2025年11月12日 星期三最近喺啟德搵到間幾有驚喜嘅意式餐廳——The Cipollini Pizzeria，主打薄餅同手工雪糕，不過我哋今次試咗佢哋嘅熱前菜拼盤、兩款意粉主菜同自家製雪糕，全部都幾有水準餐廳雖然唔係太大，不過環境幾舒適，有外國風情，一枱一凳都幾有特色，一開始去到客人唔算太多，但係坐低咗之後就逐漸入嚟，好快就坐滿晒成間餐廳餐牌都有幾多款式食物可以選擇，除咗招牌菜薄餅之外，其他菜式都好似好吸引，價錢都唔算太貴等咗一陣食物就開始送到，首先有熱前菜拼盤，裡面分別有蒜蓉大蝦、雞翼同肉丸，蝦身啖啖肉，唔算太大隻但勝在新鮮，啖啖都彈牙，醬汁係微辣帶甜，蒜蓉炒得香口又唔會太膩，啱晒用嚟開胃而雞翼就炸得外脆內嫩，皮薄唔油，咬落去有少少煙韌感，醃料偏向美式風味，鹹香中帶少少甜，似係蜜糖芥末混合黑椒咁，配埋啲香草點綴，食落唔會太heavy至於肉丸口感紮實但唔會太硬，咬落去仲有少少肉汁滲出嚟，上面灑咗芝士碎，配埋微酸嘅番茄醬，味道層次幾豐富，唔係嗰啲罐頭味，好似喺意大利小館食到咁主菜有蒜香海鮮扁意粉，香草同蒜蓉味撲鼻而來，未食已經聞到海洋氣息，扁意粉煮得啱啱好，唔會過腍，掛汁力強蝦同蜆都夠新鮮，蝦肉彈牙，蜆味濃郁，仲有啲甜椒絲加埋色彩同口感，蒜香唔霸道，反而令海鮮味更突出添呢個係白汁烤雞，雞胸肉烤得啱啱好，唔乾唔柴，切開仲見到少少肉汁，口感嫩滑忌廉汁唔會太濃膩，反而有種輕盈嘅奶香，配埋菠菜嘅微甘同車厘茄嘅酸甜，令到整體味道有層次又唔會悶最後甜品我地要左自家製意式雪糕，係餐廳每日新鮮打製，口感順滑得嚟又濃郁我哋分別要左紅桑子同椰子菠蘿味，紅桑子味酸酸甜甜，果香好突出，食落有啲似飲緊果昔咁清爽而椰子菠蘿就係另一種 vibe，椰香柔和，菠蘿味清甜，兩者融合得好自然，有種夏日沙灘嘅感覺兩球一齊食仲有層次感，甜中帶酸，好有意式風情整體嚟講，餐廳除咗薄餅之外，其他菜式都唔馬虎，前菜夠香口，主菜有誠意，甜品更係亮點之一啱晒同朋友聚餐或者飯後慢慢嘆杯雪糕…查看更多
