係Eastmark就落去地下嘅【九龍人小食】食返個小食 位置喺大渣哥鋪轉彎⤴️見到 細細間好似返咗去讀書時代嘅小賣部👩‍🎓 有燒賣、魚蛋、腸粉、撈麵等等小食🍢 呢度最出名係個秘製辣醬，所以我點咗份午餐丁之腸粉大全餐 🔸腸粉大全餐 $32 呢個餐12點後供應 入面有腸粉,魚蛋三粒,燒賣三粒,牛肉球一粒,粉果一粒 好似去咗飲茶咁，乜嘢都有😆但最緊要係個秘製辣醬🌶️ 都有點辣🥵不過配埋一齊非常惹味，食唔停口 腸粉條條分明，唔會一夾就散👍🏻 魚蛋嘅口感好似陳皮魚蛋，比較硬身 燒賣就係正常嘅魚肉燒賣，煙煙韌韌咁 牛肉球好足料，真係好似成舊都係牛肉咁，無其他夾雜住 粉果好大粒，個皮都晶瑩剔透，唔算太厚和煙靭的 食完呢碗lunch就飽咗啦🤰🏻

我成日都會飲手搖飲品，特別鍾意珍珠奶茶呢啲🤭 今次試咗呢間手搖飲品店叫【CHICHA茶痴】幾特別 最吸引到我嘅係佢哋自家研發嘅開心果燕麥奶茶🥤 🔸開心果燕麥奶茶 $45 職員整嘅雕花都幾靚好用心，成杯都係綠色花紋好打卡able 飲落去好香好滑，加上有開心果嘅香味，比平時啲奶茶仲香口 頂層有開心果碎同埋係芝士奶蓋，成杯飲落去有唔同層次🫦 中意開心果嘅你必試👍🏻 🔸綿芝日本靜崗抹茶 $45 呢杯頂層都有芝士奶蓋，而下面就係日本靜岡抹茶 淡淡的抹茶味，沒有好苦的味道！ 我最鍾意佢嗰層芝士奶蓋，鹹鹹地而且好滑好creamy🧀 九龍灣店仲有張枱有櫈坐，環境都幾好 另外佢仲有好多間分店，下次可以試吓台灣四季春🍵都係signature 之一🥰

這間餐廳雖然偏遠地鐵站，要行10分鐘先去到 但好適合一班人來，因為座位寬敞，室內設計優美，好適合打卡📸而且歡迎寵物🐶🐱 以下是我當晚兩人所選的食物 🔸法式油封三文魚配熱帶水果汁 $108 這款有濃濃的水果汁醬，甜甜地幾開胃，有一大塊三文魚，好多肉好juicy 🔸原隻赤海蝦刺身香濃蝦汁意大利麵 $148 這個意大利麵的蝦汁非常香濃👍🏻 平時意大利麵都係配熟蝦例如虎蝦，但今次是配赤海蝦刺身，好特別！這裏的配搭幾好食，刺身蝦好新鮮，意粉硬度剛剛好，不會太淋！ 🔸香蔥鴨肉芝士墨西哥薄餅 $98 個薄餅薄薄有四塊，份量少少可以試多點其他食物，薄餅裡面有鴨肉，令薄餅更豐富及更香口！ 🔸焦糖海鹽杏仁粒沙冰 $58 以為是好冰好涼的碎冰，原來也不是，那些冰有好濃的奶香味，也有很濃的海鹽及杏仁味，感覺好像是曲奇碎，很好飲！ 🔸陳皮洛神花茶（熱） $45 女生最緊要養生，喝熱的就最好不過！ 加上洛神花茶可以養顏美容、減肥減脂、降血壓、促進腸胃蠕動、通便利尿、預防心血管疾病等功效，配上陳皮有少少甘甜甘甜的味道更加開胃！ 🔸自家制85度朱古カ心太軟配MOVENPICK 雪糕 $88 這個心太軟真的是流心，外面那層蛋糕是暖暖的脆脆的，印象最深刻的是旁邊那個Movenpick雲呢拿味雪糕，入面有雲呢拿籽，好香好滑！賣相都不錯👍🏻 室內設計優美，有不同的場景可以打卡，例如有櫻花、有千秋吊床等等，好靚～ 而且餐廳是寵物有善，歡迎寵物到來！ 我見到有好多人帶狗狗過嚟食嘢，好得意😊

呢間拉麵店我成日都食，因為係屋企附近 今年夏季推出咗新口味-檸檬柚子の拉麵🍜 呢個係九龍灣店限定，一於試試佢！ 🔸檸檬柚子の拉麵 $75 這個拉麵只有九龍灣店限定，現在是夏天味道要清新一點，所以點來試一試，裏面有幾塊檸檬，令湯底有酸酸地，好開胃！另外有少少柚子醬，甜甜地令拉麵更清新～ 有兩塊慢煮雞肉、兩片慢煮豚叉燒、半隻流心蛋，相當豐富！無論雞肉還是叉燒都做得十分出色，雞肉是嫩滑的，叉燒是薄薄一大片，但也是容易入口的，因為太好食的關係所以另外加了$20三片慢煮豚叉燒！ 🔸雞白湯拉麵 $95 可以見到湯底是白色濃濃的雞白湯湯底，質地濃到是杰的，食拉麵前先喝一口湯，好味😋 有兩塊慢煮雞肉、一隻流心蛋和蘆筍，麵質不智太淋，有點硬身及煙韌，是我喜歡的拉麵🥰 🔸章魚燒 $29 共有五粒，章魚燒即叫即整，所以好熱🥵 皮有點軟，但裡面都食到章魚粒，配上沙律醬、燒烤醬及紫菜，十分惹味！ 🔸燒餃子 $29 燒餃子幾好食，因為它是外脆裡多餡，每粒都好足料，配上餃子醋好開胃🤤 🔸Sage 白桃烏龍 $15 幾抵飲，因為是成個茶泡去冷泡，好香好濃的烏龍味，不會太淡或者苦👍🏻健康之選！

放假去約會🥰揀咗一間好有氣氛的西餐廳 裡面裝修好華麗，好高級嘅feel～ 間中都會有live Band可以聽吓，座位好寬敞，好多梳化位，坐得好舒服😌 我哋點咗個Amplifier Signature set $1088 🔸精選新鮮生蠔/白酒忌廉青口 我揀咗生蠔🦪果然冇令我失望，好新鮮好大隻，而且清潔得乾淨，沒有沙或殼，淡淡嘅海水味，配上檸檬汁及海鮮雞尾醬汁，好美味～ 有四隻，真係唔夠喉，好想再叫多啲😂 🔸巴馬火腿配蜜瓜/傳統凱撒沙律/蒜香牛油田螺酥皮盒/香煎鵝肝+30/香烤牛骨隨伴美國牛柳肉他他+80 我揀咗凱撒沙律🥗及蒜香牛油田螺酥皮盒 個沙律一碟平舖嘅，份量有點少😅但係新鮮，菜及麵包碎麵都係脆，而且有好多芝士碎，調個味道出嚟～ 田螺酥皮盒有驚喜，田螺肉唔好以為佢黑黑地就係硬嘅，原來食落係嫩滑又淋，配上酥皮盒香香地脆脆地好開胃🤤 🔸蟹肉龍蝦濃湯 個龍蝦味非常突出，好似用咗好多隻龍蝦去煲 而且個湯好滑，好似忌廉咁滑，值得試！ 🔸香煎日本帆立貝蕃茄醬意大利麵/原隻法式龍蝦米多+100 我揀咗個意大利麵，帆立貝有三粒，佢唔似日本個啲一粒圓形個隻，係好似扇貝/元貝個款，所以冇想像中咁嫩滑！ 個意大利麵係硬身爽口，我中意呢個口感！ 個蕃茄醬味道啱啱好，所以食落去都係好食😋 🔸炭燒美國豬鞍扒/慢煮美國威靈頓牛柳 我揀咗威靈頓牛柳，佢有兩大嚿牛柳，份量都唔算少，個牛冇得揀幾成熟，佢話煮到五成熟，但我睇似七成熟😅牛柳質地已經算好，不是太硬，有肉汁，整體來講都係好食😋 個底部有啲菠菜碎，做到飲食均衡，健康～ 仲有個大大粒煎香咗嘅蒜頭🧄 🔸是日甜品 是日甜品係意式奶凍，估唔到佢係每人一份！ 而且都好好食，個奶香味好重，好似用咗3.6牛乳去整，而整個口感都係好滑嘅，推介！ 🔸餐飲 有咖啡/茶揀，我哋一杯揀咗檸檬茶一杯揀咗咖啡，凍飲要加$3，呢啲全部都係自己落糖落奶，所以中意甜啲/冇咁甜，可以自己控制份量！

呢間隱世西餐廳，係觀塘工廠大廈內地下，都容易搵到 基本上都滿座，所以提前預約比較好！ 室內設計很有氣質，好像一間酒吧，好有格調～ 而且座位舒服，有梳化位，朋友之間傾偈談心亦非常好！ 我兩個人點了以下食物👇🏻 🔸日本和牛肉醬蕃茄意粉 $118 好多肉醬，非常足料！味道和其他餐廳的肉醬意粉大同小異，是多了一份和牛味～好香濃！ 🔸15%黑松露帶子蘑菇燴飯 $128 特別推介嘗試這個燴飯，因為黑松露的味道非常突出，燴飯亦做得啱啱好，唔會太水亦唔會太乾。而帶子亦有三件，煎到恰到好處，帶子好Juicy 好嫩滑👍🏻 🔸凍泡沫咖啡 +$39 跟餐叫這個咖啡有平dd，可以一次過叫 咖啡味道好香濃，而且叫咗少甜真係唔會太甜👍🏻 佢有成部咖啡機用嚟沖咖啡，所以咖啡質素有保證 非常推介就咁過嚟飲杯咖啡都好chill～ 🔸海鹽Kiri芝士奶蓋槙之白京都抹茶 +$48 杯飲品好靚，打卡一流～ 抹茶味好香濃，而且都係滑，而芝士奶蓋都好香芝士🧀 🔸伯爵茶珍珠梳乎厘班戟 $118 食完正餐叫返個甜品十分滿足～ 這個是傳說中超大超厚的梳乎厘，可以兩個人share，梳乎厘班戟好香好濃的蛋香味，而且非常鬆軟，入口即溶，配上伯爵茶醬好好食，唔算太甜，反而有個珍珠甜甜地補返甜味，而且食落口感煙靭，有好多好多珍珠，有啲似飲緊珍珠奶茶，非常推介

Orange Elephant是在九龍城很有名的泰國餐廳🇹🇭 它在北角也開了分店，下次有機會我都會過去試一試，因為北角分店會有芒果系列的甜品食🥭 今次我去了九龍城店，因為近我😜星期六晚是座無虛席，人山人海 🔸原個菠蘿海鮮焗飯 $108 菠蘿海鮮焗飯好足料，裡面有大蝦、魷魚、青口etc…不同海鮮，旁邊會附上花生及肉鬆自己撈，不過個菠蘿好像比以前細個了 🔸咖喱海鮮脆包盅 $155 個脆包盅好有看頭，因為個包是掘開成個碗形，裡面裝上咖喱海鮮，不過旁邊也有一隻小碗都裝了咖喱海鮮，所以份量不會少！ 🔸泰式明爐烏頭魚 $179 整條烏頭魚原鍋上，好大條。 下面有個火一邊滾熱條魚，魚湯好濃郁，酸酸甜甜的味道，有少少似冬陰功湯味，裡面還有菇、肉碎、大蔥！ 🔸青檸梳打 $32 青檸味好濃郁，配上梳打水，感覺清新清涼冰爽 🔸椰汁珍多冰 $32 珍多冰是指黃色和綠色在裡面，煙煙韌韌的口感 椰汁也相當多，有大半杯，味道濃郁！

喺觀塘想食一人燒肉可以去【新齋橋】 觀塘站出行大約8分鐘，係駿業熟食市場對面 餐廳入邊環境好大，座位舒服，好適合一大班人 也有長檯對牆，自己一個食都無問題！ 🔸特上美國西冷扒 150g $148 每個人面前有個一人燒烤爐，自己燒自己嗰份 塊西冷板都算大塊，不過脂肪都比較多 因應自己的喜好去燒到牛肉有幾成熟，而我比較鍾意生，所以我都盡量燒五成左右，牛肉味很重 🔸極上牛小排+五花豚肉+雞腿肉（各50g）$148 相比之下我比較推薦這個套餐，因為有不同的食物可以嘗試，最令我有驚喜的是雞腿肉，因為肉質很鮮嫩也很多汁。其次是牛小排，肉質都嫩滑，比西冷扒薄，所以會好快熟，要很快就夾上來。最後五花豚肉要燒得好小心，耐咗就會變得很硬，快咗又怕唔熟！ ▪️送牛舌芯（50g） 牛舌芯都係比較薄切的，燒10-20秒就可以食得 我認為全部之中最好食是牛舌芯，因為有牛肉味之餘有爽口彈牙 以上兩個都是套餐，裡面有白飯、味噌湯、沙律、汽水及甜品，所有嘢都係日式餐廳應有嘅嘢，不過不失，而甜品就係一粒士多啤梨雪米滋

我係尖沙咀發現一間平靚正嘅日式餐廳🤩 可能大家都已經成日去食，就係【德美壽司】 佢係厚福街H8大廈5樓，其他區都有分店，好方便！ 而家做緊啲套餐優惠，$300-400就有二人餐💕 🔸精選二人会席 $358 ▪️日式前菜- 蒜味螺肉絲，同平時食嘅螺肉有啲唔同，呢款係一條條絲裝，口感豐富！ ▪️大蜆味噌湯- 入邊有一粒大蜆，湯充滿了蜆嘅鮮甜👍🏻 ▪️煙三文魚和風沙律- 好大塊煙三文魚，沙律都幾豐富，味道好清新 ▪️油甘魚壽司兩件- 油甘魚特別大塊，又白好肥美，而且又厚又新鮮，推介👍🏻 ▪️三文魚刺身- 三文魚刺身有四塊，而且好鮮甜 ▪️日式炒飯/牛肉湯烏冬- 我揀咗牛肉湯烏冬，原來係一人一碗，用了讚岐烏冬，比想像中大份，而且都好好食😋 ▪️什錦天婦羅- 我唔知佢係隨機定係指定，我裡面有兩隻大蝦，有各一塊香菇、南瓜、薯仔etc…天婦羅炸得好鬆脆！ ▪️鯖魚鹽燒/三文魚鮫腩- 我揀咗鯖魚，都燒得好香，魚皮燒到好脆 ▪️野菜牛肉鍋/泡菜豚肉鍋- 我揀咗泡菜豚肉鍋，份量都幾大，豚肉薄得來都大塊，所以唔會覺得好少，豚肉味道鮮甜👍🏻 ▪️甜品- 三色啫喱凍，在面層加了芒果醬，甜甜地 🔸溫泉蛋天婦羅 $52 未食過溫泉蛋又天婦羅，今次終於試到，原來係溫泉蛋落去炸，然後切一半，它外面炸到好脆，裡面溫泉蛋就係流心出嚟，估唔到係咁好食，雖然無咩味道，但有蛋的鮮甜！ 🔸三色魚生飯 $136 個魚生飯都幾抵食，裡面有油甘魚、三文魚、帆立貝，大大塊鋪滿碗飯，重點有個温泉蛋，流心的蛋漿撈埋飯中，超好食😋

一個月一次放題不過份😜 Lunch任食3小時（12:00-15:00）每人$308🤩 之前都有食過，質素都很好，而這期特別推介超厚鵝肝🤩 另外有榴連蓉任食，超creamy，啖啖肉！ 🔸刺身🐟 刺身選擇非常多，基本的刺身例如三文魚、油甘魚等等一定有，另外還有松葉蟹腳、拖羅、赤貝、象拔蚌等等，食到回本 赤貝好爽口，北海道帶子厚身，而且是鮮甜的 🔸壽司🍣 壽司款式都好多，例如有創作壽司、江戶前壽司、火焰壽司等等，20-30款壽司 還有黑松露系列例如黑松露油甘魚壽司、黑松露帶子壽司、魚子醬伴紋甲魷魚壽司等等，個松露味好香好突出！ 我好喜歡柚子胡椒和牛燒壽司和滋味皇帝蟹棒壽司👅 🔸手卷 在外面可以排隊取日本直送限定兩款手卷，是深海皇帝蟹肉手卷和海膽手卷，特別推介深海皇帝蟹肉手卷，很大條很甜 🔸超厚鵝肝 在外面食到的都是細細份，這個好不同，很大份，而且是有煎過鵝肝，增加香味！下面有麵包很脆，和鵝肝好夾 🔸一品花膠盛 這個好足料，有好大塊花膠及很多魚翅，好豐富 🔸皇牌燒乳鴿王🍖 一份有兩件，份量適中，燒到好香口，肉汁好多 🔸壽喜燒肥牛鍋🥩 味道可以，裡面除了肥牛，還有很多蔬菜豆腐及雞蛋，份量不算多可以點一份兩人分 🔸白酒煮蜆鍋 淡淡的酒香味，蜆都好甜！ 🔸泰式生蝦🍤 和泰式餐廳食差不多，生蝦是新鮮彈牙的 每隻蝦都有生蒜辣椒，配上泰式酸辣汁很惹味 🔸花雕醉鮑魚 這個好食，用花雕浸過很有酒香味，而且要鮑魚是彈牙爽口 🔸一口蜜汁牛柳 這個推介必食，因為味道調配得剛剛好，牛柳也不會太硬 🔸芝麻雞翼🍗 雞翼好香脆，肉質鮮嫩又多汁 🔸芝士年糕 口感煙靱，真是即叫即炸，上菜時是熱辣辣的 🔸海燕窩椰汁燉木瓜 用木瓜承載住糖水，好得意！好重木瓜味，淡淡椰汁味 外面有任食凍蝦、青口、瑞士汁雞翼、炸雞、炸魷魚等等自助區，飲品方面亦超豐富，有汽水、自家制茶及珍珠奶茶等等，還有清酒及咖啡機自助取，太豪華🤩甜品方面有很多選擇，有雀巢及韓國牌子雪條之外，還有不同口味的movepick 和 Haggen-Dazs