NIKUSA肉佐

營業中

休息中

上星期，文公子見識到一條成為逆市人氣店的好橋。說的是剛開業兩個月左右，位處餐飲業競爭激烈的銅鑼灣區，下面每層都是潮流食店的金朝陽中心二期八樓，連酒牌都未申請到的一家新店NIKUSA肉佐，現時晚市已是一位難求。剛好朋友訂了位，帶挈文公子有食神。日本菜香港不乏，肉佐的定位，是市場比較罕見的日本關東風和牛壽喜燒放題專門店，客人在享用壽喜燒後，可轉為特色湯底的涮涮鍋，為消費者帶來新鮮感。據稱，肉佐邀請到日籍米芝蓮星級名廚長本輝彥，負責設計壽喜燒醬汁，是有名牌效應的新店。來自京都的長本輝彥來頭不小，具30多年懷石料理經驗；其2022年創辦的懷石料理餐廳長本，已連續兩年獲米芝蓮評星。他以紅酒、味醂、醬油、清酒與黃糖調製的壽喜燒醬汁，醇厚鮮甜，足以成為招牌主打。放題最怕將貨就價。據觀察，肉佐在採購上能嚴選食材，牛肉與海鮮都非常揀手；有不少來自日本的食材，而且選擇頗多，款式更不是一般任食火鍋或放題店可比。而人氣店流轉快，亦確保了食材的鮮活。最重要者，是性價比高。肉佐的放題餐目價格由每位$228起，依據食品數量分為五個級別；等級越高，食材的選擇更多亦更名貴。我們選擇了最高級別者，每位先送上一碟雜錦壽司，

晚市食了Level 4松葉蟹冇晒 入座嘅時候唔講 自動轉左海蝦七點多入座後 出面關東煮同火鍋自助區得返不多 店員不太主動refill 刺身質地好奇怪 三文魚同帶子都好乾身幸好和牛不錯，雖然比較薄切 疏乎厘班戟亦都出得好快

去到攞飛，同你講8:00還枱，開頭心諗坐兩個鐘頭都好，到最後6:20先可以坐喺張枱度，照同你講話8:00還枱；我問佢可唔可以補返17分鐘？佢即刻話放張枱俾第二個人。傾吓都唔得，仲俾人串。態度極差。冇下次同台仲發生一件小事，我搵司機送個蛋糕上嚟，陪我真人上嚟佢餐廳確認大佬我叫司機過嚟，我仲要親人上嚟確定蛋糕，咁不如我自己送？生日記住唔好嚟，如果唔係食到成肚氣，貼錢買難受!

仲諗住新開冇乜人，點知weekday都就full，好在朋友早黎入到最後一張枱選左level 5 $598 再加$100 轉A5 仙台霜降黑毛和牛其實level 4 $498已經有和牛，不過就冇寫等級只係話藏王和牛Level 4起可以食3hrs，其他2hrs不過其實佢唔係好嚴，聽到隔離話坐左4hrs都冇趕佢地走一開始會上壽司拼盤先，師傅即席手握壽司，都幾新鮮飯都唔會太大件，放題黎架嘛，幾驚一開始就飽左然後就會食sukiyaki，有教學，職員都會再教一次不過個爐極易燶，真係要小心，始終個汁好高糖，就算仲有少少壽喜燒汁都會燶，驚係咁加汁會腎虧就加下湯食完sukiyaki 可以加湯轉hot pot不過我本身遲黎，都冇乜時間再玩hot pot 果部分，搞到冇機會試蟹腳🥲好在A5和牛食左唔少，起碼回左本先叫左幾轉A5和牛，唔同部分都試均全部都高質好好食，唔係果d第一碟好靚，後面就求其出入口好香既牛脂，好軟嫩本身想試下level 4 既和牛係點，但最後都係忍唔住點左A5配料區有可生食既日本蛋可以沾和牛食外面既炸物同order 既炸物都好好食！炸得乾身唔油膩外面拎既日式炸雞都幾驚喜，唔係放到又淋又凍，

難得見到力推好去處，跟open rice 電話打爆都冇人接聽，最後在網上得知要經WhatsApp 訂坐。 一星期前訂好4位。訂的是最高level 和牛。晚上8時入坐後，就告知我們記得9:30 last order. 飲品在出面自取是免費的。可以坐到11點，慢慢傾吓偈。職員告知我們一個鍋是壽喜燒，另一個是火鍋，叫我們點選一個，我們就選擇了麻辣火鍋，不過麻辣火鍋居然要等到8:50先來，還要追了兩次。好了⋯⋯大家就好興奮開始由手機點單，點知一位朋友就告訴我們發現每次點單只能夠order 8款食物。每次點完後要等6分鐘先可以再下單，而且每次只可以一部手機下單。第一輪點餐到達，原來一碟牛有三小片，而且還不是什麼高質和牛，很快便吃完，又要再等6分鐘後先可以落單。叫海鮮，一個order有兩隻蝦，如果叫4隻蝦已經浪費了2個order嘅quota。壽司更離譜，一個order一件壽司，如果order 8件，就要再等6分鐘後先可以再order其他食物。到9:00了，好像沒有吃了什麼落肚，就忍不住同職員講，你們可以幫我們直接落單攞多一點牛給我們嗎？他都很合作多拿幾碟給我們。終於大家可以放開緊張落單嘅心情吃食物

2:30入到去已經叫人埋單，之後15分鐘之後雪櫃已經熄燈收晒所有東西，途中不停催促我們時間就到，未夠鐘已經話時間到趕我哋走以後唔會再去back list！👎👎

壽喜燒放題真係好少見，我同朋友揀咗Level 4 放題，整體都幾唔錯👍Level 4有兩款日本牛可揀，肉質好靚，個人比較鍾意肥少少既上肉，配關東風壽喜燒汁真係一流！咁既價錢有得任食靚牛，好抵👍蕃茄湯底都非常唔錯，蕃茄味清新濃郁。除左和牛，廣島蠔係另一賣點，比想像中好食，食落非常鮮甜。三文魚同帆立貝刺身都好新鮮，壽司方面推薦魷魚同鮟鱇魚肝。甜品都唔錯，pancake就正正常常，焦糖布丁真係有啲驚喜，又嫩滑又好味🤤有個kick位就係壽喜燒汁好易乾，食嗰陣要小心啲😂同埋餐廳每五分鐘先比落單一次，一次淨係可以落8樣嘢食，唔知多人既話點安排，但我同朋友五個人就頭一個鐘都食得好唔夠喉嚨😂

呢度放題分五個等級，等級4（$498）同等級5（$598）都可以用一個價錢就可以食到壽喜燒、涮涮鍋、無限壽司刺身、同多款日式甜品😋最正係鎮店甜品——現場即製嘅梳乎厘Pancake，全部用日本雞蛋、麵粉同牛奶製作，蛋香濃郁🥞講吓價錢先，店家提供由$228起 5個唔同級別嘅Menu～選擇級別1至2已經可以任點接近80種唔同肉類同其他食物自助區已經有大量蔬菜丸類、炸物、關東煮、各式甜品同飲品（最正係有鴻福堂任飲）、棉花糖機、仲有我最鐘意嘅百味堂軟雪糕🍦而鍾意任食壽司刺身嘅🍣當然要選擇級別3 ($398)，包括無限任食美國安格斯牛、日本特選豚腩、紐西蘭羊肉片、日本櫻姫雞、三文魚刺身同15 款壽司等，一共百多項食物‼️想食再豐富啲，級別4 ($498) 及級別5 ($598) 除咗高級刺身同壽司任叫，仲有好多靚海鮮任食🦀如日本廣島蠔、松葉蟹、帆立貝、魷魚同大大隻嘅鮑魚級別4同5 Menu入面嘅高級牛真係令我大開眼界～包括有山形縣藏王和牛同澳洲和牛牛舌😝級別 5 嘅客人仲會有高級壽司拼盤一份🍣包括大拖/中拖、赤身、季節魚、鯛魚、炙燒和牛同三文魚腩壽司，手握壽司好軟熟😋食Lv 5 都唔夠喉嘅話可以考慮

一星期前book定枱，本身唸住開開心心試新嘢。未去已經選定食有松葉蟹嘅level 5，好可惜松葉蟹變身成鮮蝦。都算，一邊美人鍋，一壽喜燒燒。一開始壽喜燒，本身已經係用1度燒，醬油按自己嘅份量整，咸度啱啱好。點之有位「光頭黑框黑鏡大叔」走埋嚟，睇到冇睇語氣極差咁話，壽喜燒一定要1/呀吓，唔好開3… 一直用1度嘅我心諗，咩事呀？之後轉頭又走埋嚟，醬油要倒多啲… 之後未經同意就倒醬油落鍋，仲要彈出嚟我隻手同衫都中招！😡😡😡😡😡之後佢攪到過咸，好難食，局住要加湯打邊爐。真係咩心情食慾都冇晒，真心多謝嗰條大叔，以後銅鑼灣可以少一個選擇。

想瘋狂仼食靚和牛😍，一定要去全新的 🇯🇵 關東風和牛壽喜燒放題專門店𝐍𝐈𝐊𝐔𝐒𝐀 肉佐(⁎⁍̴̛ᴗ⁍̴̛⁎)啦!!作為壽喜燒愛好者，聽到餐廳開幕，真的好開心呀🥳～不但可以仼吃高級日本靚和牛，還吃到由日籍懷石料理大師•米芝蓮星廚👨🏻‍🍳長本輝彥先生 為餐廳設計及秘製招牌壽喜燒醬汁😏，真的太幸福了(≧▽≦)～價錢由$𝟐𝟐𝟖+/位，好抵食呀～店內環境充滿日式風情，有𝐭𝐚𝐭𝐚𝐦𝐢，又有包廂，一大班朋友到訪也沒問題。套餐有好幾個，全部都可以自取小食(關東煮、炸物、咖喱飯🍛)、火鍋蔬菜配料🥬、飲品🥤和甜品(梳孚厘班戟🥞、奶凍、雪糕🍦等等)，份量十足!!▽ 𝐋𝐄𝐕𝐄𝐋 𝟓 食べ放題🍽️👨🏻👩🏻 $𝟓𝟗𝟖/位 🧓🏻👵🏻👦🏻👧🏻$𝟒𝟗𝟖/位共115品的放題，可以無限量品嚐 山形県藏王和牛🥩、極上刺身、日本廣島蠔、松葉蟹、日本帆立貝、極上壽司🍣、亦可+$𝟏𝟎𝟎升級宮城県仙台𝐀𝟓霜降黑毛和牛👅～在新開張期間，更可免費獲贈龍蝦刺身🦞，不得了～不得不說，仼食𝐀𝟓黑毛和牛的感覺，好爽呀🤣🤣!! 和牛的雪花紋理漂亮，入口肉香豐富，肉質超軟腍，好好吃呀💕!!! 龍蝦刺身即叫即切，非常新鮮!! 而壽司亦是即叫即握，如此高質的放題

[ NIKUSA肉佐 ] 銅鑼灣新開張日本🇯🇵關東風壽喜燒、涮涮鍋放題店，放題分5種級別，最平級別1每位$228。級別1-2食90分鐘，而級別3-5食180分鐘。 ✿ 級別5：嚴選 山形縣產 藏王和牛＋極上刺身＋極上壽司＋海鮮（共115品）成人 $598/位、小童長者 $498/位任食日本和牛、海鮮、關東煮、壽司、刺身、甜品等，同埋任飲飲料。壽司拼盤🍣🍱入座後每位級別5套餐食客會有一份壽司拼盤，款式有大拖羅/中拖羅、赤身、季節魚、鯛魚、炙燒和牛、三文魚腩共6件，壽司現場手握。之後可選擇食關東風壽喜燒或/及涮涮鍋。關東風壽喜燒 (每位+$10)🫕壽喜燒醬汁用紅酒、味醂、醬油、日本清酒、黃糖等材料調製而成，和牛經壽喜燒汁煮過後甘甜香口，沾上日本雞蛋漿口感更嫩滑🤤。日式涮涮鍋🍲第二種食法以涮涮鍋方式煮和牛、肉類、海鮮、野菜等配料。湯底有四款，鰹魚昆布鍋、美人鍋、麻辣鍋及番茄鍋，有選擇困難可以+$10轉鴛鴦鍋😝。任食日本和牛🇯🇵🐮級別4-5套餐任食日本 山形縣產 藏王和牛 上肉及赤身肉、澳洲和牛牛舌、日本北海道豚肉、日本櫻姬雞等，款式豐富。每位+$100可升級任食日本 宮城縣產 仙台 A5霜

最近位於登龍街的Midtown新開一家壽喜燒放題除了有壽喜燒，還有多種鍋底和壽司，全部都是放題任吃，趁happy friday和朋友過來試試餐廳提供不同價錢的放題由$228至$598不等，豐儉由人～這次就想吃最貴的套餐，$598包含115品食物的套餐並額外加$100，升級吃A5霜降黑毛和牛說實話和牛真的很好吃，肉味濃厚、油脂味道夠香！來的朋友一定要多吃點！以下就分享一下比較有特色的必吃單品😋《日本和牛》‣ 山形縣藏王和牛 (上肉/赤身)‣ 宮城縣產仙台A5霜降黑毛和牛 (西冷/肉眼/赤身)《壽司》‣ 藍鰭吞拿魚壽司‣ 炙燒和牛壽司‣ 大拖羅/中拖羅《刺身》‣ 三文魚‣ 松葉蟹‣ 帆立貝《甜品》‣ 日式梳乎厘‣ 日式軟雪糕‣ 焦糖布丁/抹茶奶凍💭 C͟o͟n͟c͟l͟u͟s͟i͟o͟n͟市面上提供壽喜燒燒肉+火鍋餐廳並不多而且還是走放題路線的，真的買少見少😙餐廳很多種食物味道都不錯，夠新鮮值得推薦個大家試試🤩💰Total: $1436 ($718pp 新張期內免10%服務費)📍NIKUSA肉佐銅鑼灣金朝陽中心 2期 Midtown 8樓 🚩更多同類餐廳 #foodstep_日本菜 🚩更

服務態度很差，店員黑口黑面，沒有一位有歡迎光臨，位子擺設也已預備好，說沒準備好不可以坐真是無語，那位店員不發一言黑面轉身即走那是什麼態度？店家基本顧客服務也沒做好，就算食物質素有多好都不會令人想再次光顧的。

香港興起日式放題已有一段頗長的時間，坦白講通常都是選擇很多但質素總是一般般！近來銅鑼灣開了間非常高質的和牛壽喜燒放題店，主打關東風壽喜燒及涮涮鍋加上優質壽司和刺身真的非常吸引。就是座落於銅鑼灣金朝陽中心2期Midtown8樓的Nikusa肉佐，超推介給想品嚐高質靚和牛及其他日式美食的朋友去吃，打開升降機門便看到這個放滿靚牛肉的凍櫃，喜歡吃牛肉的朋友看見已經心心眼了。室內環境以日本居酒屋風格作裝潢！目測約有百多個座位並設有7間私人包廂房，地方非常寬敞這夜我們坐得很舒適。場內設置的魚缸內裏放滿了新鮮龍蝦！於新張期間點選最高級別的放題每四位即送龍蝦刺身一隻，散點需$198/隻所以約多幾個朋友仔一起去開餐有着數喔。經過魚缸後到達自助飲品區內裏放滿了多款罐裝及樽裝飲品，可以無限暢飲很適合缺水的我，不愛凍飲的朋友可以自己沖泡熱辣辣的煎茶或玄米茶，還見到有爆谷機亦是任取項目真的好開心。但最令我驚喜肯定是這個可以無限追加的招牌梳乎厘班戟！只要你點上Level 4以上的放題便可以無限任吃這個超吸睛的Pancake。除了班戟另外還有焦糖燉蛋、水果果凍、抹茶奶凍、日本蕨餅、百味糖軟雪糕及棉花糖等美味甜點任吃

最近做左件好耐無做既事 - 食放題！當然，我所揀選的地方，肯定有番咁上下質素，絕對唔會係填肚既貨色。呢間新開的肉佐，主打壽喜燒 + 涮涮鍋放題，同坊間大部份的放題店的玩法大同小異，都係有分級數，吃不同的東西。簡單說，劃分左五級，頭嗰三級係食九十分鐘，牛肉是美國貨。以我既性格，一係唔食，要食就食好啲，所以就要左最高層次的第五級，三小時任食，有齊最靚既A5和牛，同埋海鮮、壽司及刺身。先會送來每人一份的壽司，包括有和牛與及大中拖羅，估佢唔到放題店可以食到如斯高質的壽司。一份唔夠喉既話，仲可以QR Code再自行下單，都係食到你夠為止。另外都點了些刺身，又帆立貝又三文魚等等，當中的劍魚爽身好食，最為出色。一些前菜小食，菜蔬及丸類，同埋飲品，都係外面自己拎。吃罷刺身壽司，就出去兜個圈睇定有咩心水。好了，還是留肚吃壽喜燒及涮涮鍋最為實際。先以壽喜燒形式，各式肉類如豬牛以雞吸收了壽喜燒汁的甜味，都吃得過。牛肉一於食最靚的，仙台A5霜降黑毛和牛肉眼，看雪花紋理都深知是頂級貨色，不論是壽喜燒，抑或係涮涮鍋的吃法，都是入口溶化的絕等美味。山形縣的藏王和牛上肉，都唔講得笑，不讓仙台牛專美。海鮮嚟講，都有松葉