影片
港鐵銅鑼灣站 A 出口, 步行約4分鐘
繼續閱讀
電話號碼
39969844
68099709 (WhatsApp)
營業時間
今日營業
12:00 - 15:30
18:00 - 23:00
星期一至日
12:00 - 15:30
18:00 - 23:00
*午市最後落單時間: 14:30
晚市最後落單時間: 21:30
以上資料只供參考, 請與餐廳確認詳情
相關文章
車爸爸喜歡吃牛雖然我吃不了但也會找些好味的跟他去品嚐，大前提當然要有其他美食所以去嘆日式放題就最適合我們了。再次來到銅鑼灣肉佐NIKUSA跟車爸爸來嘆高級壽喜燒.涮涮鍋.壽司放題。 甫踏出升降機就看見這一櫃超靚的日本牛肉，此刻車爸爸已經開始流口水了。路經自助區見到有自助爆谷機，甜品櫃內則擺滿甜點包括有水果啫喱、Oreo慕絲、木糠布甸、朱古力奶、抹茶奶凍、焦糖燉蛋、乳酪、蕨餅、布朗尼及忌廉泡芙。再行前一點是滿櫃的雪糕及雪條，扭耳仔記住要留肚食雪糕。飲品亦都非常多選擇各式各樣喜歡甜或不甜悉隨尊便。熱食區包括有茶碗蒸、關東煮及汁煮東風螺，想吃熱辣辣的炸物則有響鈴、炸薯角、洋蔥圈、菜肉餃子、枝豆及燒三文魚骨等。最後還有味噌湯及聽聞非常好味的日本咖喱。再往前走是兩個超大的自助火鍋料專櫃！內裏放滿了日式前菜、各式丸子、新鮮蔬菜還有大量不同的火鍋配料，品嚐完壽喜燒之後就可以慢慢享用涮涮鍋。餐廳一週年大放送只要選吃Level 5菜單每位成人即送赤貝刺身，新鮮彈牙的赤貝口感超脆味道鮮甜，另6位成人吃Level 5即可免費獲贈澳洲巨型鮑魚刺身一份，人多人少也可享週年優惠吃得更開心。 我們選上最高級的Level 5$688/位可於150分鐘內盡享140款高質美食！甫坐下先往熱食區取這個汁煮東風螺嘆！螺肉浸到非常入味香香甜的好味道。厚切牛舌檸檬是車爸爸獨享之菜！粉嫩的牛舌心賣相已經非常吸引，車爸爸表示彈性十足的牛舌好香口，一客有成6件超滿足如果不夠更可無限追加。這6件高質的壽司拼盤也是送贈的！當中吞拿魚和珍寶大蝦都是我的最愛好鮮甜。吃罷拼盤可在任吃選項中點其他刺身和壽司！我們點了季節魚這夜是油香十足的劍魚刺身，另外還有軟滑鮮甜的帆立貝刺身，兩款都非常好吃可惜要留肚只能吃一件解饞嘴。這件鮟鱇魚肝軍艦一看便知是我獨食的！鮟鱇魚乾配上酸汁啫喱帶出微妙的味道，嗜此味的朋友萬物錯過。這個清酒煮蜆肥嘟嘟非常肥美！鮮甜蜆肉配襯香甜的清酒簡直是如魚得水之作。磯煮鮑魚調味非常不錯而且浸得夠入味，吃下口感煙靭味道香甜好精彩。今次有新驚喜餐廳特別請來串燒師傅製作15款全新串燒，只有Level 5的食客可以品嚐到，所以再滿足也點來三款試試，我們選了蒜香燒雞軟骨、醬油燒日本雞肝及醬油燒日本雞腎，串燒燒得非常金黃有焦香的味道，當中最喜歡非常Juicy的雞肝但實在太邪惡了。吃過一輪精彩的食物之後來到重頭戲壽喜燒開鑊，服務員會為我們用牛脂起鑊。燒至香氣出來便加入由日籍米芝蓮星級懷石料理大師長本輝彥先生設計及秘製招牌壽喜燒醬汁。由我以鮮味彈牙的日本櫻姬雞揭開壽喜燒序幕。然後到西班牙黑豚肉眼出場！豚肉口感柔嫩肉味香濃一點豬臊味也沒有超讚。來到車爸爸享用他的高級和牛，先來品嚐山形縣藏王和牛赤身肉和上肉，細膩美麗的大理石油花帶出入口即化的精緻甜味確有質素。接下來是兩款來自宮城縣仙台A5霜降黑毛和牛西冷和肉眼！前者肉質鮮嫩富口感牛味濃郁深得車爸爸歡心，後者則佈滿均勻的大理石紋口感鮮嫩，高質靚牛吃得他滿心歡喜。肉肉過後來一點海鮮解膩也是不錯的安排！我們點了海蝦、廣島蠔及帆立貝，三款也非常新鮮尤其海蝦超脆口和鮮甜可以Encore。最後來一個雜菜拼盤作結尾我倆已經舉手投降太滿足了。鹹胃已經被征服了但甜牙齒在蠢蠢欲動！先來件邪惡的一口榴槤球，外皮炸得香脆不油膩內裏滿滿榴槤蓉實在太香了。這兒的日式疏乎厘也是必吃之物！做得非常鬆軟蛋香亦十足配襯香滑忌廉及焦糖醬一起品嚐更加甜美可口。最後嘆多兩杯雪糕就圓滿了這一頓豐富的高質放題。餐廳更推出身高130cm以下的小童在成人顧客陪同下用餐，可於任何時段免費享受任食壽喜燒放題，父母帶小朋友一起去享受就變得更超值了。
繼續閱讀
為了慶祝生日，我搵到一間任食壽喜燒嘅餐廳，仲有買三送一優惠，即刻約咗朋友柴娃娃一齊去試新嘢，超興奮！一到餐廳，門口店員問我哋揀咩湯底，我哋選咗豬骨湯，店員就帶我哋去坐tatami座位。座位好舒服，我哋帶咗個BB，佢喺tatami上玩得好開心！店員帶位時好快咁講解咗食材同醬料放喺邊，服務算周到。我哋就去拎食材同醬料，返到座位見到個豬骨湯已經上枱。我心諗：點解係火鍋湯底？以為係食完火鍋先到壽喜燒，雖然覺得怪怪地，但見餐廳好忙，就冇即刻問，開始食先。食到一半，我問店員幾時可以食壽喜燒，點知佢話揀咗火鍋湯底就唔包壽喜燒！如果想轉食壽喜燒，要另外加錢（唔知幾錢）。我哋一聽就呆左！因為預約時我哋已經講明揀咗Lv4套餐（$498），按餐廳菜單，Lv1-Lv3（$228-$398）只有日式火鍋，Lv4先包壽喜燒。我心諗：我特登揀壽喜燒餐，點解而家食唔到壽喜燒？仲要加錢先食到，呢個玩法真係好怪！老實講，餐廳嘅食物質素其實唔錯，環境同服務都OK。但我畀咗壽喜燒嘅價錢，結果食唔到壽喜燒，真係好失望！如果餐廳喺訂位或帶位時清楚講明湯底同壽喜燒嘅分別，或者安排食物時更貼心啲，應該可以避免呢啲誤會。今次無得試壽喜燒，真係有啲掃興🥲
繼續閱讀
今晚去咗肉佐食咗最高等級Level 5 的和牛任食套餐，一共有140款食品，加上有預先訂座，餐廳就會送季節限定刺身，今晚送嘅係赤貝刺身，如果我哋有6個人，就會送鮑魚添！呢度嘅宮城縣仙台產霜降黑毛和牛，無論係肉眼、西冷或赤身都令人食到停唔到口！餐廳好貼心已經準備一些紙張教導怎樣食關東壽喜燒？原來壽喜燒汁係米芝蓮名廚秘製㗎！唔怪之得咁好味！其實除咗壽喜燒，仲可以涮涮鍋㗎！而肉佐仲有好多不同的飲品、熟食、串燒、刺身、火鍋食品等，其中牛舌の檸檬這款限量食品真的不要錯過！今晚我哋目標好明確，主力放在和牛上，本來計劃要瘦身嘅我，真的敵不過和牛的吸引力！都係食咗先算啦！😝😝這裡的甜品也非常之多，有雪糕、雪條、爆谷、布甸等女仕們的恩物，其中自家製芝士蛋糕和疏乎厘最值得推薦。
繼續閱讀
壽喜燒不嬲都係我嘅至愛，最近留意到銅鑼灣肉佐NIKUSA有個和牛壽喜燒放題，真係勁吸引😍 🌟Level 5 超豪快極上放題係最高級嘅Level，可以食足150分鐘😎 我特別期待品嚐宮城縣產仙台 A5 黑毛和牛及山形縣產藏王和牛😍😍 實現壽喜燒自由😆😍 除咗壽喜燒，level 5 仲可以任食檸檬牛舌😍 預先訂座仲送一份日本象拔蚌刺身💕 🍲壽喜燒汁由米芝蓮星廚特別為餐廳調配嘅壽喜燒汁，味道層次豐富，甜中帶鹹，唔會過於濃郁，完美襯托出和牛風味👍👍❤️仙台 A5 黑毛和牛西冷肉質細膩，油花分布均勻，入口即化，口感非常柔軟，記得沾日本蛋液一齊食，真係回味無窮🥰 ❤️仙台A5黑毛和牛肉眼比起西冷，肉眼部位嘅油脂更加豐富，肉質柔軟，配搭壽喜燒汁真係一流，唔叫真係對唔住自己🤣 ❤️藏王和牛赤身另一款值得留意嘅肉品❤️ 同油脂豐富的仙台 A5 黑毛和牛不同，藏王和牛赤身以瘦肉為主，肉質緊致卻不失柔軟，牛味濃郁👍 ❤️藏王和牛上肉即係上肩肉，兼具油脂同肉香😎 相比起赤身 上肉油脂更加豐富，肉質柔軟又有彈性，牛味濃郁，又係非常適合壽喜燒嘅烹調方式❤️❤️海鮮、串燒海鮮種類繁多，我哋試咗日本廣島蠔同埋扇貝，都非常新鮮👍 串燒調味適中，唔錯👍🍣壽司拼盤甜蝦、赤身、油甘魚、鯛魚、三文魚壽司，新鮮度極高，以放題質素嚟講真係無可挑剔💕❤️檸檬牛舌任食檸檬牛舌，口感超彈牙，外脆內軟，可以點檸檬汁食，或者配搭佢附上嘅特調芥辣醬同特調蛋汁🥰 唔係講笑，真係勁高質，估唔到放題都可以任食檸檬牛舌😍 真心大癲😍 除咗以上我點嘅食物之外，其實都仲有好多好多其他嘢可以食可以叫，不過我哋主打佢嘅高質牛肉壽喜燒同埋牛舌，叫咗幾轉都係保持好靚嘅質素👍👍 真心值得一讚❤️另外呢度嘅服務人員態度超nice, 上菜速度快❤️ 餐廳環境舒適，除咗有特色卡位之外仲有獨立廂房，非常適合聚會❤️ Level 5 超豪快極上放題，無論係食材的品質定係菜單多樣性，都有好高水準👍 對於喜愛和牛壽喜燒嘅食客，真係非常值得一試👍 大大力推薦🥰
繼續閱讀
火鍋放題吃過不少，關東風和牛壽喜燒放題都是初次品嘗，當然要吃得豐盛！裝潢充滿日式風情，設有榻榻米座位，環境寬敞，更設有包廂，私隱度十足，與三五知己聚會最適合不過！選了最豪華的Level 5 超豪快極上放題，可任食宮城縣產仙台A5黑毛和牛、山形縣產藏王和牛，亦提供刺身壽司、海鮮及串燒等，選擇多多。自助區亦提供多款火鍋食材、甜品及飲品任食任飲！刺身新鮮肥美，色澤亮麗，非常適合愛吃日本菜的朋友。和牛油脂分佈平均，肉質軟嫩，入口散發濃郁肉香，口感細膩嫩滑，可以無限追加，非常大滿足，CP值爆標，作為和牛愛好者必食！享用壽喜燒後，便可以加入鰹魚湯變成火鍋。不得不提，更可無限追加厚切牛舌檸檬，Q彈多汁又帶嚼勁，現在不用飛日本，在港也吃得到！選擇豐富，一個價錢就可以歎盡多款貴價美食，值得一試！
繼續閱讀