入元朗揾朋友，佢推介有間工業風Cafe都幾Chill，有主食又有甜品有咖啡，於是就去試試。 同朋友各點咗一份主食，+$58就可以升級有埋頭盤、甜品同飲品，真係抵過單點太多！頭盤揀咗法式干邑龍蝦湯同煙三文魚牛油果田園沙律🥗真係超抵加。 西班牙麻辣海鮮, 魷魚筒意大利飯 $188 ———————————— 海鮮嘅份量都多，有魷魚筒、蝦同埋青口，好豐富。意大利飯煮得剛好，外軟內韌，裏面仲有一點點生嘅口感。充滿蕃茄嘅香氣，好掛住西班牙呀🇪🇸 香煎美國龍蝦(半邊), 虎蝦, 蟹子蝦子龍蝦汁手工意大利麵 $198 ———————————— 好大隻半邊龍蝦，煎咗嘅好香，啖啖肉🦞依款手工意大利麵粗粗地又好掛汁，粒粒蟹子蝦子令口感更加豐富。仲有虎蝦同菇👍🏼 污糟提拉米蘇 +$48 ———————————— 升級Proton甜品都好抵，$48就可以食到原價$80嘅Dirty Tiramisu🍫濃濃嘅朱古力醬好邪惡呀😋 Golden Beach Yuzu Lemon Pineapple Soda ———————————— 好清爽嘅梳打，夠晒解渴，好Fresh嘅感覺🍹 Rose Strawberry Latte (Iced) ———————————— 奶香比較重嘅Latte☕️玫瑰花瓣加上甜甜嘅士多啤梨味🍓夠晒少女心🌹

放工約咗朋友去海港城行街，行過見到港威商場三樓有間餐廳幾有氣氛咁，再睇吓餐牌，都幾抵食，就決定試試🍽️ 入到去發現成間餐廳勁大，有酒吧、酒廊同餐廳，去到餐廳位置食飯，座位好寬闊，坐得舒服。 餐廳主打多國菜Fusion，一個sharing menu餐牌已經可以試到唔同國家嘅風味菜式，今次同朋友揀咗款二人用嘅sharing menu($798 for two)，已經包括咗日式、印度、馬來西亞Fusion風味🌍 北海道刺身級帶子 ———————————— 帶子煮到剛剛好半生熟嘅狀態，面層少少焦香，熟度拿揑得好好🥹配上少少紫菜更加香口！連墊底嘅露荀都煮得好好食又冇渣。成個配搭又精緻又開胃。 日式海蝦蔬菜拼盤 ———————————— 健康又開胃嘅蔬菜拼盤🥗海蝦夠彈牙🦐牛油果、青瓜、紅蘿蔔、梨等等都好Fresh，開胃👍🏼 SAVVY特色雜菜湯 ———————————— 以紅菜頭紅蘿蔔西芹等煮成嘅雜菜湯，清甜又有營養，一啲都唔膩，飲完之後再食Main course啱晒。 鐵板印度香烤拼盤 ———————————— 羊肉卷好有特色，好香孜然味，仲有鱸魚同烤雞，非常豐富嘅拼盤。仲配埋蒜蓉Naan或者牛油Naan🇮🇳 澳洲乳飼羊扒(兩件) 豆芽及露荀配馬來西亞砂拉越黑胡椒汁 ———————————— 乳飼羊肉散發出濃郁羶香，依個係食羊嘅精粹，切落去係淡淡嘅粉紅肉質，入口質感細嫩，而羊扒又夠厚實。馬來西亞砂拉越黑胡椒汁夠晒特別，黑椒味好濃郁，好襯味濃嘅羊肉。 北印度香炸雜菜 ———————————— 北印度嘅特色小食，以麵糊包上雜菜後油炸，外脆內軟🇮🇳

成日聽人講太二酸菜魚好好食，留港嘅我就表示未食過啦🤣原來依排太二開到嚟香港仲有幾間分店，星期六同朋友去又一城，作為酸菜魚fans，要試吓太二先得🐟 老壇子酸菜魚(1-2人份) $258 ———————————— 1-2人份已經好大盤，真心夠食夠飽😋藤椒乾椒花椒都好出味，味蕾感受到刺激🌶️辣度都剛好，唔會太辣，重點係好香芝麻味同蒜香，魚肉非常滑又掛汁，食到流晒口水🐟加個紅薯粉都係+$20，好飽呀🤰🏾 蝦仁娃娃菜 $48 ———————————— 食菜健康呀🥬娃娃菜煮得夠淋，而且係上湯，加啲午餐肉碎仲增加咗鹹香嘅味道。 喜翻翻砂紅糖冰粉 $22 ———————————— 食完辣再食返碗冰粉解膩真係啱晒！紅糖甜甜地，唔會太甜，冰粉好滑，加上丸子煙煙韌韌咁幾過癮，依個價錢真係好抵食。 楊桃百香果檬茶 $28 ———————————— 依個搭配真係又解渴又解膩，好重果香嘅手搖飲品。

同朋友星期五放工後去睇聖誕禮物🧑🏼‍🎄見到海港城新開咗間韓式Cafe，小清新感覺☘️實在意想不到，鹹點甜點同樣驚喜好食😋 軟綿綿粟米蛋糕 $58 ———————————— 我本身好鍾意粟米味嘅食物🌽第一次見到有粟米蛋糕🍰梗係要試吓啦😋依個價錢，大大件，賣相都幾可愛，好抵食呀！甜粟米味加蜜糖，同蛋糕好襯，加埋脆脆餅碎，正呀！ 香濃花生夢幻冰沙 $95 ———————————— 真係好滿呀🍧花生醬甜甜嘅幾特別🥜真係少見花生味嘅甜品呀😝沙冰入面仲有幾嚿大麻糬，煙煙韌韌幾過癮。 韓式烤牛肉年糕 $86 ———————————— 第一次見長條形嘅年糕，口感煙韌，因為係長條形所以個芯唔會硬，整條都煙韌得剛好而且好掛汁，牛肉汁都好香好濃，幾特別嘅主食！ 橡果黑毛豬卡邦尼意粉 $108 ———————————— 個卡邦尼真係煮得好Creamy😋橡果黑毛豬同卡邦尼好夾，更凸顯卡邦尼嘅香濃。 海港城高性價比嘅餐廳！

放工去尖沙咀買聖誕禮物🎁再約埋friend打邊爐🍲經過金巴利道見到有間新開嘅香香宮煮，中式宮廷風裝修，座位寬闊，坐得舒服。 打邊爐湯底好緊要呀🍲我哋揀咗「昭陽公主椰子雞湯鍋」($298)，三黃雞嘅肉好彈牙，仲有好多大大隻新鮮蕃薯蜆，配合椰子、椰青水🥥個湯底真係好鮮甜又滋潤。 花花公主牛魔王拼盤(細) $428 ———————————— 有成七款牛嘅不同部位可以試，分別有頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花，最特別係有牛黃喉，薄薄一片，淥一陣就食得，口感爽彈。我最鍾意雪花肥牛，雪花分佈密集又細緻，又好掛湯，牛味都重🐮用嚟打邊爐真係勁正。 伊比利亞橡果豬 $178 ———————————— 由於隻豬食橡果大，豬豬嘅油脂會漸漸吸收橡果味道，令豬肉帶獨特香味，而且每片豬肉都有豐富嘅油花。 手打蟹子墨魚丸(四粒) $72 ———————————— 果然係手打，夠晒彈牙，有啲墨魚粒粒仲有蟹子更加過癮。 香香宮煮響鈴拼盤 $88 ———————————— 鬆脆到爆嘅炸響鈴，有半份外層滿滿金黃嘅鹹蛋黃響鈴，另外半份係原味，成個拼盤都好邪惡🤣

同朋友約咗係北角見個面打個邊爐🍲揾到馬寶道有間滾得囍宮廷火鍋小炒，裝修有氣派，置身於宮廷般，感覺坐得舒服，決定係度打邊爐！ 湯底揀咗「康熙花膠雞湯鍋」(半隻)($298)，果然係皇帝般嘅享受，成大塊花膠，補充膠原蛋白啱晒，半隻雞都已經好多件！雞肉好新鮮，雞皮啲油脂勁正😆湯底係用百幾隻龍崗雞每日熬八個鐘以上，所以真係好鮮甜！ 本地牛頸脊騸牯牛肉(細) $318 ———————————— 騸牯牛肉果然濃牛味，牛頸脊油花均勻，入口有嚼勁又唔會韌。餐廳上菜充滿儀式感😆 滾得囍餃子拼盤•十粒 $138 ——————————————— 每款餃子有兩粒🥟，五種口味，唔怕食厭🤣分別有和牛芝士一口餃、新鮮菜苗帶子餃、韭菜豬肉餃、馬蹄冬菇豬肉餃同芋泥豬肉餃，我自己就最鍾意新鮮菜苗帶子餃，菜苗新鮮又健康唔heavy，帶子好滑。 黃金雙拼(秘製鹹蛋黃醬) $88 ———————————— 鬆脆到爆嘅炸響鈴同炸魚皮，外層滿滿金黃嘅鹹蛋黃醬，真係好邪惡呀！ 美濃水蓮菜 $68 ———————————— 喺香港比較難揾，用嚟打邊爐真係好正呀🥹仲要好新鮮翠綠，口感爽脆，勁正！ 滾得囍豐盛雜菜拼盤 $78 ———————————— 打邊爐落蔬菜，吸晒湯嘅鮮味真係好正！依個拼盤都好抵食，有各款蔬菜，唔洗每款菜都散叫又可以食唔同類型嘅菜。 足料竹蔗茅根•一渣 $78 ———————————— 清甜解渴清熱氣，涼浸浸打邊爐啱晒！ 又要捧住個肚走啦😝

上個月去完睇富士山🗻真係好震撼好靚🥹超掛住日本呀🥹放工同朋友去到百德新街一間日式小店，裝飾得又精緻又可愛，食品飲品都好帶日本feel，好開心呀！ 焙茶富士山 $56 ———————————— 係一座綠色嘅富士山🗻400次焙茶奶蓋果然好濃厚，個奶蓋入口即溶，口感幼滑又細膩。焙茶味都好有茶香，不帶苦澀，混合埋奶係好夾呀！ 抹茶富士山 $56 ———————————— 係一座更綠嘅富士山😆抹茶味好出，如果鍾意抹茶嘅，不能放過又靚又好飲嘅佢。 紫薯MONT BLANC班戟 $158 ———————————— 紫薯蓉真係好濃郁，好正呀！揀咗抹茶味嘅Pancake再加栗子味嘅雪糕，個配搭又正又靚，一大座山咁🏔️ 松露香燒帶子 $138 ———————————— 輕食系列包括餐湯、沙律、主菜同茶，手工麵配松露Sauce加燒帶子都好吸引，不錯嘅輕食選擇！

放工同幾位閨密去尖沙咀行街買衫👩‍👩‍👧‍👧有位閨密就提議食日本菜，於是我哋揾咗間喺太子集團中心嘅日本菜，食物款式包羅萬有，大家都啱食！ 牛油果吞拿魚沙律 $158 ———————————— 看似簡單，但真係開胃又健康又好食！牛油果熟咗唔會係硬嘅🥑吞拿魚冇筋，特別在加埋芝士粒🧀有沙律菜同蕃茄仔就基本啦🥗 日式醬油和牛炒麵 $128 ———————————— 洋蔥🧅嘅香氣實在太正，醬油炒得唔會太鹹，加埋少許菇嘅香味，令個炒麵更加豐富，和牛粒同炒麵都好夾，醬油入晒味。 海老野菜天婦羅拼盤 $168 ———————————— 好多件天婦羅呀！仲要大大件🍤首先兩隻海老真係勁大隻，蝦肉都新鮮，炸皮唔會太厚，拼盤有我最鍾意嘅南瓜天婦羅，太好啦😆 月見照燒免治雞肉棒(2串) $68 ———————————— 點咗數款串燒🍢依個免治雞肉棒真係正😋配上橙黃生蛋黃，免治雞肉有綿綿嘅口感，入邊有少少脆骨，沾上生蛋黃食更有順滑嘅感覺。 開心嘅相聚👩‍👩‍👧‍👧希望下次再約啦！

等咗好耐嘅Airside終於開幕啦🎊啟德居民終於可以買嘢方便啲，仲有多啲食肆選擇呀🥹第一日開幕，我就急不及待去行吓同揾間餐廳食晚飯。 六樓係商場嘅空中花園，地方大又靚，仲係Pet-friendly，有間濟州式Cafe係空中花園，有空內外位，嚟Chill吓，或者帶毛孩嚟玩都好合適，嚟渡過悠閑時光⛅️ Terrace in Picnic Time $138 ———————————— Airside分店限定，勁適合Tea time，加埋空中花園個環境，好有Picnic嘅小清新感覺🍀五款糕點包括香糯紫薯米糕、玄米脆脆牛油紅豆餅、海苔費南雪小蛋糕、軟綿黃豆麻糬串同忌廉奶油菊花餅，仲有杯茶，啱晒Picnic🍀 清甜柑橘窩夫 $98 ———————————— 啲Cream超軟綿綿，配上富蛋香味鬆軟嘅窩夫🧇真係好正呀！加咗好多新鮮柑橘🍊同窩夫好夾呀，唔會覺得heavy😋 燒醬油黑毛豬白切肉紫蘇飯 $138 ———————————— 紫蘇飯加埋芝麻真係好香口，黑毛豬五花肉肥瘦相間，尤其豬皮位個肥膏再厚啲，口感軟糯，好送飯呀！ 濟州柑橘乳酪 $68 ———————————— 超可愛，成大個柑橘🍊飲落去好多果肉，原來柑橘同乳酪咁夾，好清新呀。 紅豆抹茶牛乳冰 $52 ———————————— 抹茶同紅豆真係好夾呀，粒粒冰感，唔會太甜架。 提拉米蘇 $58 ———————————— 勁出色呀😋好厚嘅Cheese cream勁軟綿綿，大量可可粉豐富咗成個層次，配上濕濕哋嘅餅底，勁正呀🥹

秋天來臨🍂又到食蟹嘅季節！行Airside見到樂天皇朝有個「蟹」主題嘅Menu，決定試試。 蟹粉拌麵 $128 ———————————— 實在太多「蟹」主題嘅菜式可以揀，不過同朋友兩個人試唔到太多，所以點咗個蟹粉拌麵🦀蟹絲蟹黃配埋炸蔥，入口勁香呀，拌麵好掛汁，唔會乾身，真係好食😋 成都口水雞 $88 ———————————— 雞皮同雞肉都好嫩滑，仲好入味，涼菜嘅一種。唔會好似白切雞與辣油，雞還雞，醬還醬嘅感覺。配上花生、蔥花，非常開胃。 招牌原味小籠包(黑豚肉) $75 ———————————— 一份六粒，粒粒都超爆多湯，皮薄餡靚，黑豚肉比普通豬肉更重肉香。 川味涼皮 $58 ———————————— 好開胃嘅涼菜，質感好爽好彈又掛汁，醬汁少少酸辣好惹味。 希望可以去多「蟹」逅，試多幾樣蟹主題嘅菜式！