影片
更多
2022-11-21
588 瀏覽
星期六喺上環買完嘢，就順便食埋晚餐先返屋企。工作日以外嘅上環好靜🙈，仲要有好多餐廳都無開，行多兩行我哋發現有間新開嘅Poke Bowl店「Poking」。其實成六點幾，我哋都驚佢收舖，好彩店主話可以整埋畀我哋食先🙏🏻。小店由一位後生仔主理，佢樓面廚房一腳踢，好厲害。呢度面積細細，環境裝修行小清新路線，幾舒服🌿。顧名思義，餐廳係食夏威夷魚生丼🌺，佢設有五款招牌丼，另外亦可自由組合DIY，價錢由$78起。招牌丼啱晒懶人，唔使煩惱。魚生丼有多樣個人化選項，例如可以揀多醬少醬或多飯少飯。我哋嗌咗多飯🍚，出品真係超級大碗，連男仔都夠食，非常難得。想食得輕盈啲亦可揀沙律菜🥗，或半飯半沙律。CREAMY BABY($118)，食材包括三文魚、雞蛋絲、牛油果、飛魚子、青瓜、豆腐、芝麻碎、脆炸蒜粒、木魚絲以及芥辣沙律醬。呢款就係比較常見嘅魚生丼，🐟三文魚刺身份量好多兼厚切。丼飯口感豐富，爆漿飛魚子同蛋絲撈飯一流；🥑牛油果同豆腐就係柔軟嘅代表。蒜粒唔夠脆，實咗啲，以為係生米。芥辣沙律醬唔覺膩，因為帶啲Wasabi味，少少攻鼻，開胃。THAI GOOD DAY($88)，食材包括香煎雞扒、菠蘿、甘筍絲、鮮蝦
星期六喺上環買完嘢，就順便食埋晚餐先返屋企。工作日以外嘅上環好靜🙈，仲要有好多餐廳都無開，行多兩行我哋發現有間新開嘅Poke Bowl店「Poking」。
其實成六點幾，我哋都驚佢收舖，好彩店主話可以整埋畀我哋食先🙏🏻。小店由一位後生仔主理，佢樓面廚房一腳踢，好厲害。呢度面積細細，環境裝修行小清新路線，幾舒服🌿。
顧名思義，餐廳係食夏威夷魚生丼🌺，佢設有五款招牌丼，另外亦可自由組合DIY，價錢由$78起。招牌丼啱晒懶人，唔使煩惱。
魚生丼有多樣個人化選項，例如可以揀多醬少醬或多飯少飯。我哋嗌咗多飯🍚，出品真係超級大碗，連男仔都夠食，非常難得。想食得輕盈啲亦可揀沙律菜🥗，或半飯半沙律。
CREAMY BABY
$118
20 瀏覽
0 讚好
0 留言
CREAMY BABY($118)，食材包括三文魚、雞蛋絲、牛油果、飛魚子、青瓜、豆腐、芝麻碎、脆炸蒜粒、木魚絲以及芥辣沙律醬。呢款就係比較常見嘅魚生丼，🐟三文魚刺身份量好多兼厚切。丼飯口感豐富，爆漿飛魚子同蛋絲撈飯一流；🥑牛油果同豆腐就係柔軟嘅代表。蒜粒唔夠脆，實咗啲，以為係生米。芥辣沙律醬唔覺膩，因為帶啲Wasabi味，少少攻鼻，開胃。
THAI GOOD DAY
$88
19 瀏覽
0 讚好
0 留言
THAI GOOD DAY($88)，食材包括香煎雞扒、菠蘿、甘筍絲、鮮蝦、中華沙律、芝麻碎、花生碎 以及泰式沙律醬。呢款雖然無魚生，不過都好足料。🐔煎雞扒幾好食，煎得香脆，而且肉質嫩滑；🦐蝦有七至八隻，質感都算爽彈。🇹🇭泰式沙律醬味道溫和，如果辣啲就更正；🍍菠蘿則為丼飯帶來甜味及新鮮感。
壽司飯底用上珍珠米，軟硬度同濕度適中，較日式料理店無咁酸。
糙米飯底Brown Rice係健康之選，口感偏粗糙，要嚼多幾下，幾得意。
總括嚟講，呢度嘅Poke Bowl大大碗，味道都唔錯😊，相信平日午市應該都有唔少人幫襯。希望店家遲啲可以考慮提供埋小食，多啲選擇嘛！
張貼
