Quattro's Kitchen (已搬遷) 新店位置

約了友人吃飯，地點為了方便他收工，就係太古食。平日晚上，餐廳都幾乎滿座呢。雖然地方唔算好大，但間格都算舒適，適合食飯傾計。和友人都想食生蠔，少食多滋味，每人兩隻啱啱好👍🏻分別點了愛爾蘭瑪皇蠔Ireland Majestic$38 及吉拉多蠔Gillardeau $42。食生蠔前，侍應細心的提供消毒濕紙巾。⭐️生蠔雖然唔算超大隻，但係充滿海水鹹香；帶子位鮮甜，鹹甜的味道交錯，令人慢慢回味👍🏻兩款生蠔都很出色，個人更愛Gillardeau，味道更濃！配上檸檬汁或甜辣醬都令人開胃！主菜方面分別點了：扒西班牙黑毛豬胺配蘋果汁。$198豬胺口感爽脆，充滿肉汁，味道香濃！近骨位部分更加香！配上蘋果蓉更為清新！薯蓉極為creamy，仲食到粒粒薯仔，質感極佳！另外加了$20配了意粉，意粉軟韌，用橄欖油及蒜頭炒香，非常惹味！檸檬白酒焗海鱸魚$165配菜非常出色！有甜椒、洋蔥、翠玉瓜、青瓜、車厘茄等..配上蒜蓉汁，爽甜美味！鱸魚充滿檸檬香味，檸檬汁及白酒亦令其肉質更juicy!是很聰明的配搭！總結從餐廳的菜式可見到其用心，每個位都想得細膩，難怪咁多捧場客呢。

今日行康怡廣場，試下新食肆，發現這間餐廳， 不難搵位，姑且入去一試。發現價錢非常合理， 晚餐都係大概百多元一個。 先來餐湯，蘑菇湯非常香滑，而且有磨碎了的蘑菇蓉。主莱叫了一客咸鴨肶，鴨肶非常軟滑，但外皮鬆脆。另外叫了黑毛豬，煎得好香口，肥瘦適中，十分美味！ 兩個主菜的配菜有牛油薯蓉，和炒香了的豆角，當中也夾雜著煙肉。 我素來對配菜沒有什麼興趣也吃過清光 ！餐飲咖啡水準也在想像之上， 我覺得有日式咖啡餐廳的水準。 美中不足係座位與座位之間比較擠迫。

昨日係太古AEON 地下發現左間發現左間酒店級水準的餐廳😳充滿驚喜。我們叫左兩個set lunch首先來左個洋蔥湯，湯並不是平時係街食的普通的那種，係用洋蔥絲煮出來真材實料的洋蔥清湯，加上蒜香 好有新鮮感 。一上來時聞到洋蔥蒜香味已經令我們食指大動，由於係清湯的關係，食完一點都唔覺濟，配上脆脆的面條 ，已經令我們好期待主菜了。我叫左錫紙焗龍脷柳配黑松露醬汁，一打開錫紙，黑松露配上菌菇的香味四溢，煎香結實的魚，配上黑松露香的菇互相映襯，更為惹味，食唔停口。男朋友叫左烤羊肋排孜然蒜香燒汁，一上菜時賣相已經好吸引，一切開時已經感覺到羊肋排外皮焗得香脆，羶味不太重，羊肉夠嫩滑多汁， 軟腍，咬落無渣， 甚至入口即溶👍🏻男朋友都話正。兩個主菜都配有薯泥，味道調配剛好 不會搶左主菜味道，再加上用煙肉炒香的疏菜，可以為廚師的細心😋全部主菜都清光光 完全食到食物本質的味道😋 有酒店級的水準！我們的餐飲是果茶- 晨曦之旅同玫瑰園，雖然顏色一樣，但飲出來係感覺完全不同。晨曦之旅有草莓及橙的酸甜果香配清新的香茅，立即令人精神爽利。而玫瑰園有玫瑰花，黑加倫子，芒果等 果味更香甜，入口舒服，清新香甜，兩款皆配有蜜

自從做咗 C9，越來越鍾意行超市，尤其是日式超市。買完嘢俾完錢見到前面有間西餐廳，睇埋門口個 menu 突然覺得好肚餓，於是拎住一袋二袋入咗去醫吓肚先。呢度俾我感覺半開揚，望到超市的人來來往往，唔知係咪較新，四周的環境乾淨得可以。另外呢度的職員真係幾好笑容架~ 做嘢爽手之餘仲會同我哋傾計~澳洲哥芬灣蠔肉質好滑好腍，食落很彈牙，仲帶有淡淡的海水味，「o雪」一聲就滑咗入口啦~跟著我哋就開始食 精選二人套餐。一開始先我們每人先食個餐飽，暖暖的很鬆軟。煙三文魚凱撒沙律三文魚很大片，而且好新鮮，另外菜也很爽脆的。干邑龍蝦湯龍蝦湯味道濃濃的，湯面很 creamy，還帶點點酒的香味，舀到底仲有啖啖龍蝦肉，口感十足。海鮮酥皮盒起初以為真係有個盒裝住 d 海鮮，原來係以酥皮麵包夾住，而中間的海鮮混上白色醬汁而成。外面鬆脆的，而海鮮很足料，加埋汁料好醒胃。鵝肝野菌意大利飯塊鵝肝大大塊，外邊微微焦香，入口即化，十個香口。而菇菌混進意大利飯之中，每一啖都食到陣陣香濃。美國肉眼配燒汁雖然肉眼扒唔算厚切，不過紋理好清晰，所以好易切開和咀嚼。加上煮得夠 8 成熟，合乎我們的要求，味道帶點煙韌同香黑椒味，食埋旁邊的配

系太古睇完戲，去完aeon入面搵食Quarters kitchen ~tea time teaset 都幾多選擇仲有我最愛的花茶松露醬炒蛋伴火腿厚多士$72～蛋炒得好滑，有流心蛋的口感，松露醬好惹味，多士脆脆的，一軟一脆的口感極佳還有沙律菜晨羲之旅～跟set+$15~抵飲有士多啤梨、橙、檸檬草、洛神花，酸酸的味道，好清新，配合蜜糖自家製酥皮磨菇雞批$72～香脆的酥皮確實實令人興奮饀料豐富，沒有太油的口感，雞肉磨菇味道好match,外脆內軟latte ~跟set+$15~咖啡味道香的，拉花好有心思，creamy 幼滑環境舒適，靜靜地嘆個下午茶好寫意平均$100/1位，近地鐵站又近shopping mall，必定有下次

太古城的百貨公司比其他分店要大，貨品更加齊全，平日也很喜歡到來行逛。行了幾個鐘，總想找個地方坐坐兼且進餐。超市附近有不少選擇，如果日式餐廳的話多數要排隊等位，西餐的人客亦不少，但情況好一點，不會等候太久。Quattro's Kitchen有數款晚餐、二人餐或散叫再加45蚊轉餐。餐廳最近多了生蠔可供選擇，是夜有四款提供。GillardeauGillardeau法國生蠔被稱為生蠔界的勞斯萊斯，蠔身比一般生蠔要大，蠔肉肥美鮮甜，海水味柔和不濃，不會蓋過生蠔的鮮味，很適合不太愛重海水金屬味人士口胃。煙鴨胸田園沙律配意大利黑醋汁套餐可以加28蚊配此沙律，煙鴨胸不肥不膩，肉質柔軟，田園沙律新鮮爽脆。餐湯為南瓜火腿湯，南瓜味道香濃加上粒粒火腿，既鹹香亦有口感。餐包焗得外脆內軟，難得可以做到外面酥脆效果。比目魚配松露野菌汁比目魚煎得魚肉嫩滑而魚皮香脆，松露醬有點睛效果，野菌汁內有雜菌碎，口感很好，不過魚肉已經很鮮甜入味，不用點汁亦可。主食旁有很多配菜，既有沙律菜亦有炒熟的煙肉洋蔥紅蘿蔔番茄豆角，再加上一球帶薯粒的薯蓉，食罷此主菜已經很飽肚。扒西班牙豬梅花肉配蘋果燒汁豬梅花肉屬上肩胛肉，油脂分佈平均，食

同屋企人都好鍾意食西餐，放工行開太古，就喺吉之島附近搵食，就發現左呢間西餐廳淨睇門面嘅餐牌已經覺得好吸引餐牌食物嘅款式都幾多，最後我哋都係決定咗食二人套餐，感覺好似好多嘢食，而且好抵先來餐包，餐包仲係熱辣辣，聞到好香嘅麥味，麵包鬆軟而餐湯就係我最愛嘅龍蝦湯，感覺非常足料，龍蝦湯味道濃郁，口感creamy，同埋最緊要好夠熱之後就到頭盤啦，煙三文魚沙律，煙三文魚都有好幾片，非常肥美，沙律菜處理得好乾淨，新鮮。海鮮酥皮盒，賣相非常靚，好多海鮮喺裏面，有蝦、青口、帶子同埋魚柳。個人最欣賞帶子，大大粒，而且煎得啱啱好，口感好腍，酥皮非常香脆，好香牛油味，同海鮮好夾主菜到啦， 鵝肝野菌意大利飯，鵝肝煎得非常甘香，外脆內軟，又唔會話好油膩，意大利飯煮得啱啱好，軟硬適中，忌廉味好重，野菌爽口另一個主菜就係美國肉眼配燒汁，肉眼大大塊，我哋叫咗八成，煎得啱啱好，好有肉汁。牛味甚濃，配埋燒汁簡直一流，旁邊仲有薯蓉,裏面食到一啲薯仔粒，好有咬口餐飲我哋就叫咗熱咖啡同凍奶茶，兩者都非常香滑套餐甜品有芝士蛋糕，蛋糕口感軟滑，好重芝士味，非常出色另外為食嘅我哋仲加咗焦糖香蕉酥， 熱辣辣嘅酥皮，包住香蕉蓉，非常夾，而

今日係太古行完街，要食啲野叉下電，係Aeon地下見到呢間餐廳，比佢餐牌啲相吸引左，所以一於試下佢。Lunch Set選擇都幾多，包餐湯同餐飲，我同朋友分別叫左個紐西蘭肉眼同羊架。另外，飲品就叫左一個花茶Apple garden同green tea latte。首先上嘅係🍎蘋果花茶，用左個透明玻璃瓶同杯裝，賣相英式得黎好grand，聞落好香，入口帶淡淡既果味，可以因應個人喜好加蜜糖，我自己就只係加左少少已經覺得夠，極度推薦呢個果茶👍🏻！Green tea latte都有水準，咖啡同奶嘅比例岩岩好，奶味唔會過濃，抹茶味都好岀，仲有靚靚拉花🌿！🍅蕃茄湯入口微酸中帶甜，好明顯係用新鮮嘅蕃茄，好開胃！Rib eyes同羊架都叫左medium，大廚控制得相當好，兩樣都煮得岩岩好。先講牛扒肉質鮮嫩彈牙，野菌燒汁都幾夾，加上伴碟嘅蔬菜，食曬成份都唔會覺得好油膩。另一個極度推薦嘅係羊架配蒜香燒汁，羊架有兩件，配薯蓉同蔬菜，羊架唔會好騷，脂肪同肉好平均，肉質軟林又不失咬口，好好味！

今日放工同friend去太古行街買野 行到攰攰地諗住搵野食點知周圍都要排長龍 見到呢間只係要排兩張 就拿拿聲等啦Dinner set 價錢都算合理 我叫咗個西冷牛扒($188) 朋友就叫咗豬扒配蘋果燒汁($165)餐湯係好耐冇見過嘅周打魚湯佢個忌廉啱啱好唔會遮咗周打魚個鮮味 最緊要係佢入面食到魚肉 感覺超爽我地仲另外叫咗個小食試下 牛油果配蟹肉個感覺都幾新鮮開胃 但可能佢太多唔同材料 一畢落去會好易散 食個陣會比較麻煩 不過唔緊要啦黎食野梗係味道行先啦到主菜首先係我嘅牛扒一切開就知道牛質鮮嫩唔會橡筋 再加上佢舊肉靚 整到五成熟後唔洗太多醬汁調味 就咁食已經好滿足朋友點嘅豬扒睇到去都好似好正咁 塊肉十分厚身 煎出黎亦唔會好鞋咁我偷咗佢一啖試下 真係唔似平時食開嘅豬扒 佢整得好嫩好滑似質感似豬柳多啲 配曬個甜甜地嘅蘋果燒汁 perfect match! 女仔食野又點少得甜品呢 佢地dessert menu都算多選擇有起碼6-7款揀  我地兩個都係雪糕愛好者 分別點咗蘋果批配雪糕同朱古力心太軟黎到兩個賣相都一流 好大份一啲都唔寒酸蘋果批面頭焗得脆之餘入面嘅蘋果蓉又唔太甜 即刻令罪惡感下降一千

昨天和朋友小聚，來到Quattro's kitchen 見有位便進去試試。我朋友叫了吉列豬扒湯意粉下午茶餐，味道可以。我當時未食午餐，叫了一個黑毛豬 a la carte 198元，心想應該會把我吃飽。誰知來到時只有大概 打開手掌一半的面積，大概一吋厚。我朋友看到都 嚇了一跳，以為那是一個下午茶餐。伴菜是椰菜，翠玉瓜及兩粒車厘茄，有一球薯蓉，都不是貴的伴菜。蘋果蓉像是baby food。黑毛豬煎得都算很juicy, 豬味一般。a la carte 沒有沒有沙律亦沒有飲品，食完只有半飽，所以叫了一個窩套下午茶餐。 窩夫是新鮮做的， 味道可以。

平日有行開鰂魚涌AEON的習慣，事實上很少在這兒用餐，有位朋友實在太耐冇見，約咗佢嚟呢間Quattro's Kitchen食飯，傾下計。 單點食物的價錢正常，但比較之下，set dinner價錢實惠得多。 大約200蚊有找，包括餐湯、主菜、咖啡或茶。 餐湯是周打魚湯，好creamy，味道淡淡的，仲有Ｄ周打魚肉，確實真材實料。小食揀左3件意式多士同朋友share，3件多士分別係煙三文魚、黑松露蘑菇同鵝肝，當中黑松露蘑菇香味尤其突出，而鵝肝口感亦嫩滑細膩，3款配料都份量十足，味道濃郁，配上脆多士口感豐富之餘，仲好滋味。  另外一份小食點了蟹肉牛油果塔，整個果塔毫不吝嗇地充滿了新鮮的蟹肉，食落去啖啖肉，蟹味不帶點雪藏味。呢個價錢嚟講都算抵食，加上估不到蕃茄和蟹肉會那麼搭亗，牛油果亦是非常健康的食物，必點。主菜—比目魚配松露野菌汁：比目魚的外皮煎得香脆，非常好吃，食落去魚肉水分十足，不會乾。 西班牙豬梅花肉：呢個西班牙豬肉好厚，而咬落去真係幾juicy!配埋燒汁同蘋果蓉，味道會更加濃郁。 另外，兩者配菜有薯蓉，墨西哥脆餅，蘆筍等，薯蓉好綿滑，蘆筍食落都幾新鮮。 甜品叫左個焗香蕉千層批，因為係即

買左戲飛係太古睇戲, 所以就早D落去太古食個Lunch 先!Aeon 呢道變左好多啦! 以前麥當勞個位而定轉左做西餐廳!睇完佢個Menu 都吸引!所以就入左去食啦!呢道既lunch set 都有好多選擇,個價錢包埋湯同飲品!是日餐湯 - 洋蔥湯成碗湯入面有好多洋蔥呀, 清清地,唔會好鹹!仲有條麵包條送湯!扒紐西蘭肉眼配野菌燒汁($136)塊牛比較薄身, 肉質又唔會太林,味道都唔錯!岩岩好五成熟!上湯烚德國咸豬手配蘋果燒汁($118)呢個烚咸豬手好正呀! 雖然睇落好肥膩, 但食落去好爽口, 再配埋個蘋果燒汁一齊食好開胃呀! 食完都唔會熱氣呀!飲品方面,我地每人加左$15飲Special DrinkFlat White 特濃鮮奶咖啡Sunrise Trip 晨曦之旅(Strawberry, Orange, Lemon Grass, Hibiscus)一飲落去好重士多啤梨味呀! 酸酸地既花茶,有助消化!如果飲唔慣咁酸既, 可以加少少蜜糖一齊飲!

假日百無聊賴下就過港島一遊，開頭想到太安樓食嘢。但天氣實在熱，揀咗喺太古行街及食Tea。行完太古aeon後，諗住去food court嘆Tea，但見到太多人搵位同用膳。唯有去外邊睇睇啦，咁就搵到呢間店啦。見到門面，覺得餐廳好高貴，再睇餐牌，價錢不便宜呀，或許太古呢到係高尚住宅區啦。既然都揀咗入座啦，咁就揀鮮蝦野菌天使麵配忌廉汁。朋友就揀咗吉烈蝦肉配肉醬意粉。飲品就Zero同熱檸水。先到檯嘅係鮮蝦野菌天使麵配忌廉汁。忌廉汁夠濃，蝦肉夠彈牙，如果有埋芝士味就正啦。不過天使麵份量比較細，可能係下午茶餐啦。再嚟嘅唔係吉烈蝦肉配肉醬意粉，而係嚟咗吉烈豬扒配蕃茄湯意大利粉。不過算啦，都係想嘆菜啫，咁就冇叫侍應拎走。想唔到錯有錯著，吉烈豬扒炸得香脆，能夠鎖住肉汁，加上口感不錯。但意大利粉湯底就不夠濃郁，份量亦一樣唔夠大。其實呢間店都幾好味，值得一讚！

Afternoon tea set HKD218。high tea喱一種英式傳統真係好值得保留 除咗係因為自己支持小食多餐 食下午茶亦都係放學放工之後約人出街好合理嘅藉口。人一世物一世終於試咗人生第一個afternoon tea二百蚊相比起xx酒店嚟講真係相當便宜 侍應聲稱係一款改良過唔算太傳統嘅tea set😂😂。自己平時都會去某啲event 好聽啲叫交際去識人 難聽啲叫黐飲黐食 所以都會食開相關嘅小食甜點 個人覺得呢間質素唔錯 比較出色嘅係三文治同鹹點 不過就冇英式鬆餅(scone真心已經食到厭曬 亦唔覺得特別好食 所以有冇我都唔在意。三文治有傳統嘅火腿芝士 同我比較偏愛嘅青蘋果蕃茄。青蘋果同番茄嘅性質差唔多 合作起上嚟好和諧 味道清新 而且好爽口！！ 夏天食呢個三文治真係好正 我以後喺屋企都會試下咁樣整。鹹點包括咗煙燻三文魚 魚子醬 鵝肝 沙律蝦。玫瑰造型嘅三文魚 一大舊放落口 仲滿足過食壽司 感覺非常良好 如果有埋檸檬汁就更加之好。 魚子醬份量少 比較難食得出味道 鵝肝足料得多 大件到好似午餐肉咁 最愛就係佢嗰一種獨特嘅鹹香油脂香 吞落肚罪惡感即刻返曬嚟 但係我寧願跑多啲步都要

見今日要過港島東番工，開頭想到太安樓食嘢。但今日天氣實在熱，一入到太安樓後，尤如火爐盤，熱不停出汗，見到美食都沒有胃口。既然太安樓（西灣河）下一站係太古，咁就去太古食嘢啦。順便行下aeon消暑。落到太古aeon後，去到food court見到太多人搵位同用膳。咁就行外邊睇睇啦，想唔到都搵到餐廳食Tea。見到門面，覺得餐廳都比較華麗，再看看餐牌，價錢都不相宜，或許餐廳在太古呢啲高尚住宅區啦，訂價可能會比較高。不過午餐又未食，2餐當1餐啦。咁揀咗鮮蝦野菌天使麵配忌廉汁。朋友就揀咗吉烈豬扒配蕃茄湯意大利粉。飲品就Zero熱檸水。先到檯嘅係鮮蝦野菌天使麵配忌廉汁。想唔到咁好味喎，忌廉汁夠濃，鮮蝦夠彈牙。不過天使麵份量比較細，大食嘅嘢一定唔覺飽。再嚟嘅就係吉烈豬扒配蕃茄湯意大利粉，想唔到亦一樣咁好味，吉烈豬扒炸得十分香脆，口感很好。沙律醬亦好味，不同一般的沙律醬。但意大利粉湯就不夠濃郁，份量亦細。如果住在太古的居民，相信吸引到佢哋到該店享用各餐。餐廳嘅職員亦友善，服務周到。