NINETYs (形點 I) (已結業)

第二次嚟呢間餐廳食嘢😆上次黎食brunch board麵包冇晒貨，所以上次食咗飯，今次終於有得揀麵包😁今日我嘅選擇係bakery😆 有檸檬丹麥麵包、朱古力丹麥麵包、酸種麵包等等，丹麥麵包上碟嘅時候係烘熱左，外層脆內層超鬆軟！火灸油甘魚，比較厚身，食落係刺身嘅感覺，醬汁酸酸甜甜，肉質香。自家製三文魚，其實即係三文魚鬆，食落去比較清淡，送包都幾得意。櫻花蝦炒蛋鹹鹹地好大份幾好食，最後仲試咗，炸玉米餅，非常之日式嘅感覺，味道比較淡口，配上辣辣地嘅醬汁感覺新鮮。見到銷魂飯喺必食😀所以今次試咗，佢哋嘅叉燒都係好厚身，食落去醬汁酸酸甜甜，但醬汁又唔會過多，總體都好好食，入面隻生雞蛋我覺得係精粹，凍凍地配上暖笠笠嘅飯，成碗都食晒！Coffee cake超級推介，食落去似芝士蛋糕，甜度調校得好好，減肥朋友仔都可以試，蛋糕食落有啲咖啡香味。10分軟滑，擺碟都好精緻芝麻拿鐵佢哋嘅拉花真係好靚😁芝麻味香濃，好鍾意

經過yoho, 發覺有間新開cafe裝修好靚，於是決定同朋友試試佢。一入到去鋪頭好似唔大 但座位之間好好闊落，見當日陽光普照，特登揀左靠近落地玻璃既位置座，好好relax,享受一下日光浴。由於可能係平日關係，lunch未至於好多人，可以慢慢食。見佢呢度好多人推介brunch board, 係自己自行選擇各類配菜，仲可以麵包同飯無限添加，不過如果想主菜有肉或海鮮就要額外加錢…當然除咗brunch board, 仲有lunch menu或者 a la cart一上菜擺盤好精緻，每樣餸都用小碟盛裝，為咗試下佢既肉食，我地加錢叫左蟹肉，紅燒羊肩肉同火炙油甘魚。蟹肉加左青檸汁，又幾夾，帶出蟹肉鮮味。至於羊肩肉就羊味偏重，如果鐘意羊騷味既應該ok，每樣餸睇落細細份，其實食落一d都唔少，好豐富。當然來到主打咖啡既coffee shop點可以唔試佢既咖啡，同朋友一人一杯 mocha同 milk chocolate, mocha 就咖啡味較重，Milk chocolate 就奶味較重，略嫌佢甜左少少，但飲落去好幼滑，仲有小小朱古力粒，幾特別

今日約咗老友係元朗聚舊.餐廳門前嘅 muffin, scone 等道具好別緻逼真, 真係想一啖咬落去.波士頓龍蝦意大利粉, 職員話意大利意粉係通心嘅, 所以特別入味, 大大邊嘅龍蝦好鮮甜.蟹肉芝士薄餅又薄又脆嘅餅底, 上面舖了一絲絲嘅芝士和蟹肉, 好正.老友杯 white latte, 佢話有椰子香味, 唔會太甜.我杯 milk chocolate, 朱古力味夠香濃.甜品係 95 fruity coffee cake, 幼滑香軟, 帶有咖啡味, 賣相吸引 食得未夠爽, 再 order 其他 earl grey banana muffin, 我地要求 heat, 所以特別鬆軟又散發著香蕉味, 個面有少少脆這個就係道具之一, zucchini bacon scone, 唔好以為佢係甜品, 係有少少鹹味嘅鬆餅, 幾特別.埋單先知主食同甜品係有半價, 好有驚喜

choco blend latter （skim) $45覺得呢杯咖啡同樣貌很不乎，勁似優品咖啡，卻令人很失望。 手撕豬肉班尼迪 手撕豬肉略帶微酸，味道非常熟悉，原來正是「五香肉丁」的味道😂😂，沒有荷蘭汁的班尼迪蛋，只能說是水煮蛋，蛋過熟太失望，整體味道不和諧，吃了一半已經無辦法食下去，可以用難食來形容。 95 Fruity coffee cake $88我只能說：莎利蛋糕的海棉版，我唔識欣賞。😂整體，我唔會再回幫襯。🥲🥲🥲失望

Yoho Ninetys位置不算顯眼，靠近一田旁的盡頭，但亦因此平日人流不多，很適合消磨一個下午。佢地既咖啡相當出色，香氣特別濃但又不會苦或酸，餘韻猶長。就算係已加可可粉及朱古力糖漿的Mocha，都飲得出house blend混合了靚豆。比眾多coffee shop質素還要佳，飲完一口會忍唔到再飲落去。平日lunch有優惠，比$20就飲到一杯咖啡。而且可選任何Black/White coffee，就連Mocha或Dirty都一樣價錢。午餐豐儉尤人，budget choice有$98 up的Day menu。如果咩都想試，就可以揀Brunch Board。我選擇了 $168 5 sides brunch，除左視覺上帶來衝擊外，份量都相當大。Carbs有無限量供應的白飯或麵包，太飽的關係今次無refill到。朱古力丹麥酥、酸種麵包，挺身仲帶淡淡麥味，可以配上滑蛋同蟹肉一齊食。火炙油甘魚額外加$35，但我比得好開心。刺身新鮮就是了，底下更有日式柚子淡醬油調味。油甘魚等如3-4片刺身的份量，出面$35一定食唔到。火炙過的魚甘香逼出魚油，中心仍然係刺身狀態。超厚切的油甘魚切為3大件，啖啖魚肉好滿

元朗YOHO一期嘅ninetys 環境同氣氛係自己一個嚟chill下都會坐得好舒適嘅地方 下晝嚟仲可以嘆個好食又高質嘅brunch boardbakery x 4 sides dishes $138bakery可選兩款 亦可以無限量提供 不過食完成份都已經好飽 有需要嘅朋友可以加多幾片食Lemon Danish Loaf Bread and Chocolate Danish Loaf Bread兩款麵包焗得偏脆口 味道方面 檸檬同朱古力味都好突出 卻又唔會過分偏甜/酸Miso Eggplant茄子煮得唔會太過淋 帶點味噌味亦唔會太過鹹口Chilli Scrambled Eggs炒滑蛋嘅份量非常之多 啱哂蛋控人士 食落亦好滑唔會過熟 加埋微微嘅辣味令味道層次更豐富Crab Meat+$35整碟係滿滿嘅蟹肉 冰涼嘅蟹肉配上青檸汁好清新開胃Half Spring Chicken (+$48)燒春雞面頭係烤過嘅芝士 為整份食物增添味道 燒春雞亦唔會過韌

朋友帶我嚟到位於元朗YOHO一期這間特色餐廳食晚飯，餐廳裝修好靚好有特色，比人感覺好relax😌餐牌上有多款不同種類美食，每款晚餐單點食物都有半價優惠👍香辣蟹肉意大利粉意大利粉炒得好香口煙煙韌韌好好食，蟹肉份量不少，好鮮甜，加入大量碎芝士，口感更加有層次。銷魂飯銷魂飯即係叉燒飯，估唔到西餐廳都可以食到，所以就點嚟試下，果然有驚喜，賣相不錯，叉燒大約有六片，切得好薄肥瘦適中，咬落鮮嫩又多汁，飯再撈埋叉燒汁一齊食，甜甜地好食到停唔到口。手撕豬肉配烤餅豬肉醃製得好入味，放係烤餅上一齊食，好有印度風味。最後飲埋杯又香又滑嘅Cappuccino,，好滿足！

今日放假同老公去左元朗行街 行到六點幾就已經覺得肚餓 於是去左yoho mall既ninety’s 到食個晚飯 佢依家仲要有主食半價優惠 真係好抵我地總共叫左兩個主食 一個小食 同埋一杯咖啡波士頓龍蝦意大利粉龍蝦大隻 好有肉 仲要有膏 經過火灸仲多左陣香味 未食都已經聞到勁香 佢意大利粉無煮到好淋 保持到佢口感 加埋佢既汁 我未食隻蝦已經食哂佢啲意粉 不過可惜 佢份量比較少 大食少少既男仔都未必夠飽 蟹肉布拉塔芝士薄餅薄餅上面勁多蟹肉 仲隱約聞到火灸過既味道 唔單止仲有大大粒既蟹籽 未食入口都已經感覺到佢陣fresh既味道 再加埋佢有焗過既蘆筍 令到你唔會感覺到只有海鮮 有中和既作用手撕豬肉配印度烤餅最後係手撕豬肉配印度烤餅 我本身就好鍾意食面包呀餅乾呀 所以唔小心比佢既烤餅吸引左 佢手撕豬肉真係撕到勁碎 再配合埋佢強烈既味道 同啲烤餅真係勁夾 一個濃味 一個啖味 唔小心就食哂 因為佢得買塊 仲要比較細塊 最後仲剩左啲豬肉 可以大大啖咁食美式咖啡佢咖啡豆本身微微偏酸 就咁飲既話未必咁多人會鍾意 不過佢可以比我揀加杏仁奶 當加左杏仁奶之後 微酸既味道就消失左 不過都唔會覺得佢甜成餐飯都好

今日買咗飛同家人於Yoho睇“飯戲攻心“，開場前先揾間餐廳食咗晚餐。行咗一陣都未諗到食咩好，最後我地行到Ninetys，見到餐廳內環境幾好，就決定食呢間。因為大家都未肚餓，同家人睇完menu，我地決定叫啲較輕食一齊分享。蟹皇薯蓉碗 - 整體味道較淡，完全品嘗唔到蟹皇味，薯蓉整得幾好食。叉燒配溫泉蛋 - 叉燒烹調得好好味，咬落亦唔會太韌。溫泉蛋用上日本蘭王蛋，美味。蟹肉芝士薄餅 - 有6件，每件都有蟹黃，露筍，蕃茄及芝士。蟹黃味道夠濃，遠遠超過另一道菜式 (蟹皇薯蓉)，薄餅底亦都整得好脆，好味。因為今日午餐已經於另一餐廳飲咗凍咖啡，所以今晚唔想再飲，希望下次可以試下Ninetys的咖啡質素。食品的質素滿意外，Ninetys整體的環境亦十分舒適，絕對係Yoho Mall內品嘗西餐的一個好地方。服務方面，侍應都算主動提供服務，而且亦算健談，感覺唔錯。備註： Menu上有顯示關於Master Chef recommendation及Coffee review等的資料。

想去左好耐既一間cafe，佢地既brunch board最出名，不過今次係食晚餐👴🏿。• 麵豉燒春雞 配美國炒蛋 $168雞好嫩😛，一啲都唔鞋，不過中間既肉偏紅，但都係可以接受既範圍～個炒蛋就巧巧食，炒得好滑😍。另外有藜麥同羽衣甘藍做伴碟，菜係調左味既，酸酸甜甜食落幾清新。• 手撕豬肉配印度薄餅 $128豬肉小辣，食落巧多汁巧juicy😛，薄餅酥脆，夾埋一齊食很正～十分推薦👴🏿👴🏿👴🏿✨• 慢煮紅菜頭三文魚意粉 $198依個意粉就不過不失，意粉係蕃茄味，質地偏硬的，三文魚普通～• Mocha依杯mocha真係好好好好飲！🤍首先佢可以揀fruity 或者choco既咖啡豆，我中意可可味濃既就揀左choco👴🏿✨另外，奶可以轉skim/ soy/ almond/ oat milk，我揀左杏仁奶👴🏿味道方面，咖啡味同可可味都好夠濃，濃得黎又好順口，兩個味道好夾，奶亦都打得好順滑✨總結黎講，依間餐廳無論食物飲品定環境質素都好好🤍 好推介大家黎試下，最近佢仲有做晚市半價優惠，真係好抵食😛✨

係yoho mall買咗票睇戲，咁就係附近睇下有咩好食啦，見呢間做緊半價，而且又未試過，所以就入去食。餐廳係屬於開放式廚房，有落地玻璃窗設計，感覺好開揚。叫咗Boston lobster pasta & Slow Cooked Salmon PastaSalmon。龍蝦有半隻，龍蝦肉都爽口，蝦膏都好多，意粉食落有彈性，配埋蕃茄唔會覺得dry，酸酸甜甜咁幾開胃。三文魚用咗慢煮嘅方法處理，好嫩好滑好juicy，仲有魚油嘅香添。

咁岩行開經過想坐下🤭🤭🤭服務態度非常好👍🏻同朋友簡單叫左兩杯咖啡☕️☕️咖啡幾唔錯啊~~~環境又舒服😌餐廳仲要Pet friendly! So Nice👍🏻

創意fusion cafe NINETYs終於 開到元朗yoho mall， 想試很久.終於唔使特登出去啦😃樓底很高地方夠大 餐廳非常開揚，全落地大玻璃 飲返一杯咖啡 非常寫意😎😎除咗lunch set之外仲有brunch broad， 跟餐加$20 可配埋咖啡 咖啡都是這裏嘅主打必試 而且仲好有創意添😝😝銷魂飯 🥳🥳喺呢度嘅signature當然要試吓啦，用上日本🇯🇵越光米，肉份量也很多，加上香濃醬汁，甜甜地好有日式嘅風味🤩🤩brunch board (4>5>6 sides) 好無限refill 麵包 或有味飯. 麵包有四款可選 米飯仲係用日本越光米😋揀咗5 sides 上枱非常吸睛！可以一次過試五種唔同嘅 菜式， 而且賣相相當吸引 有曬decoration餐具仲好靚添🤗🤗燒春雞半隻 加$48焗得香口，雞肉保持嫩滑，切件上，食起嚟好方便，仲有羽衣甘蘭墊底 好健康嘅菜式🤩🤩布拉塔芝士+ $30 買相100分 夏天食真係引起食慾呀 個口感好綿滑 有芝士嘅香濃特質之餘仲有 清新嘅口感😬😬慕絲椰子乳酪 +$10面頭灑上 脆卜卜增添口感，有椰子香 食落比較酸 ，但同時都令胃

今日同朋友行下元朗形點，再左dinner time就去左NINETYs食，餐廳做緊半價，所以好抵食，而且食物質素一啲都唔馬虎！我地二個人點左：黑松露雜菌意粉：睇外表都似好夠味道，好濃香黑松露味道，食到唔停口。銷魂飯：叉燒甜甜地，近似日式的做法，配上溫泉蛋撈埋一齊食一流！蟹肉芝士Pizza：長方形pizza配薄脆批，唔會太膩，重點係好多三文魚籽，有驚喜！蟹皇薯蓉：非常推介！好香好特別，值得一試！鱒魚他他：好吸睛的他他，打卡影相靚之餘，味道非常好吃！上面既生果好新鮮！

NINETYs 嘅咖啡就飲得多 經過見到night menu做緊半價優惠即興同friend一齊入去食返個dinnerCafe空間感都幾唔錯 有bar枱 有高枱 有4人枱 啱晒同friend促膝長談menu 分類清晰波士頓龍蝦意大利粉半隻龍蝦都幾大隻 個鉗會敲裂啲殼方便我哋剝啲肉出嚟食龍蝦肉新鮮 肉質彈細緻意粉比較粗身非常有口感配菜有蕃茄仔幾refreshing 蟹肉芝士薄餅薄餅鋪滿左芝士、蟹肉、三文魚籽、開邊蕃茄仔、蘆筍 每一塊都好足料 餅底薄脆入口都有好豐富嘅口感叉燒配溫泉蛋招牌慢煮叉燒肉質軟𣺉厚切得嚟又juicy 肥瘦適中攪勻左日本蘭王蛋用嚟沾叉燒簡直就係一個銷魂嘅配搭95 Fruity coffee cake好特別 係用fruity blend 嘅咖啡整芝士蛋糕嘅口感帶有濃郁嘅咖啡果酸味入口好creamy 食完係會有齒頰留香咖啡控表示超級欣賞呢個甜品Choco blend latteFruity blend latte有啲nuts同藍莓乾得出個咖啡味2杯咖啡都好出色 保持高水準