影片
更多
2021-08-26
59 瀏覽
每次經過登龍街，都被Hungry Monkey門口的猴子logo所吸引，見網上評價不俗，呢晚就約咗朋友過來試下！Hungry Monkey主打日式鐵板燒，所以好多菜式都係由師傅鐵板燒即時炮製，價錢定價貼地，同時係居酒屋格局，氣氛熱鬧，有別傳統teppanyaki餐廳般拘謹，特別適合三五知己放工後邊聊天邊小酌幾杯。餐廳除咗供應梅酒，紅白酒，吟釀，啤酒，威士忌外，亦有多款加入純米吟釀嘅特色Cocktail。我鍾意飲梅酒，難得呢度嘅梅酒有十年熟成，就點咗一杯。番茄沙律（$28)店員先送上是日沙律，番茄沙律酸甜開胃，呢排天氣炎熱，呢個頭盤夠清涼消暑！燒鱈魚乾($58)居酒屋常見嘅小食，特別在呢度即點即燒，上桌時仲係熱辣辣。即燒嘅鱈魚乾味道確係與別不同，口感特別香脆，蘸上蛋黃醬汁，我哋好快就極速清碟！三文魚南蠻漬($68)居酒屋比較少見到有，點咗一客試下。三文魚炸後浸在醋汁裡醃漬，肉質嫩滑，食落酸酸地好開胃，配酒特別夾！A5和牛脂炒飯(138)平時食teppanyaki我最期待就係炒飯環節，因為鐵板燒炒嘅飯特別有鑊氣，而且粒粒分明，好乾身。呢度用上A5和牛牛脂去炒，令飯粒吸收油脂香，不過因為無咩
Hungry Monkey主打日式鐵板燒，所以好多菜式都係由師傅鐵板燒即時炮製，價錢定價貼地，同時係居酒屋格局，氣氛熱鬧，有別傳統teppanyaki餐廳般拘謹，特別適合三五知己放工後邊聊天邊小酌幾杯。
餐廳除咗供應梅酒，紅白酒，吟釀，啤酒，威士忌外，亦有多款加入純米吟釀嘅特色Cocktail。我鍾意飲梅酒，難得呢度嘅梅酒有十年熟成，就點咗一杯。
番茄沙律（$28)
店員先送上是日沙律，番茄沙律酸甜開胃，呢排天氣炎熱，呢個頭盤夠清涼消暑！
燒鱈魚乾($58)
居酒屋常見嘅小食，特別在呢度即點即燒，上桌時仲係熱辣辣。即燒嘅鱈魚乾味道確係與別不同，口感特別香脆，蘸上蛋黃醬汁，我哋好快就極速清碟！
三文魚南蠻漬($68)
居酒屋比較少見到有，點咗一客試下。三文魚炸後浸在醋汁裡醃漬，肉質嫩滑，食落酸酸地好開胃，配酒特別夾！
A5和牛脂炒飯(138)
平時食teppanyaki我最期待就係炒飯環節，因為鐵板燒炒嘅飯特別有鑊氣，而且粒粒分明，好乾身。呢度用上A5和牛牛脂去炒，令飯粒吸收油脂香，不過因為無咩餸，食落會比較單寡。
安格斯牛扒
份量都幾多，而且好細心咁切開一件件，非常方便。牛扒肉味香濃，肉質軟腍juicy，身為牛魔王，好滿足！
張貼
