Kopitiam By Saya

營業中

休息中

荃灣呢間有海景嘅泰國菜性價比超高，餐廳由米芝蓮廚師主理，食物有保證❤️，難怪平日夜晚去都爆曬場！🦐 生蝦刺身十分精緻嘅生蝦刺身，生蝦肉質鮮嫩，色澤透亮，都幾彈牙，配傳統綠色嘅泰式辣醬，非常惹味🌶️。🍢 沙嗲雞串配烤多士雞肉串嫩滑，燒得好香，配金黃酥脆嘅多士沾上沙嗲醬，又估唔到咁夾，沙嗲醬好有花生味，但唔會話太濃郁，好適合做開胃菜👍！🍲 冬蔭海鮮湯湯底用椰奶和香料調出濃郁味道，聞起嚟特別誘人😋，酸酸辣辣啱啱好，入面有新鮮蝦、小魷魚同青口，十分足料。🍛 紅咖喱檸檬葉燒封門柳會話呢個係本晚No.1，嫩滑封門柳燒得啱啱好，肉質粉嫩，融合清新嘅檸檬葉，每一啖都帶住濃濃的東南亞風味，口感層次豐富🌿。🍚 爆蒜炒蟹肉滑蛋飯傳聞呢個係招牌菜，嗌咗中份，白飯上嘅滑蛋唔會話太生或太熟，有好多唔同嘅泰式調味料，包括：炸蒜蓉、蔥花、辣椒，十分之惹味🔥，不得不提佢嘅蟹肉份量一啲都唔孤寒！每一嚿都非常大粒，一啖可以試晒蟹肉滑蛋同飯。🦀 咖喱蟹汁炒軟殼蟹炸軟殼蟹配香濃咖喱蟹汁，味道層次豐富，蟹肉鮮嫩，外皮酥脆，仲有唔同配菜，搭配濃郁咖喱醬汁添🍛。🍡 芒果糯米飯必須嗌嚟收尾嘅甜品，香甜熟芒果切片搭配淋上咗濃濃的椰奶糯米飯，

荃灣海之戀都有SAYA依間米芝蓮推介既茶餐廳~ 上星期約左朋友去試試,見佢個Menu 雖然係米芝蓮,但整體上唔算貴!!!👑魚露金不換浸花甲(HK$98):好有驚喜既菜式,本身以為係熱食，點知凍食，仲要有刺身嘅感覺🤩花甲咬落非常之爽口💯👑爆蒜炒蟹肉滑蛋飯(HK$88):巨多蟹肉,而且唔係蟹肉碎!!!配左好多蒜炸蒜~超級香口👑煎香草比目魚配香茅椰子湯(HK$158):個比目魚份量又係震驚左我😂係同我個面一樣咁大😂不過如果個湯可以熱住就會好d🤭✅燒生蠔(HK$32/1):做緊買五送一優惠,如果一大班人食嗌得多都幾抵🤭✅生蝦刺身(HK$58)✅飛天炒通菜(HK$88)Mocktail🥂🥂Sang Kaya🥂Sunset

今晚去咗Kopitiam By Saya，呢間米芝蓮必比登推薦真係唔好小覷！位於荃灣海之戀商場，環境靚到爆，坐埋海景位食泰菜，好有度假feel。蝦多士蝦肉新鮮得嚟，多士外脆內軟！飛天炒通菜炒得剛剛好，保留住菜心嘅爽脆，真係唔錯。泰式酸辣鳳爪酸酸辣辣，超開胃！魚露金不換浸花甲，花甲啱啱熟，好肥美好鮮！泰式炸蠔餅外脆內軟，蠔味濃郁，超級大份。炭燒豬頸肉炭燒香味十足，好爽口。泰式炸蝦餅炸得金黃，有蝦味，好食。主食點左和牛炒寛河粉嘅牛肉勁多，河粉炒得好滑溜！黑胡椒蟹肉炒飯黑胡椒味唔係好勁，唔會蓋住蟹肉嘅鮮味，蟹肉都係勁多。晚市６點開市，今日未夠鐘就已經有人排隊，下次一定要早啲黎，坐埋個靚位，望到海景，CHILL住食泰菜。

最近海之戀原來開咗一間泰國菜Kopitiam by Saya，依間泰國菜都幾有名氣，今日晚上我嚟到嘅時候，餐廳出面已經排咗長長嘅人龍。菜單上面選擇都幾多，分別有小食，海鮮，炒粉麵飯，湯麵同埋一啲肉類。炒金邊粉金邊粉炒得一啲都唔油膩，入口彈牙爽口，有蛋香味，亦都唔會太過辛辣。檸檬葉燒雞呢隻燒雞係燒全雞，雞肉非常之嫩滑，入口有肉汁，由於用咗檸檬葉燒嘅關係，所以入口有香濃嘅檸檬葉香味。和牛炒河粉河粉最驚入口係太過濕潤，又或者太過油膩，但係依一個河粉炒得啱啱好，入口有香濃嘅鑊氣，火候掌握得非常之好。最後我哋仲叫咗一啲泰式甜品，作為今餐嘅結尾。整體嚟講，我覺得今餐嘅食物質素非常之高，價錢亦都好合理。

榮獲 2024 年米芝蓮必比登推介的泰國餐廳「Restoran SAYA」於荃灣海之戀開設分店「Kopitiam By SAYA」，作為一名泰菜愛好者今天帶同男友前來朝聖，主打泰國華僑料理；以東南亞咖啡廳概念為主調，裝潢融合大排檔、茶餐廳、早餐店及 cafe 風格，綠意盎然配合泰式裝飾而不失現代感，更可飽覽海旁景色-🔹生蝦刺身 $58生蝦爽嫩鮮甜，配搭蒜頭、辣椒及泰式酸辣汁好滋味-🔹燒生蠔 $32買 5 送 1，生蠔肥美飽滿有一隻手掌之大，表面鋪上蒜蓉及炸蔥；蠔肉鮮嫩軟滑，汁多富海水及礦物味道，肥美甘甜-🔹蟹肉奄列 $178份量足，厚厚的奄列包裹著大量雪白蟹肉；奄列蛋香濃郁帶微微焦香，蟹肉幼嫩鮮甜，蘸上泰式辣醬令味道層次提升-🔹紅咖喱檸檬葉燒封門柳 $168封門柳燒至約 5 成熟，顏色粉嫩；入口緊緻軟嫩帶豐富的肉香，紅咖喱及檸檬葉味道清雅溫和-🔹飛天炒通菜 $88翠綠爽嫩，不油不膩很惹味-🔹桔仔柚子蜜 $28🔹青檸梳打 $28

入左米芝蓮推介!!!超好食份量十足，入到去座位寬闊有格調，難怪6點左右就差唔多滿座，一定要食爆蒜炒蟹肉滑蛋飯 ，蟹肉激大粒😍紅咖喱檸檬葉燒封門柳 $168封門柳肉香肉而且嫩，呢個部位肉質唔肥主要食佢嘅肉香，咬落去一啲都唔韌，配上側邊酸甜嘅醬汁更加吸引🤩生蝦刺身 幾大隻而且厚肉，夾埋蒜片、辣椒，蝦鮮甜肉質爽嫩配搭特色醬汁，酸酸辣辣！爆蒜炒蟹肉滑蛋飯 $88我的最愛❤️中size份量都好足夠，底部係香滑炒蛋唔過火，上面加上拆肉的蟹肉，勁大粒好驚喜，炸蒜、香蔥和辣椒係點綴，成個飯有海鮮鮮香又有蒜辣惹味。檸檬葉燒雞全隻第一次食檸檬葉燒雞，雞好大隻，足夠4人食食落真係有檸檬葉香，雞肉好滑，配2種特色醬汁，推薦👍🏻沙嗲雞串配烤多士比平時雞串大一倍，雞肉烤至金黃😆內裡肉質嫩滑，沙嗲醬比較甜身風味十足，烤多士酥脆九肚魚勁香口yumm

今日又帶大家食米芝蓮 ⋆ Kopitiam By SAYA 同樣由泰籍廚師主理無論員工 環境或菜式 都十分推薦 ᵎᵎ◟ 泰式酸辣鳳爪 $68 酸中小少少微辣◟ 金柚子芒果沙律 $88 甜甜地好開胃◟ 飛天炒通菜 $88調味唔會過濃 有泰式地道感覺◟ 椒鹽本地魷魚仔 $128 新鮮又惹味◟ 新鮮椰青 $48 夠曬冰凍◟ 炭燒大頭蝦 $96香港比較少食到咁大隻原味大頭蝦 好滿足◟ 檸檬葉燒雞全隻 $288肉質嫩滑 燒過後亦能鎖住水份 😋◟ 紅咖喱檸檬葉燒封門柳 $168燒得啱啱好 帶有香葉味道◟ 爆蒜炒蟹肉滑蛋飯 $88點左中份都好足夠2人分 蛋炒得好滑 而且蟹肉份量絕對唔吝嗇 ♡ˊ◟ 芒果糯米飯 $68糯米飯煙韌軟糯 配埋香甜芒果真心好好味 ˘³˘

荃灣西同元朗真係好近，搭兩個站就到，所以我同老公經常搭西鐵由元朗去荃灣西海之戀食飯行街😄！今次我地揾到呢間好多人都排隊但價錢又親民嘅餐廳試吓🇹🇭！原來係2024年米芝蓮必比登推介泰國餐廳Restoran SAYA 開嘅泰菜餐廳✨！全部嘢都好好食，而且價錢都好抵！之後一定會成日去食😋！🦐生蝦刺身 $58/4隻生蝦刺身肉質厚實，肉色晶瑩剔透，口感彈牙，搭配蒜片同泰式酸辣汁，味道更加惹味。🦐炭燒大頭蝦 $48/2隻炭燒大頭蝦散發著炭燒香氣，燒到蝦殼脆口，蝦肉新鮮彈牙！蝦頭先係重點！裏面充滿豐富嘅蝦膏，鮮甜美味！🦪燒生蠔 $32/隻生蠔肉肥美飽滿，表面撒上蒜蓉一齊燒烤，散發出濃郁嘅蒜香味。🌶️辣椒膏炒花甲 $128花甲肉質飽滿鮮甜，完美吸收了辣椒膏嘅汁，香辣惹味，令人忍不住一口接一口。🦀咖喱蟹汁炒膏蟹 $398膏蟹非常有驚喜，因為真係非常新鮮都多膏！蟹身已經好多甘香嘅膏，蟹蓋嘅膏係爆滿到食唔晒！而蟹身嘅肉係一梳梳非常彈牙鮮甜！而咖喱係好香香料味，而且炒到青椒紅椒洋蔥嘅甜味出晒嚟仲係我地至愛嘅加蛋嘅煮法，又香咖喱味又濃稠又有蔬菜嘅甜味，同蟹肉都十分之夾！🦀黑胡椒蟹肉炒飯 $128黑胡椒蟹肉炒飯的蟹

一行八人去咗呢間好似係有米芝蓮廚師嘅泰國菜星期六估唔到都有Lunch Menu 每個餐都唔過$100就算係叫炒菜都只不過係$50有找所以就將個Menu嘅嘢差唔多都食晒😂🐔青咖喱燒雞飯 雞髀肉燒得啱啱好一啲都唔鞋青咖喱辣度比出面高好正 出面多數都唔辣🤣啲朋友仲撈晒啲汁食飯 係今餐最好食嘅🐷 咖喱蟹汁豬頸肉飯 頸肉炭燒香脆加埋個唔太辣既蟹肉咖喱汁，蟹鮮就唔係好食到但汁唔辣 啱啲怕辣既朋友🐈醉貓肉碎河粉 河粉乾爽唔油 河粉唔多不過蔬菜反而好多女仔食得曬啱啱好不過男仔就可能食唔飽啦🥲🦀爆蒜蟹肉滑蛋飯 蟹肉份量好多 滑蛋上面炸蒜片好正又脆又香口 不過蟹肉味唔算濃 不過不失啦 🛶曼谷街頭船麵 啲麵唔會煮到淋曬 都幾好食 不過唔算滑但就算唔飲個湯 啲麵都幾吸到個湯既味 中意澱粉質既不妨一試☺️ 🍚蔥油豬扒飯 豬扒夠厚切份量唔少 蔥油味都OK欣賞佢個豬扒有連住骨嗰舊肉 正 不過偏肥🙃仲有叫咗啲菜啊小食啊咁最尾每人都只不過係$150左右 😍有少少驚喜估唔到係海之戀都會有咁平嘅泰國菜而且味道都唔差 唯一要挑剔就係食完有少少口渴🥶……

人氣餐廳，我們是晚市的第一枱客，入座後見其他顧客陸續入座，看來相當受歡迎。魚露金不換浸花甲新鮮花甲以魚露、金不換及蒜末燜煮，湯汁鮮甜微辣，花甲肉嫩滑無沙，金不換的香氣突出，是一道開胃的海鮮前菜，全晚最喜愛這個菜式，必點！咖喱蟹汁炒蝦大蝦以濃郁的咖喱蟹汁快炒，醬汁融合了蟹黃、椰奶和泰式香料，蝦肉彈牙，醬汁香辣帶甜。 煎香草比目魚配香茅椰子湯 比目魚肉質細緻，喜歡香茅椰子湯，湯中帶有檸檬葉和南薑香氣，風味清新平衡。 紅咖喱檸檬葉燒封門柳封門柳以紅咖喱醃製後燒烤，肉質軟嫩，檸檬葉和香茅的香氣滲入肉中，惹味。 飲品Virgincolada由椰汁和菠蘿混成，是無酒精版的Pina Colada。 凍泰式奶茶茶香濃郁，冰涼順滑。

新開果陣已經有留意，日光下係外面望入去異國風情裝潢配大片的落地玻璃窗，環境好似海港城海景餐廳感覺👍🏻，飽覽荃灣海旁景色好適合好友聚餐 & 約會，之前食過大角咀總店，荃灣店都食到招牌蟹肉奄列，荃灣店主打泰國華僑菜式，味道唔錯會回訪🐚魚露金不換浸花甲有記憶點，花甲好多肉，魚露味道令花甲提鮮到另一層次🦐炭燒大頭蝦燒得幾香，蝦肉彈牙，蝦頭有膏，價錢幾抵🥭金柚子芒果沙律好足料，生果酸甜適中，好開胃🍤生蝦刺身大隻新鮮，點埋酸辣汁幾惹味🦀蟹肉奄列大角咀店食過，蟹肉份量多，調味適中🥘炒海鮮金邊粉金邊粉炒得幾好唔會一舊舊，味道係想像到的味道🥭芒果糯米飯 芒果份量足夠，保留有口感的芒果唔會完全熟爛，加埋椰漿同糯米食就剛好，糯米飯多小小會更好🥤凍泰式奶茶 有茶香，甜度係半糖甜度

大角咀人氣東北泰菜「 Restoran SAYA 」連續三年獲得米芝蓮必比登推介，今次就來到荃灣西海之戀商場 姊妹店「 Kopitiam by SAYA」，餐廳以東南亞咖啡廳的概念為主調，採用綠意盎然的泰式摩登風格，融合現代設計元素與傳統泰國裝飾，一進門就感受到濃厚的異國情調，設有大片的落地玻璃窗，可以飽覽荃灣海旁景色，晚市菜單主打海鮮菜式，晚上八時後入座，可享有海鮮七折優惠。沙嗲雞串配烤多士 $48/2pc串燒啖啖肉，燒得表面帶焦香，肉質入味不鞋口，點些沙嗲醬更加惹味開胃，還可以塗上脆卜卜多士。泰式炸蝦雲吞 $58/6pc炸雲吞外皮輕薄脆身，內餡包著Q彈蝦膠，沾上甜酸醬汁，可減低炸物的油膩感。泰式炸蝦餅 $68/4pc外層炸得金黃脆口，將鮮蝦剁成泥、反覆摔打增加黏性，內餡扎實彈牙，飽滿鮮甜。海鮮炒金邊粉 $128 海鮮配料包括青口、鮮蝦和魷魚，加上豆腐乾、芽菜、蛋絲及泰國金邊粉，還可自行混合花生粒或辣粉，金邊粉炒得幼滑爽口有鑊氣，甘甜酸香徐徐滲出。爆蒜炒鮮蝦滑蛋飯$88 （中）鮮蝦肉質新鮮爽彈，灑上炸蒜、泰式香料及蔥花辣椒，蒜香撲鼻，飯粒纏著一層滑溜靈動的半熟金黃蛋汁，拌飯一流，

🥭🍚 個賣相唔錯，椰漿好香，芒果夠甜，糯米飯煙韌得嚟又唔會太黏牙，仲要有淡淡椰香綠糯米咩貓貓草和牛炒寬粉，唔記得個名，好好味，大推～一上枱就聞到陣香味，寬粉炒到啱啱好，唔會太淋又唔會硬，好有口感，個調味，醬油同黑椒嘅比例啱啱好，唔會太鹹又唔會淡茂茂，仲有啲洋蔥同泰式香料吊味，食落去層次感十足，番茄仔同粟米荀等配料夾得幾好～超抵食蠔：8:00後有7折買5送1，圍起18蚊左右一隻大大隻蠔～生蝦：醬汁幾好，蝦新鮮天婦羅九肚魚：天婦羅九肚魚好推薦～一上枱就聞到蝦醬味，炸到金黃色脆卜卜，外皮薄脆得嚟又唔油膩，咬落去「咔嚓」一聲，正到痺！入面嘅九肚魚肉超級嫩滑，幾乎係入口即化，鮮味爆晒出嚟蒜末炸得好好，入面呢就連魚骨都炸到脆晒，可以成條食，好香口～沙爹雞肉多士串燒：醬汁整得好好，推薦～

朋友嘅屋企人生日，所以想揀個好啲嘅地方食一餐生日飯，而且見到近排都有人講呢一間泰國餐廳，佢喺海之戀商場，所以可以望到海景又食到泰國餐。入邊嘅裝修都幾靚，同埋啲枱同枱之間都有距離。上網見到八點後入座海鮮菜單有七折，係一定要八點後入座呢個時間先會有七折。所以望落都幾吸引。都點咗唔少嘅款式。嚟到呢度一定要點泰啤，咁先似食泰國菜。我覺得呢個蝦餅係必點嘅，因為佢炸得非常之脆，又唔會太，蝦餃嘅口感好彈牙，仲配埋個甜酸醬超惹味。呢個蟹肉奄列都好大，裏面都好多蟹肉，都係必點嘅。比目魚椰子湯，原來係成嚿比目魚煎得勁香，個外皮好脆，而且個湯好鮮，個湯唔夠飲，應該係要成煲上。金邊粉冇乜特別比較普通。呢個粉絲蝦煲可以唔使點，因為完全冇味，佢俾咗個綠色嘅醬，完全同啲粉絲唔夾。以為呢一個芒果糯米飯好好，個芒果係甜，但係發覺個糯米超硬，完全失水準。

曾獲選米芝連推介餐廳，食物質素當然有保證啦！我哋6點去到，未夠7點已經全間餐廳坐滿！傍晚時分坐窗邊位置仲可以睇到日落靚景🌅🐟 椒鹽九肚魚天婦羅重點推介必食👍🏻一上枱周圍嘅食客已經望住勁吸睛，原條九肚魚炸到好香脆，魚肉滑嘟嘟，口豐層次豐富，乜都唔使點已經好好食，成條連骨都吞晒，隔離幾枱食客見我哋食到咁滋味即刻跟嗌同款😆🍤 冬陰海鮮湯食泰國菜點少得冬陰功湯，湯料好足味道香濃酸味適中，如果可以Keep住有火熱住就更好喇！🦪 魚露金不換浸花甲(熟)食落去質感好嫩，好似食緊生醃咁鮮甜，熟嘅就食得更安心🍤 生蝦刺身肉質鮮甜爽口，個泰式生蝦汁好啱我口味唔會過辣，酸酸辣辣好開胃🍤 泰式炸蝦餅小寶貝最愛，蝦餅夠厚身彈牙，炸得夠香脆，點埋泰式雞醬更惹味🍢 沙嗲雞串配烤多士雞串燒得好香，肉質一啲都唔會乾，沙嗲醬充滿花生香氣好好味，估唔到烤多士點沙嗲醬又幾好食喎🥩 和牛炒寬河粉和牛肉質軟嫩，寬河粉口感滑滑，似食緊粉皮嘅感覺，吸晒和牛同醬油嘅香味好好食，推介👍🏻🍤 粉絲蝦煲啲蝦大大隻，肉質爽口彈牙，份量都唔少，係略嫌淡口咗少少🍨椰子雪糕原本想叫埋芒果糯米飯，不過真係太飽應該食唔落，所以叫咗椰子雪糕，真係超好味，