影片
港鐵啟德站C出口, 步行約1分鐘
繼續閱讀
電話號碼
26660238
開飯介紹
供應羅馬薄餅、自家製意式雪糕等美食的意大利餐廳；佈置優雅，而色彩豐富的牆畫帶大家感受西西里島的熱情，來此約會、聚餐也很合適。
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
有關獎賞計劃
第一次來啟德AIRSIDE這個商場，這次朋友在The Cipollini Pizzeria預訂了座位。餐廳正對出的露天位置，商場就提供了一些休憩座位，即使和朋友早到了，也有位置可先坐坐。獲安排的座位是在門口的開放式座位，所以有一部分是露天的，四四方方的桌坐3個人是有點勉強，枱面幾乎放不下我們點的食物及飲品。當晚剛好下了一小陣驟雨，店員趕忙拉起趟門，好讓全部座位都搬回室內，但座位就變得更窄了。凱撒沙律 ($118)，加$30可配雞肉或煙燻三文魚，選配了後者。爽脆的生菜，配上微微鹹香的三文魚及煙肉片，還有鬆脆的麵包粒及芝士碎，清新得來又帶點滋味。培根蛋黃卡邦尼意粉，意粉是手工製的，又香又有彈牙口感。蛋汁令意粉更為香滑掛汁，鹹香程度恰好，不會太過鹹。煙肉不會太肥膩，口感軟熟。只是整體份量不多，與朋友share吃，每人只分到少量意粉。Wagyu Sirloin Pizza，12吋的薄批，用料簡單，蕃茄醬、Mozzarella Cheese、和牛西冷牛排及焦糖洋蔥，Pizza面層鋪上一塊塊切好的和牛西冷牛排。Medium熟度的西冷牛排，肉質非常軟嫩，肉味濃郁又帶有嚼勁。與Pizza一併吃，脆底的pizza夾著軟嫩牛扒，口感豐富，油脂香十足而不膩，很好吃。甜品有自家製的Gelato及Tiramisu ($58），Tiramisu的濕潤度適中，帶淡淡咖啡酒香。Gelato單球$48，雙球$78，升級窩夫筒或窩夫杯要加錢。Gelato足足有10款口味可選，有常見的口味如石板街及冧酒提子，特別口味有較多選擇。我們就選了薑餅及粗粒花生醬，薑餅Gelato是薑餅人的化身，鹹鹹甜甜的，薑味不會好突出。我和朋友都偏好粗粒花生醬Gelato，充滿花生香又不會覺得膩。加$18的Waffle Bowl不太值得，不夠香又不夠脆。飲品分別點了3杯沙冰，$58/杯，有榛果避風港、抹茶王朝及冰雪朱古力，當中以抹茶那杯好喝一點，另外兩杯的榛果味及朱古力味都不夠香濃。本來開放式的座位環境應該可以令人感覺chill，但座位狹迫，舒適程度打了折扣。食物及甜品都令人滿足，惟沙冰算不上好喝。
繼續閱讀
好喜歡去 啟德, AIRSIDE , 乘地鐵去極方便, 泊車也無難度. 這裏有五光十色的店鋪, 戲院, 餐廳. The Cipollini Pizzeria 有我喜歡吃的 Pizza , 於是訂位吃個晚餐. 戶外座位, 帶點浪漫氣氛, 可以攜帶寵物毛孩, 快樂地進餐. 大型水吧及開放式廚房, 給人整齊清潔感覺. Happy Hour ( 3-8 pm ) 正 !! 餐廳裝修歐陸設計, 氣氛好好. 播放流行音樂, 令人感到輕鬆. 我們看看 餐牌, 食物款式多, 點餐無難度. Pizza 有好多款, 分傳統薄餅, 羅馬薄餅....先叫了啤酒, Stella. Hoegaarden ~ 清涼解渴. 大家碰杯吹水減壓.Chicken wings 鷄翼 5 隻, 配自家制的醬汁. 雞翼外皮炸得香脆, 好好肉, 惹味好吃. 配上啤酒, 剛剛好.沾上自家制的醬汁, 確滋味.意式餐廳, 必食 Pizza, 今次選定了 Pesto Prawn Pizza 大蝦香草醬. 12" 意式薄餅, 上臺熱騰騰. 正中意式 Pizza , 脆薄底, 夠香口. 足料: 有大大隻蝦, 蝦肉爽彈. 節瓜, 翠玉瓜, 車厘茄, 莫札瑞拉芝士, 用料新鮮, 芝士入口重芝士香味, 配上香草醬, 賣相豐富好食. , 一口一件食清了 . BBQ Pork Ribs with Fries 燒豬排配薯條 （半份） 好厚肉, 醬燒. 燒得香, 燒豬排, 肉質稔甜, 調味適中, 好滿意. 薯條配茄汁, 薯條熱辣辣, 夠乾身, 外層香脆, 內裡軟綿, 咬一口, 沾些 茄汁, 送啤酒最好.甜品選了 Homemade Gelato, 今日有 10 個選擇: 芒果, 班蘭, 麻頁提子, 青檸, 香蕉, 芝士餅, 雲呢拿, 荔枝, 紫心蕃薯, 紅桑子. 我們點了 Scoop cup （兩球杯裝） 班蘭同麻頁提子. 口感芳香順滑, 味道濃郁. 真好味.餐廳好有意國風情, 店員友善. 會再來.
繼續閱讀
可能人手不足workload大係導致員工冇笑容的關鍵原因？食物一般，冇賣點。要主動問幾次pizza到未，一等再等，真係就快40分鐘，隔離遲黎外賣都快過我哋。漏單可以直接講，唔洗不停淨係識話就快到，唔好意思都冇講句。當然可能佢覺得我等候嘅時間係算正常或者係應該啦，咁我都覺得大家其實可以去食其他餐廳。仲話要寫200字先可以評分，OK咁再寫啲。寫住話order pizza有咩gelato送，當然佢冇主動送我都冇主動問。就係咁，應該可以湊夠200字。
繼續閱讀
👩🏻🍼新手媽媽放監喇!! 當然同佢出街抖抖氣🥰，舒緩下湊仔的壓力~帶佢黎到Airside的《The Cipollini Pizzeria》食個休閒Brunch先~位置方便，離地鐵站5分鐘路程👍🏻。餐廳裝修時尚摩登😍，而且有一面牆的插畫，好有活力呢~有幸安排窗邊位置❤，可以欣賞出面一大片綠化草地🏕，充滿大自然氣氛。🍕50-50 Pizza媽媽揀左Pepperoni及Carbonara~經典薄底Pizza😍批底薄脆帶點煙韌，經典口味辣肉腸微辣惹味😋，配上芝士，邪惡中的美味😈~🥓Carbonara pizza第一次試!! 流心鵪鶉蛋濃香🤤，加上香脆煙肉同忌廉醬，濃郁又柔和的口味!!🍤蝦米爆谷 Prawn Popcorn蝦肉大大隻，外皮金黃酥脆惹味😍，蝦肉彈牙鮮甜，點點清新香草沙律醬汁，又有另一番滋味~🍝牛肉醬意粉 Beef Bolognese肉醬味道濃厚，蕃茄味濃郁帶少許酸甜😋，牛味濃香有咬口。意粉彈牙掛汁，令人回味~🍦意式雪糕 Gelato揀左最愛嘅士多啤梨🍓同開心果口味~🍓士多啤梨酸甜帶有濃濃草莓香😋，淡綠色的開心果味，開心果味超濃郁🤩，有堅果香氣!! Gelato入口綿密細緻，質感柔軟輕盈，而且兩款味道濃郁天然!!!🍦窩夫杯酥脆可口，配雪糕食口感豐富有層次~🍵抹茶王朝 Matcha Majesty抹茶微微甘苦，甜度適中，加上忌廉，增添奶香，味道更豐富溫潤。沙冰綿密細緻，好清爽呢~🍓士多啤梨旋風 Strawberry Swirl賣相可愛吸引💓味道酸甜清爽，有士多啤梨天然酸甜味道及果香，甜蜜的味道~新手媽媽表示有得出黎抖抖，真係好開心🥰~
繼續閱讀
位於九龍城專注提供美味的意大利風味料理，一踏入就感受到濃厚的食欲。PEPPERONI Pizza，蕃茄醬鮮香濃郁，莫札瑞拉起司融化得恰到好處，搭配上意大利辣香腸片，香氣四溢，讓人陶醉。薄脆的披薩底部讓整個口感更為輕盈，是披薩愛好者的夢幻之選。黑松露意大利飯，煮得剛好，吸收了黑松露的香氣，一口接一口無法抗拒。松露香味與米飯完美結合，高雅大方又美味。燒豬排配薯條，豬排肉質鮮嫩多汁，外層的燒烤醬汁味道濃厚，搭配酥脆的薯條，完美的組合，回味無窮。意大利手工雪糕，味道選擇眾多，價錢合理，性價比不錯。
繼續閱讀