MAMTOM

餐廳位於尖東海旁，主打東南亞菜，食物款色多元化，價格合理，份量亦唔算少。整體裝潢獨特，帶異國風情，以木系為主，天花掛滿波波燈，播住輕快嘅英文歌，設有室外同室內位置，環境好Chill，店員服務態度有禮，出面好少有，絕對適合約朋友仔嚟放鬆一吓。前菜有脆皮炸青木瓜沙律羅望子釉，炸至金黃色，酥脆可口，唔油膩但感覺好邪惡，下面搭配大量薄荷葉等菜品食落更清新。芥蘭苗細細一碟，新鮮無渣，帶香氣，可以一試。主食有冬陰功紅鯛，原條上，賣相吸精，魚肉嫩滑多汁，啖啖肉，飲埋個湯都幾暖胃。另有凍米線，七彩顏色呈現，集合羊肉、豆芽、黃瓜、醃製青木瓜同胡蘿蔔、炸蔥頭、花生、蔥油、南方魚露，將全部嘢Mix埋一齊，層次感豐富，醬汁帶酸甜好開胃。甜點方面大推炸香蕉配椰子雪糕，香蕉即叫即炸，好甜好好味，搭配椰子雪糕神奇地Match。

數下數下都食左Chess House旗下唔少餐廳 包括人氣店Pasteako 整體水準都不俗Mamtom係最新一間主打摩登東南亞菜既餐廳 menu都幾吸引 大路野特式野都食到◦ Khao Soi通常都係配雞腿 呢間竟然係配油封鴨腿 我覺得餐廳好應該用佢黎做招牌菜喎( ͡° ͜ʖ ͡°)隻鴨腿真心係法國菜餐廳既水準 外皮酥脆 鴨肉輕輕用叉一扯就散開而泰北咖哩湯底極極極濃厚 去到沾麵既程度◦ Prime Rib Eye連牛扒都唔欺場 叫medium rare都真係比番medium rare.ᐟ‪‪‬牛扒既質素都非常唔錯 軟熟無筋 仲有牛骨髓牛油增添香氣 滿意～配左兩款東南西風既調味 — 菠蘿鯷魚醬同越南香菜油 幾清新又特別◦ Shrimp Pomelo Salad我最愛既經典泰式柚子蝦沙律 柚子份量好多 而且完全唔澀◦ Bo La Lot以前係柬埔寨試過類似菜式 估唔到香港食得番 唔同在佢用左羊肉 我之前試既係牛免治羊肉調味好香 用檳榔葉包住燒 食時可以用生菜包住食 想試下啲冷門啲既菜式可以試(˙𐃷˙)✿

位於尖東海傍附近嘅泰越酒吧餐廳Mamtom ，環境真係超級靚🙈天花佈滿波波燈，戶外亦都設有開放式酒吧區🥃🍻💕🍜Pho Bo Wagyu + Roasted Bone Marrow 餐廳嘅招牌菜之一，湯底由慢煮24小時嘅牛肉高湯熬而成，非常香甜，河粉煙靭十足，再加埋原條牛骨髓，脂肪味非常香濃！係非常高質嘅一碗Pho👍🏻👍🏻🥩Grilled NY Striploin 300g 肉質非常香嫩，再配搭青草醬等醬汁，帶出咗唔同嘅味覺享受🙈🦪Oyster Omelette 蛋香味十足，加埋洋蔥、酸瓜同辣魚露等配料，非常惹味🤭🍽️Morning Glory 每次食親泰國越南菜都必點通菜，蒜蓉同辣椒味互相配合，通菜炒得爽脆又唔會太油💕🍧Pineapple Sorbet in Pineapple shell 用菠蘿殼裝住菠蘿味嘅Sorbet ！非常清新又香甜，推薦食完嘢之後食呢個甜品作結尾，口感非常舒服。

今日晏晝，我同媽咪去咗一間位於尖東海旁嘅特色泰越Fusion菜餐廳。餐廳嘅裝潢以木質為主，令人感到暖和同舒適。天花板上懸掛著一盞盚盚圓燈，增添咗一份時尚感，而對面就係海旁，邊食邊望住海。餐廳提供室內同戶外座位，假如夜晚嚟，坐戶外飲杯飲品，必定好有feel。今日我哋點咗幾樣菜。CRISPY FRIED GREEN PAPAYA SALAD呢道沙律清新爽口，青木瓜脆口，配上香濃嘅醬汁，十分開胃。TOM YUM STEAM RED SNAPPER魚肉鮮嫩，湯底酸辣適中，真係好有泰國風味。BUN THIT NUONG - GRILLED CHICKEN雞肉燒得恰到好處，外脆內嫩，加上米線同新鮮嘅蔬菜，味道層次分明。BABY GAI LAN清炒小芥蘭，簡單但新鮮，為整餐增添一絲健康感。Fried Banana & Coconut Ice Cream炸香蕉外脆內軟，配上椰子雪糕，完全係味覺嘅享受。

今日經過尖東，發現有間隱世泰國越南菜，仲有清真認證嘅食品叫。未入去就有一道木門深鎖。一打開原來餐廳有室內同戶外選擇。室內掛咗好多吊燈，好有泰國風情。戶外可以睇到維港景色同朋友把酒談心非常一流。Spicy Chicken Satay 以香辣雞肉沙爹配上木瓜沙律、檸檬草、大蒜、椰子、辣椒🌶️伴碟。雞肉以炸雞方式烹調，外皮炸到非常脆肉身軟腍腍。沙嗲醬非常濃味，雞肉炸到比較乾身陪上啤酒非常一流。羅望子釉炸紅鯛魚 腰果和辣椒炸紅鯛魚真係第一次食，旁邊仲有腰果辣椒木瓜沙律配襯。有啲似上海鬆魚嘅感覺餐廳已將魚肉從魚骨分離，切成一嚿嚿魚肉，再拎去炸。木瓜沙律酸酸甜甜，唔會好辣好開胃。配埋個泰式辣醬同炸魚一起身，不錯。BB芥蘭苗非常鮮嫩嘅BB芥蘭，用乾蒜同油炒成非常簡單，但又入味嘅菜式好有鑊氣。炸香蕉配椰子雪糕炸香蕉非常好食，香蕉肉食落甜到剛剛好，咬落肉身唔會腍啤啤，是用新鮮的香蕉去炸。就算用叉切開，炸完的外皮都不會同香蕉肉分開。旁邊仲有兩球椰子雪糕伴着炸香蕉食，唔會dry, 非常滿足。西瓜沙冰餐廳用新鮮西瓜打製異性再加入糖漿飲落好清新消滯如果唔交糖漿更加健康。北海道啤酒啤酒溫度非常夠凍，飲落好有麥味。用

東南亞菜之中，以越南菜、泰國菜食得比較多，最近就同老友聚舊，相約過到嚟尖東嘅酒吧餐廳「MAMTOM」食晚飯，店家主打就喺新派東南亞菜，無論環境、食物、招呼，各項嘅體驗都好唔錯，所以，藉此分享一吓。開得晌尖東，除本地客，咁就梗喺以遊客為主要目標對象。鋪前有一大片室外座，如果天氣唔太凍，坐室外會比較更舒服，是晚氣溫其實都有啲寒，但加設有火爐，所以，都見到好幾枱客揀咗室外位。我哋呢啲頂唔到風嘅，就梗喺揀坐室內。其實坐向室內都好唔錯，整體裝修摩登得嚟有啲藝術感，紅磚牆之上，無咗太傳統嘅裝飾，相反天花就裝置咗一啲特色波波燈、划船嘅木杖，加上柔和燈光，蠻有氣氛。一大張餐牌，分咗類別為燒烤類、前菜、湯麵、主菜、配菜及甜品，菜名有中文譯名，不過，好細粒，挑戰我嘅老花，哈哈；另一張超長形嘅喺飲品餐牌，所有菜式都喺散點，無咩套餐選項。香辣雞肉沙嗲 $128雖然話賣東南亞菜，但都會融入西式元素，就好似呢道沙嗲，完全同平常所見嘅沙嗲串燒好唔同，先喺串起嚟嘅雞肉就大大件，好似食雞扒咁，啖啖肉，最正就喺肉質嫩滑，雞皮燒得有啲焦香，唧上少少青檸汁，添加幾分清爽感。而下面嘅醬汁餐牌就寫住用上香茅、大蒜、椰子、辣椒做成

二人行街睇燈飾，嚟到尖東海旁，突然發現一間靚景酒吧，餐廳入面裝修得好華麗，詳上面係一個個木抽屜，一邊長有幾個圓形嘅鏡，好似潛水艇船艙入邊嘅窗口，柱上面係包圍着皮帶。睇睇餐牌，覺得好特別，餐廳竟然係食泰國菜。餐廳在座位十分舒適，一坐低就叫咗一份小食，小食包含咗泰式米紙、生菜、青瓜、酸蘿蔔絲、菠蘿、米粉、炸蒜蓉及花生等等，自己DIY動手去包，配菜味道非常清新，好特別。接着係「馬拉盞炒通菜」，味道香濃，而且偏辣，通菜非常新鮮，而且爽口。主菜「煎牛柳」，五成熟牛柳肉質鮮嫩，新鮮又好味。食泰國菜，一定要食湯河粉，好鍾意泰式湯底嘅味道，今次叫咗美味「泰式牛骨髓牛肉河粉」，原條牛骨筒放在湯碗內，入面好多牛骨髓，保證真材實料，味道非常香濃。除此之外，叫咗兩杯特飲，一杯有酒精，另一杯係「芒果特飲」，味道特別又解渴。最後係甜品「榴槤椰子雪糕」，味道香濃又清新，食完之後成個口都充滿榴槤味。整體食物質素高，價格合理，環境舒適，非常推介。

今日喺尖沙咀行街，朋友帶我嚟到位於海旁的Mamtom，這裏環境有格調，裝潢有特色，座位寬敞舒適，而且食物質素高，泰國越南特色菜，選擇不少，適合一班朋友聚餐，情侶拍拖💗🌟#Grilled NY Striploin 300G 烤西冷牛扒烤西冷牛扒肉質鮮嫩，煎得外焦內嫩，每一口都散發著濃郁肉香，搭配微微煙燻味，好食🤤牛肉的油脂與肉質的結合，整體口感滑順，搭配香草醬或者鯷魚菠蘿汁醬，風味十足✨🌟#Shrimp Pomelo Salad 呢道柚子蝦沙律色彩繽紛，清新可口💗柚子肉新鮮，酸甜可口，而且份量不少👍🏻大蝦彈牙爽口，烤椰絲增添了獨特的香氣，炸蔥頭帶來一絲酥脆口感✨獨特的亞麻子和話梅糖汁，更添層次感，酸甜適中，令人感覺清爽🫶🏻🌟#Tom Yum Kung 冬陰功湯泰式冬陰功湯有加熱的熱座，保持溫度👍🏻輕微的辣味與酸味達到完美平衡😋泰國大頭蝦大大隻，蝦肉扎實鮮甜，而且仲非常多膏，鮮味與香氣十足✨搭配青檸葉和香茅獨特風味，湯汁層次分明👏🏻加埋粉絲，十分滿足😌🌟#Crab Fried Rice 蟹肉炒飯蟹肉炒飯，非常有鑊氣，新鮮的蟹肉鮮甜細膩，而且份量非常多，每一口都可以食到蟹肉的鮮味💗加上炒香的

📍 Mam Tom🌍尖沙咀麼地道62號永安廣場地下1-6及45-46號舖 Shop 1-6 & 45-46, G/F, Wing On Plaza, 62 Mody Road, Tsim Sha Tsui📝整體評分：１０／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝同男朋友慶祝生日，私心揀左尖東海傍的泰越酒吧餐廳，睇相裝修好別緻，室內天花一遍波波燈加埋情調黃光，有啲哈利波特style充滿古老魔幻感，要去打卡。原本坐室外有火爐好有feel，但今日太凍而我太虧，最後都係搬返入去坐。睇Openrice個個都有點招牌Pho Bo Wagyu加燒牛骨髓，怕太油膩就追加牛骨髓~ 慢煮24小時既牛肉高湯，牛肉味道濃郁卻無牛膻味，味道純粹簡單。Grilled NY Striploin 外層焦香內裡粉嫩，2個醬有啲多餘，海鹽調味原汁原味最好正。Beef Finger W/ Beef Tongue Curry 牛手指? 唔係好知黎，咁啱食到嘅都係牛舌，好軟淋，咖哩勁椰香，撈飯Very goodDurian Sticky Rice & Coconut Sundae 扮雪糕嘅榴槤肉 so

Grilled NY Striploin 300G $298男朋友同我點左5成熟，牛排口感外紮實內嫩口，面頭灑上鹽，帶出牛味，亦有2款醬可選擇，我地偏愛配青醬，更帶出香味Morning Glory $58味道鹹鹹甜甜，因為辣椒嘅關係而帶點少辣，馬拉盞帶出鹹香，通菜口感偏爽口Fired Spring Rolls $128春卷外皮貌似用左腐皮炸，所以炸到十分之脆，餡料由免治雞肉，粉絲，木耳，蘿蔔為主，帶出白胡椒嘅味道，十分可口Pho Bo Wagyu $168Add $75 牛骨髓由於煲左24小時既高湯，所以湯底好重牛味 ，牛骨髓個口感有啲似肥膏，不過配埋個河粉食，牛嘅味道更加突出，而牛肉都好大塊，用左西冷牛排同胸腩部位，再配埋紫洋蔥，帶少少辣味，味道再更加昇華Fried Banana & Coconut Ice Cream $118巨濃既椰子味雪糕，口感比綿，配上炸香蕉，口感好煙靭，加上巨量嘅花生碎，增加口感，而呢個配搭好新奇有趣，冷熱交換，味道都做到好出色，我地勁力大推依款甜品整體，環境好情調，昏暗嘅燈光配上輕快嘅音樂，而成間店既裝潢好有心思，利用咗藝術元素去設計，店員服務超級Nice

店內環境好舒適，好chill。服務態度都好好。上菜速度理想👍🏻我哋邊享受美食邊傾偈，全晚都好寫意。Menu有好多唔同嘅main course & 甜品選擇。好有特色。而且店員服務很好。上菜速度理想。1）泰式芥蘭苗芥蘭苗碧綠爽脆，😋炒得好香好惹味。口感十足係好味到停唔到口嗰種👍🏻性價比超高。必食推介。2）大蝦冬陰功湯呢個超有驚喜嘅冬陰功湯，唔單止香噴噴熱辣辣，蝦好大隻鮮甜彈牙。個湯都好美味👍🏻再配合埋粉絲一齊食，簡直齒頰留香😋好夾。真係好正👍🏻好好味，必試推介。3）Prime Rib EyeRib Eye Juice嫩滑。配料充足。好美味。再配合埋兩款秘製醬料，整體配合得好好👍🏻😋4） 雞蛋煎蠔餅 啖啖蠔仔，配料充足好香好食嘅。5) 榴槤椰子雪糕糯米飯真材實料。食完透心涼。好抵食。 整晚食物美味。餐廳有靚靚打卡位，啱晒好朋友聚會影吓相！😎👍🏻 再加上有一啲輕音樂，好relax。啱晒朋友生日聚會, 傾吓偈chill吓影吓相。

好友帶我去位於尖沙咀麽地道62號永安廣場地下1-6及45-46號舖的 MAMTOM 食午餐，環境舒適，有室內和戶外雅座，裝修雅緻及歐陸風格，令人身心舒暢地用膳。我和好友點左個：Grilled Lamb Chop ; Pho Bo Wagyu （noodles Soup) with add on Roasted Bone Marrow ; Morning Glory & DIY ; Dessert was Durian Sticky Rice & Coconut Sundae ; Drinks were Mango Silk Sling & Midnight Desire。整體黎講係高質素又好味的越南菜，烤羊扒皮脆肉嫩，越南牛肉湯河配牛骨髓好好味，炒通菜好惹味，越南米紙生菜包的材料豐新鮮又特色👍，榴槤椰子雪糕糯米飯好味又好食，兩款雞尾酒好清爽好飲。

想不到在酒吧格局的餐廳也可以吃到美味的東南亞菜! Mamtom主打特色東南亞菜，環境夠chill，令人彷如置身東南亞一樣。🥩Prime rib eye～400g 肋眼肉搭配骨髓牛油，豆蔻油和鯷魚菠蘿，肉味濃郁有嚼勁。🥬Morning glory～以蒜頭，辣椒烹調的通菜爽脆嫩綠，特別惹味。🐮🍲Pho Bo Wagyu (add on roasted bone marrow)～經典的越南pho！湯底是慢煮了24小時的牛肉高湯，配上胸腩及西冷牛排，河粉吸收了香濃的高湯，十分鮮味。🥬🍍🥒🥢DIY～以米紙及生菜，自由配搭及包裹着越南香草、菠蘿、青瓜，醃青木瓜和蘿蔔，再配上越南特色甜辣醬，口感爽脆，甜甜酸酸，十分開胃。🥥🍧Durian Sticky Rice & Coconut Sun～芒果糯米飯吃得多，榴槤糯米飯及椰子雪糕卻第一次試。榴槤及椰子雪糕香滑味濃，配上黏稠的糯米飯，甜而不膩。🍉🍹Watermelon Smoothie～西瓜奶昔鮮味冰涼，解膩首選。🍋‍🟩🍸Citrus Splash～以薄荷、梳打水，薑及柑橘調配而成的清新飲品，解渴佳品。

尖沙咀呢間主打fusion菜餐廳，除咗裝修夠晒靚，款式仲好多元化，好好味😋🟠烤羊扒呢道菜經過鹽醃處理，肉質鮮嫩多汁，外層烤得香脆，內裡卻保持咗豐富的肉汁。配搭開心果蔥油，增添咗香氣，又帶出咗羊肉嘅鮮味！😍🟣Pho Bo Wagyu呢碗河粉真係一流！和牛嘅肉質滑嫩，湯底濃郁，味道層次分明，香料和草藥嘅搭配恰到好處。河粉吸收咗湯底的精華，絕對係Pho愛好者唔可以錯過嘅選擇。😍😍🟢芥蘭苗清新爽口，脆口的口感食得出係非常新鮮！👍🏻

放工約左fd dinner位於尖沙咀海旁既越南餐廳設有室內、外座位室內裝潢以木系為主，天花縣掛波波燈，十分有氛圍感，可以暫時放鬆下feel so chill。𝐃𝐈𝐘 𝐇𝐊$𝟕𝟖𝐋𝐞𝐭𝐭𝐮𝐜𝐞, 𝐕𝐢𝐞𝐭𝐧𝐚𝐦𝐞𝐬𝐞 𝐡𝐞𝐫𝐛, 𝐩𝐢𝐧𝐞𝐚𝐩𝐩𝐥𝐞, 𝐜𝐮𝐜𝐮𝐦𝐛𝐞𝐫𝐬, 𝐩𝐢𝐜𝐤𝐥𝐞 𝐠𝐫𝐞𝐞𝐧 𝐩𝐚𝐩𝐚𝐲𝐚 & 𝐜𝐚𝐫𝐫𝐨𝐭𝐬, 𝐁𝐚𝐧𝐡𝐢 𝐇𝐨𝐢 𝐍𝐮𝐨𝐜 𝐂𝐡𝐚𝐦, 𝐌𝐚𝐦 𝐓𝐨𝐦生菜, 越南香草, 菠蘿, 青瓜, 醃青木瓜, 蘿蔔, 越南甜辣椒, 蘸醬自己落手包，係特別好食😂😂!隨自己喜好加入配料夾埋米紙、生菜一齊食，沾上蘸醬，味道酸酸甜甜，口感層次豐富。𝐌𝐨𝐫𝐧𝐢𝐧𝐠 𝐆𝐥𝐨𝐫𝐲 𝐇𝐊$𝟓𝟖𝐒𝐭𝐢𝐫 𝐟𝐫𝐢𝐞𝐝 𝐰𝐚𝐭𝐞𝐫𝐜𝐫𝐞𝐬𝐬, 𝐠𝐚𝐫𝐥𝐢𝐜, 𝐜𝐡𝐢𝐥𝐢炒通菜, 蒜頭, 辣椒蒜頭, 辣椒搭配爽脆通菜，鹹香惹味。𝐏𝐡𝐨 𝐁𝐨 𝐖𝐚𝐠𝐲𝐮 𝐇𝐊$𝟏𝟔𝟖𝐒𝐥𝐨𝐰 𝐜𝐨𝐨𝐤𝐞𝐝 𝟐𝟒 𝐡𝐨𝐮𝐫 𝐛𝐞𝐞𝐟 𝐛𝐫𝐨𝐭𝐡, 𝐛𝐫𝐢𝐬𝐤𝐞𝐭, 𝐬𝐢𝐫𝐥𝐨𝐢𝐧, 𝐫𝐢𝐜𝐞 𝐧𝐨𝐨𝐝𝐥𝐞𝐬 慢煮𝟐𝟒小時牛肉高湯, 胸腩, 西冷牛排, 河粉 𝐀𝐃𝐃 𝐎𝐍 𝐑𝐨𝐚𝐬𝐭𝐞𝐝 𝐁𝐨𝐧𝐞 𝐌𝐚𝐫𝐫