Hungry Monkey (金朝陽中心二期 - Midtown) (已結業)

晚上约了太座去食朋友介绍的日式居酒屋鐵板燒，不太大的舖位但好有居酒屋感覺👏👏當晚厨師推介食物都寫在牆上，客人可自行點選😉😉先點了兩杯外觀精緻，名字又趣怪的日本米酒混合雞尾酒，我選的叫"小鮮肉"，太座一杯名"Sexy Monkey"，兩杯都十分醒胃👏👏蕃茄蒜子沙律蕃茄味甜蒜子味香很好的配搭😋磯煮鮑魚切成小粒入味又有咬感，伴酒佳選😋炒日本青椒仔面鋪滿木魚碎提升了青椒仔味道😋日本白粟米鮮甜爽口又一佐酒佳品😋避風塘茄子咸辣適中，又是上好飲酒小食😋托托蜆嫩滑味鮮，好有酒香😋安格斯牛扒薄切甚有嚼感，肉味十足😋😋明太子御好燒大大碟足我二人填滿肚，更有好濃的明太子香味😋😋甜品蜜桃雪葩清甜桃味足，每一口都好有感覺一頓有驚喜的居酒屋鐵板燒👏👏

今天與朋友閒逛銅鑼灣，經過登龍街時，深深地被這日式餐廳的裝潢設計所吸引，因此晚餐時便建議了朋友到此一同品嚐光顧。餐廳是以吃鐵板燒為主的，所以我們選擇坐於吧枱區，以可邊品嚐佳餚邊欣賞師傅手藝。其裝潢環境方面是以木系配襯深色色調作為元素，並再用上大量的酒類、霓虹燈做裝飾，整體可說是甚有特色。Sexy Monkey飲品特意加入燈座襯托，令原本雪白半透的飲料泛起藍光，如此精美的外觀絕對是打卡點之一。Sexy Monkey 選用荔枝、清酒、Vodka、檸檬汁、糖漿、梳打水調配製作，飲用時清新酸爽，富有濃郁的荔枝味道，並且口感帶有氣泡，是非常合適夏日消暑的新出品。礦泉水礦泉水產自義大利南方托斯卡尼地區，是屬意大利貴族的用水品牌，由於其水源經過十五年的沉澱與過濾，因而口感特別柔順滑喉，冰爽透心。梅水晶梅水晶即是用上梅醃製鯊魚軟骨和雞軟骨的漬物，咀嚼時爽脆味濃，帶有梅味鹹酸，是款清新開胃的佐酒小食。蕃茄蒜子沙律把去皮的原隻蕃茄配上蒜蓉、沙律醋、萬能蔥製作成沙律前菜，食用口感甜中帶酸，爽口清香。磯煮鮑魚鮑魚用上了醬汁和昆布慢火炆煮，食用時肉質緊鎖湯汁，鮮嫩入味，彈牙濃郁，再配上上方肥而不膩的肝臟，和帶甜

｜蕃茄蒜子沙律｜ $28蕃茄特別去皮，加上蒜醋味道清新～｜流心明太子油揚｜ $68蛋中間係明太子，外面煎到少少脆，一咬中間嘅明太子就流出黎～｜避風塘茄子｜$68用咗大量香蒜炒，香口又惹味～｜炒日本青椒仔｜ $58上面舖上木魚碎，送酒一流～｜蟶子｜$96好新鮮爽口彈牙，鮮味十足～｜明太子御好燒｜$178自行舖上大量紫菜，醬汁豐富，口感一流｜鴨肝炒飯｜$128用上日本米、炒得粒粒分明，鴨肝香口不膩，唔會太油。｜梅干威士忌割冰｜$68用足整粒梅干，所以味道夠酸甜～｜十年熟成梅酒｜$68香甜甘口，飲落夠順滑～

It’s one of the most ridiculous dining experience. Early booked, table of three, time limit is 1.5 hours, seated at a small table supposedly for two people. Start asking us to leave rudely at 1-hour mark, the table next to us has 5 people (AGAINST THE LAW) arrived earlier before us and still here after we left. The restaurant kept finding excuse for the unfair treatment, like they have early booking (we rebutted that we did the same) and they have five people so they are allowed to stay longer.

登籠街一向多野食，今日來到Hungry Monkey食鐵板燒。店不算很大，都算坐滿客，因對住個鐵板都熱，每bar 臺位都貼心地有一把笆蕉扇比客人涼下。食鐵板燒又點少得了酒，我地各自點了一杯酒。梅干威士忌割水 $68，十年熟成梅酒 $68呢兩款都有梅，酸酸地醒下胃。蒜子番茄 $28酸甜番茄🍅加上少少蒜同蔥，簡單又好味。炒日本青椒仔 $58細細隻，一口一隻，爽口帶少少辣，再加上木魚和炸蒜，佐酒一流。避風塘茄子 $68茄子🍆本身味淡，加上辣椒和炸蒜炒過後，變得很惹味。聖子 $196超大隻聖子，好新鮮爽口好鮮甜，肉一啲都唔韌，正！因為朋友超愛明太子，就選了兩款有明太子嘅料理。流心明太子油揚 $68趁熱食超好食，味道濃郁，外層帶點煙韌，粒粒明太子係口中爆發，再加上芝士流心，質感好軟糯。明太子御好燒 $178燒餅上有厚厚的明太子醬😍，再灑滿芝士，再以火槍燒溶，芝士拉絲，超級邪惡。勁加紫菜，再按喜好加上子薑絲，味酸帶甜，同御好燒一齊食，別有一番風味。鴨肝炒飯 $128飯粒粒飽滿，不會炒得過乾。鴨肝好甘香，不過覺得有點油膩。全部菜式即叫即燒，全晚望著師傳沒有停手地在鐵板上烹製各種料理，很是精彩👀

平時去登龍街，都係同朋友食拉麵🍜今次同朋友試吓日式鐵板燒Hungry Monkey🐵日式鐵板燒感覺好似居酒屋🏮門口有bar枱鐵板爐，可以睇住師傅即叫即燒今晚happy night🥳叫咗杯Sexy Monkey🐒上枱時有有燈座，放松cocktail 上去會發光🌟都幾型味道加咗荔枝味梳打、清酒、伏特加清甜易入口，啱晒女仔飲🥰先點冷盤 🍅蕃茄蒜子沙律 原個蕃茄上面灑上香蔥同蒜蓉味道酸酸甜甜 非常開胃！炸三文魚頭 都係冷盤之一呢個非常特別，之前都未食過三文魚頭先炸 再用冷盤形式上加入醋同洋蔥🧅 突出三文魚嘅香味小食點咗明太子奄列😍推介！口感外脆內軟🤤外層煎至脆口 呈金黃色入面夾住明太子🤩 一咬落去明太子 唧晒出嚟 好好味啊最後叫咗個炒飯 即叫即炒 用鐵板燒炒特別夠鑊氣🔥和牛脂炒飯 用咗牛坑腩脂肪炒 呢個部位非常肥美炒飯用珍珠米加入雞蛋、炸蒜粒、牛油等等融入左牛脂味！口感豐富飽滿🤤🤤

經常要給老細推薦好飲好食，搞到我個人都變得識飲識食，銅鑼灣簡直係香港美食嘅集中地，而登龍街可以話係潮流飲食嘅心臟地帶，隨便行都可以搵到一間有趣餐廳，吸引眼球的大猩猩 🦍 招牌，見到鐵板燒決定一試。燈光環境氣氛好，居酒屋主打日式鐵板燒，師傅即叫即製，進店已經聞到好香，友人喜歡坐吧枱，一邊觀賞師傅廚藝，一邊品嚐美味晚餐。北鹿 天祿光臨 大吟釀 清酒 $490現場環境氣氛充滿活力，好多後生仔女飲酒消遣🍻感染到我哋都想飲番杯，店長推介 北鹿 天祿光臨 大吟釀，好啱女仔口味，清新易入口，再配上鐵板燒美食，令人忘卻一切工作煩惱。蕃茄蒜子沙律 $28天氣炎熱，食個冷盤開胃一下，蕃茄清甜加上蒜子的微辣，兩者非常夾的，作為前菜一流，胃口即時打開，好醒胃。墨魚鬚 $78鐵板燒海鮮都有好多選擇，墨魚鬚入口鮮嫩爽滑，彈牙多汁，啖啖肉鮮味非常，日式醬汁同食，味道更加突出，加蔥蒜更惹味！松葉蟹肉甲羅燒 $108手工精品菜式，蟹殼造型，賣相充滿玩味；入口蟹膏豐盈，味道濃郁的蟹膏、鮮甜蟹肉、口感爽脆的蟹籽，加起來綿密細膩，配餅乾同吃，口感層次豐富，超級推介！A5 和牛脂炒飯 $138店長說試新推菜式，平時食A5 和牛

某個星期五晚上首次拜訪的新餐廳 Hungry Monkey - 一家新式的居酒屋! 平日真係少食日式野，今餐擺咗好多平時唔食既嘢落口，算是新嘗試! 松葉蟹肉甲羅燒($108)比較印象深刻，平日傳統是用蟹蓋裝著松葉蟹膏釀製，但這家用模仿蟹蓋的瓦器。甲羅燒味道有點太鹹，配了2塊梳打餅而且已受潮了，也只提供2塊不足夠伴送蟹肉的咸味。個人覺得可以有其他配角選擇的，例如法包/其他有質素的餅乾。香蔥牛肉薄燒($88) 薄薄的牛肉片夾著煮熟曬既蔥，店家很細心把蔥切得好細好幼，成功迫使唔食蔥嘅人一啖食晒! 用鐵板燒的方法令成件事好香口，完全接受到！但相反，如果喜歡吃蔥的朋友就會略嫌被牛肉蓋過，蔥味不足。明太子奄列($98) 奄列蛋的部份是住家Style，中間有點酸酸的應該是加了梅子粉，中和了煎蛋的油膩感。唯一美中不足是主角明太子味道不太突出。芝士御好燒 ($88) 熱辣辣及非常香，比起平日的大判燒薄所以不會很’粉‘的感覺. 芝士味道不算濃，比較普通~避風塘茄子($68) 茄子切成一粒粒拿去炸，加上切成一粒粒的辣椒，食上去有微微的香辣感。順帶一提，坐下之前店員會遞上2個頭盤沙律(蕃茄)，但並沒有表示要收

銅鑼灣登龍街超多野食就係人都知，唔知大家有無試過呢間甘chill的日本餐廳，員工好nice，超級推介大家黎！頭盤蕃茄沙律新鮮大大個蕃茄好酸甜多汁，超級開胃，作為前菜好出色！墨魚鬚墨魚鬚搭配滿滿的洋蔥炸蒜同蔥一齊炒，洋蔥味好出，墨魚鬚亦好彈牙有口感！七味鱈魚骨鱈魚骨炸到好鬆脆軟滑，鱈魚夠入味香辣 ，好香口惹味，配埋沙律醬食仲夾明太子御好燒御好燒上面放滿大量的明太子，再鋪上滿滿的芝士，貌相好吸睛，店員亦附上紅薑同紫菜可隨意加入，口感好豐富，咸咸甜甜甘！北鹿天䘵光臨大吟釀店員推介呢款清酒叫我地可以試試，初頭都好驚會苦，但飲落一d都唔苦，好順口，搭配酥脆食物一流！柚子雪葩柚子味超出，好清新，酸中帶甜，好消滯解膩！

如果想有啲居酒屋feel 又唔想上樓，這裡又係一個唔錯嘅選擇！餐廳位置超方便，登龍街重要係幢新算幾新嘅大廈地鋪，一望就望到！內有吧枱及其他座位，因應客人多少由店員按排，今晚就係坐在吧枱旁，座位都算舒適！好先望望餐牌，有不同嘅選擇，先點了個三文魚南蠻漬，是把炸過的三文魚件浸在醋汁裡醃漬再冷凍而成，入口帶點酸甜仍保持到肉質嫩滑，店員推介送酒一流！當然要試試，加埋今晚同朋友都想飲返杯，所以點了支北鹿天祿光臨大吟釀，入口果香細緻，口感清雅餘韻酒香悠長，配上三文魚南蠻漬，確實唔錯！而另一個就係清酒煮蜆，師傅在鐵板上先包好啲蜆，裡面放了清酒、蔥花、海苔一起在鐵板上煎，久不久就將個包裝在鐵板上兜來兜去，之後再用隻碟盛上，自己打開個包裝就好似打開緊禮物嘅感覺！隻蜆鮮味彈牙，還帶點酒香，確認係一個菜式！松葉蟹肉甲羅燒，這裡的同平時有點不同，在於上枱時通常會用個蟹蓋盛上，而這裡就用了個類似蟹蓋嘅器具，但放心味道同埋份量絕對沒有影響，份量大大份之餘，上面還放滿了蟹籽，入口蟹膏味道香濃，夠晒足料！當然要點返個明太子御好燒，師傅在鐵板上真係兩三下手勢就將個明太子御好燒完成，在上面塗滿了明太子後再加上芝士，再用火

放工同同事去左登龍街覓食，見到呢間餐廳好特別，裝修好有日本餐廳感覺，又比佢個餐牌吸引到，就入去試試！梅水晶切到好碎的魚骨再配上蟹子，酸梅味超出，好開胃，令人忍唔住一口接一口！白鱔白鱔皮燒到岩岩好，好鬆脆香口，白鱔肉厚身得黎又好嫩口，啖啖肉，真係超好食，推薦大家試試！托托蜆蜆肉好肥美鮮甜，滑口鮮味足，蜆肉上面再鋪上蒜同蔥作調味，層次更加提升！A5和牛脂炒飯炒飯炒到粒粒分明，一放入口就知道師傅功架好夠，再夾埋牛脂一齊炒，香味超級豐富，散發陣陣的牛肉香味，超推介！Sexy Monkey名附其實的打卡飲品，杯底發出陣陣的光可比人影相，酒味唔太濃，好重清新荔枝味，好適合女仔朋友飲！桃雪葩桃味唔算好出，但勝在夠大個，2個人share食岩岩好，口感酸酸甜甜，好清香！

難得不用開OT, 途經登龍街這間Hungry Monkey, 每次經過都看見入面好多人，餐廳好似幾有氣氛。 興之所至時間尚早一於入去感受吓先。餐廳內籠唔大， 一邊是吧枱兼鐵板燒位置， 但氣氛一流， 充滿居酒屋風貌，仲有各款小食，鐵板燒～🍅蕃茄蒜子沙律加上生蒜蓉， 創新嘅配搭， 沒有太大驚喜， 但大紅茄味道沙甜，多汁， 不錯的沙律前菜😊有幾款自家調配特色雞尾酒🍸🍸， 都加入清酒調製 ，揀咗「小鮮肉」 顏色好靚～ 微微酸，有芒果味，仲有發光嘅杯墊， 唔使點蠟燭都非常有情調～😋螢光魷魚🦑當造季節才有供應。 經調味醃製， 那種鹹鮮有很熟悉的感覺。。 有點似醃生蟹味道。魷魚好滑好爽， 值得一試！烤南非鮑魚， 燒過後鮑魚鮮味特別濃郁！燒托托蜆好大隻嘅品種， 勁重海水味，鮮甜多汁， 簡單只加上少許乾蒜，蔥和黑椒來調味，味道爆鮮！！松葉蟹甲羅燒🦀蟹殼形狀嘅器皿， 蟹膏蟹肉蟹子被裝得滿滿的～ 鹹香的蟹膏， 吃到半飽都令人垂涎三尺～👍👍😋清酒煮蜆特別嘅透明膠袋， 清酒湯汁熱辣辣， 吃了特別warm。 蜆肉也非常鮮甜～明太子御好燒不銹鋼煎pan keep住熱， 燒餅有椰菜，外皮好脆， 面層的明太子熱辣辣，

週末選在登龍街午飯，在門外已經覺得很吸引，即塲等候時間長建議網上訂座😉街上炎熱先來個蘋果梳打、白桃梳打，味道清爽開胃🤩前菜沙律、泡菜、麵豉湯炒飯配厚燒牛舌、炒飯配燒伊比利亞豬燒廣島蠔及唐揚雞翼海膽魚餅沙律菜新鮮，泡菜味道很好不會太酸或太辣，麵豉湯夠熱而且不像別家的只有麵豉的鹹味，好想再喝多一碗😋炒飯粒粒飽滿，厚燒牛舌及伊比利亞豬真的要試，不會覺得油膩，師傅會切好一小件方便入口溶化感覺🥰。這次沒機會坐到吧枱但推薦燒蠔及海膽溶岩魚餅，蠔的鮮甜，魚餅外脆內軟的味道，原來海膽可以咁好味，平日我不吃海膽怕腥，這次令我對海膽印象改觀😂唐掦雞翼也是皮脆肉嫩，這個配酒應該不錯的選擇😚今天午餐非常開心及🈵足😍無論環境或食物都似身在東京的居酒屋用餐👍🏻😋

呢間係睇左某youtuber推薦先黎試試，位置係登龍街，平時如果約朋友食飯都好方便。我地叫左豚肉生薑燒丶厚切牛舌同加左份蟹肉忌廉薯餅。落左單冇幾耐之後，侍應好快就將麻醬豆腐丶麵豉湯同沙律送上黎。豆腐同湯都普通，但沙律就幾好，菜好新鮮醬汁又好味。首先嚟到嘅係豚肉生薑燒，成碟都好有鑊氣，洋蔥煮得啱啱好，斷生之餘有保留到少少爽脆嘅感覺，配合埋個醬汁成件事好好送飯😝因為睇到薄切牛舌麻麻地，所以特登叫咗份厚切嘅，結果真係好有驚喜！外層煎得焦香入面又唔會過熟煎得啱啱好，同埋佢夠厚所食起黎口感好好。忌廉薯餅方面，個人就覺得一般，如果你係好鍾意食薯餅我覺得都可以叫黎試一試。

銅鑼灣美食特別多。我以前經過過這間餐廳好幾次，一直以為這裡是酒吧，但這次仔細觀察一下，發現原來這裡是鐵板燒店！這天，我們的前菜是涼拌番茄。炎炎夏日，吃一口清涼的番茄真的很消暑。這個番茄質感很爽口，配上醬汁，是簡單的美味！食物方面，我們吃了好幾款海鮮，包括托托蜆、聖子及甲羅燒等等。我覺得每款海鮮都很不錯，它們當中我最喜歡甲羅燒，不過可惜餅乾不夠香脆。我這天還吃了炒麵及喝了信州產的Apple Cider，我覺得蘋果果香撲鼻，味道很好！