Kopitiam By Saya

原來係荃灣海之戀商場入面一間好有人氣、價錢算親民嘅泰國菜館，主打有鑊氣嘅泰式同中菜 fusion 小炒。有大玻璃坐窗邊成晚氣氛好chill。 出菜都幾快👍🏻自助落order食咗以下🤗飛天炒通菜蝦醬味香通菜爽有鑊氣，好正😊椒鹽九肚魚天婦羅九肚魚勁大條又多肉，炸到似天婦羅咁酥脆，再灑椒鹽，外皮香口令人回味😍魚露金不換浸花甲用大隻花甲王，肉厚爽口，魚露帶出海鮮鮮味，令人開胃🤤仲有羅勒香氣。蒜炒蟹肉滑蛋飯呢個係店內招牌爆蒜蟹肉蛋飯系列，蟹肉份量足、鐘意食蒜香一定超愛😊滑蛋炒得嫩滑唔老，整體好惹味又有鑊氣，覺得好滿足。 炭燒豬頸肉上枱熱辣辣又大塊，每一片都好均勻，烤肉外層脆脆地香口😍軟硬適中，點埋個Sauce一流👍🏻飲品配搭凍泰式奶茶茶味同奶味都幾濃，絕對唔怕甜啱曬重口味嘅泰菜，飲一啖可以即刻降火解辣。 熱香茅菊花茶：暖笠笠又有香茅同菊花清香，可以幫手去油舒緩喉嚨😗埋單都係幾百蚊就食到咁多野又高質好味😋l…查看更多

位於荃灣海之戀嘅 Kopitiam By SAYA，一坐低就感覺到陣陣東南亞香氣撲鼻而來，心情即刻靚晒呀 😍。生蝦刺身上枱冰凍爽甜，蝦肉晶瑩帶彈性，鮮味即爆，配上微微鹹香，簡直一試愛上 😋魚露金不換浸花甲用嘅係花甲王，體型比一般花甲更大粒，肉質鮮甜爽口，廚師仲會用天然香料魚露浸足一日，入味又不死鹹，啖啖都係香料氣息 🤤。炭燒大頭蝦就真係火氣十足，殼邊微焦帶煙燻香，蝦膏甘香濃郁，啖啖肉仲保持多汁，齒頰留香停唔到口 🤩。飛天炒通菜火候剛好，莖位爽脆，蒜香同辣勁配得靚，食到停唔到手 🥬蝦多士係驚喜之一，鮮蝦滑配鮮海蝦，咬落去外脆內滑，油香不膩，仲透出陣陣蝦甜，真係愈食愈上癮 😁。椒鹽九肚魚天婦羅就更有創意，將原條九肚魚炸成外脆內軟嘅天婦羅，再灑上椒鹽配料，外香內鮮，重點係超大條，口感同鮮味雙重滿足 😮‍💨爆蒜炒蟹肉滑蛋飯我哋叫咗個中size，飯面鋪滿滑蛋同蟹肉，炸蒜香氣逼人，每啖都係濃厚蒜香加上海鮮甜味，層次同口感真係一流 🦀另外凍泰式奶茶冰爽香濃，甜度適中，剛好中和辣香同炭香，飲一口即時解膩又解渴 🧋。新鮮椰青亦好正，椰水清甜透心涼，飯後來一個最舒服 🥥晚市仲有著數，晚上八時後入座可以享有海鮮七折優惠，抵食又滿足，朋友聚會一流 😎 想食東南亞風味又求穩陣質素🥰🥰真心推介👍…查看更多

位於荃灣西❣︎Kopitiam By Saya❣︎係一間米芝連泰國🇹🇭菜餐廳，呢到食物非常高質😋👍🏻價錢親民，上菜速度仲超快添😀👍🏻環境舒服，座位舒適，晚上八點後入座，仲有海鮮🦞七折優惠添🤑今晚來到全場滿座👏🏻係一間超推薦嘅泰國菜餐廳。❣︎泰式酸辣鳳爪❣︎$68鳳爪酸辣冰涼，非常開胃，醬汁調得不錯👍🏻餐前小食之選。❣︎生蝦刺身❣︎$58擺盤精緻，生蝦肉質緊緻，富有彈性，非常新鮮👍🏻❣︎魚露金不換浸花甲王❣︎$98🌟必食推薦😋👍🏻廚師🧑🏻‍🍳選用較大隻嘅花甲王，再用天然魚露將花甲浸一日，超入味🤤👍🏻之餘，肉質勁鮮甜爽口，食唔停口。❣︎飛天炒通菜❣︎$88通菜新鮮👍🏻口感脆嫩，份量多。❣︎爆蒜炒蟹肉滑蛋飯❣︎$88🌟必食推薦😋👍🏻即叫即炒，穫氣十足，蟹肉同蛋非常嫩滑，爆蒜炸得勁香脆🤤👍🏻記得所有材料一齊放入口，包你回味無窮。❣︎粉絲蝦煲❣︎$168粉絲索晒啲醬汁，鮮蝦大隻彈牙，份量非常多，唔食飯嘅話當主食都得。❣︎芒果糯米飯❣︎$68🌟必食推薦😋👍🏻芒果🥭鮮甜，椰醬濃郁，選用斑斕糯米飯，咸甜適中，超好食，呢個甜品做結尾一流。…查看更多

呢間米芝蓮必比登推介嘅分身之前同老公食過一次之後真係念念不忘😍！今日咁啱路經荃灣西，緊係要再去排隊食啦！今次我哋6:30就到，但都已經要排隊⏳，不過人氣店係咁架啦～睇定menu一坐低就即刻叫嘢食先！如果大家唔怕夜啲食飯，佢哋仲做緊晚上八點後入座，海鮮類仲有七折優惠喎！🦀🌟魚露金不換浸花甲 $98花甲處理得超乾淨，真係一粒沙都冇㗎！👏 每隻花甲都大大隻，入口鮮甜爽口，最正係個特調醬汁，用咗魚露同金不換，惹味得嚟又唔會過鹹，個味道真係拿捏得啱啱好～🌟炭燒大頭蝦 $48一上枱就已經聞到好香嘅炭燒味🔥，師傅只係加咗少少鹽調味，已經帶出蝦嘅鮮味，真係非常好食～🌟泰式炸蝦餅 $68蝦餅真係做到外脆內彈牙，而且炸功一流，一啲都唔油膩，配埋個自家製酸辣汁，真係好開胃呀～💕🌟炭燒豬頸肉 $108豬頸肉燒得啱啱好，仲有啲微微焦邊，咬落去肉質爽彈又juicy！🔥🌟紅咖喱檸檬葉燒封門柳 $168鍾意食牛嘅朋友真係一定要叫！👈 封門柳燒到好香口，但係一啲都唔乾，入口即化嘅感覺真係太正啦～😆 紅咖喱加入檸檬葉，香濃得來帶點清新！🌟咖喱蟹汁炒軟殻蟹 $188呢款真係必點之選！💯 軟殻蟹炸得好乾身，咬落去外脆內嫩，咖喱汁香濃帶有淡淡嘅甜味，完全唔會太辣。蘸滿咖喱汁嘅軟殻蟹，真係正到爆！💥🌟爆蒜炒蟹肉滑蛋飯 $88蒜香味濃郁惹味，蟹肉份量都幾多，而且好鮮甜，同蒜香味超夾！ 仲有滑蛋令個飯更加香滑，呢個配搭簡直完美～🍛 如果唔想食白飯，呢個絕對係唔錯嘅選擇！🌟芒果糯米飯 $68最後當然唔少得泰菜必選甜品啦～🥭 芒果夠甜，糯米飯粒粒分明，煙靭得嚟又有咬口，配埋椰汁，椰香同芒果香混埋一齊，簡直係絕配！為今餐畫上完美句號～✨🌟椰青 $58
食泰國嘢必點～清甜可口，解膩一流！🥥📍 Kopitiam By Saya 荃灣大河道100號海之戀商場2樓2027-2028號舖…查看更多

今日終於打卡到間超出色嘅泰國菜！重點係，佢竟然係連續三年攞到米芝蓮必比登推介Restoran Saya姊妹店，未食就已經好期待！餐廳環境真係冇得彈～空間又開揚又闊落，設計仲好新穎，仲有個無敵大海景！坐低食嘢嘅時候，一邊食，一邊望住海景，成個人都放鬆晒！食物價錢親民！晚上八點後入座，所有海鮮都有七折！想平嘢食出高質感，揀呢個時間去就最啱！• 魚露金不換浸花甲 $98超級推介！📣 花甲處理得好乾淨，一粒沙都冇，咬落去鮮甜又爽口，配埋餐廳特調嘅醬汁，超級開胃，惹味又唔會過咸，味道拿捏得啱啱好！• 煎香草比目魚配香茅椰子湯 $158呢款真係驚喜滿滿！魚扒煎到外層香脆，入面又夠嫩滑，放喺香茅椰子湯上面，吸晒湯嘅椰香。椰子湯仲好特別，有少少冬陰公嘅香味，但又帶住椰汁嘅清甜，同魚扒真係超夾！• 咖喱蟹汁炒蝦 $208唔太食辣嘅朋友，呢款一定要點！咖喱汁香濃帶住淡淡嘅甜味，完全唔會太辣。大蝦炸得好乾身，咬落去外脆內嫩，冇半點油膩感，蘸埋咖喱汁食，正！👍• 虎蝦炒金邊粉 $128配料好靈活，唔想食虎蝦仲可以揀海鮮，好體貼！金邊粉炒得乾身，唔會好油，每條粉都吸晒醬汁，味道唔會太酸太鹹，口感又夠彈，超好食！• 沙嗲雞串配烤多士 $48/2串呢個價錢真係抵到爛！好耐冇食過咁正嘅沙嗲串嘞，沙嗲汁味道好香，又唔會過咸，雞肉嫩滑，配埋脆卜卜嘅烤多士，點可以唔比滿分丫！😍• 芒果糯米飯 $68芒果糯米飯係泰菜必選甜品，芒果甜到入心，完全係泰國本土芒果嘅味道。糯米飯粒粒分明，煙靭得嚟又有咬口，配埋椰汁，椰香同芒果香混埋一齊，簡直係絕配！整體嚟講，今次呢餐非常滿意！從環境到服務，再到每一款菜式，都冇得挑剔，想食高質泰菜嘅朋友，快啲約埋屋企人朋友去試下啦，唔會失望㗎！👍…查看更多