Kopitiam By Saya

營業中

休息中

最近海之戀原來開咗一間泰國菜Kopitiam by Saya，依間泰國菜都幾有名氣，今日晚上我嚟到嘅時候，餐廳出面已經排咗長長嘅人龍。菜單上面選擇都幾多，分別有小食，海鮮，炒粉麵飯，湯麵同埋一啲肉類。炒金邊粉金邊粉炒得一啲都唔油膩，入口彈牙爽口，有蛋香味，亦都唔會太過辛辣。檸檬葉燒雞呢隻燒雞係燒全雞，雞肉非常之嫩滑，入口有肉汁，由於用咗檸檬葉燒嘅關係，所以入口有香濃嘅檸檬葉香味。和牛炒河粉河粉最驚入口係太過濕潤，又或者太過油膩，但係依一個河粉炒得啱啱好，入口有香濃嘅鑊氣，火候掌握得非常之好。最後我哋仲叫咗一啲泰式甜品，作為今餐嘅結尾。整體嚟講，我覺得今餐嘅食物質素非常之高，價錢亦都好合理。