美國菲力牛柳配香蒜牛油扒大虎蝦🦐配餐酒一杯、Haagen-Dazs雪糕🍦+鮮果牛扒份量唔細 都好好食🥩另有自助海鮮🍤沙律吧🥗同埋小食+ 中西湯仲有甜品🍮 班戟機無限量供應🤩📍The Platter (悦品度假酒店) 屯門建豐街4號悦品度假酒店‧屯門2樓

來過都知最吸引小朋友的就是坐火車卡位，餐廳外面還有一個Cozistarry，有2000朵LED玫瑰花海和心心花圈背景打卡很美。另外夜晚的自助晚餐是由晚上6時吃到9時🙈串燒有10多款，有薯條春卷，芝士焗扇貝都是非吃不可，我最愛吃烤羊鞍，老公問：點解可以煮得咁淋咁好食🙈加上薄荷醬簡直是絕配。 刺身也每樣有幾片，也非常新鮮，熟食食物也有紅酒繪牛尾、北菇扒時蔬、美式慢烤豬肋骨等等， 有新鮮沙律菜吧，有老火湯、燉湯和西湯、麵包等等⋯⋯海鮮有 青口、海螺、蝦🦐、蟹🦀️腳雪糕有movenpick 和cocoberry 口味有焦糖、朱古力、雲呢拿、士多啤梨等等，甜品方面有九款左右，我特別鍾意食朱古力蛋糕，Encore了很多次😆肥死了，還有焦糖燉蛋、水果撻、芝士蛋糕都是必吃的😆飲品任飲，想要橙汁、雜果賓治、紅茶、咖啡也任君選擇。其實悦品酒店每層都有一個特別的打卡點，如果有時間還可以到大堂的火車站打卡，而地下也有大火車，整個火車設計的酒店必定是親子好去處，今次一行八人的Staycation體驗非常愉快。

好久沒有食自助餐，因唔想咁夜食，所以揀食自助午餐。這間酒店特色是以火車為主題。環境都幾靚，有火車卡嘅座位。自助海鮮有青口、灼蝦、東風螺。熱盤有咖哩雞、燒牛肉、春捲、點心有燒賣、牛肉燒賣。其他有燒雞肉、魚柳、炒飯、串燒。新鮮煮嘅意粉可隨意加餸菜等等。魚生方面就有墨魚、三文魚、希靈魚。壽司方面就有鰻魚壽司、海海老等等。還有特色格仔餅、薯條。還有自制pancake機。好方便用手掌掌控，便會自動製造pancake好快就有。甜品我最欣賞就係海鹽雪凍，好特別唔係太甜，正。

好耐冇食自助餐，今次黎咗屯門悅品酒店嘅呢間The Platter大擦一餐。週末晚市時段大人每位$498，而家做緊優惠有75折，以海鮮自助餐黎講都算幾抵。先講環境，酒店同餐廳都以火車做主題，除咗有唔少火車模型做裝飾，仲有火車造型嘅卡位，非常特別，岩哂火車迷。餐廳仲外設一個LED發光燈花場景，夜晚亮燈之後非常之靚，打卡一流。嘢食方面款式種類選擇都唔少，呢到除咗一般自助餐常見嘅海鮮、冷盤、刺身、熱葷、甜品、水果、湯品、飲品外，仲有平時高級餐廳先會食到即叫即製嘅芝士輪意粉、串燒、窩夫機、pancake機等特色食品。海鮮類有長腳蟹、海蝦、蜆、青口、螺等等，而且refill速度快，食落亦都新鮮，味道鮮甜。熱葷有燒牛肉、烤羊架、蒸魚柳等，牛肉同羊架都幾腍身，肉味香濃。不得不提嘅係個即炒芝士輪意粉，師傅會將自選配料嘅意粉煮熟，加入大量嘅芝士同香汁，再放入原個芝士輪入面炒，利用餘溫融化芝士輪入面嘅芝士。成碟意粉芝士味勁香濃，個芝士汁幼滑純厚，我同朋友都食過返尋味。另外值得一提個猴頭菇燉湯，非常足料，飲得出材料嘅原汁原味，味道鮮甜，重點係暖笠笠，食完凍嘢飲返碗就岩哂。食到咗上下店員突然響鐘，原來係超大盤嘅

記得大概半年前食過荃灣悅品酒店嘅半自助餐，感覺唔錯，又平又多嘢食。今次入屯門搵朋友去食屯門嗰間悅品酒店，都好唔錯喎。我見好多客人都係嚟staycation，可能有套票優惠，不過我哋就咁食都唔貴呀，因為個main整得幾好味，好過出面好多西餐，而且包埋凍海鮮、沙律、湯、麵包、甜品任食，都幾多嘢食，尤其適合小朋友，因為有好多火車嘅擺設，仲有兒童套餐，我見在場所有小朋友都食得好開心😍主菜真係有驚喜嘅，尤其係燒芥末黑毛豬，好有驚喜，肉質嫩滑，又唔會好肥，配上甜甜哋嘅蘋果醬汁，非常夾。而海陸大餐都好豐富，有美國菲力牛柳、大虎蝦、仲有杯酒同haagen Dazs雪糕，好滿足，牛柳五成熟啱啱好，好嫩，不過食完已經七成之後攞咗啲凍海鮮食，雖然唔係好多種類，不過幾樣野都彈牙嘅，而且好快refill。沙律🥗都好新鮮，可以整Caesar salad。另外南瓜忌廉湯都唔錯。甜品方面一定要整班戟食，望住部機慢慢將舊班戟整出嚟，都好解壓，而且細細舊食完冇負擔。餐廳最好係冇限時，6點開始，食物供應到8點9，完全夠時間食，可以同朋友坐吓傾吓偈，都幾休閒。

作為新界人，其實我有時侯都喜歡去屯門逛一逛😆～屯門已經發現成一個自成一角的新地區，有大型商場、大型屋苑，連酒店都有，一應俱全哦💕～ 最近我就去了在2019年開業的時候• 🇭🇰悦品度假酒店• 吃晚市自助餐。「 海鮮自助晚餐盛宴🍽 」逢星期六日供應，成人每位$498/位，小童及長者$368/位，更會有75折優惠呀～ 招牌主打有 無限量供應的長腳蟹🦀、冰鎮海鮮🦐、燒肉眼扒🍖、燒羊架、15款串燒、西班牙大鑊飯🍚等等，而當中最矚目的必定是巴馬臣芝士輪意粉🍝，氣派十足，基乎人人都吃哦～ 海鮮質素不錯，新鮮又夠鮮美。沙律可以自行搭配🥗，也有預先弄好的薯仔和意粉沙律，調味得宜。 而串燒也燒得火喉剛剛好，當中以牛肉串燒和燒雞翼最得我歡心🥰。服務員超級貼心，我好想吃燒菠蘿，可惜去拿的時候才剛剛燒，我不想站著等，所以拿了其他食物回座🙈。沒想到十多分鐘後，服務員親自把菠蘿送給我😍，服務也太好了吧～ 其他熟食質素也不俗，紅酒燴牛尾及西班牙大鑊飯，我比較推介的菜式🥳。 最後當然到我最愛的甜品環節🤭，有朱古力噴泉🍫、窩夫🧇、班戟、杯裝雪糕、movepick雪糕、蛋糕等等。你看看我弄的窩夫三文治多漂亮🤣，兩件都是我的

半自助lunch~ 冇乜特別期望但都幾好食，就咁睇menu其實小貴(屯門嚟講)，但原來酒店房客有7折，普通街客都有75折，折完性價比就唔錯喇～#意式蕃茄芝士焗豬柳配紅酒汁豬柳口感好好，好juicy，紅酒汁有少少俾蕃茄搶咗味，但整體都好食嘅#意大利辣肉腸薄餅鍾意食呢啲簡簡單單冇太多餡嘅pizza，同埋薄底脆脆地又冇咁飽～其他嘢食中規中矩，都好食但冇咩特別。半自助沙津吧有啲沙律菜、生果、甜品、中西式湯、嘢飲，選擇唔多但都ok啦～

據知屯門站新開了悦品度假酒店，其中The Platter以火車為設計主題，提供各款不同嘅環球美食，令賓客仿如置身車廂中用餐，一場來到屯門，當然要訂定位，走入車廂之中。現在還有75折優惠，都咪話唔抵食！來到時被安排進入火車嘅座中，真係非常開心，雖然位置不會像火車移動，但都有著另一番嘅風味！食物款式都不少：沙律、刺身、壽司、熟食、炸物、串燒、芝士意粉、雪糕、燉湯、甜品、飲品等…應有盡有。而且他們都會不斷添回食物，真係可以慢慢食、慢慢歎都可以！芝士焗扇貝、烤羊架都有得食…真係問你點忍得口🤤！食Buffet 點可以唔食燒牛肉，肉味濃郁，口感Juicy。即炒意大利麵這裡的一大特色…即炒意大利麵，自選配料後，廚師即場烹調，最後放左芝士輪上香撈一番，沾滿陣陣芝士香，入口果然芝味十足，令人回味！甜品亦有不少選擇：Pancake、雪糕、芝士蛋糕、泡芙等…絕對啱哂甜品控。另一燉湯都不可不提…燉湯非常足料：猴頭菇元肉杞子燉雞…真係一飲上癮…飲完一碗又一碗。約7:30pm聽到陣陣鐘聲，原來剛剛拎出了大大盤西班牙海鮮炒飯，內裡有不少配料：鮮蝦、青口、蜆肉等…雖然都食到有點飽，但都不忘再來一轉…食呀！真係食到飽飽