影片
更多
2024-07-31
1278 瀏覽
之前去過蘭桂坊嘅扒房Porterhouse食晚市，覺得佢哋嘅牛扒幾出色，所以今次專登再嚟試吓佢哋嘅周末brunch自助餐🥳自助餐每位$598，可以任食生蠔、龍蝦、蟹腳等凍海鮮、和牛扒、沙律火腿芝士、熱葷、甜品以及雪糕😍😍好多時自助brunch嘅食物質素會比夜晚嘅a la carte差，但今次試過之後覺得水準都幾唔錯，拍得住a la carte👍🏻凍海鮮、牛扒、甜品等好多質素都幾好。星期六日嚟嘆個靚brunch就可以有好心情啦🥰🦪凍海鮮有生蠔、蟹腳、龍蝦、蟹鉗、青口、凍蝦、龍蝦包。生蠔比較細隻薄身，但口感爽滑有海水味都幾好食😋龍蝦有唔少膏，夠新鮮，必食。蟹腳都唔錯，海水味重😋蟹鉗肉質就實咗啲。龍蝦包釀入清新嘅龍蝦沙律幾特別😙🥗沙律、火腿、芝士、麵包沙律款式好豐富，唔同特色、食材配搭嘅沙律都有，好似蕎麥麵沙律、凱撒沙律、意粉沙律、番茄mozzarella cheese沙律、greek salad等🤩各款調味尤其greek salad都幾出色👍🏻沙律菜好新鮮。火腿有3款，當中包括鹹香帶油香嘅西班牙伊比利亞火腿，夠揼本😆芝士選擇亦豐富，有水牛芝士、高達芝士等平時少見嘅款式🧀可以搭配番茄乾、堅果
🦪凍海鮮
有生蠔、蟹腳、龍蝦、蟹鉗、青口、凍蝦、龍蝦包。生蠔比較細隻薄身，但口感爽滑有海水味都幾好食😋龍蝦有唔少膏，夠新鮮，必食。蟹腳都唔錯，海水味重😋蟹鉗肉質就實咗啲。龍蝦包釀入清新嘅龍蝦沙律幾特別😙
🥗沙律、火腿、芝士、麵包
沙律款式好豐富，唔同特色、食材配搭嘅沙律都有，好似蕎麥麵沙律、凱撒沙律、意粉沙律、番茄mozzarella cheese沙律、greek salad等🤩各款調味尤其greek salad都幾出色👍🏻沙律菜好新鮮。火腿有3款，當中包括鹹香帶油香嘅西班牙伊比利亞火腿，夠揼本😆芝士選擇亦豐富，有水牛芝士、高達芝士等平時少見嘅款式🧀可以搭配番茄乾、堅果、麵包同吃。
🥩燒烤
有芝士焗龍蝦、豬腩肉、和牛扒，牛扒必食，生熟度、口感都做得幾好，有咬口但不失juicy感覺💦搭配嘅胡椒汁好香好好食😋😋焗龍蝦就稍為唔夠彈牙，食返凍龍蝦會好啲。豬腩肉肥瘦均勻，唔會太乾，不過調味稍為不足。
🍝即煮意粉區
可以自選意粉、配料、醬汁，廚師會即席烹調，佢一路煮一路聞到超級香，不過太飽就冇機會食lu🤣
🍲熱葷
有幾款亞洲菜，包括伊麵、蒸魚、韓式炸雞等。湯係周打魚湯，好香滑，裡面加入唔少蜆肉同雜菜好足料😚
🥧甜品、雪糕
甜品絕對係brunch嘅重點😎麵包布甸帶濃郁肉桂香氣；tiramisu必食，咖啡味特別濃郁，咖啡酒浸透手指餅夠濕潤😋😋奶凍好滑，必食😋朱古力撻可可味香濃唔甜😛食得過；cherry pie酸酸咪咪都唔錯；葡撻蛋漿幾滑不過凍咗；macaron就普通。另外仲有士多啤梨及朱古力雪糕，雪糕夠晒滑幾好食。想有健康啲嘅選擇仲有菠蘿同西瓜😝
🥂飲品
自助餐可以另外加錢要free flow package，任飲紅白酒香檳。Bartender送咗杯mocktail俾我哋，雖然望落去係粉紅色好夢幻，但飲落係好refreshing嘅菠蘿香氣，有驚喜😹
人均消費：$660
推介指數（10分為滿分）：8分
張貼
