Quattro's Kitchen (已搬遷) 新店位置

見今日要過港島東番工，開頭想到太安樓食嘢。但今日天氣實在熱，一入到太安樓後，尤如火爐盤，熱不停出汗，見到美食都沒有胃口。既然太安樓（西灣河）下一站係太古，咁就去太古食嘢啦。順便行下aeon消暑。落到太古aeon後，去到food court見到太多人搵位同用膳。咁就行外邊睇睇啦，想唔到都搵到餐廳食Tea。見到門面，覺得餐廳都比較華麗，再看看餐牌，價錢都不相宜，或許餐廳在太古呢啲高尚住宅區啦，訂價可能會比較高。不過午餐又未食，2餐當1餐啦。咁揀咗鮮蝦野菌天使麵配忌廉汁。朋友就揀咗吉烈豬扒配蕃茄湯意大利粉。飲品就Zero熱檸水。先到檯嘅係鮮蝦野菌天使麵配忌廉汁。想唔到咁好味喎，忌廉汁夠濃，鮮蝦夠彈牙。不過天使麵份量比較細，大食嘅嘢一定唔覺飽。再嚟嘅就係吉烈豬扒配蕃茄湯意大利粉，想唔到亦一樣咁好味，吉烈豬扒炸得十分香脆，口感很好。沙律醬亦好味，不同一般的沙律醬。但意大利粉湯就不夠濃郁，份量亦細。如果住在太古的居民，相信吸引到佢哋到該店享用各餐。餐廳嘅職員亦友善，服務周到。