Quattro's Kitchen (已搬遷) 新店位置

好耐都冇去過太古城行街， 今日心血來潮 ，同老公去行下， 行到咁上下 去咗對面個Aeon搵食，Aeon 個美食街好多選擇 ，見到其中有一間西餐廳個感覺好清新 ，set lunch 百零蚊，所以就入咗去試下。我哋叫咗一個牛，要五成熟 ，個 set 跟薯菜 ，而且有碗餐湯， 今日個餐湯係洋蔥湯， 成碗湯有好多洋蔥，清清哋 ，唔錯 。牛肉 來到真係只有五成熟， 太熟會 柴口 ，五成熟啱啱好！！！個紅酒燴羊膝真係好正， 焗都好林身， 但仍然有咬口 ，好入味，係必食推介。另外喜出望外嘅 有跟餐嘅薯蓉， 薯蓉有粒粒嘅薯仔 ，食得出唔係溝粉嗰隻， 好加分 ，略嫌薯蓉分量太少 ，食得唔夠喉 ， 如果可以多啲就好嘞餐飲叫咗凍朱古力， 鍾意飲朱古力嘅朋友都知道凍朱古力好難整得好飲，因為啲冰溶咗之後啲朱古力味會變淡， 呢間就真係唔錯，朱古力味好濃郁，所以就算 啲邊溶咗，杯 朱古力 都仍然好好飲 ，值得推介。

環境方面：坐得唔舒服，好逼（本人瘦既）。食物方面： 原價68蚊既濃蝦湯好腥，一陣蝦頭水既味，好鹹，完全飲唔落。好油！（看圖）配main course補返28蚊。牛扒方面： 朋友話呢個幾好。西冷。我食呢份係鵝肝同tenderloin.....不過不失。鵝肝夠熱，但講下佢d伴菜，一堆凍冰冰既豆同煙肉條...薯蓉好硬，碟汁又係好鹹...呢個羊個薄荷醬好似黑人牙膏陣味....可能我唔識欣賞啦....餐包全餐最好味。應該。最後埋單14xx, um.....只此一次....訂左位都要等既，服務態度....麻麻....哈，點解咁多好評，d相仲較哂tone咁，自己諗....

今日lunch黎到太古城食西餐，估唔到呢間西餐廳會座落系呢間百貨公司foodcourt附近，開放式area，但入面環境燈光昏暗，十分有情調。Lunch set- 香煎鴨胸拼焗巴黎牛油蝦皇 （加$17轉意粉）香煎鴨胸份量十足，肉質鮮嫩，厚切肉身但仍然吾會有硬的感覺，好香鴨油香味，配合秘製蜜糖燒汁，帶點香甜味道。另外牛油大蝦亦系大隻，香濃牛油焗，令到蝦吸取牛油的精華。配菜亦絕不馬虎啊，特別系番薯，外皮有煎香過，番薯蓉系超級超級超級鮮甜！另外，亦推薦大家一定要加錢轉意粉，由於見到檯檯客人幾乎都有加錢轉意粉，結果不負所望，原來意粉先係呢到既主角，香草炒意粉，就甘食已經好出色，意粉麵質屬偏硬身，整體來說，好滿意啊。Lunch set- 牛仔肉配黑松露汁友人點了另一招牌，牛仔肉系薄切，牛味濃郁，黑松露醬汁散發淡淡菇菌味，不過我覺得都係跟反蒜蓉燒汁會更好食。黑松露忌廉湯加凱撒沙拉 （跟lunch set)看黎呢間都幾中意黑松露，餐湯都係用呢個為主調，超級菇味湯，配上一條法國長麵包餅乾條。另外凱撒沙拉，大量開胃沙拉菜，加水果，作為前菜，也是十分豐富的。

今日同同事去Aeon Supermarket 入零食貨時見到間西餐廳看似唔錯就入去食埋個lunch! 佢嘅lunch set 普遍都超過$100 價錢唔算平今日嘅餐湯係羅宋湯 , 味道唔太酸,都算ok,湯料都幾多!我就叫咗個羊柳配香燒汁$128 , 羊柳要5成熟, 嚟到係7成熟, 肉質有啲韌,不太有肉味, 香燒汁較稀及偏淡味同事就試個香煎鱸魚配西蘭花忌簾汁$128鱸魚外層都煎得唔錯, 但就可惜冇乜味, 忌簾汁都係較淡味反而兩碟嘅配菜及薯蓉就幾夠味, 薯蓉亦唔會太黏口餐飲我加了$15 揀咗杯凍朱古力朱古力味夠濃又不會太甜, 不錯!

因為去咗太古果頭開會，所以有機會食到呢間餐廳嘅下午茶。由於係閒日，餐廳當時冇咩人，侍應好快就出嚟招呼我入坐。我點嘅係黑松露牛柳絲意粉下午茶餐❨$68❩包一杯飲品。呢個意粉除咗松露同牛柳之外，仲放咗d菇去加強菇嘅香味，配料有洋葱、青椒同埋紅椒，令到呢個意粉睇落生色不少。牛柳煮得剛好，唔會韌。食食下個意粉，侍應哥哥走埋嚟問我d野食o唔ok﹐嘩…我未試過食個下唔茶會有咁好招呼架。更值得一讚嘅係當我埋完單，步出餐廳冇耐，有個侍應追出嚟，原來…我唔記得拎返件外套。雖然唔係d咩大件事，不過，我欣賞佢呢個舉動，服務態度再加分!由於我係未食晏嘅，呢個意粉份量都夠我飽肚，所以…呢個價值+食物質素+餐廳環境+服務態度=一個字…抵!

蕃茄湯重蕃茄味，香料味稍嚴少左d, 適合鍾情清淡味道既人仕，伴湯條麵包幾脆幾好食，可惜唔掛湯，兩樣野冇協調既感覺。個湯多牛脷粒有咬口，幾好味牛扒肉質唔錯，唔會韌又唔會太林，性價比ok, 可惜肉汁唔夠，而且煮既過程唔夠入味，浪費左塊扒，反而薯菜新鮮爽口，薯蓉更值得一讚，忌廉同咸度啱啱好，唔會太稠或太稀，絕對有驚喜，應該比多d。一個 lunch set 150蚊連service charge 絕對唔平，服務麻麻，食物整體少少失望，尚算合格。

先不說幾天前打電話來詢問時，店員說初二會有平常的套餐，不過最後冇；在沒有先講聲的情況下，一行5人等了50分鐘後，來了其中3人的食物，點餐後60分鐘才到齊所有。燒春雞和雞扒無異😑，同行二人同點燒春雞的伴菜竟然不同。意粉夠熱，食物質素和味道不錯，但等待時間太長和服務不可取。千祈唔好嚟呢間食飯，今次年初二嘅經驗明顯話俾大家聽佢哋handle唔到大場面，食物有幾好食都好，等候時間同埋服務態度已經佢輸咗！

星期日，周圍都多人尤其是夜晚食飯等位，大熱嗰啲~分分鐘等成粒幾2粒鐘原本我哋BOOK咗一間餐廳，但因為一啲小意外~令到我哋要臨時改去第二度食~On居居咁行嚟行去搵第二間既時候，無意中就發現呢間 Quattro's Kitchen唔需要等喎~緊係即刻入去坐啦~坐底揀食咩時，服務員溫馨提示我哋如果要叫某一啲食物，製作時間比較耐~仲順咗個便推介咗我哋食~~澳洲M5和牛斧頭牛扒~~好大舊喎~真係唔係講笑~好大塊啊~仲幫我哋切埋~ 朋友就話太多肥膏~我就覺得個味道好普通唔係難食既~可以拎嚟影吓相之後再揀咗 蟹肉牛油果塔幾多蟹肉~但可以叫 蟹肉蕃茄塔因為蕃茄多過牛油果原本諗住叫 白酒忌廉煮藍青口，但已經無晒所以揀咗 巴黎牛油焗勃艮第田螺平時好小食田螺，但幾好食~嘢飲方面~我哋叫咗 晨曦之旅玫瑰園蘋果樂園跟蜜糖~落咗更好飲~飲完仲可以再加水繼續熱住嚟飲~傾計吹水飲呢個又幾好喎我哋坐咗都幾耐~都無趕我哋走既感覺~整體嚟講都OK既~

如果有行過太古Aeon應該知道那邊地下有一個超市和美食廣場。但其實除此之外，還有餐廳的喔！而且同事找到的這家還是午市時間也可以訂座！還有Lunch Set ～選擇也滿多的，有九款。Lunch Set 有餐湯～這是南瓜湯！很Creamy 亦很濃厚，但飲到一半就覺得這濃得有點鹹 ... 我選的是 B) 愛爾蘭燴羊肉 ($128)平時吃羊肉大都是煎／烤香後再配燒汁，所以這種燴的味道也頗特別。雖然沒有了那種焦香的味道，但這羊羶味很重 (如果不喜歡羶味就別點這個喔)！！而且羊肉的口感整體很軟稔～大約也有5舊左右，此外亦有加入洋葱、薯仔等，女生的話應該夠飽。餐飲選了咖啡～加了奶很順滑得來亦有咖啡香。另外是可以加錢轉其他的咖啡或是果茶系列

今日嚟到太古城嘅Quattro’s Kitchen，知道佢有個性價比高既dinner set，專程同女朋友來食。前菜係鮮蝦火箭菜沙律配上18個月嘅聖丹尼火腿，蝦餃煎香，彈牙好食，醬汁亦都開胃，火腿食落口亦都好香。跟住喺巴黎牛油焗勃艮第田螺，田螺好大隻，而且味道亦都好好，肉質實淨，下邊仲有一啲薯蓉，加埋啲蒜蓉好好食。干邑龍蝦湯好濃，仲有少少龍蝦肉，好味。跟住到西班牙藏紅花帶子意大利飯，帶子兩邊煎香多汁好食，飯粒軟硬適中，味道偏淡，不錯。主菜我哋揀咗美國肉眼扒搬上洋蔥炒薯配上野菌汁，牛扒比較薄身，味道亦都唔錯，肉質唔會鞋，多汁，伴菜都多，不錯。甜品係日式芝士餅，餅底鬆軟，淡淡芝士香唔會太濟幾好。

呢間餐廳若晚上食建議菜式: 田螺 、龍利 和 羊架。 但我哋呢個鐘數係食個下午茶，所以就揀選左自己喜歡嘅黑松露意大利飯和一個酥皮拼盤。 本身以為酥皮係酥皮湯，因為都幾想飲個酥皮湯。誰知來到個拼盤 原來是圖中這個款式還好那個酥皮夠熱裏面嘅食物都係剛整好熱辣辣所以就好滿意。佢個汁係沙律醬揀選嘅食材係大蝦 、帶子和菌類等等海鮮食材。呢個價錢好少食到咁有藝術感設計嘅一碟菜式值得一讚！ 食完呢個菜式之後需要等15分鐘那個意大利飯才上枱，總括然而對於那個黑松露意大利飯因人而異不過不失。可能本人平時食嘅意大利飯的質感和用黑松露來煮這個菜式嘅煮法不一樣所以這個意大利飯其他人比我更喜愛！ 呢間餐廳十分方便位於超市內一旁的餐廳，所以如果大家又想購物又坐得舒服嘆個下午茶 這裏是我首選!

係aeon shopping完後，就想喺food court搵返個地方坐低休息下。food Court入面有好多唔同嘅餐廳，有中式、日式、連西式都有。我哋就揀咗呢間半開揚嘅西式餐廳。入到去環境都不錯，闊落舒適而且木色左配襯黑色感覺尚算型格高調。我同朋友喺TeaTime 去 叫咗兩個下午茶餐。紅豆蓉雪糕吐司賣相不錯 紅豆分量多配襯朱古力味雪糕味道都幾夾，吐司味道ok但略硬左少少 下午茶餐加＄15可以轉花茶 蘋果茶味道不錯，茶葉嘅香味加上甜甜嘅蘋果味感覺清新。牛柳粒意粉牛柳重牛肉味 重點係唔會好硬 好似食緊香口膠咁食材分量充足最後咖啡 飲左幾啖先記得影相咖啡味濃 奶泡夠滑

好日都唔去 Aeon 一次，今日女朋友話要過嚟買嘢就落咗佢 food court 度食晩飯。見到呢間西餐廳好似好唔錯，六點鐘仲有位，所以就入去試下。意大利蕃茄海鮮扁意 ($138)蕃茄醬意粉好開胃，份量都唔少，材料夠豐富，有唔少蔬菜、帶子、蝦肉，仲有三文魚添。可惜我覺得麵質腍咗小小，如果煮到無咁熟就可以煙韌啲。法國春雞仔配鵝肝燒汁($138)呢隻春雞仔送上碟嘅時候已經砌好哂，真係啱哂啲懶鬼食！食落肚啲肉又唔鞋，雞皮又夠脆，雞肉裹重有小小雞汁相當好味，而且佢啲鵝肝燒汁好特別，鹹鹹地配埋飯食就更加易入口，如果有大春雞就更好啦！但加一個白飯要廿蚊囉！

平日好少去太古。 因為家住屯門 但聖誕節買禮物好緊要 同 honey 康怡廣場內一齊選禮物 行左大半個鐘， 都未選好， 係超市附近 門內放了一隻大巴拿馬火腿餐廳Quattro's Kitchen突然好肚餓 同 honey 一齊入去搵食 最緊要快 所以要了個精選二人套餐 好啱大家心水 先來個18個月聖丹尼火腿,鮮蝦火箭菜沙律 清下腸胃先 之後干邑龍蝦湯配熱包 龍蝦湯味道夠 但少了杰身感 如果質感杰身點會更愛它 。 令入口感覺更重 之後西班牙藏紅花帶子意大利飯 西班牙藏紅花是一種出名香料.大多數用於海鮮飯,飯味超香濃 因為夠熱 味道更香 飯旁配上大大粒帶子 香煎均勻 不會過火 因為帶子過火會帶硬 肉身會鞋。 今次火力剛好。之後來個主菜 香煎比目魚配野菌松露汁當初估計，魚身不太足夠2人份量 。 但原來都好厚肉.雖然用香煎烹調,但上碟沒有太多油份 入口魚質雖有少部份帶鞋 但魚味好濃， 因為煎時油份需要夠熱 能夠鎖住魚身內的水份 令魚味可以保住 入口時沒有乾身感覺。 配上野菌松露汁.又另一番味道.好多時 煎魚怕魚身煎得不靚或 怕流失魚的水份 會用生粉撲上魚身上但廚師利用其功力去香煎 令客人入口時

在康怡看完電影後，原本打算到AEON food court醫肚，不過假日超多人，所以就來到旁邊的Quattro's Kitchen吃午餐。面積寬敞，環境開揚，坐得比較舒服。午餐選擇雖然不及晚餐多，不過價錢就相對便宜，一份午餐就已包括餐湯、主菜及餐飲。是日餐湯為羅宋湯，酸酸的蕃茄味，開胃極致。湯頭濃稠度適中，味道不會過鹹，而且雜菜和肉碎也下得頗足料。香草忌廉煮青口意粉 $118由於原本在餐牌上的墨汁意大利麵缺貨中，所以就轉成了意粉，意粉煮出Al dente輕微韌度的口感，濃郁的香草忌廉醬汁份量剛好掛在每條意粉上，入口份外creamy嫩滑。青口份量亦不少，肥美肉厚，肉質爽口結實，讓忌廉汁滲入青口的海水鮮味，使味道更富層次感。香煎三文魚柳、龍脷柳配紅花青口忌廉汁 $128主菜伴以幼滑又軟綿、帶有濃郁牛油香的薯蓉，飽肚之餘也不會覺得過於滯膩，不過稍嫌這個醬汁略為失色，欠了忌廉汁應有的濃香。外表煎得帶有微微焦香，雖然全熟的三文魚肉質不夠嫩滑，不過簡單調味，已可帶出三文魚的天然魚油香，完全不覺有魚腥味。龍脷柳表面金黃，肉身雪白豐厚，口感夠滑，鎖着肉汁，突出魚肉本身的鮮甜，肥美啖啖肉。隨餐附送的凍檸