Hungry Monkey (金朝陽中心二期 - Midtown) (已結業)

還記得有次經過銅鑼灣登龍街被Hungry Monkey 門口的排長龍與日系的裝修吸引了🇯🇵 我們看一看menu原來是主打日式鐵板燒🔥，價格非常親民！今次終於體會了食物質素高、熱情的服務態度，可以說性價比好高～ 值得推薦！😚 🍅 蕃茄沙律（好fresh作為前菜）$28🍆 避風塘茄子（惹味～）$68🫑 炒日本青椒仔 $58🔥 炒壽喜燒（正！）$108🐚 清洒煮蜆（最鐘意呢碟，連湯都飲埋！）$88🍚 海膽炒飯（必食之選！推介）$188🍦 椰子雪糕（超重🥥味！）$116🍑 柚味梳打 $76晚上氣氛特別好😆

今晚在位於銅鑼灣Hungry Monkey食飯，餐廳適合幾個朋友小聚。值得一提，服務員非常有友善，有禮。頭盤是蕃茄蒜子沙律，配上自家製醬汁特別好味，天氣這麼熱，這個冷盤非常合適。清酒煮蜆，蜆肉鮮甜，包裝精美，用透明膠袋包着，還有絲帶，好像拆禮物，很有心思。松葉蟹肉海膽炒飯$188，蟹肉和海膽也不少，炒得好香，海膽味燶，一定要趁熱食。日本章魚御好燒$128，不鏽鋼盆上碟，可以保持溫度，可以配上紫菜或酸薑，兩款味道各有特色。甜品是日本卷蛋白桃味及巨峰味各兩件，見到有新口味當然要第一時間叫，是味道清新的小卷蛋。

呢間餐廳一向非常熱門，建議提前電話預約訂位，餐廳安排咗鐵板燒附近嘅高枱俾我哋，可以近距離見到我啲嘅食物烹調過程，小小嘅居酒屋都有去咗日本嘅感覺。頭盤沙律蕃茄，喺開胃嘅冷盆小菜，每位客人桌上皆有。芥末紫蘇章魚，小章魚口感脆口，食落有陣微微嗆鼻嘅芥末味，非常開胃口！精選生蠔，入口舌頭尖享受着絲滑鮮甜的口感，超美味生蠔瞬間被嗑光光！松葉蟹肉甲羅燒，日本章魚御好燒食得出師傅嘅好手勢，御好燒混合咗日本醬油同蒜汁，造成日本當地嘅和風口味，最後和章魚一齊煎香，外皮煎得焦香，口感酥脆，御好燒內餡亦真材實料，一粒一粒嘅章魚喺口中徘徊！酥炸雞心配芥末醬同香草醬，雖然喺炸物但食果時又冇果啖油膩感！另外，呢塊烤魔鬼魚翅，點埋沙律醬非常惹味。松葉蟹肉海膽炒飯，香而有質感的海膽黃，仲加添額外嘅蟹肉， 足以打開你嘅味蕾，相當滋味！甜品喺日本草莓牛奶味蛋卷，外層喺軟綿綿又鬆軟的草莓口味戚風蛋糕，入面則是順滑和柔軟的質感，一咬溢出草莓醬！

芥末紫蘇章魚，食落帶點粘稠嘅口感，同頭盤沙律蕃茄一樣，實為開胃小菜不錯嘅選擇！精選生蠔味道鮮甜，鮮味十足！松葉蟹肉甲羅燒，蟹蓋入面釀咗松葉、蟹肉同蟹膏，師傅就坐正喺我哋面前燒烤，燒好嘅甲羅燒香氣迫人！蟹膏同蟹肉口感軟軟綿綿，味道鮮甜，再加上松葉作點綴，食嘅時候連埋爽口嘅青瓜一齊食，食落仲非常有層次。日本章魚御好燒用料充足，入面有住一粒一粒嘅章魚！鹽烤牛舌串亦喺很惹味嘅串燒組合，牛舌炭烤過後冇太過乾柴，裡面包住滿滿嘅青蔥，一度聞住牛肉香，滿口又溢滿花蔥香，相當享受！酥炸雞心配芥末醬同香草醬，油香十足，呢塊烤魔鬼魚翅相當有驚喜，燒香嘅魚翅乾身好有咬口，沾上沙律醬，同魔鬼魚翅實為最佳搭配！如果你鐘意入啤酒 sake，呢款一定喺配酒精選小食！另外，松葉蟹肉海膽炒飯，海膽黃連埋雞蛋黃一起炒，米飯均勻地充分吸收咗海膽黃嘅滋味，再加上鮮甜的蟹肉味。日本草莓牛奶味蛋卷，蛋卷裡面口感輕巧幼滑，豐盈厚滿嘅忌廉突出奶香，師傳做到草莓香、奶香兩者兼備！

本身看見笑臉很多，期望也不低。。。一行5人lunch , 安排bar 枱分開坐，餐廳每張bar枱都有一把細風扇。可惜開了風扇還是很熱。可能坐近地板燒的爐，很熱很熱！下單了，選了午餐生薑燒另配湯、飯、泡菜及沙律！$78 另收加一剛有卡位坐，搬了位， 可是仍很熱，冷氣是否壞了？！餐到了，同事叫的餐由牛來了豬肉，待應下錯單，沒有想過更換給我們味道是不錯，可是份量較小。還有我的生薑燒 洋蔥多過肉愈食愈熱，滿身大汗，趕快離開！我想下次再來的機會也很微了

今晚銅鑼灣睇完戲，又覺得有少少肚餓，朋友話不如去飲杯嘢，經過登龍街就揀了這間Hungry Monkey。雖然過了18歲很久，但也叫了18歲😂，其實係一杯飲品，另外叫了一個Jungle，兩杯顏色都好sharp，配上一個亮燈的底座，非常有情調。另叫了一些小食，蕃茄蒜子沙律，這個菜很開胃，冰凍蕃茄多汁又新鮮，很好食。梅水晶個名很特別，原來是以梅醃製的鯊魚軟骨。酥炸雞心配酒一流，非常香口，朋友說原來雞心很有益，有非常高的營養價值，保護心臟、調低血壓、補血益氣，真的要食多一點。朋友還叫了他最喜歡食的生蠔，一人一隻，新鮮肥美。

因為個場太爆，我哋Book咗位但夠鐘都未有枱。老闆見我地等位等太耐就請我地飲啤酒，唔推薦都對唔住自己。除咗老闆非常friendly， 幾款熱門菜都好好食，環境同餐廳氣氛一流，一間好適合朋友聚會嘅餐廳。

〔 鵝肝炒飯 〕 $128 . SetLunch set 會有湯/泡菜/沙律, 因為叫左鵝肝炒飯所以飯係會比較多, 炒飯唔會炒得太濕加入主角鵝肝令炒飯冇禁單調.〔 一夜干雞扒 〕 $78 . SetLunch set 會有湯/泡菜/沙律/炒飯, 雞煎得皮脆肉嫩, 配上炒飯一齊食好夾👍🏻〔 唐揚雞翼 〕 +$20 .雞翼好香口, 加上芝麻令口感提升.〔 明太子奄列 〕 $98 .蛋唔夠厚, 奄列好一般.(好味指數: 8.5/10)

朋友帶我去Hungry Monkey試下，食落真係好驚喜。呢間日式鐵板燒餐廳嘅野食真係燒得好香好好食，d店員好nice, 食得好輕鬆自在，環境好正，好有氣氛香蒜牛肉薄燒人生最愛必食嘅其中一樣一定係薄燒牛肉，所以我對薄燒牛肉有好高要求。佢嘅薄燒牛肉做得超出色，似入口即溶，配埋香蒜，熱辣辣非常香口，黎到一定一定要試！螢光魷魚螢光魷魚應該係我人生第一次食，一直都想試但又唔知好唔好食，結果食落甜甜地同埋又幾爽口，口感特別，加埋醬汁令到成件事好加分😋明太子御好燒明太子嘅配搭一直冇得輸，好惹味，濃濃嘅口感令人想不斷想繼續食豬茜卷芫荽係近期大家都好鍾意食嘅野，呢味菜式如果係芫荽迷就一定唔可以錯過！ 豬肉柔嫩，同芫荽味道好夾，岩岩放低喺枱即刻將佢第一時間一口放落口，好味得太緊要，嚟到一定要試！厚燒牛舌佢呢個牛舌好厚身，但神奇在佢一d都唔un，算好易，肉汁全部鎖起入面，每一口都會覺有好香嘅燒牛肉汁流出黎，nice nice 👍👍

出開銅鑼灣 又去咗登龍街揾食😋今次揀咗呢間Hungry Monkey 比佢門面吸引 招牌好sharp 好有日本氣氛🇯🇵呢度食鐵板燒為主 我哋揀咗坐吧枱位可以睇住師傅整◾蕃茄蒜子沙律招牌前菜之一 好特別🍅蕃茄用日本醬油加蔥同蒜一齊食 原來效果係超夾 仲好好味😍食得出蕃茄嘅鮮味又唔會覺得酸◽梅水晶梅水晶其實係鯊魚骨嚟架 我都係第一次食😌口感幾爽 而個汁似味付螺肉隻味 所以好開胃◾芥末紫蘇章魚除咗紫蘇/章魚 另外仲有青瓜 感覺都較為清新☘️章魚好新鮮 有咬口◽法國聖馬田生蠔呢隻聖馬田比平時嘅法國生蠔大隻 好肥好厚肉 又重海水味🤤連肥仔唔係好食蠔嘅都覺得正◾松葉蟹肉甲羅燒第一次用甲羅燒配青瓜食 一樣係好夾💕將蟹膏嘅膩感降至0 但鮮味仍然喺度🦀而且好有誠意有兩隻蟹鉗食tim◽日本章魚御好燒喺香港食御好燒 成日都太厚太多粉 所以我都好耐無食過 見呢度有就叫嚟試試 因為見到隔離枱叫咗 整得好靚仔😝完全無失望 一啲都唔厚粉 饀料十足 好多章魚勁好味❣️◾伴炒壽喜燒椰菜/金菇/芋絲/大蔥…索晒壽喜燒汁嘅味 你懂的🤩其實另外仲有牛肉同埋日本雞蛋 不過會分開上比你 等你可以按照自己嘅口味 睇下想撈晒落去食或者慢

亂loop openrice，見到有折就book咗下午5-6嘅75折時段，求其打發時間。走嘅時候無睇清楚就埋咗張單，出門之後先發覺，係正價，一毫子折都無。全店得兩台人，加上係有booking嘅又唔係walk in，咁都錯得？我唔係好明🤔講返食物，味道OK無驚艷，份量應該只係夠餵金魚，98蚊嘅明太子菴列，係一隻蛋嘅份量… 其他嘅都不遑多樣，都係一啖份量。最好食係螢光魷魚，不過應該係買貨，除非唔係🤷🏻‍♀️

肚餓嘅猴子食咩好？銅鑼灣有間Hungry Monkey主打港日風情嘅鐵板燒😆餐廳門面以黑色裝修為主，入面燈光柔和，餐廳面積唔大，一入門口就見到個bar檯可以睇住廚師烹調， 亦都可以坐梳化位邊食邊同朋友傾計~一大享受！✨梅水晶日本人氣下酒菜😆炸雞軟骨就食得多，今次食雞軟骨加鯊魚軟骨，用梅子配調味料製成，口感非常爽脆，味道梅子味非常出，酸中帶甜，好開胃✨ 蟶子蟶子用蔥、蒜蓉加醬汁燒成，口感爽口彈牙，切成一粒粒，進食方便😆✨日本白粟米輕輕燒過嘅白粟米，既有香燒過嘅香氣，又保留粟米嘅juicy、鮮甜！✨明太子御好燒外型成個pizza咁，份量都幾多，可以2-3 個人食！咬開可以做到拉絲嘅效果，cheese同明太子融合，濃濃cheese香同明太子咸香幾夾~✨ 伴炒壽喜燒 另配一隻生蛋可以撈勻嚟食，壽喜燒味濃郁，加蛋撈勻既有蛋香又有壽喜燒香味，整體不錯！✨比目魚沙律比目魚香嫩鮮味，一啲都冇腥味，配搭新鮮嘅沙律菜爽口帶嫩滑，口感豐富！沙律汁酸酸，非常開胃✨ 酥炸雞心雞心平時真係少食，甚至有啲抗拒~但今次一食，非常推薦！口感香脆而爽口，細細粒作係下酒菜一流~✨日本青椒仔上面鋪滿木魚碎，入口即化，味道鮮味

好chill 嘅一間日式鐵板燒～ 細細間令我諗翻起喺日本d小店食嘢嘅感覺🦋頭盤要咗日本粟米、蕃茄沙律粟米同蕃茄都幾清甜~ 食完即刻有食慾啊☺️老闆話今日有靚嘅日本生蠔推介～咁就事不宜遲嗌左兩隻😘 10分新鮮爽甜☺️然後我一口氣叫咗聖子 、壽喜燒、七味鱈魚骨 .個聖子好有驚喜～😘唔會過熟 又夠味 ～同埋好欣賞佢切嗰個size ~一啖一粒🥰🥰🥰🥰 而個壽喜燒 都好好食～呢兩樣野都極力推介 ～👍七味鱈魚骨 ～我用來配我叫咗戈兩杯雞尾酒～《18歲》同《港女》😂但由於唔夠飽所以就再叫多個海膽炒飯☺️~個人覺得個飯幾夠香. 唔太乾身.同埋海膽份量都足夠.每一啖都食到有海膽~而且海膽都係鮮甜 ~唔係苦口嗰啲~賣單就兩個人$1000左右～鐵板燒來講都算平👯‍♀️Hungry Monkey網上訂座即賺里數 網址: https://s.openrice.com/QrbS0JaSA00~uruPLAw地址: 銅鑼灣登龍街1號金朝陽中心二期地下B號舖電話: 54089580

圍爐食鐵板燒好有氣氛個感覺有少少似晌日本街頭木頭車食檔圍住師傅煮邊睇佢煮邊食嘅感覺同朋友食吓嘢、再飲返杯🍻都咪話唔爽呀.🔸頭盤沙律（$28）去皮嘅凍番茄🍅，好清涼爽口，有啲蒜茸、醋汁，又香又酸好開胃。.🔸芥末紫蘇章魚（$68）章魚幾大件，口感彈牙，醬汁味道甜甜地，配芥末紫蘇，清新又香、唔腥。.🔸松葉蟹肉甲羅燒（$108）食日本燒烤就一定會叫甲羅燒，濃濃蟹膏，質地好creamy，仲有蟹肉、蟹籽，三種口感。.🔸聖子（$98）新鮮大隻，味道幾鮮甜，同蒜茸一齊燒，好香！.🔸清酒煮蜆（$88）用透明袋及絲帶🎀包住，食前就好似拆禮物咁打開，好有禮或感😃。每隻蜆都有淡淡酒香，啲湯汁又有蜆嘅甜同香味，好味！.🔸海膽炒飯（$188）❤️咪睇佢個樣好樸實，其實內藏咗唔少海膽，又濃又creamy，珍珠米煙韌有咬口，炒完好香口！.🔸精選生蠔（$116）日本生蠔幾新鮮爽口，食到有海水味，唔錯。.🔸日本白粟米（$48）日本嘅白粟米出名好食，嫩身juicy，生食已經好清甜，燒過之後甜度更突出，值得一試。

每次經過登龍街，都被Hungry Monkey門口的猴子logo所吸引，見網上評價不俗，呢晚就約咗朋友過來試下！Hungry Monkey主打日式鐵板燒，所以好多菜式都係由師傅鐵板燒即時炮製，價錢定價貼地，同時係居酒屋格局，氣氛熱鬧，有別傳統teppanyaki餐廳般拘謹，特別適合三五知己放工後邊聊天邊小酌幾杯。餐廳除咗供應梅酒，紅白酒，吟釀，啤酒，威士忌外，亦有多款加入純米吟釀嘅特色Cocktail。我鍾意飲梅酒，難得呢度嘅梅酒有十年熟成，就點咗一杯。番茄沙律（$28)店員先送上是日沙律，番茄沙律酸甜開胃，呢排天氣炎熱，呢個頭盤夠清涼消暑！燒鱈魚乾($58)居酒屋常見嘅小食，特別在呢度即點即燒，上桌時仲係熱辣辣。即燒嘅鱈魚乾味道確係與別不同，口感特別香脆，蘸上蛋黃醬汁，我哋好快就極速清碟！三文魚南蠻漬($68)居酒屋比較少見到有，點咗一客試下。三文魚炸後浸在醋汁裡醃漬，肉質嫩滑，食落酸酸地好開胃，配酒特別夾！A5和牛脂炒飯(138)平時食teppanyaki我最期待就係炒飯環節，因為鐵板燒炒嘅飯特別有鑊氣，而且粒粒分明，好乾身。呢度用上A5和牛牛脂去炒，令飯粒吸收油脂香，不過因為無咩