Quattro's Kitchen (已搬遷) 新店位置

Aeon翻新以嚟引入咗唔少新餐廳。節日將至間間餐廳都爆滿，幸好一早book咗枱，先食到呢餐飯咋。雖然係西餐廳，但餐廳設計開揚，室內空間十足，食落唔需要拘謹，啱晒一家大細、一班好友聚一聚。剛入坐就送上暖水。一般西餐廳只會奉上加咗檸檬嘅生水，呢杯水暖和唔燙口，已經令我對佢加咗唔少印象分~細佬叫咗西餐必點嘅牛扒，而我就點咗雞胸意大利飯，拉上補下吖嘛~ XD點餐冇幾耐就端上熱氣騰騰嘅露筍忌廉湯。起初以為忌廉湯油脂較多會好滯，但呢度加咗檸檬汁，湯帶酸味，解渴又開胃。湯用薯仔、露筍、忌廉打出嚟，薯味突出之餘又唔會令湯過稠令人愈飲愈渴。香脆手指餅冇餐包咁飽肚，開頭都擔心會食唔飽，但上埋主菜就覺得用手指餅係絕對正確！侍應分工清晰，兩人一組serve幾張枱，所以可以做到無縫銜接。男侍應啱啱幫我哋清走餐湯，幾秒之內，女侍應就將兩份餐同時端上。兩份餐溫度均等，所以絕對唔係單純將份餐放喺廚房等出，而係觀察住食客用餐進度，計算好烹調時間，確保一桌人能夠同時間開餐！呢份烤蜜糖檸檬醃紐西蘭走地雞胸伴意大利飯絕對係出乎意料地出色！首先Quattro's Kitchen一大特色係大份。不論牛扒定雞胸，每款餐份量同樣驚人

眾多商場中，最喜歡行太古城，俾人一種優皮舒適的感覺。Aeon商場重新裝修後引進不少新食肆，日式餐廳試了好幾間，唯獨未曾試超級市場收銀對出的Quattro's Kitchen。食店門外放出大型海報展示晚餐餐牌及食物相片，扒類賣相相當吸引，見不用排隊就入內一試。晚餐都有好幾款選擇，不過又心多多想散叫頭盤及甜品，就叫上一個晚餐另加飯類加45蚊轉晚餐。羅宋湯湯料足番茄濃酸味亦夠。最驚喜係餐包焗得外脆內軟。餐包要求通常只係夠熱，難得餐廳做到餐包外面酥脆。蟹肉牛油果塔蟹肉牛油果塔內的蟹肉係原條蟹肉而唔係一絲絲，十分足料。牛油果與蟹肉乃最佳拍檔，鮮甜軟滑兼備。扒美國自然豬胺配蘋果燒汁當用刀切入豬胺內即可感受到肉質的柔軟及彈性，豬胺味道鮮甜濃郁，配上蘋果蓉味道又帶點清新感覺。伴菜輕燒帶出原本的鮮甜味。三文魚柳伴帶子野菌鮮蝦野米飯三文魚柳雖不是外脆內軟，但亦煎得嫩滑。魚柳下有兩隻帶子及兩隻鮮蝦，加上野菌碎，用料很足。野米飯比一般白米飯較有咬口，顏色營養亦較豐富。焗香蕉千層批此千層批不似一般的千層批，包著香蕉塊更似一條春卷。千層批外層酥脆內裡香蕉香甜軟滑，小小的滿足甜品胃口。餐茶可加15蚊轉特色飲品。晨曦

返咗成日工決定去天后嘅AEON行下街，行左成round後，決定去食過TEA來洗滌下自己疲累嘅心靈😂三個人嗌咗五個下午茶餐,食量大到好似嚇親個waiter😂 但其實係絕對食得曬, 全部$68@set三個人都叫咗黑松露牛肉意粉, 意粉唔太韌太淋味道偏淡, 牛肉少少硬,不過都好香， 趁熱食 會好少少之後叫咗個炸蝦薯條👍， 啱啱炸起又嫩又彈牙，好味。 薯條就一般般啦，正路薯條仲要咗個紅豆磚塊， 磚塊好脆 紅豆好甜 呢個真係幾好味， 通常出面食得紅豆一定要搭綠茶， 但係呢個連唔鍾意食綠茶味嘅朋友都食到因為每個餐都跟一杯嘢飲所以就嗌咗五杯檸檬茶share， 檸檬茶同出面差唔多不過自己落糖漿咁解成張枱出曬嚟就係咁，味道偏中上， 環境都乾淨潔淨， 68加1價錢適中， 食下午茶真係幾好， 三兩成群傾計就最啱唯一有個小建議就係如果個waiter見到我哋嗌咁多又包括個雪糕甜品， 其實可以問我哋個甜品洗唔洗後上， 而唔係一次過出曬5碟， 而且最容易溶嗰個仲係最先上🙈🙈

下午茶泥計 份量中等 如果點焗窩夫 需要等待既時間會較長飲品味道出色下午茶 選擇都多 都大眾化天使面既 蔬菜配料稍微多左少少 同埋較油膩牛肉意份牛口夠嫩口 今一次試唔切甜品 希望下一次可以試埋

行開AEON,行到咁上下見肚餓起超市隔離見到有餐廳門面幾靚咁啱裡面有位就入去 餐廳裡面坐位唔算多位同位之間好闊落, 方便同伴侶或友人講野餐廳有一人餐同二人餐我地揀左二人餐先黎左個沙津, 酸酸地幾開胃D蝦幾大隻 然後有龍蝦湯,超驚喜!!仲有個餐包都係熱辣辣又鬆個湯好濃, 裡面仲有唔少龍蝦肉之後上焗田螺, D螺好大隻, 勁正!底有焗香脆既薯蓉主菜我地揀左意大利飯同扒 意大利飯好creamy, d帶子大隻又多汁塊扒好大塊, 兩個人食啱晒D 汁好濃味, 拎黎點舊肉鬆遠，肉質入口即溶如果鍾意辣o既, 佢有埋芥辣提供甜品係日式cheesecake唔漏好好食 Green tea拿鐡杯花茶好有apple味總括黎講, 依個餐真係好抵食四百幾蚊食到人地出面八百幾蚊o既野仲要本身食物係好食另外依度d服務又係好抵讚經理仲不時問我地啱唔啱胃口, 夠細心

仲有兩星期就到聖誕節, 老媽正頭痕買什麼聖誕禮物給兩個寶貝孫仔, 決意找我幫幫手。今晚就來到康怡廣場血拼, 行了幾個鐘, 終於揀到心水, 並不是一人一份呀, 而是一人兩份。仲唔止, 要去埋 AEON Supermarket買朱古力喎! 駛唔駛咁多禮物!? 無計啦! 他們是老媽的心肝寶貝, 但......行咗幾個鐘, 我的肚子都餓到扁了, 要先醫肚才有力再行啦!就在AEON Supermarket附近發現一間西餐廳, 擺放在門口的大餐牌很吸引。開放式的門口, 內裏環境光猛開揚, 裝潢簡約優雅。右邊是一個半開放式的廚房, 而最入端是一個水吧區, 中間則是設有四行餐枱的用膳區, 有多張二至四人枱, 亦有一張六人枱和四人卡座，枱與枱之間距離甚多, 坐得舒適。餓到肚都扁, 馬上看看各份餐牌, 分別有一份是日晚餐餐牌、精選二人套餐餐牌、一份a la carta餐牌和一份甜品及飲品餐牌。二人套餐($488/2位)足足有六道菜, 包咖啡或茶, 雖較划算, 但對我倆來說太過豐富了, 還是散點較適合。A la carta有湯、前菜、意大利粉及意大利飯、廚師推介主菜和甜品, 而飲品則分有水果茶、咖啡、礦泉水

康怡廣場幾乎被整個Aeon 包辦底層至頂層的食肆也多數為日式餐廳而萬綠叢中一點紅這個道理就可以套用到今天的選餐之中罕有的西餐廳就這樣誕生在壽司與壽司之中於是乎我們也好奇地坐進去了選擇不少 所以花了點時間套餐當然較為務實 但卻沒有我最想吃的那道菜 於是同行者點了一個是日晚餐F這是是日晚餐包含的餐湯餐包包的溫度足以溶化牛油 不俗餐湯供應由餐廳輪流推出不同的款式 這晚是甘荀南瓜湯 濃稠卻又不失清甜沒有加入大量忌廉攪拌 感覺輕盈煙鴨胸田園沙律配意大利黑醋汁  +28加二十八元的前菜 比想像中出色煙鴨胸口感彈牙 連著脂肪層一拼咀嚼 十分幸福香煎鵝肝伴焦糖蘋果  98同行者非點不可的鵝肝 鵝肝固然矜貴 豐盈的口感不用多說反而喜歡搭配的醬汁 酸酸甜甜 中和鵝肝的膩扒美國西冷牛扒  188我很少吃這種熟成程度的牛扒 猜想只有五成一般吃七成或全熟除了脂肪部分難以牙齒分解 其他位置都很好入口 沒有抗拒感可惜搭配的燒汁不太特別鮮奶抹茶  +15點了不新奇的抹茶Latte 卻被它的味道所驚艷顏色看上很清淡 入口味道濃郁到化不開口腔一直回甘 餐飲本來不是我的 卻自私地喝上幾大口檸檬白酒焗海鱸魚  165單點的菜

我係OpenRice預約左7:30pm7:40pm去到搵唔到reception直接走入餐廳，女侍應又叫我到門口等然後有位男侍應話：個位賣左啦喎！無架啦我呆左望住佢....良久.....佢話：我地過10分鐘就賣架啦我個刻話而家啱啱好7:40pm佢話佢隻錶7:43pm啦喎，話我個時間唔啱！我個時間係從iphone來（自動的，99%準）我企係度望住佢佢先話你等陣以上對話唔係應有既服務質素囉！乜野叫賣左？乜野叫你個個唔啱？Anyway食完我話要貴公司email個經理先出黎了解但個經理一開波唔友善又唔表明身分我問佢佢先話係呢度經理

Aeon太古裝修後，感覺喚然一新，有不少新餐廳進駐，這次我和朋友到這間Quattro’s Kitchen享用午餐。午市設有套餐，提供西式風味美食，價錢由$95至$138不等，非常超值。蕃茄甘筍湯是餐廳自家製的湯，有香濃的蕃茄及甘筍味，酸酸地很開胃。烤紐西蘭羊扒配香草燒汁羊扒煎得剛剛好，肉質鬆化，切開有肉汁溢出，易入口之餘亦沒有羊羶味。香蒜龍俐柳伴龍蝦汁墨魚麵龍俐柳煎得香脆，有入口即溶的感覺。麵帶有墨魚香，與龍蝦汁味道配合得天衣無縫。餐飲選了意大利咖啡及花茶- 晨曦之旅，飲完非常滿足。

近來我們喜歡去的地區是太古，愛逛太古城中心同康怡廣場，這天行經康怡廣場 AEON，見到 Quattro's Kitchen 的 set lunch 好吸引，就入去先充電再行商場啦 ~餐廳地方寬闊，設計時尚簡約，而每張枱之間沒有壓迫感，舒適悠閒。午市餐牌上有我喜歡吃的魚扒，圖片很吸引，還有意粉、焗飯及其他扒類，套餐包括湯、主菜及飲品。我們每人點了個 set lunch，香煎比目魚柳配黑松露汁及扒西冷扒配紅蔥紅酒汁。先來個熱辣辣的煙肉薯蓉忌廉湯加麵包條，濃郁的薯蓉味加入煙肉粒，香氣撲鼻，喜歡。香煎比目魚柳配黑松露汁     $118比目魚柳表面香脆，肉質嫩滑，帶有牛油香，配合伴碟的忌廉薯蓉和雜菜，很美味。扒西冷扒配紅蔥紅酒汁     $138濃濃紅酒香，鮮嫩牛扒肉質軟腍不韌，牛味豐郁，香濃嫩滑，加上伴碟惹味的雜錦蔬菜及幼滑的忌廉薯蓉，確實很不錯，想起令人回味呢。KIRIN ICHIBAN 麒麟一番榨      $39口感清爽，冰涼解喝。晨曦之旅 (果茶)    午餐加 $15 (原價$42)晶瑩通透的茶壺盛載著士多啤梨、橙、檸檬草等材料，微酸的果茶味，可加入蜜糖中和酸味，酸酸甜甜，味道清香

超級高質🤤🤤我比四粒星⭐️⭐️⭐️⭐️香草焗法國田螺($78)，田螺保持鮮嫩，配埋個香草牛油焗簡直昇華左去另一個境界，我一滴汁都唔想放棄🙋🏻‍♀️個薯蓉唔係全部mashed,有少少薯絲，保持口感.蟹肉牛油果塔🦀🥑($78), 蟹肉同牛油果都係我既all time favourites, 好怕有d餐廳做呢味starter用d罐頭冇質感既蟹肉，呢度足料得黎又食到蟹既鮮味，配埋碟邊既basil sauce堅係#冇得輸 😌😌.Set lunch個餐湯都好有誠意, 竟然有三粒新鮮既蜆，成落唔係乾爭爭主菜煙西班牙豬五花（$118），五花肉燒得香，食落唔會好油膩，都唔會鞋口，個人好怕肥都食左半份😉晨㬢之旅(mixed fruit tea), 飲落酸酸地，加埋蜜糖好養生，staff仲offer比多隻杯我同朋友share😉.呢度員工好熱情，感覺良好，可惜張檯太細，同檯與檯之間冇咩空間，扣左一粒星😏

星期五太古食午飯，2:30已是下午茶時間，但系吾想tea, 幸好仲有lunch menu.這裡裝修簡潔，很是開揚。洋蔥湯，有濃郁洋蔥味，卻又有點油膩，飲了小小就算。芝士蕃茄焗黑毛豬扒飯，超有水準。新鮮番茄粒，充滿田園味，芝士勁多又有拉芝效果，鹹香惹味，黑毛豬大大塊，又夠厚，己切件上，方便咬，不失禮儀，肉瘦卻嫩滑吾嚡口又有肉味，超讚。Cappuccino好大杯，卻難飲，沒有豆香味，沒有咖啡味，更不要說回甘，浪費了黑毛豬。lunch set 約$100,改容下個湯和咖啡就好了。

今日去行街咁岩係aeon大減價，多人到插針都插唔入，見到排隊俾錢條人龍，真係唔想排康怡既呢間aeon超大!下邊食肆都有十幾間，行到餓了，搵左間餐廳食晚飯。雖然係aeon food court但裝修各方面都好有心思。長長既水吧加廚房，開放式既設計，清楚睇到廚房點出菜餐廳其實幾大，設計唔花巧，實用簡樸入座未夠六點，問waiter拎左晚餐menu睇住先，晏少少再落單!未有野食叫左飲品先!有紅白酒，但我揀左花茶晨曦之旅茶本身無加糖，可以自己落糖漿調教濃度。花茶味道似洛神花，但另外仲見有唔同既乾花乾草，味道幾清新!先黎餐湯，雜菜湯!其實我仲未分到雜菜湯同羅宋湯有咩唔同，都係有蔬菜甜，帶微酸。唯一呢度既蔬菜湯落左少少煙肉絲。法式焗田螺平時法式田螺通常凍食，第一次食焗，香味十分而且賣相唔錯。墊底既薯蓉超粉超正!主角田螺超香濃厚既牛油同香草味，微微既鹽鹹，田螺厚肉夠彈牙安格斯肉眼份量夠大，有黑椒汁同芥末醬俾你自己配搭肉眼夠滑，黑椒汁夠濃，芥末醬比較遜色，可能唔夠酸，辛辣味強左少少。如果要食到牛肉味，我都係食返黑椒汁配菜有翠玉瓜，豆角，青瓜，蘿蔔，椰菜絲。比較少見既應該係白蘿蔔!非常爽甜，可惜得三舊，原

週末買家品電器，走到累一累，二人決定逛超市前恢復一下元氣。看見此餐廳的價目相宜，放膽入內一試。兩個下午茶餐，先上餐飲。咖啡欠香氣；檸茶叫了少甜的卻來了杯走甜的，紅茶多香都寡到無朋友！小人實話實說，意粉是好的，叫兩個同樣的黑松露牛柳意粉，都是前後腳的上，証明是即叫即做的。奈何等得實在太久，餐飲都飲完還未見主菜的踪影。超超超耐之後，終於出場。熱騰騰的意粉炒得怡到好處，調味得宜，牛柳絲亦多，問題是說好的黑松露卻不知所踪，下得忍手的就別作得那麼大。就餐期間，一個疑似經理的光頭男人物體大聲吹水一時大講樓，一時又跟一個女店員說陣間俾你企捕飛，等啲客埋黎就遞隻碟比佢……擺明益你……令人煩躁不堪，慌死人唔知佢喺度咁！最正的是叫埋單時那個男侍應正正的站在收銀機旁在了牙，小人差點怕打攪了他。一流的食物，九流的服務，騎呢到爆！

今日同朋友黎呢頭行街行到甘上下又攰又想揾野食醫肚行左一圈後眼望覺得呢間環境好舒服於是就衝左入黎啦由於我地兩個餓鬼投胎甘於是我地兩個人叫左3個餐哈哈哈哈首先朋友叫左個黑松露醬牛柳絲意大利粉呢個意粉一上枱的黑松露味已經香到我個肚咕咕聲意粉軟硬適中仲有我最愛既菇呀好快就比我地消滅左正之後再黎個扒火腿芝士三文治哄底剛到火喉熱騰騰上枱配合剛溶既芝士同火腿夾到無得頂👍🏻👍🏻👍🏻再之後就叫多個吉列大煆配薯條滿足我個炸物怪朋友炸蝦新鮮脆口仲有我中意既粗薯條滿足滿足因為同朋友好耐無見所以係度傾左好耐計。。呢壼花茶真係好有味叫蘋果園有好香既蘋果味道為我補充講野失去既水份😂😂😂整體黎講覺得呢間餐廳令我喜出望外係度同朋友Afternoon Tea真係好舒服又可以慢慢傾所以已相約朋友再來了