Oyster Season

營業中

休息中

生日飯決定近近地係元朗食西餐！一開始係比佢個蠔吸引，買一送一好抵！ 食左5款蠔，各有特色，有D一入口海水味好重，有D creamy同埋飽滿，一咬就爆曬漿好正🤪又有隻係回甘而裙邊比較多，口感會豐富少少！另外都有試Risotto同埋薯條，兩樣都不過不失，薯條偏厚身粉粉地，但都熱辣辣既！至於risotto 飯粒分明較硬身，個人鍾意軟身所以感覺還好。

我哋訂咗平日6:30晚餐。係嗰晚第一枱客。一坐低就有香草味麵包條做welcome food。店員介紹一下餐牌內容。我地今晚叫咗4隻生蠔同幾款熱食。店員建議我地食咗生蠔先，其他菜式稍後叫起。生蠔各款的價錢相差不多，有幾款蠔半價（紅色點點）。我地叫咗：(1）MAJESTIC-鹹味唔重，肉質爽脆又鮮甜海水味，好新鮮！(2)Senrinwless (France) 開頭好鹹海水味，之後慢慢食到有d甜味，爽口又有少少脆口，仲creamy ，有濃厚口感 。(蠔嘅口感同味道同餐牌所形容嘅差不多。）食完生蠔後，店員會主動過來換碟，熟食方面：（1）牛心串燒首先來的是牛心串燒，面頭有少酸酸的介末，大約3cm x 3cm size, 爽口，少少似肝臟口感,很開胃的前菜。這是第一道就上的，很有計劃！（2）招牌蟹餅之後係招牌蟹餅，賣相吸引，餅本身淡口，沾少少伴碟的粉紅色，微微的水果味，帶出蟹味，夾少少蟹籽，又有卜卜口感，又啖啖蟹肉，正！(3)慢煮牛舌每一件上面有吸了麻油的蔥，牛舌面煎到脆口，入面好淋，厚切的牛舌，加強了口感。上面伴菜好味，係好薄，好脆的薯片，不過就要快d食咗先，因為放耐咗，d油味出咗泥，無咁好食

元朗不嬲都係搵食之地，餐廳選擇勁多，但都要選擇一D好食既，因為有好多餐廳既質素都麻麻！今次黎左蠔之神，朋友住依頭，所以佢帶我地黎都唔會行錯路 🤣🤣夜晚唔太熱，慢慢行都幾好！餐廳環境都唔錯！海鮮拼盤，今晚既重頭戲必定係呢個有六款時令海鮮既拼盤 。 生蠔、牡丹蝦、帶子全部新鮮清甜，物有所值。牡丹蝦如想像般爽脆鮮甜；蝦肉厚實有彈性就唔洗講，最正既係蝦頭有滿滿既蝦膏，甜美甘香到極點，餘味久久不散。生蠔海水味不錯，試到平時少見既品種都係值得既。黑毛豬鞍，呢一款食物打卡實在一流。豬燒到好香，表面仲好脆口，一路咬一路爆汁，唔錯！蒜頭亦好香甜軟糯！大蝦意粉一上台就聞到好香既炭燒味，肉質結實得黎夠軟滑甘香，四個人分都啖啖肉份量十足。 意粉亦十分高質，成個組合無懈可擊。鵝肝多士，最驚喜冇諗過佢有兩件鵝肝！鵝肝同多士好夾，香醇既鵝肝、同脆口既多士交織成幾重口感，好有層次。

元朗蠔之神最近有新套餐，很有興趣想去一試。餐廳為於元朗馬田路道，靠近輕鐵站的。 餐廳裝潢有格調，佔地都不少，氣氛情調𣎴錯，坐得舒適。店員親切細心有禮介紹各款菜式給我們。每款生蠔都好鮮甜，易入口,現上檸檬會更有味道。價錢唔貴,每款都好有驚喜，口感不錯，富蠔香。份量好足，而且厚身實在，鮮甜味濃蟶子賣相吸引，很有心思。整體味道香濃。上層燒得香脆，內裏質感幼滑，甜度適中。黑毛豬份量好足，豬好厚身，切開色澤粉嫩，雖然厚身但驚喜肉質好腍不韌，外層帶蕉香，肉汁豐富，整體十分不錯。價錢合理,難怪那麼受歡迎

最近都唔係成日出街食飯,咁岩放假朋友約到,先會去元朗我地黎左元朗蠔之神,依度西餐唔錯,今晚應該會食得唔錯先嚟杯白酒，味道清新，再配上法國燒雞，大隻得嚟又好美味；好好食；雞肉肉質鮮嫩，好濃雞肉味；雞皮燒得好香，點埋醬汁仲好食另外龍蝦意粉都唔錯；龍蝦剛剛熟，肉質彈牙，好juicy；好新鮮好滑，冇雪味；意粉也處理得不錯，質地剛剛好不會太淋。依度環境好好,座位舒適，食完晚飯後開始談下心,唔駛急住走整體服務都很貼心，可以值得再去

同男友慶祝生日,去左元朗oyster season,輕鐵行過黎都唔算,地點OK餐廳環境漂亮,有氣氛,值得比滿分店員服務都唔錯,會主動推介食物店內都係年輕人為主,岩曬我地全晚食左好多野,不過最好食都係依個海鮮拼盤生蠔十分厚身堅挺，口感綿綿又鮮甜，配上龍蝦實在不錯。每個國家既生蠔味道都唔同,海水味同口感都好大分別,一D要試真D近距離睇仲靚龍蝦嫩紅新鮮，不會有腥味，味道偏濃，後口感滑溜帶子十分巨型，也是鮮味十足餐廳推介的餐前白酒香醇得來亦比較甜，易入口，配海鮮拼盤的話不錯價錢不貴，下次都會再黎

一直想黎依間Oyster season，當時正係生蠔盛行既年代，一開始仲以為剩係得生蠔食既餐廳，但一直好多人食，所以一直無黎到。最近朋友約開元朗，所以就一於早D BOOK黎依間試下。入到餐廳裝修格調都比較高級，有一個金碧輝煌既酒吧台，牆上掛住唔同既畫，再加上擺台同FULL MENU，先知道自己一直錯過左間好餐廳。經WAITRESS 介紹過後，點咗杯紅酒，都比較適合去配生蠔、蟹餅之類等既食物。而海螺果然係不負所望，口感爽口，肉身豐厚，海水味適中，鮮味突出，非常正👍🏻蟹肉餅入口即溶，勁脆口，配埋汁去中和蟹肉既油膩感，做得相當出色。新鮮蟹肉味道唔錯,依度既海鮮都有一定水準 牛扒賣相好靚，視覺衝激後再加上口感豐富既配菜，又係另一種既享受,而且真係燒得剛剛好，唔會好軔之餘仲鎖到肉汁， 一餐咁好既晚餐，最後當然要有甜品作完結，由生蠔到小吃到主菜同甜品，每一樣都做得恰到好處，無論氣氛、份量、食物等都做得好好，特別值得推薦情侶黎食💏

今年生日正日唔得閒,所以留到星期5先慶祝.今晚周圍都好多人，所以同男友返元朗食飯之前同朋事去過元朗既西餐，覺得其實都唔差，今次試下依間Oyster season,環境氣氛都唔錯，晚上都比較多人Menu好多都好吸引，揀咗好耐先決定食咩🙈我叫咗杯白酒，估唔到價錢唔算貴味道好特別，甜得嚟帶少少酸，感覺好fresh到呢個龍蝦意粉上菜時，不禁同男友都嘩一聲😆估唔到舊龍蝦咁足料，好大隻，勁厚身😱而且好新鮮，勁鮮甜，好想再encore啊🤤之後到呢個海鮮拼盤，見侍應即場放落個盤，見到都流晒口水🤤 濃郁海水味嘅生蠔滲出淡淡嘅香味，真係好好食😋配上鮮甜嘅蝦肉，減曬求先龍蝦嘅油膩感，仲食到濃郁嘅蝦味 帶子好厚身，好濃鮮味，好正真係食到停唔到，我地另外叫左一盤價錢唔算貴,真係好正。

今天突然想找一間坐得舒服既餐廳食晚餐，發現真的不容易！ 和朋友偶然行過，看到有間門口很光鮮的餐廳-「Oyster Season」，於是同朋友入去試試！一入到去，我哋感覺地方很寬敞，環境很舒服！這兒很有浪漫氣氛,跟情人來不錯,下次會叫男友過來！五成熟既高級牛扒,令我們看到目定口呆，望下去雖然真的太邪惡了，但食落去超好吃，令簡單的菜充滿啖啖肉味，很滿足呢！法國燒雞：熱辣辣既燒雞汁沾滿雞肉，醬汁很creamy,而且雞肉又很彈牙，帶少少香草香，鋪上一排排的雞汁係面，分量好足料兼很有口感，味道濃香，每一口都是雞肉鮮味，食得很滿足！👍🏻最後也吃了一個蟶子,味道也是不錯價錢不貴,真的值得再來🤗

今日同朋友去慶祝佢返新工，緊係佢請食飯啦,朋友鍾意食西餐,咁岩係元朗返工,所以係依頭食野！見到依間Oyster SeasonD野食好似唔錯,於是網上訂座黎試試哩到既晚餐。第一樣點左比佢吸引你嘅黑毛豬。見到侍應拎住過黎個刻勁開心,好大份好靚仲好香�,出奇地成個餸都唔膩，而且好有豐富嘅口感，like !而且因為係炭燒，所以出面既皮脆脆地，入面啲肉鮮嫩多汁。朋友話黑毛豬黎講佢都算係肥嘅豬，睇落朋友都好滿意，而且個汁都好開胃配搭得好好！之後再叫左個海膽龍蝦意粉，好多汁咬落去好juicy ，海膽味好出，整體上都ok既！我哋叫咗兩杯酒飲， 依度D酒唔貴, 哩個星期用哩餐黎做ending ,真係好滿意！

朋友係元朗嘅地頭蟲，成日都好鍾意叫我去元朗食飯，有好多地方如果唔係佢帶真係唔識路去搵食最近都唔係成日出街食飯,咁岩放假朋友約到,先會去元朗我地黎左元朗蠔之神,依度西餐唔錯,今晚應該會食得唔錯先嚟杯白酒，味道清新，再配上法國燒雞，大隻得嚟又好美味；好好食；好濃雞肉味；點埋醬汁仲好食另外龍蝦意粉都唔錯；龍蝦剛剛熟，好juicy；好新鮮好滑，冇雪味；依度環境好好,食完晚飯後開始談下心,唔駛急住走整體服務都很貼心，可以值得再去

星期四晚啦，離假期只係一步之距,快D到啦今晚有朋友生日,所以黎左oyster season慶祝,依度環境幾舒服，燈光暗暗地幾有氣氛，而且食物都幾有質素。叫左野食好快上枱,值得一讚海鮮拼盤，有好強烈既海鮮味，生蠔配上兩隻大蝦點綴，好吸引，所有海鮮都好creamy，而且口味適中,完全無腥味。黑毛豬好香，，好多肉汁同好鮮甜，香噴噴的，肉色燒至粉紅色偏紅的感覺，好嫩滑，不會有筋呀之類的，好正,配上餐廳推介既酒，味道一流。最後叫左甜品,冧酒配雪糕,估唔到咁MATCH,好好食,依個真係要黎既原因成餐飯都食得好滿意，對於我黎講價錢唔算貴，食物有質素，下次再入元朗都會黎食

在附近居酒屋裡認識的一位朋友，介紹了這間西餐廳，聽說這裡的蠔種類繁多而且平宜又新鮮，所以就來一試了。老闆非常熱情和友善，與每枱客人都有傾有講！生蠔就試了Majestic和Poget，貼了貼紙的種類有半價，確實平宜！有一點一定要大讚！就是番茄醬，請一定要沾些少來嚐嚐，老闆別有用心地調製過，味道很不錯！然後有個welcome drink(是收費的啊！)，是杯凍洋蔥湯，其後要了兩個套餐(有餐湯、餐包、前菜、主菜和甜品)。前菜：招牌蟹餅(一般)和海膽(50g。非常大隻，量多又新鮮，非常奢侈，這個就簡直回本)。主菜有美國特級肉眼伴阿根廷蕃茜醬(很大的一塊，味道中規中矩，熟成度都掌握得不錯)和西班牙黑毛豬鞍(普通，有一點點乾，欣賞有半個蒜在旁)，亦都可能肉的份量太多，以至覺得有點膩。甜品很不錯啊，雲尼拿雪糕加冧酒，有酒配搭的甜品一定不會不好吃。菜單如下：

好耐無食西餐，今晚難得約齊腳一於就去啦Oyster Season好近B仔涼粉果面，入坐時都幾full,好彩有book定枱 餐廳環境幾靚,有福大既畫,好有情調依度都有幾多酒類,啤酒同白酒都好特別,一定要試試海膽意粉4個人剛可以大家SHARE，時令海膽真係好新鮮,入口好鮮甜,好好味法式黑松露牛油香草焗田螺黑松露好香，田螺雖然唔係話好大隻，但都夠厚肉爽口。伴碟仲會有薯蓉，薯蓉好綿而且充滿黑松露味黑毛豬.一大舊黑毛豬係面前，即場切一片厚落碟食啦。配上園渾仲有味道，無想像中咁膩 唔錯炭燒味好香，一點都唔靭，帶點入口即溶既感覺，好高質。蟹餅味道夠濃，食到好有口感。 好滑好香!店員服務唔錯,下次再帶其他朋友過黎先

最近返工好辛苦，都好耐無食過好野，早２日去左元朗蠔之神，食西餐一早ＢＯＯＫ左位，佢地好有心咁留左枱，服務態度唔錯餐廳好有情調，環境幾好，好快就有野食出黎啦牛扒我地叫左５成熟，入口嫩滑有牛味，好好食，份量都幾大，最重要係唔貴，出面餐廳可能要成４ＸＸ一份嫁 點埋特式醬汁仲有味道，好滋味。牛扒本身口感好煙韌，咸咸地配火箭菜同埋火腿就非常入味，呢個配搭幾夾。 法式鵝肝佢煎得好香好入味，鵝肝都幾肥美。真係想食多幾隻煎得幾香，唔會過熟又唔會話好生，質地一啲都唔鞋，配合下面的多士脆脆地，好正。呢度環境又grand野食又好食，下次可以同男友再黎食。