Quattro's Kitchen (已搬遷) 新店位置

今日係太古行完街，要食啲野叉下電，係Aeon地下見到呢間餐廳，比佢餐牌啲相吸引左，所以一於試下佢。Lunch Set選擇都幾多，包餐湯同餐飲，我同朋友分別叫左個紐西蘭肉眼同羊架。另外，飲品就叫左一個花茶Apple garden同green tea latte。首先上嘅係🍎蘋果花茶，用左個透明玻璃瓶同杯裝，賣相英式得黎好grand，聞落好香，入口帶淡淡既果味，可以因應個人喜好加蜜糖，我自己就只係加左少少已經覺得夠，極度推薦呢個果茶👍🏻！Green tea latte都有水準，咖啡同奶嘅比例岩岩好，奶味唔會過濃，抹茶味都好岀，仲有靚靚拉花🌿！🍅蕃茄湯入口微酸中帶甜，好明顯係用新鮮嘅蕃茄，好開胃！Rib eyes同羊架都叫左medium，大廚控制得相當好，兩樣都煮得岩岩好。先講牛扒肉質鮮嫩彈牙，野菌燒汁都幾夾，加上伴碟嘅蔬菜，食曬成份都唔會覺得好油膩。另一個極度推薦嘅係羊架配蒜香燒汁，羊架有兩件，配薯蓉同蔬菜，羊架唔會好騷，脂肪同肉好平均，肉質軟林又不失咬口，好好味！