La Barra Tapas Spanish Restaurant

營業中

休息中

令人很失望的一餐 見到咁多人比好評又有IG page介紹以為好好食 仲要好難book位 終於去到試先發現 係勁普通，而且性價比極低🥹😅😅首先個環境係好細 坐得好唔舒服 當日坐吧檯位置都有少少逼 🙂‍↕️水要自己斟 當然都係會收加一🤗 嘢食方面就真係完全唔特別 再加埋個價錢嚟講係正常香港（嘅水魚質素唔推介大家再特別去試 當然撇除本身好鍾意試伏嘅專員😂😂😂😂餐廳有限時 坐夠個半鐘就要走 唔係話唔支持小店，但係啲嘢食可以再好食啲就會開心啲囉

嚟過幾次 真心唔錯印象中由帶眼鏡個位廚師整嘅係零舍好味😝橙色牆身、花紋牆磚、黃色掛牆燈配木系餐桌係一間好具有異國風情嘅小店放工喺度食tapas 飲返杯感覺好relax🍷🔸Broken Egg（$98）係我好鍾意食嘅「壞蛋」，由炸到好脆好香口嘅幼薯條、流心太陽蛋結合而成，食時將蛋黃同薯條撈埋，好味到停唔到口。🔸Panceta w/ toast （$62）西班牙火腿油香十足，多士烘到脆卜卜，配埋芝士碎食，極具風味。🔸Mushroom Croquetas （$20/pcs）每次必食！佢有2款可樂餅，我哋都鍾愛松露個款，外脆內creamy，香香嘅松露味在口中散發，yummy！.🔸Seafood Paella （$258）有新鮮青口、蝦、蜆等海鮮，配埋以龍蝦高湯燉煮成嘅飯，口味濃郁又煙韌。

這間西餐廳位於長沙灣，鄰近地鐵站，主打正宗地道的西班牙菜，大部分食材都自西班牙進口。店內部份座位為廚師吧枱，牆身用上鮮豔的橘紅色充滿西班牙風格，適合約會或多人聚會。松露蘑菇可樂餅 - $20蟹肉可樂餅 - $20墨汁魷魚可樂餅 - $20西班牙可樂餅以麵粉及牛奶製成，不含牛油更加健康之餘，還有濃郁的牛乳香及順滑感；​松露蘑菇有著濃厚的松露飄香的同時，又有菇菌的鮮香；蟹肉有絲絲香甜鮮味的肉絲；墨汁魷魚切開黑漆漆帶點鹹香。西班牙蒜油蝦 - $108多隻去殼去腸的鮮大蝦爽滑彈牙，有橄欖油的油香，又有濃郁的蒜味。焗鱈魚配紅椒醬 - $148三塊緊實彈牙的鱈魚扒，以西班牙鹽漬帶點鹹香，淋上香甜的自製紅椒醬烤焗，鹹甜相間帶點焦香。西班牙封門柳 - $168一片片粉嫩的牛肉，取自牛味最濃郁的部位，脂肪不多卻細嫩軟腍。西班牙油炸鬼 - $78金黃酥脆的油炸鬼，撒滿了肉桂粉，毫不油膩，蘸上濃稠的朱古力醬，加上雲呢拿雪糕球，強烈溫差很刺激。凍朱古力 - $38伯爵茶 - $28除了有多款Cocktails和Mocktails外，還有熱呼呼的伯爵茶，隱隱泛著佛手柑香氣；而濃郁的朱古力甜而不膩很順滑。

呢間仲係我屋企步行距離中最高質既餐廳 推介過比朋友同家人都滿意.ᐟ‪‪‬小店menu選擇唔算多但樣樣正宗又用心 價位又合理 人均400內飲埋酒都一定夠食◦ Patatas Bravas西班牙食過呢款tapas已經好喜歡 La Barra竟然可以將佢再昇華竟然用左千層薯啊 痴線架ฅ(º ﾛ º ฅ) 口感一層層脆脆地呢啲細節位就知間餐廳既誠意有多少◦ Crab Croquetas/Squid Croquetas兩粒croquetas都係心機之作 叫左crab同squid 餡料比例好高又好creamy 一切會見到一梳梳蟹肉而魷魚果個除左外表黑蚊蚊 都真係食到魷魚味道◦ Red Prawn Fideua紅蝦蝦味濃郁唔洗多講 仲多膏到痴線啊店員會幫手處理 倒番個蝦頭既汁同膏去個麵度 確保一滴都唔會浪費 不得了(*꒦ິ³꒦ີ)個短麵香港好少地方食到 其實幾似炒米粉既口感佢既質地係完完全全可以索哂海鮮湯同紅蝦膏 再撈埋topping既大蒜蛋黃醬 蕃茄醬同香草醬 層次十分豐富◦ Slow Cooked Octopus八爪魚經過慢煮出奇地軟熟但又保持到咬口 切成一片片鋪係薯蓉上 面頭再有大量paprik

要book位！要book位！要book位！自從去完西葡就成日被社交平台演算法大神推介西班牙菜～性價比唔錯，好彩有位～💚西班牙凍湯$68 酸酸甜甜又有㰖橄油，有啲似地中海區會飲到嘅湯，加埋沙甸魚添咗幾分鮮味～💛西班牙蒜油蝦$108必點！將彈牙嘅大蝦放係脆法包上面，淋少少蒜油，重口得嚟仲有雙重口感～💖西班牙海鮮飯$258必點之二：雜錦海鮮鍋有原隻青口、大蝦、蜆等，加自家製的海鮮湯炮製墨汁飯，啖啖精華～💖西班牙油炸鬼$78 呢個真係無得輸～熱辣辣炸起，跟凍冰冰雪糕同甜入心嘅朱古力醬，邪惡美味之選～💛日蝕時空$58 vs 綠野仙踪$58 啲名好fancy，其實分別係黑加侖子x 橙汁 同青瓜x青檸x薄荷組合，前者甜啲，後者好fresh PS 老闆話陸續出緊新菜式，有本地很少機會食到嘅西班牙辣椒入饌，已經諗定下次要約fd再嚟～📍La Barra(長沙灣站C2出口行7分鐘左右）#hkfood#香港小店#香港西班牙菜#長沙灣#長沙灣美食#西班牙蒜油蝦 #西班牙海鮮飯#西班牙油炸鬼

【La Barra Tapas Spanish Restaurant 】西餐除咗葡國菜 其實自己都幾鍾意食西班牙菜 今次同朋友就去咗長沙灣一間細細地嘅西班牙餐館 晚餐時間都幾多人 如果想試記得book定枱😇Hanger steak 💰$168牛扒煎得幾香 生熟度適中個底仲有薯蓉 整得幾smooth吸埋啲牛肉汁幾好食😋Huevos Rotos Broken Egg🍳 💰$98呢個係薯條配煎蛋 🍳 薯條切到幼身 配埋煎香咗嘅煙肉同埋流心蛋 好香口😋Patatas Bravas 💰$682款唔同味既千層薯仔穌 一款㒙偏辣 薯仔穌幾鬆化但唔係好有味 係單靠面頭個醬吊起個味 Crab Croquetas 💰$20蟹肉餅 有淡淡嘅蟹肉味食落幾軟身 正正常常Churros 💰$78我係超級鍾意食Churros🥰每次見到有Churros 我都一定會點😆佢比較硬身 面頭沈滿咗肉桂粉上枱嗰陣熱辣辣配埋雪糕同朱古力醬唔錯😌Basque Cheesecake 🍰 💰$88少有地呢個巴斯克蛋糕 佢係焗熱咗先上枱平時食開都係凍嘅 味道唔錯 亦都有好香蛋味 但係佢口感比較似海綿 唔算話好Creamy同che

週末搵嚟同朋友嚟chill吓以橙色主色，西班牙藝術磚牆風劃分木系餐桌及輕奢華吧枱區聽着澎湃嘅音樂，氣氛真唔錯傳統蕃茄多士$42烘得脆脆既多士塗滿蒜蓉蕃茄清新可口開胃菜蟹肉及墨汁魷魚可樂餅$20/件先食墨汁魷魚餅後蟹肉，因為蟹肉真係好濃郁，爆滿蟹肉絲比較重口味，細細件作小挺不錯西班牙蒜油蝦$108My favourite 🤩 爽彈蝦仁浸住橄欖油蒜蓉配上脆得可口既多士醮上爆發蒜香微辣簡直完美匹配，下酒一流西班牙海鮮飯$258~盤子薄薄米飯濕潤米粒吸收左海鮮精華濃郁米香，蜆介及青口滿海水鹹味好fresh，微微飯啊，焦帶點焦香西班牙油炸鬼又名「吉拿棒」肉桂香氣，灑了糖粒甜脆可口配蓉蓉濃朱古力醬及雪糕冰凍交集可滋味🌒Eclipse｜🧉Ice chocolate日蝕時空～輕漸變，迷幻又好飲

呢間歐陸式小餐館，餐廳裝修有氣氛，橙色配花瓷磚牆，木枱木凳。今日同老公黎拍拖食lunch，朋友介紹呢間西班牙菜好高質，所以黎試下先。🦐🥖 Gambas al Ajillo $108～西班牙蒜油蝦+烤脆法包，份量不少，蝦好鮮甜彈牙，蒜油有點辣辣地，淋上法包一齊食。🐙🥔Octopus "a la Gallega" $168～慢煮深海八爪魚+底層薯蓉，面頭灑上甜紅椒粉。建議八爪魚配薯蓉，一啖食落口，八爪魚好軟腍。🥘 Seafood Paella $258～西班牙菜，又點少得西班牙海鮮飯，濃濃嘅蝦膏飯底，薄薄嘅一層飯底，仲有飯焦，海鮮有虎蝦、青口、大蜆。〔 Mocktail 〕🍹Eclipse 日蝕時空 $58～底層黑加侖子汁，上層橙汁，兩者混合起來，好似日蝕嘅時候，所以有呢個名。🍹Grapefruit expresso 西柚咖啡 $58～好啱夏天嘅咖啡特飲，既有西柚的清新甜，亦有咖啡的醇厚。

🌟朋友知我鐘意西班牙食物，今日帶左我黎長沙灣呢間餐廳，門面冇過多的裝飾，簡約但有格調。🌟餐廳座位吾算多，但坐得舒服，有一排吧枱座位對住半開放式廚房，感覺開揚。🌟餐廳職員態度熱情，細心推薦當日special menu。🦀蟹肉可樂餅西班牙tapas 必食！相對大舊，炸得香脆，入面有一絲絲蟹肉😋🥘西班牙海鮮飯賣相擺盤一流👏🏻味道都相當出色。原個鐵盤上枱，即叫即整，職員細心地提供了隔熱手套👍🏻面頭的海鮮超級新鮮，好鮮甜。飯底稀杰度剛剛好，每粒飯都沾滿汁料，仲有海鮮粒粒，整體好惹味😋🥩Hanger steak 職員推薦的special menu 。 封門柳真係看得到的嫩😍肉味又濃，煎得夠香。🍨西班牙油炸鬼都係必食之選，熱辣辣外脆內軟。仲有朱古力醬同香草雪糕，一冷一熱更惹味。🍹西柚咖啡咖啡的香氣配上西柚的酸甜，係我最愛的飲品😍🍹日蝕時空黑加侖子加橙汁，搞拌後真係好似日蝕的感覺☺️🌟總括嚟講，餐廳店面不大，但職員人手充足，而且會細心留意我地需要，服務一流，食物更加令人滿足👍🏻

長沙灣極高人氣餐廳，主打高質西班牙菜，人氣必試西班牙海鮮炒飯及可樂餅，建議預先訂座。😍- 蟹肉可樂餅 HK$20 🦀外脆內滑!!蟹肉可樂餅外皮炸得金黃酥脆，餡料充滿了蟹肉絲及質地柔軟順滑薯蓉，帶牛奶香氣十足!!- 墨汁魷魚可樂餅 HK$20 🦑濃郁鮮味!!可同樣外脆內嫩，餡料加入了香甜墨魚汁、鮮味龍蝦湯魷魚粒，味道鮮美濃郁。- 西班牙紅蝦飯(時價) HK$348 🦐🥘必食超鮮紅蝦飯!!超大紅蝦爆出濃郁蝦膏，將所有蝦膏倒入充滿魷魚粒的香脆西班牙炒飯中，炒飯口感香脆，飯粒圓潤且吸滿紅蝦精華，味道濃郁甘香，鮮味在口中爆發，超好食!!- 西班牙封門柳 HK$208 🥩可以不試!!表面調味咸香並微焦，但封門柳肉質不夠嫩滑多汁。底部薯蓉非常順滑而且吸收牛肉精華，肉香十足。

放工相約到長沙灣看電影<九龍城寨之圍城>，在這之前順便在附近先用饍。餐廳不大，四張4人座檯還有一張8人左右的長吧檯，7點後已滿座，氣氛頗熱鬧，還好我們6:30入坐。餐前小吃蟹肉可樂餅及墨汁墨魚可樂餅，想試試不同及可以配上一杯我最愛的Esterlla Damm，可惜Esterlla Damm 當天無貨，即刻改叫一杯Cava，消消這悶熱天氣，亦是能百搭食物的標配。蟹肉可樂餅有蟹肉的甜美，而墨汁墨魚可樂餅則吃到墨魚的咸香，兩者都非常香脆 好吃，佐酒佳品。再來是Hanger Steak 配鷹嘴豆蓉這個也是要讚的，熟度7成左右，肉的外皮帶點焦香，肉味濃郁之餘帶點帶𡁻勁 不過韌配鷹嘴豆醬幼滑質感同吃有種相輔相成感覺，咀嚼之中封門柳上的鹽花在舌中釋放鹹味，再帶出味道層次。西班牙紅蝦配短麵，侍應介紹紅蝦一隻有80 gram重，但這個重量對我來說沒概念，上枱時才覺得原來這蝦是這麼大。侍應先讓我們拍照，然後把蝦頭內的蝦膏按出，再跟短麵拌勻。的確吃起來整個味道都很濃郁，短麵的質感是粉絲跟 米粉相近，相當吸味。而蝦肉亦有蝦膏，很美味。西班牙海鮮飯，海鮮有蝦、青口及蜆飯粒吸收了高湯非常入味，飽

我哋今次去食餐好嘅，一於就搵間異國菜料理啦🍴。見到呢間位於長沙灣嘅小店評價唔錯😆，舖頭食西班牙菜，成個氣氛都有南歐風情小酒館嘅感覺🍷。侍應服務親切，仲會介紹當日推介菜式🧑🏻‍🍳。.🍷Sangria ($88)呢款絕對係食西班牙菜必嗌嘅餐酒😍！以紅酒嘅甜香味作為基底🍬，加埋生果同埋梳打，令到酒精嘅嗆口感降低，反而加重咗生果嘅清新果香味🎐！.🥂Domino De Los Duques ($78)配合住咁chill嘅氣氛，另一杯餐酒就揀咗Sparkling🫧！飲落順口，提子香味好出，無論係甜度定係提子發酵嘅香味🍇，都好易入口。加上氣泡感足夠，好夾嘢食😝。.🥩Hanger Steak ($168)封門柳真心整得幾好，推介👍🏻！火候控制得啱啱好，外層有火炙過嘅香烤味道🔥，中間肉質仍然多汁軟身，粉紅色嘅肉質，流出好邪惡嘅肉汁💦。配埋鷹嘴豆泥，軟滑順口，打得超級綿👅，好好味。.🍝Fideuá De Pescado ($188)好有特色嘅碎麵，食落超級香口😋！海鮮味道超級濃郁，全部炒到入晒味，加上炒到邊位焦香嘅麵🔥，令到食落多一重香味。麵嘅質地本身夠腍，有一種東南亞炒碎米粉嘅感覺🍳，好特別。.🦑Squ

想食嘅餐廳滿座，改去食La Barra Tapas Spanish Restaurant。早一日預約，事前會有WhatsApp確認訂座。餐廳距離長沙灣地鐵站大約7分鐘路程。-餐廳鋪面細，座位小，唔逼，設有最低消費每人$250，食物種類少，部份要預訂。店員熱情，點餐前先介紹是日限定。-松露蘑菇可樂餅、蟹肉可樂餅 、墨汁魷魚可樂餅 每個$20可樂餅太細份，形狀不一，表面有醬，店員提醒最後先食墨汁魷魚可樂餅，外脆內呈奶油狀。松露蘑菇可樂餅，有菌香，口感糊狀。墨汁魷魚可樂餅，冇味，綽頭大過味道。蟹肉可樂餅最為出色，蟹肉多，配奶油口感綿綿。-Broken egg $98已經調味嘅幼脆薯條墊底，配臘肉粒、兩隻煎蛋，份量正常，煎蛋太熟，臘肉粒偏鹹，唔香，唔夾，薯條脆，友人笑稱似平時日本薯條零食，整體偏鹹，性價比略低。-Hanger steak $168封門柳係屬前菜嘅話份量正常，屬主菜嘅話份量太少，定價尷尬，調味生熟度剛好，唔韌，有牛味同肉汁，醬汁濃度剛好，冇搶味，墊底係鷹嘴豆蓉，份量太少，每舊牛肉沾咗少少豆蓉就話有，味道淡。-西班牙紅蝦飯 $368份量略少，賣相幾好，店員幫手處理紅蝦，飯入面有蝦肉

本住好評咁多咁去試點知係 極 度 失 望！叫嘅都係大家會叫嘅招牌菜餐廳侍應嘅態度亦都好差 特別係染金髮個位女士 上菜直接係客人食緊野嘅時候空降係你面前 感覺無咩禮貌 亦唔好客 感覺好差 水要叫先有 都唔緊要 個水杯係一大浸臭味肅味 好恐怖 好離譜！Hanger 最失望係呢樣！餐廳基本要做到嘅牛 係食過咁多間餐廳最唔好食嘅無問客人要幾多成熟 都唔緊要一上碟 見到4舊頭尾位 都唔緊要成碟牛係凍嘅 最過份係食到一粒粒鹽 一路食一路"dok dok"聲！ 可想而知個牛係攤到凍晒先調味 口感亦都好差 味道亦無咩特別味 只知道係一舊肉蒜油蝦無咩特別 蒜味亦唔突出 可以話係無咩味😑普通蝦球。。。紅蝦烹調手法亦無咩特別 個頭好容易就甩左出黎 似乎係解凍手法有啲問題$220 一隻紅蝦 唔expect 係咁嘅質素！Churros諗住甜品可以補飛 點知都係好失望好普通 質地亦唔好食個雪糕睇落好多雲呢拿籽 但其實死甜 唔香 亦無咩雲呢拿味😑 個朱古力。。一食就知係個啲平價朱古力 無誠意成餐飯最正常可能係伴碟嘅包興致勃勃咁去試新餐廳 點知係極為失望！

一直bookmark 咗呢間餐廳好耐 見到IG Open Rice 嘅食評都幾高分 滿心歡喜過嚟試吓 點知體驗極差漏單 上菜速度慢 味道一般三款可樂餅 蒜油蝦味道不錯 係細份咗少少西班牙海鮮飯真係好細份 香料味好重 上面都係普通 或者唔啱口氣激氣嘅黎啦深海八爪魚 $168細份唔洗講啦 啲八爪魚係凍㗎 下面嘅薯蓉就熱啲八爪魚好似白恰咁 蒜蓉湯上晒main 之後都冇湯飲我哋都好有禮貌問係咪落漏咗單啊？店員姐姐：湯？咩湯啊？蒜蓉湯？店員姐姐 你哋舖頭今日得一款湯 不如熟悉下menu先翻工催完發覺有落到單㗎 但未整喎 之後又要等15分鐘咁啦西班牙油炸鬼等咗15分鐘有湯飲好啦飲完嗰湯 又要等20分鐘先有甜品重點係隔離枱食完main 就好快上咗甜品我哋就等20分鐘咁上到黎雪糕係半融 會唔會係整好唔記得上菜呢店員態度有好有唔好男店員好細心會幫手refill 水另一個大年紀少少嘅女店員（定老闆娘）一邊食嘢一邊serve 我哋 有冇諗過我哋好肚餓咁等你哋上菜 你不如呑咗再同我哋講嘢？三個人850埋單 唔算好貴但食唔飽又要等整體就係overrated 懷疑啲食評都係請打手冇下次