NIKUSA肉佐

營業中

休息中

【 超高質和牛壽喜燒放題店 】🩷母親節當然要好好獎勵一下自己啦！今日約埋媽咪妹妹一齊去銅鑼灣「NIKUSA 肉佐」食超高質黑毛和牛，仲要係任食，真係勁正呀！🥩我哋點了餐廳最推介的Level 5 套餐，可以係180分鐘時間內任食日本山形縣產藏王牛上肉及赤身肉、澳洲和牛牛舌、日本廣島蠔、雪場蟹、帆立貝、藍鯨吞拿魚壽司、白身魚刺身和三文魚刺身等等。🍣仲有可以享用高質壽司拼盤一份，包括: 大拖羅/中拖羅、赤身、季節魚、鯛魚、炙燒和牛、三文魚腩壽司各一件。係新張期內，仲可免費獲贈龍蝦刺身1隻，龍蝦刺身勁爽口呀！🍅「肉佐」的關東風壽喜燒配秘製招牌壽喜燒醬汁，令和牛份外甘甜香口，入口即溶，令人食完一塊又一塊。食到咁上下仲可以轉換以涮涮鍋嘅方式再嘆美食，有4款湯底選擇 : 鰹魚昆布鍋、美人鍋、麻辣鍋及番茄鍋。🍨最後當然要食甜品啦！NIKUSA 肉佐 現場有即製心機日本梳乎厘Pancake，級別4和級別5嘅客人就可以享用，超好味，會食唔停口呀！仲有多款日式甜品 : 焦糖燉蛋布甸、日式水果果凍、抹茶奶凍及日本蕨餅等，全部都可以供任何級別嘅食客無限追加品嚐。🎑「NIKUSA 肉佐」室內環境舒服，係日本居酒屋

壽喜燒放題幾好玩又食！啲牛出品唔錯，有得揀瘦嘅和牛肉，又有得揀肥嘅和牛肉，至少食咗廿幾碟，應該回左本！壽喜燒食到咁上下，可以加埋啲湯入去打邊爐，感覺幾好，可以有另一個食法，另外佢出邊都有個自助吧，同其他放題差差唔多，款式都幾多下，另外佢有個關東煮食咗一舊都幾好食，唔錯唔錯👍👍👍仲有壽司任食，食咗好少留返啲quota食和牛四個人去仲有龍蝦刺身送唔錯唔錯！ 最尾食埋個疏乎厘甜品，我坐喺壽司吧出邊見住佢即製，夠晒有心😆😆😆😆同出邊普通放題有少少唔同感覺高級少少坐低又舒服我去嗰陣，唔算多人環境比較清靜幾好feel！絕對可以返轉頭食多幾次！🤤🤤🤤🤤

銅鑼灣五月新放題餐廳極致推介! 由銅鑼灣站 A/B出口步行3分鐘即到，位於美食勝地嘅登龍街Midtown 8樓NIKUSA肉佐。餐廳主打關東風壽喜燒放題任食🥳 無限量將宮城縣產仙台 A5 霜降黑毛和牛放入口!放題分成5種級別，最平$228起 90分鐘任食美國穀飼牛肩胛🥩到頂級$598 180分鐘任食山形縣產 藏王和牛! 性價比十分高！作為壽喜燒放題店，店主專誠請到擁有三十年日本料理經驗的米芝蓮大廚長本輝彥先生親自為餐廳設計壽喜燒醬汁。集合壽喜燒、涮涮鍋、刺身壽司同海鮮放題，食品飲品種類最高多達117品!!上到8樓就見到和風裝修日系的用餐環境，揀好放題食品的數量級別1-5之後入座。有坐得舒適嘅塌塌米房間及卡位，亦有開揚高樓底嘅二至六人檯空間，餐廳店員會先安排享用關東風壽喜燒🥩然後再迎接享用預先選好的涮涮鍋湯底🍲首次來幫襯私心建議選L4/L5嘅中高頂級就一定無錯!180分鐘充裕時間內可任食日本山形縣產 藏王牛的上肉及赤身肉、澳洲和牛牛舌、日本廣島蠔、松葉蟹、日本帆立貝、藍旗吞拿魚壽司、油甘魚壽司、白身魚刺身和三文魚刺身等，共 115 樣款式。再豐富D 無問題! 每位加 $100 ，則再升級

銅鑼灣新開日式放題，主打和牛壽喜燒，今日母親節四人同行母親免費今次食level 5 $598 +$100(升級仙台牛) 牛係任食，不過真係人情紙咁薄，冇乜口感，好在個燒汁合格，牛質素亦可以，食咗都十幾碟。壽司魚生合格夠肥美

五一假期夜晚誤打誤撞上到嚟呢間新餐廳食飯選擇Level 2 配壽喜燒鍋底肉類正常湯底味道唔錯自助區普通甜品熟食選擇偏少飲品選擇少但坐得幾舒服現場見到有幾個包廂可以約一班人飯聚個人覺得CP值一般作為呢間餐廳第一個食評係希望至少有人見到有新餐廳開左呢個年頭開食肆需要勇氣祝好運