NIKUSA肉佐

營業中

休息中

平日少食放題，因怕傷胃，不過優質和牛壽喜燒例外！位於銅鑼灣的「NIKUSA 肉佐」走高質的路線，同時亦豐儉由人，晚市放題由每位$228起，我哋看中最高級別的「超豪快極上食」，每位$688，亮點是宮崎縣產仙台黑毛和牛，的確是一分錢一分貨，我們也不他想，主攻這一款，雪花豐富，肉質軟熟，配合生蛋及壽喜燒汁，甜鹹交替，美味盡在不言中。亦包括山形縣產藏王和牛，不過比下去，自然不及前者。增送時令刺身，今晚日本赤貝，一人一隻，超甜爽口。除此以外，當然有刺身、壽司、串燒、海鮮等，共140品選擇，自由在QR code落單。牛舌の檸檬日本大熱的牛舌の檸檬，現在唔需要排長龍有得食，每客6至8塊，燒至香嫩，可蘸檸檬汁、沙律醬或生雞蛋，各有風味。壽司拼盤六款壽司，包括拖羅及牡丹蝦。磯煮鮑魚帆立貝刺身．三文魚刺身 醬油燒日本雞腎蒜香燒雞軟骨大蔥燒和牛串醬油燒帆立貝鹽燒海老芝士年糕疏乎厘自家製，店員推薦！同時設置自助餐區，各款小食、火鍋材料、甜品及飲料，都幾多款式！燒三文魚骨及辣魷魚田螺關東煮日式咖喱飯芝士蛋糕放題無須客氣，食食食……佈置洋溢日本風情，服務態度良好，值得回頭！

今晚去咗肉佐食咗最高等級Level 5 的和牛任食套餐，一共有140款食品，加上有預先訂座，餐廳就會送季節限定刺身，今晚送嘅係赤貝刺身，如果我哋有6個人，就會送鮑魚添！呢度嘅宮城縣仙台產霜降黑毛和牛，無論係肉眼、西冷或赤身都令人食到停唔到口！餐廳好貼心已經準備一些紙張教導怎樣食關東壽喜燒？原來壽喜燒汁係米芝蓮名廚秘製㗎！唔怪之得咁好味！其實除咗壽喜燒，仲可以涮涮鍋㗎！而肉佐仲有好多不同的飲品、熟食、串燒、刺身、火鍋食品等，其中牛舌の檸檬這款限量食品真的不要錯過！今晚我哋目標好明確，主力放在和牛上，本來計劃要瘦身嘅我，真的敵不過和牛的吸引力！都係食咗先算啦！😝😝這裡的甜品也非常之多，有雪糕、雪條、爆谷、布甸等女仕們的恩物，其中自家製芝士蛋糕和疏乎厘最值得推薦。 

壽喜燒不嬲都係我嘅至愛，最近留意到銅鑼灣肉佐NIKUSA有個和牛壽喜燒放題，真係勁吸引😍 🌟Level 5 超豪快極上放題係最高級嘅Level，可以食足150分鐘😎 我特別期待品嚐宮城縣產仙台 A5 黑毛和牛及山形縣產藏王和牛😍😍 實現壽喜燒自由😆😍 除咗壽喜燒，level 5 仲可以任食檸檬牛舌😍 預先訂座仲送一份日本象拔蚌刺身💕 🍲壽喜燒汁由米芝蓮星廚特別為餐廳調配嘅壽喜燒汁，味道層次豐富，甜中帶鹹，唔會過於濃郁，完美襯托出和牛風味👍👍❤️仙台 A5 黑毛和牛西冷肉質細膩，油花分布均勻，入口即化，口感非常柔軟，記得沾日本蛋液一齊食，真係回味無窮🥰 ❤️仙台A5黑毛和牛肉眼比起西冷，肉眼部位嘅油脂更加豐富，肉質柔軟，配搭壽喜燒汁真係一流，唔叫真係對唔住自己🤣 ❤️藏王和牛赤身另一款值得留意嘅肉品❤️ 同油脂豐富的仙台 A5 黑毛和牛不同，藏王和牛赤身以瘦肉為主，肉質緊致卻不失柔軟，牛味濃郁👍 ❤️藏王和牛上肉即係上肩肉，兼具油脂同肉香😎 相比起赤身 上肉油脂更加豐富，肉質柔軟又有彈性，牛味濃郁，又係非常適合壽喜燒嘅烹調方式❤️❤️海鮮、串燒海鮮種類繁多，我哋試咗日本廣島蠔同埋扇貝，都非常新鮮👍 串

今天來到這間主打和牛壽喜燒任食的餐廳，準備大快朵頤一番！對於我這種大胃王來說，任食絕對是福音，可以盡情享受高品質的和牛和各種配料，不用擔心荷包大出血。餐廳裝潢簡約明亮，座位寬敞舒適，適合多人聚餐。服務員態度友善，會細心講解任食的規則和用餐流程，並及時補充湯底和配料，服務效率高。我們選擇了最高等級lv5的和牛任食套餐，內容包括：和牛來自日本的高級和牛，油花分布均勻，肉質細嫩，可以無限追加。除了經典的薄切和牛片，還有厚切和牛、和牛粒等不同部位可供選擇，滿足不同食客的需求。配料配料種類豐富，包括各種蔬菜、菇類、豆腐、粉絲、烏冬等，可以根據個人喜好自由搭配。湯底壽喜燒湯底鹹甜適中，可以根據個人口味調整濃淡。餐廳還提供其他湯底選擇，例如昆布湯、麻辣湯等，滿足不同口味的需求。這間和牛壽喜燒任食餐廳絕對是物超所值，高品質的和牛和豐富的配料，讓人吃得滿足又盡興。對於喜歡吃和牛和壽喜燒的朋友來說，絕對是不容錯過的美食天堂

壽司與壽喜燒嘅小天地今次試咗呢間叫「肉佐」嘅餐廳，主打壽司同壽喜燒。餐廳外觀簡約低調，入面環境都幾舒適，座位寬敞，唔會有逼夾嘅感覺。先講佢哋嘅壽司，款式雖然唔多，但款款都好有誠意。三文魚壽司嘅三文魚油脂分佈均勻，入口即融，同我喺一啲高級迴轉壽司店食嘅相比，新鮮度唔輸蝕，而且呢度嘅三文魚更加厚切，食落超有滿足感。蟹柳壽司嘅蟹柳鮮甜彈牙，海苔香脆。而飛魚子壽司，咬落去嘅時候飛魚子喺口中爆開，嗰種鮮味同口感真係好正。至於壽喜燒，呢度提供嘅牛肉片紋理清晰，脂肪分佈得宜，屬於較高品質嘅霜降牛肉。放入清甜嘅壽喜燒汁入面輕輕一涮，再蘸埋生雞蛋，牛肉嘅嫩滑同雞蛋嘅滑溜完美結合，味道層次好豐富。同傳統嘅泰式火鍋相比，泰式火鍋味道濃辣刺激，而壽喜燒就更偏向於甜鮮口味，更能突出食材本身嘅味道。價錢方面，人均大約 - $350-460喺同類型餐廳中屬於中等偏上嘅消費水平。不過呢間店都有小瑕疵，例如壽司款式較少，對於一啲追求多樣化嘅食客嚟講，可能唔夠過癮。而且壽喜燒嘅燒汁有啲偏甜，對於唔太鐘意甜食嘅人，可能會覺得膩。講真，食呢間餐廳嘅時候，就好似回到同朋友一齊開心分享美食嘅時光，每一口壽司、每一啖壽喜燒，都充滿

香港食肆咁環境真係有原因，8:30入座9:30 cut單，仲要只係第一盆啲肉最好，之後你嘅肉肉眼睇個體脂40%😂😂直頭覺得自己食緊啲肥膏，接受唔到，仲要498未計加一，真係食一次就夠，唔會再食，好失望

大家真係唔好去呢間嘢囉，啲嘢食係勁差同你去普通打邊爐冇分別有機會係衰過打邊爐肉質勁嚡我夜晚8:30入席，個門口阿姐叫我搭枱，但我係預先book咗位我唔開聲佢唔安排過一張正正常常嘅一張枱俾我，即係唔開聲就好恰啲！還是當人傻仔香港嘅服務態度咪就係俾你搞到咁囉嘢食同價錢根本上完全唔成正比，簡直係伏中之伏

朋友生日想食壽喜燒，於是就揀咗依間Level 5有A5降霜雪花和牛嘅關西風壽喜燒，每塊都十分靚、油花充足，仲好大塊，仲要keep住每盤出嚟嘅質素都係好好。重點一定要落蛋點嚟食，加埋一齊口感非常之嫩滑，食落好幸福好滿足呀🤤配菜亦都有一般打邊爐嘅材料另外仲有少量海鮮有扇貝有廣島蠔！除咗牛肉之外，仲有好多壽司小食！有刺身有壽司亦都有串燒炸物小食，簡直滿足晒每個人要求！最吸引係仲有勁厚嘅牛舌，牛舌嫩滑多汁超Juicy。不過女仔就建議唔好食太多其他嘢，專注食牛，因為牛嘅脂肪比較多，食幾塊就好飽會滯！鍾意食牛嘅，你非常推介呢間壽喜燒！

想食涮涮鍋放題，但又不想吃太多肉，那定量的放題套餐就適合了。Nikusa肉佐 有星期一至五平日限定的定量放題可以食60分鐘。湯底還可以選擇有米芝蓮大廚秘制的關東壽喜燒 (+HKD 10/位)肉的話選了兩款不一樣的，現在更是增量100%，會有兩盤。🐮美國穀飼牛肩胛 (HKD 98) & 美國黑安格斯牛板腱 (HKD 138)前者口感較軟嫩且油花適中，後者相對較細膩，都很適合壽喜燒。這裡的壽喜燒鹹甜比例拿捏得剛好，也可根據自己喜歡的口味調味。將肉蘸上日本雞蛋漿來吃味道更溫和香濃。火鍋配料主要是基本款，有芝士丸、蟹柳之類。蔬菜和菇類方面比較豐富，有鮮淮山、秋葵、蓮藕、白玉菇等。怕不夠飽可加個手打烏冬落壽喜燒，完全吸收了湯汁更好吃。熟食見有關東煮那些，試了個茶碗蒸，幾夠味但如果再熱點更好。前菜比較特別是雜錦魚生配冰菜。甜品則有不同口味的甜筒和雪條，也有蕨餅、抹茶布甸等。另外飲品除了有罐裝汽水，也有樽裝和紙包飲品。總括來說能以實惠價格享受壽喜燒，平日定量壽喜燒放題性價比很高。

我地係食4號餐 咁一入去個侍應就幫我地落咗兩盆肉 之後我地再點多4盆 每盆都好差 成盆肉都係白色肥肉 叫佢地幫手換 換盆冇咁肥嘅 佢地就換成menus 上另一種肉 最後係我攞手機比佢睇要第一盆咁嘅質素先比到盆正常少少嘅之後Haggen Dazzs 我地10點去睇就冇曬 問就話比客人食曬 未有貨 明明重有半個鐘… 重有我地8:40左右入座 10:30先完 9:30就last order 肉類質素非常不穩定估計除咗第一盆其他都唔得另外我地之前有打電話去 打唔通

2大人帶bb都係得張2人枱 加張bb凳完全冇比凳我地擺袋 安排好差 啲野掛係凳背度係咁跌 食到勁抆陣 啲帶子冰鮮解凍feel 自助corner幾細下野飲selection都正常甜品都正常但就食得好唔舒服

入座前要揀食邊個 Level - 我地揀左【 Level 2 】$318 限時90分鐘有5款湯底選擇：關東壽喜燒、鰹魚昆布湯、豬骨湯、麻辣湯、芝士蕃茄湯侍應一開始會幫手將牛脂肪沾係加熱嘅鐵鍋，之後就全部自己嚟煮任食自助區包括：火鍋蔬菜、丸類、火鍋醬料、冷盤小食、炸物、關東煮、日式咖喱、白飯、甜品、飲料火鍋肉類就手機掃碼落單【 Level 2 】任食肉類有：❛ 美國安格斯牛板腱 - 牛味最濃嘅部位，有嚼勁，最後淨係食呢款❛ 美國安格斯牛小排 - 脂肪太多，真係比較難食得落❛ 美國穀飼牛肩胛 - 好韌❛ 日本櫻姬鶏 - 肉質都嫩滑❛ 紐西蘭羊肉片 - 唔夠羶❛ 日本特選豚腩 ⸝⸝⸝ 熱食區 ⸝⸝⸝ 🌟 牛舌好軟稔｜關東煮有原隻雞蛋❌ 日式咖喱牛肉得牛肉碎｜炸雞唔夠脆凍左⸝⸝⸝ 甜品區 ⸝⸝⸝ 🌟 抹茶奶凍抹茶味幾濃｜焦糖爆谷夠脆但係唔熱｜特別嘅係有棉花糖機可以自己整❌ 見到食評話有百味堂雪糕 竟然雪糕機壞左😵！以為起碼會有其他雪糕選擇都無😣 好失望服務有待改善，整體而言就吸引唔到我再幫襯—ʜᴋᴅ $300-600 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? no𝙤𝙫𝙚𝙧𝙖𝙡𝙡

8:40入到去食90分鐘，原本應該可以坐到10:10 10點未到已經以餐廳需要滅蟲為理由提早要人交枱到10:12嘅時候，有位男員工過嚟提醒要交枱，我哋咁啱執緊袋準備走只係純粹講聲就得㗎啦個男員工態度極為惡劣地話：「唔係就嚟得㗎啦，係而家要走㗎啦」其實都見到人哋俾咗錢執緊袋，亦都冇再order任何嘢食，講嘢使唔使咁樣？之前除夕倒數嗰晚有去過排隊，攞籌嘅時候門口嘅女店員唔同客人講當日只提供lv4 & lv5套餐，等排咗成半個幾鐘上到去先話唔可以order lv3，同逼人哋食最貴嘅套餐冇分別間嘢食係唔錯，之前啱啱開張嘅時候經常同朋友食lv4/lv5明顯地質素係比其他餐廳好，但係最近發現態度差咗勁多，啲嘢食食幾好食都冇用，no next time

搵位度：🌟🌟🌟🌟抵食度：🌟🌟🌟🌟🌟好食度：🌟🌟🌟🌟🌟今期銅鑼灣我願稱佢為最強，講緊係百頭嘅價錢同嗰啲牛X鍋差唔多，自助區嘅居然講緊係可以食到有三文魚子同三文魚刺身嘅沙律，熟食方面竟然有東風螺，真係淨係食自助佢都回晒本。咁當然啦，唔少得有各款嘅打邊爐配料啦，我食緊最平嘅套餐，都唔知佢主打係要食壽喜燒，所以火鍋嘅質素只係覺得中規中矩，見佢晚市價錢都幾貴，如果唔介意試貴少少呢，可能都有機會有驚喜。

Blingbling美食推介✨📍銅鑼灣🥘NIKUSA肉佐高質壽喜燒放題！💠💠💠💠💠💠💠💠鐘意食壽喜燒既一定有聽過銅鑼灣既肉佐！total有5個level，我地今次揀左level 4！level 4大吸引！有嚴選 山形縣產 藏王和牛+刺身+壽司+海鮮！！仲有大量蔬菜同其他火鍋配料！飲品都超多選擇！真係食到好滿足啊！！如果揀壽喜燒湯底要每位加$10! 强烈推介！！自助bar可以任拎鷄蛋！真係實現壽喜燒自由！！！一開始店員會教我地點燒，幾時落醬汁，而且差唔多用完都會好細心咁幫我地換過一壺！加分！！和牛真係無可挑剔！入口即溶，一d都唔un，而且叫完好快就出到餐！！very nice~~任食150分鐘！！成人 $438小童/長者 $328💠宮城縣產 仙台黑毛和牛 牛展💠嚴選 山形縣產 藏王和牛 上肉💠嚴選 山形縣產 藏王和牛 赤身肉💠和牛牛舌💠日本廣島蠔💠新鮮海蝦💠魷魚💠三文魚刺身💠帆立貝刺身💠20品壽司餐廳環境：🩵🩵🩵🩵/5 服務質素：🌸🌸🌸🌸/5食物味道：😋😋😋😋😋/5 性價比：💰💰💰💰/5此為自費用餐，並無參與任何試食活動NIKUSA肉佐📍銅鑼灣登龍街1-29號金朝陽中心二期 - Midt