Hungry Monkey (金朝陽中心二期 - Midtown) (已結業)

銅鑼灣登龍街是條美食街，今晚收工後與朋友來了覓食。最終選擇了一間日式料理，排了15分鐘左右，便可以入去。餐廳比較細小，有吧枱，亦有普通坐位。裝飾就很有氣氛。以蕃茄作為前菜，配有蒜蓉和香蔥，十分開胃。再來兩隻生蠔，很肥美，很鮮甜。合味道吃得多，合味道御好燒還是第一次，先扑碎，但不要太碎，否則不脆。再以大板燒煮法上，味道和賣相都不錯。避風塘茄子亦是風味之選，少少辣，很香口。燒鱈魚乾配杯酒一流，巨鋒味蛋糕很鬆軟。

今晚放工，跟老公想要放鬆一下，選了這店，小小的枱子，不會有壓迫感，反而令人覺得很cozy。店內播著輕快的音樂，會自然跟著擺動，好好放鬆心情。生蠔 - 生蠔很肥美，夠鮮甜，進口帶點海水味日本白粟米 - 白粟米比黃粟米甜，甜度可達17度或以上，生吃也可以，一口咬下，清甜中帶點忌廉的味道， refreshing!合味道御好燒 - 這個又可以玩又可以吃，吃前店員會給你一個小捶子，把杯麵打碎，之後廚師便會把碎了的麵煮成一個御好燒，名為《扑濕合味道》鐵板銀鱈魚 - 魚類中我最喜歡銀鱈魚，師傅燒得內軟外脆，還很滑溜，啖啖肉大滿足。巨峰提子味日式蛋卷 - 這個味很少見，配上蛋卷亦好夾，不太甜，剛好。Lemon High Ball - 好清新，聽著音樂嘆一杯，一樂也。

同班fd一行6人係銅鑼灣睇完戲諗住一齊食飯聚下，開OR睇附近見到呢間，見好評講到幾好就黎試下新野，點知。。首先講食物質素，主要嗌左燒蠔，兩個芝士御好燒，章魚燒，燒白膳，海膽炒飯同安格斯牛炒飯，伊比利亞豬，仲有其他小食等等，d野食陸續上枱，份量少，食落口，全部唔熱，係連出煙微辣口都無，好似擺左一陣先拎出黎咁，說好的鐵板即上枱? 食材完全食唔出食材味道，白膳無白膳味，炒飯就浪費左粒海膽，成餐食完只覺得好口渴，可能係味精重第二講服務態度，我地7點入，食唔夠30分鐘就last order, 成餐飯係咁車輪式收碟，催你催到好似驚你坐多陣會爛櫈，waiter全程黑面，又hard sell，我地唔飲酒就sell 8百幾既sake，如果唔揀d貴d既野嗌就好似有d嫌咁既態度，氣氛奇怪，好喇，我地最後一行人半催半趕食完就轉場。本來以為係可以有得安安靜靜咁坐下，放假黎chill下鬆一鬆，點知變左鬥快食大賽第三最搞笑既係，我地一坐低未嗌野就上左3個番茄蒜子沙律，個waiter話送既前菜!? 點知最後埋單係接近30蚊/個既，OH 原來個menu有行細細字有寫，唯有怪我地無睇清楚總括黎講，食物質素平平，同兆萬$1

非常高效律，坐低即刻就話送你3個番茄沙律，點知埋單原來計埋數，成$28個蕃茄，果然好過去搶⋯電話訂位講明食90分鐘，點知食唔夠45分鐘同我地講last order,唔係7點幾趕收工吓？！d待應真係好效律，未食完已經想收碟，6個人叫10樣嘢加埋飲品，待應都黑晒面大大聲話咁唔夠食架喎，之後嘢食嚟俾四隻碗，真好嘢👏🏻問佢攞多兩隻碗又話洗唔切，難道食炒飯用碗食嗎？果然人生另類體驗⋯食物方面冷盤完全👌🏻，因為即使叫熱食爐端燒都係凍嘅，份量激似小童餐，啱唒極細食淨係想俾＄坐下張椅的人體驗⋯總括而言，貴而唔飽，環境又細又嘈，唯一快催枱～完

好鍾意食佢呢度嘅嘢細細碟兩個人食都可以食到好多唔同嘅嘢係咪好正先(當然如果叫咗個港島燒嗰d就食唔到咁多野)而且好多選擇 每款都係100幾十 性價比相當高 雖然呢度都好細心鐵板燒枱面前提供左小風扇不過如果怕熱嘅朋友夏天最好都自備多一把吹吹同平時一樣梗係先食佢個蕃茄開咗個胃先$28 最鍾意嚟呢度食燒海鮮之前都寫過一篇食評今次八成食物叫曬其他同上次唔同嘅嘢食試咗聖子 $98 隻 果然冇令到我失望好好好好味日本原隻活帆立貝 $138 staff 介紹得好好好味呢個一粒share食可以了 都幾大粒又係多汁而且燒得啱啱好爽甜日本白粟米 $48 都好食 個甜係同黃色粟米唔同比起一般嘅粟米有種起沙嘅感覺燒鳕魚干 $58 送酒一流 卜卜脆幼幼yummy 白鱔都幾大件$168 啖啖肉 不過呢個就唔係好感受到皮脆煎明太子 $88 旁邊有啲生蒜片又幾得意喎可能都係送酒嘢 所以鹹左啲啲避風塘茄子$68 一啲都唔辣 茄子切到細細粒 鍾意食多啲蔬菜嘅朋友可以點豆芽韭菜花炒沙肝筋 $68 清清地 又有啲菜食下怕腥嘅朋友就千祈千祈唔好點螢光魷魚$48 飲埋三粒米嘅sake 好飲 $850 來～飲勝～

公司接咗單大單💪老闆大手筆下午請咗我哋食一個豐富嘅午餐，太飽啦因為免費😬最重要今日唔使加班，超正，所以約埋我嘅老死兼同事，出去吹吹水，佢話上次去過呢間餐廳氣氛唔錯帶我去⋯⋯好多小食味道唔錯⋯⋯仲有Cocktail飲添⋯⋯Hungry Monkey精選生蠔🦪超大隻而且非常新鮮充滿海水味！清酒煮蜆我同事非常鍾意食海鮮！因為有清酒嘅關係所以味道相當清甜可口！我哋連啲湯都飲晒！超甜！酥炸雞心我朋友話味道唔錯⋯⋯我都係第一次食雞心！不過睇出嚟一啲都唔似以為食緊牛肉！細細粒好易食！蛋捲綠茶味道非常香濃！一口一個非常方便⋯⋯我朋友最鍾意綠茶🍵⋯⋯Sexy monkey呢款Cocktail入口非常清新，荔枝味好香，有少少清酒🍶⋯⋯點綴Hungry Monkey當然點少得sexy Monkey

晏晝約咗一班朋友食自助午餐，午餐後只剩低我和另外一位朋友，決定去銅鑼灣行街兼shopping🙆‍♀️晏晝實在食得太飽啦😬行過見到呢間hungry Monkey🙆‍♀️睇吓以小食為主😬啱晒⋯⋯芥末紫蘇章魚味道相當清新！的的式式😋配搭相當唔錯！白粟米🌽來自日本味道相當清甜，唔錯⋯⋯蟹肉甲羅燒用一個好得意嘅蟹仔碟成載着！啖啖蟹肉和甜美的蟹膏，仲有兩隻小蟹鉗添⋯⋯呢個係最好食😋⋯⋯蟹肉海膽炒飯炒飯炒得好乾身！加埋蟹肉相當鮮甜！仲有我最愛嘅海膽添⋯⋯蛋捲小蛋捲有兩件，香蕉香氣十足！又唔會過甜！18歲必點😬邊個唔想18歲😬😂味道相當清甜，非常易入口⋯⋯

終於到星期五啦，工作員之後一定要食餐飯好嘅，所以今日就同朋友去食串燒店，朋友介紹位於銅鑼灣，地鐵站一出行幾分鐘就到都算方便，之後我哋開始點餐頭盤係一個蕃茄黑醋蒜蓉，之後我哋點左日本廣島蠔，酥炸雞心，日本板燒，原隻鮑魚仲有蟹肉炒飯最後仲有我至愛嘅巨峰蛋卷甜品，頭盤正正常常酸酸甜甜冇乜特別而個蠔連埋啲海水一齊食先甜到不得了而且食啲炸嘢簡直係一鹹一甜，之後到蟹肉炒飯炒得特別香粒粒分明唔會炒到燶咗係我鍾意食嘅感覺，日本鮑魚好鮮甜唔會太過硬，口感好有層次，而日本板燒份量都好足夠加上有紫菜章魚剛剛好食晒，之後仲有日本甜粟米作為小食都幾好顏色方面雖然係白色但係都偏甜，飲品方便我哋點左蘋果梳打水，正常冇乜特別而甜品方面甜得來又唔會太甜口感面面的好想再食多夠，而且呢度嘅服務質素都好好又可以睇到師傅表演，下次會再試下

銅鑼灣金朝陽地下有間餐廳個名好特別 叫做Hungry monkey一入到去原來係食鐵板嘅即刻坐係板前 睇睇師傅真功夫先叫左杯cocktail 飲杯墊竟然會著燈 非常細心日本白粟米 $48完全唔洗煮 亦唔洗調味 直接食白粟米超級甜 又爽炒日本青椒仔 $58配木魚絲 非常惹味 餸酒必點芥末紫蘇章魚 $68紫蘇味同芥末帶岀章魚鮮味亦係餸酒之選精選生蠔 $116/2隻新鮮而且鮮甜 但價錢較貴蟶子 $196/2隻以炸蒜片配炒蟶子 帶岀鮮味松葉蟹肉甲羅燒 $108非常足料抵食 食到啖啖蟹膏非常之邪惡 配青瓜減少罪惡感松葉蟹肉海膽炒飯 $188食完甲羅燒 當然要食埋炒飯海膽配蟹肉亦係絕配睇隻師傅炒到粒粒飯都乾身 信心之選日本蛋卷 $38/2件最後以甜品作結餡料係巨峰提子啫喱同忌廉好有日本風味

今晚同老婆去買iPhone，順便在銅鑼灣食晚飯。餐廳有海鮮及肉類的鐵板燒供應，不過座位較窄。芥末紫蘇章魚燒：章魚入口彈牙，有淡淡芥末香味，配上青瓜片一起吃更添風味。法國聖馬田生蠔：生蠔體積屬正常大小，蠔肉飽滿，海水咸味不算太重，質感較爽甜。日本章魚御好燒：章魚燒即叫即做，表面灑上木魚碎，粉漿不會太厚，而且調味剛好，不會太咸，有點燒汁香甜，裏面還有很多彈牙墨魚粒。松葉蟹肉海膽炒飯：見到有一瓣瓣的海膽拌入飯內，表面是蟹肉碎，每啖都很爽口及鮮甜。再飲返杯啤酒清下熱氣。

這間位於銅鑼灣的餐廳，晚市主打日式鐵板燒，晚市全場爆滿，幸好已一早預約。先點了杯Lemon high ball，淡淡酒香及檸檬味，十分清爽。番茄沙律番茄結實，加上些蒜泥及葱，入口爽甜，充滿番茄香。魔鬼魚翅魚干燒至帶焦香，魚干煙韌有點膠質，十分惹味的小食。法國聖馬田生蠔蠔肉鮮甜無渣，海水味略淡，十分爽口。燒托托蜆加了些炸蒜及香葱，蜆肉不會燒得太乾，保留了肉汁，入口鮮甜無沙。松葉蟹肉海膽炒飯炒飯加了鮮味十足的海膽及鮮甜的蟹肉，炒飯炒至金黃色，飯粒分明且十分爽口，而且不會太油膩。

心血來潮想食鐵板燒，見到登龍街有間開咗好耐嘅鐵板燒，入去試一試，舖頭細細，但五臟俱全由頭盤到甜品都有齊晒，餐廳間隔有吧枱，又有普通枱，今次我哋揀咗坐吧枱，見到廚師喺我哋前面主送係一個賞心悅目嘅表演。頭盤我哋嗌左個蒜汁蕃茄醒醒胃，跟住就開始啦，前菜我哋食咗譏燒鮑魚，鮑魚爽嫩加埋佢舊鮑魚膏都燒得好香口，點埋佢特別配製嘅醬汁真係好正，跟住就有個芥末紫蘇章魚，呢個又係真係醒為菜，章魚好彈牙，加埋酸瓜真係有唔同嘅層次。另外我哋嗌左兩隻法國蠔，因為師傅已經加咗少少嘅醬汁，所以我覺得連檸檬都唔使加落去，發覺好清甜，而且好creamy，好飽滿。另外嗌咗個白粟米清清個口先，呢個日本白粟米應該係超甜粟米，又多汁。小食方面我哋就嗌咗酥炸雞心，雞心揸得唔油膩，而且好爽嫩，之後我哋解咗個章魚大阪燒，材料十分之多，將好多樣材料撈埋一齊，煎得十分香脆，配埋沙律醬，木魚同紫菜食真係有唔同嘅味道。最後，我哋都係覺得冇飯落肚唔滿足，所以嗌咗個松業蟹海膽炒飯，師傅將啲飯吵到粒粒分明，仲要爽口彈牙，撈埋蟹肉加海膽，簡直錦上添花。

唔係太肚餓就搵左間可以食下小食呀店子唔大得幾張檯(都有BAR 位既)所以最好BOOK左位先呀點左~白粟米呢個比較特別呀未見過就試下比平時食開既清甜口感就差不多呀~避風頭茄子好香口呀每一啖茄子連埋辣椒炸蒜一齊食好好好惹味呀~炒麵估唔到幾濃味呀比較多芽菜我就好鍾意呀唔食芽菜既朋友就爭DD呀~18歲(COCKTAIL)呢杯可能有士多啤梨味就有少少藥水感覺呀酒味無港女咁濃列~港女(COCKTAIL)可能係VODKA就好濃酒味呀底係有少少柚子飲之前搞云佢會好D呀好鍾意佢個著燈杯墊好特別同好有氣氛呀~豬肉御好燒呢個燒得好香唔會好干食落口感軟身得黎又唔會OVER左推介呀STAFF會比埋紫菜你落加埋落去好夾

見openrice評價唔錯，所以試下。但估唔到超級失望! 1.明太子奄列-味道偏甜，整體普通，份量大約1-2隻蛋份量。($98)2. A5和牛坑腩- 冇牛味，超薄切，完全失去口感，份量超級少!($168)3.忌廉蟹餅-炸皮太厚，份量極細，味道一般。($48)4.爆蒜炒飯-夠蒜香味，都幾好食，但只是1人份量(約1碗)。（$88）5. 凍蕃茄(前菜)(主動上的)-好食($28)(但可要求不要)我完全唔明點解openrice咁多好評在份量超小，味道普通，一間低CP值既餐廳! 失望!

今日同老公拍下拖行下街，經過銅鑼灣登龍街，見呢間居酒屋幾多人排隊，一於去試下先，真係無排錯隊.....推介下先💥Hungry Monkey💥有師傅即做鐵板燒嘅Bar枱，旁邊亦有2人4人枱，燈光及裝潢都好有酒吧及居酒屋嘅風格，好Relax!🍺叫左2杯酒精飲品札幌啤酒 梅干威士忌割水日本啤酒味道比較淡，無咁苦澀，幾啱女仔飲。梅干威士忌割水，用新鮮梅子加入威士忌，一啲都無辣喉嘅酒精味，飲落仲好甜，帶酒嘅微香及香甜，幾正架！🍾來4個佐酒小食先🍽梅水晶係雞同魚嘅軟骨漬物，帶濃濃嘅梅味，食落好爽口，酸酸咸咸的，好有日式風味。🍽芥末紫蘇章魚好開胃嘅前菜，芥末帶出章魚嘅鮮味，配上紫蘇葉嘅香氣，章魚又夠爽口彈牙，又一風味菜式！🍽炒日本青椒仔以香蒜輕輕炒過日本青椒仔，清甜不辣，以面頭嘅木魚絲一齊食，感覺清新健康。🍽魔鬼魚翅魔鬼魚翅，都係第1次食。以爐火輕燒過，夠曬香口，魚翅有𡁻頭，仲有好香嘅魚味𠻹！🦪法國聖馬田生蠔同朋友1人嘆1隻啱啱好。吃起來滿滿嘅海水味，加埋檸檬汁及面頭少許明太子，既鮮又蠔味十足！🥗比目魚邊沙律油脂豐厚的比目魚，輕輕炙過，入口即融，滿滿魚油香味，配搭埋沙律菜及油醋汁一齊食，清爽不膩。🦀