NINETYs (形點 I) (已結業)

經過yoho, 發覺有間新開cafe裝修好靚，於是決定同朋友試試佢。一入到去鋪頭好似唔大 但座位之間好好闊落，見當日陽光普照，特登揀左靠近落地玻璃既位置座，好好relax,享受一下日光浴。由於可能係平日關係，lunch未至於好多人，可以慢慢食。見佢呢度好多人推介brunch board, 係自己自行選擇各類配菜，仲可以麵包同飯無限添加，不過如果想主菜有肉或海鮮就要額外加錢…當然除咗brunch board, 仲有lunch menu或者 a la cart一上菜擺盤好精緻，每樣餸都用小碟盛裝，為咗試下佢既肉食，我地加錢叫左蟹肉，紅燒羊肩肉同火炙油甘魚。蟹肉加左青檸汁，又幾夾，帶出蟹肉鮮味。至於羊肩肉就羊味偏重，如果鐘意羊騷味既應該ok，每樣餸睇落細細份，其實食落一d都唔少，好豐富。當然來到主打咖啡既coffee shop點可以唔試佢既咖啡，同朋友一人一杯 mocha同 milk chocolate, mocha 就咖啡味較重，Milk chocolate 就奶味較重，略嫌佢甜左少少，但飲落去好幼滑，仲有小小朱古力粒，幾特別