影片
更多
2024-05-28
450 瀏覽
上星期，文公子見識到一條成為逆市人氣店的好橋。說的是剛開業兩個月左右，位處餐飲業競爭激烈的銅鑼灣區，下面每層都是潮流食店的金朝陽中心二期八樓，連酒牌都未申請到的一家新店NIKUSA肉佐，現時晚市已是一位難求。剛好朋友訂了位，帶挈文公子有食神。日本菜香港不乏，肉佐的定位，是市場比較罕見的日本關東風和牛壽喜燒放題專門店，客人在享用壽喜燒後，可轉為特色湯底的涮涮鍋，為消費者帶來新鮮感。據稱，肉佐邀請到日籍米芝蓮星級名廚長本輝彥，負責設計壽喜燒醬汁，是有名牌效應的新店。來自京都的長本輝彥來頭不小，具30多年懷石料理經驗；其2022年創辦的懷石料理餐廳長本，已連續兩年獲米芝蓮評星。他以紅酒、味醂、醬油、清酒與黃糖調製的壽喜燒醬汁，醇厚鮮甜，足以成為招牌主打。放題最怕將貨就價。據觀察，肉佐在採購上能嚴選食材，牛肉與海鮮都非常揀手；有不少來自日本的食材，而且選擇頗多，款式更不是一般任食火鍋或放題店可比。而人氣店流轉快，亦確保了食材的鮮活。最重要者，是性價比高。肉佐的放題餐目價格由每位$228起，依據食品數量分為五個級別；等級越高，食材的選擇更多亦更名貴。我們選擇了最高級別者，每位先送上一碟雜錦壽司，
說的是剛開業兩個月左右，
位處餐飲業競爭激烈的銅鑼灣區，
下面每層都是潮流食店的金朝陽中心二期八樓，
連酒牌都未申請到的一家新店NIKUSA肉佐，
現時晚市已是一位難求。
剛好朋友訂了位，
帶挈文公子有食神。
日本菜香港不乏，
肉佐的定位，
是市場比較罕見的日本關東風和牛壽喜燒放題專門店，
客人在享用壽喜燒後，
可轉為特色湯底的涮涮鍋，
為消費者帶來新鮮感。
據稱，肉佐邀請到日籍米芝蓮星級名廚長本輝彥，
負責設計壽喜燒醬汁，
是有名牌效應的新店。
來自京都的長本輝彥來頭不小，
具30多年懷石料理經驗；
其2022年創辦的懷石料理餐廳長本，
已連續兩年獲米芝蓮評星。
他以紅酒、味醂、醬油、清酒與黃糖調製的壽喜燒醬汁，
醇厚鮮甜，足以成為招牌主打。
放題最怕將貨就價。
據觀察，肉佐在採購上能嚴選食材，
牛肉與海鮮都非常揀手；
有不少來自日本的食材，
而且選擇頗多，
款式更不是一般任食火鍋或放題店可比。
而人氣店流轉快，亦確保了食材的鮮活。
最重要者，是性價比高。
肉佐的放題餐目價格由每位$228起，
依據食品數量分為五個級別；
等級越高，食材的選擇更多亦更名貴。
我們選擇了最高級別者，
每位先送上一碟雜錦壽司，
有拖羅有三文有白身有和牛，
雖然食放題先食澱粉有點搵自己笨，
但今晚因為會食A5和牛，
用來養下胃，以免唔受得更多脂肪，亦都無壞。
在新張期內，每四位就送澳洲龍蝦刺身一隻，
size都應該有成斤重，單點都要$198，係回本之選。
今晚點了三文同白身魚刺身，
夠肥美，夠新鮮，流轉快係唔同d。
呢間主打壽喜燒，
牛肉、醬汁同蛋，都應講究。
事實上，除了醬汁由星級名廚調製外，
蛋係日本蛋，相當大只，
打成蛋漿，味道亦濃，可為燒牛肉提升嫩滑感。
至於主打的牛肉，
依放題價錢級數來講都有唔少選擇，
最重要係，我地選最高級數的放題，
只要另加100元，
就可無限量任食宮城縣產仙台A5霜降黑毛和牛。
仙台牛產自魚米之鄉的宮城，
只提供A5級和牛肉，
而肉佐就有三個唔同部位供應，
牛肉不是入口融化的滿口油脂，
而是食落唔油唔膩，
仲有層次，有口感，有牛肉味，
可以食多兩三轉都唔怕。
食完壽喜燒，改食火鍋，有四款湯底可以揀，
今晚選了麻辣湯底，
見到有日本午餐肉，用來食麻辣真係絕配。
其他火鍋料選擇都相當多，
食到大家不亦樂乎。
同行的女士似乎真係人人有兩個胃，
食完火鍋就起哂哄要食甜品，
經理推薦招牌日本梳乎厘熱香餅，即叫即做。
雖然上來個樣唔多似太平館的梳乎厘，
但反而唔使怕佢融化而要速速食，
食落幾有蛋味而且唔係死甜，
貌似配碟的忌簾，
食落都好軟滑，我就好鍾意。
可惜未有酒牌，所以只能飲無酒精飲品。
題外話/補充資料：
當晚7點左右上去，已經唔接受walk in，
下次可以食晏時間上去再試下。
(以上食評乃用戶個人意見 , 並不代表OpenRice之觀點。)
張貼